Katrín, breytt stjórnmál og þanþol samfélaga

Heimsókn Piu Kjærsgaard til Íslands varpar ljósi á breytt stjórnmál í Evrópu, segir Katrín Jakobsdóttir forsætisráðherra á RÚV.

Breytingarnar sem Katrín vísar til er að opingáttarstefna síðustu ára í Evrópu gagnvart innflutningi fólks frá framandi menningarheimum er liðin undir lok. Með endalokum opingáttarstefnunni hverfur einnig hugmyndin um fjölmenningarsamfélag.

Reynsla Vestur-Evrópu er að fjölmenningarstefna veldur gettóvæðingu samfélaga þar sem menningarkimar segja sig frá siðum og háttum samfélagsins. gott ef ekki lögum líka.

Samfélög þola ekki til lengdar að stórir hópar fólks búi sér til ríki í ríkinu. Það veit í einn stað á lögleysu og í annan stað á öfgar. 

Vestur-Evrópa tekur upp harðari innflytjendastefnu vegna slæmrar reynslu. Fjölmenningarsinnar á Íslandi eru ekki búnir að kveikja á perunni. Heimsókn Piu Kjæarsgaard leiddi það í ljós.


mbl.is Pia í ritdeilum um hátíðarþingfundinn
Tilkynna um óviðeigandi tengingu við frétt

WOW hrynur á undan Icelandair

Hagkerfið er að kólna eftir stöðugan vöxt síðustu ár. Ferðaþjónustan nýtur ekki kengur árlegs vaxtar upp á tugi prósenta. Minni vöxtur, hækkandi olíuverð og vaxandi launakostnaður bítur í rekstrartölur flugfélaganna.

Flugfargjöld hækka um 23 prósent í vísitölumælingu sem veit á minni eftirspurn næstu mánaða. Hlutabréf í Icelandair hafa fallið um 40 prósent á árinu. WOW er ekki skráð á hlutabréfamarkaði.

Samanburður Morgunblaðsins á lykiltölum í rekstri WOW og Icelandair sýna svart á hvítu að fyrrnefnda félagið er á leið í ókyrrð á meðan Icelandair nýtur þess að vera í fjölþættari rekstri og eiga dýpri vasa. Best að spenna beltin.


mbl.is Afkoma flugfélaganna afar misjöfn
Tilkynna um óviðeigandi tengingu við frétt

Skemmtikommúnismi

Á 19. öld var kommúnismi hugsjón um réttlátt samfélag. Á 20. öld var hugmyndafræðinni hrint í framkvæmd; hún virkaði ekki. Eftir að tilraunin með sósíalisma með mennskri ásjónu í Tékkóslóvakíu var barin niður með sovéskum skriðdrekum 1968 trúði enginn óbrjálaður á sósíalísku uppskriftina að samfélagi. 20 árum síðar féll Berlínarmúrinn og kommúnisminn fór á öskuhauga sögunnar.

En nú róta einhverjir í ruslinu og þykjast finna nýtilega hluti. Í endurvinnslunni verður til skemmtikommúnismi, sem er til umræðu í bresku pressunni og finnur einnig leið í þá íslensku.

Skemmtikommúnismi gengur út á að læra ekkert af sögunni en vopnast stórum orðum til að merkja óvininn, raunverulegan eða ímyndaðan. Eins og kommúnismi gamla skólans var ávallt með andstæðingana á hreinu, auðvaldið og meðhlaupara þess, vita skemmtikommúnistar allt um andskota sína, og meira til, en hvorugir hvað á að koma í staðinn, eftir byltinguna.

Lítil saga um vanda kommúnista, bæði sígildra og skemmtiútgáfunnar, er í æviminningum Victor Serge. Hann er ungur maður af rússnesku foreldri, önnur kynslóð byltingarmanna um aldamótin 1900. Serge er nýfarinn að heiman að vinna sósíalískri byltingu brautargengi í Lille á Flandri. Vinnudagurinn er langur og hann les sér til í fræðunum á kvöldin í kytru þar sem rúmstæðin eru aðskilin með þunnu lérefti.

