Dýrin í ráðhúsinu - pólitísk ábyrgð

Dómur féll í eineltismáli þar sem gerandinn er handvalinn af vinstrimeirihlutanum. Í dómnum segir m.a.

Um þá skilyrðislausu hlýðni sem skrifstofustjórinn virðist ætla af stefnanda verður sagt það eitt að þrátt fyrir stjórnunarrétt annars og hlýðniskyldu hins eru undirmenn ekki dýr í hringleikahúsi yfirmanna sinna.

Lítið fer fyrir pólitískri ábyrgð vinstrimeirihlutans. Uppskriftin að viðbrögðunum, eða öllu heldur viðbragðaleysi, vinstrimeirihlutans er í alkunnri dæmisögu George Orwell um pólitíska menningu sósíalista.

Í Dýrabæ segir einfaldlega: öll dýrin eru jöfn, en sum dýr jafnari en önnur. 

„Ekki dýr í hringleikahúsi“

Íran er trúarríki, líkt og Norður-Kórea

Íran stjórna múslímaklerkar í umboði allah. Norður-Kóreu stjórna kommúnistar með umboð frá sögulegri nauðhyggju. Í báðum tilvikum eru stjórnendur herskáir og hóta öllu illu verði ekki gengið að kröfum þeirra.

Íran og Norður-Kórea náðu nokkrum árangri gagnvart vestrænum ríkjum, sem ekki eru með umboð frá öðrum en almenningi.t

Trump breytti leikreglunum.

Forsetarnir hóta hvor öðrum

Vinstraeinelti í höfuðborginni

Samfylking, Píratar og Vinstri grænir, ásamt Besta flokknum/Viðreisn, eru ábyrg fyrir vinnustaðamenningu ráðhússins í Reykjavík eftir hrun. Þar virðist grassera eineltismenning á háu stigi.

Vinnustaðamenning er fall af hugmyndafræði og siðum æðstu stjórnenda. 

Eineltismenning í ráðhúsinu verður ekki upprætt nema æðstu stjórnendur horfist í augu við fordóma sína,  sem eru jú forsenda eineltisins.

Ef að líkum lætur munu vinstriflokkarnir ekki horfast í augu við fordómana. Það er skilgreining á pólitískum rétttrúnaði að afneita veruleikanum.

Eineltismenning jafnvel ríkt lengi

Valdakoss Pútín og Trump: vinátta og pólitík í síðkristni

Pútín og Trump eru sýndir kyssast af ástríðu í stílfærðri ljósmynd. Í Guardian er myndin sögð hómófóbísk. Tilgangur stílfærslunnar er háðskur. Meira býr þó undir.

Vinátta og erótík milli karla voru á dögum Hómers og framan af menningu Forn-Grikkja ekki aðskilin, segir M. I. Finley í sígildri greiningu. 

Gistivinátta var æðsta form vináttu í þann tíð. Á eftir mægðum var gistivinátta algengasta aðferð fyrirmanna að tryggja sér hagfellt bandalag.

Trump tekur á sig verulega ágjöf heima fyrir vegna sambandsins við Pútín. Ekki eru heldur allir í valdakjarnanum í kringum forseta Rússlands sem telja Trump áhættunnar virði. En báðir forsetarnir eru einbeittir, a.m.k. enn sem komið er, að verða gistivinir. 

 

Pútín boðið til Bandaríkjanna

Ríkisstjórnin styrkist, einkum Vinstri grænir

Mest mæddi á ráðherrum Vinstri grænna í ljósmæðradeilunni. Þær Katrín Jakobsdóttir og Svandís Svavarsdóttir stóðu af sér almannatengslahrekki ljósmæðra og fjölmiðlatið, sem gekk út á að hér væri langsoltin kvennastétt að biðja um ,,launaleiðréttingu."

Yfirvegun og staðfesta Katrínar og Svandísar sýnir að Vinstri grænir eru ljósárum á undan samkeppnisflokknum, Samfylkingunni, í félagslegum og pólitískum þroska. Í Samfylkingunni kýla menn vömbina og dilla afturendanum í þykjustumótmælum á meðan ráðherrar Vinstri grænna standa vaktina á þjóðarskútunni.

Bjarni Benediktsson fjármálaráðherra staðfesti sig sem mann stöðugleika og málefnalegrar yfirvegunar.

Ríkisstjórnin í heild fékk stóraukna pólitíska þyngd í ljósmæðradeilunni. Í hönd fer vetur kjaradeilna sem mun reyna á þrótt og þrek ríkisstjórnarflokkanna. Þeir eru góðu heilli vel nestaðir í þann leiðangur.

Verðandi mæður geti andað léttar

Krónan hornsteinn velmegunar

Ríkissjóður fær jákvætt lánshæfismat. Enn og aftur fær krónan staðfestingu alþjóðlegra matsfyrirtækja. Hrun fjármálakerfisins fyrir tíu árum notuðu óprúttnir pólitískir aðilar, les: Samfylkingin, til að formæla krónunni.

Við komumst aldrei úr kreppu og gjaldeyrishöftum með krónuna sem gjaldmiðil, var viðkvæðið.

Reynslan afhjúpar loddaraskap Samfylkingar, og síðar Viðreisnar. Það var einmitt vegna krónunnar sem við unnum okkur hratt og vel úr kreppunni.

Moody's metur horfur nú jákvæðar

Píratar og Helga Vala: við ein höfum rétt að mótmæla

Forseta danska þingsins var boðið til fullveldishátíðar á Íslandi. Þingflokkur Pírata og Helga Vala þingmaður Samfylkingar ákveða að mótmæla komu þingforsetans.

Mótmælin mæltust illa fyrir - þeim var mótmælt.

Nú stíga Píratar og Helga Vala fram og segjast ein hafa rétt til að mótmæla; það má ekki mótmæla þeim sjálfum.

Afstaða Pírata og Helgu Völu byggir annað tveggja á hroka eða heimsku.

Vitanlega er það svo að mótmælum má mæla í mót. Tjáningarfrelsið er allra, ekki aðeins fyrir sjálfumglaða hrokagikki. 

Ósátt við yfirlýsingu Steingríms

Baksvipur Helgu Völu tákn kreppu Samfylkingar

Samfylkingin veit ekki hvað er að gerast í innflytjandastefnu krataflokka í Evrópu. segir Pia Kjærsgaard í viðtali við RÚV. Í Evrópu er gamaldags fjölmenningarstefna á undanhaldi.

Reynslan sýnir að opingáttarstefna í innflytjendamálum veit á samfélagslega upplausn.

Hér heima elur Samfylkingin á gamaldags Danahatri til að réttlæta úrelta stefnu í innflytjendamálum. Baksvipur Helgu Völu er myndræn framsetning á kreppu Samfylkingar. 

Brá sér einnig frá í kvöldverðinum

Ljósmæður, happadrætti og rússnesk rúlletta

Ljósmæðrum tókst hvorki að sannfæra aðrar opinberar stéttir né almenna vinnumarkaðinn um að þær ættu að fá 18 prósent launahækkun en allir aðrir tíu prósent.

Ef ljósmæður fá kröfum sinum framgengt koma aðrar stéttir í humátt á eftir og krefjast sömu hækkunar launa.

Afleiðingin verður verðbólga sem bæði étur upp launahækkun og skapa efnahagslegan óstöðugleika.

Ef gerðadómur er happadrætti eru verðbólgusamningar rússnesk rúlletta.

Gerðardómur eins og happadrættismiði

Villta vinstrið gerir Danmörku að óvini

Helga Vala og Píratar, villta vinstrið, gerðu atlögu að vináttu Dana og Íslendinga með því að móðga fulltrúa dönsku þjóðarinnar á fullveldishátíð Íslands. Pia Kjærsgaard forset danska þjóðþingsins kom hingað sem opinber fulltrúi dönsku þjóðarinnar.

Með því að Helga Vala og Píratar settu á svið mótmæli gegn Kjærsgaard var blásið i glæður Danahaturs sem flestir töldu kulnað fortíðargóss.

Danahatur er gamaldags afdalamennska fólks sem kann sig ekki, skilur hvorki samtíðina né söguna. Helga Vala og Píratar gera Íslendingum skömm til og vanvirða alþingi.

Gagnrýnin „fáránleg og til skammar“