Par var með rúmstæði handan léreftsins. Þau dýrkuðu hvort annað. Hann barði hana fyrir samfarir. Ég heyrði hana snökta ,,lemdu mig aftur, aftur." Ég áttaði mig á vanhaldi fræðanna sem ég hafði lesið um verkakonur. Mun það taka aldir að breyta heiminum og mannfólkinu? Hvert okkar á þó aðeins eitt líf.

Skemmtikommúnisminn er leikfang unglinga og bernskra fullorðinna sem ætla að breyta heiminum án þess að skilja hann. Afleiðingin verður óhjákvæmilega hörmung fyrir annað tveggja; þau sjálf eða okkur hin.

 


Brynjar Níelsson býður í samkvæmisleik

Gáfaða fólkið er misgáfað. Þeir allra gáfuðustu eru gjarnan rithöfundar eða álitsgjafar nema hvorttveggja sé og flestir fæddir kringum 1960. Svo hefur Háskóli Íslands tekið að sér að fóstra nokkra sérstaklega gáfaða menn. En einhverra hluta vegna hefur gáfaða fólkið iðulega rangt fyrir sér þegar rýnt er í söguna. Kannski er að ekki eins gáfað og við höldum.

Ofanritað er frá Brynjari Níelssyni sem býður upp á þann samkvæmisleik að geta sér til um við hverja er átt.

Illugi Jökulsson, Egill Helgason, Gunnar Smári Egilsson, Hallgrímur Helgason og Karl Th. Birgisson eru allir fæddir í kringum 1960. Háskóli Íslends ber þó ekki ábyrgð á menntun þeirra.

 


Jónas frá Hriflu, femínismi og pólitík í kennslustofum

Í Samvinnuskóla Jónasar frá Hriflu var kennd saga samvinnuhreyfingarinnar. Í samhengi hlutanna þótti þetta eðlilegt á sínum tíma. Samvinnuskólinn var stofnaður á grunni pólitískrar hreyfingar er sá fyrir sér samfélag byggt á tilteknum hugsjónum.

Félagasamtök eru í fullum rétt að stofna til námskeiða og skóla að breiða út boðskap sinn, það er hluti af lýðræðislegu samfélagi.

Opinberir framhaldsskólar eru á hinn bóginn allt annað mál. Þar geta stjórnmálasamtök eða hugsjónafólk ekki gert kröfu um að tiltekin útgáfa af tilverunni sé kennd sérstaklega.

Kynjafræði er femínismi sem er pólitík. Kynjafræði er pólitískur áróður sem ekkert hefur með sígildan skilning á fræðum og vísindum að gera.   

Grein Davíðs Snæs Jónssonar sem varar við að kynjafræði verði skyldugrein í framhaldsskólum er yfirveguð og málefnaleg. Að hún skuli vera tilefni til brottreksturs úr stjórn Sambands íslenskra framhaldsskólanema gefur til kynna að rétttrúnaður gangi framar virðingu fyrir mannréttindum.

Óþol fyrir frjálsum skoðanaskiptum er einmitt einkenni kynjafræðslu. Þar tröllríða húsum hugtök eins og ,,drengjaorðræða" sem er pólitískur tilbúningur líkt og marxíska hugtakið ,,stéttaóvinir". Í marxisma gildir að hafa óvini sína á hreinu, sama gildir um kynjafræðslu.

Einu sinni voru þau mistök gerð, þó ekki á Íslandi, að marxismi varð skyldufag í skólum. Endurtökum ekki þau mistök með kynjafræðum.

 


mbl.is Formaður SÍF rekinn úr stjórn
Tilkynna um óviðeigandi tengingu við frétt

Lýðflokkar, Ísland og menningarstríðið

Lýðflokkar eru þeir flokkar kallaðir sem neyta færis þegar hefðbundnir stjórnmálaflokkar missa taktinn við stóra kjósendahópa. Björn Bjarnason greinir uppgang lýðflokka í Svíþjóð og á Íslandi, sem hann kallar raunar uppnámsflokka.

Trump, Pia vinkona okkar Kjærsgaard, AfD í Þýskalandi, Þjóðfylkingin í Frakklandi eru allt dæmi um framgang stjórnmála er kenna má við lýðflokka eða uppnám.

Íslenska útgáfan af lýðflokkum, t.d. Besti flokkurinn og Píratar, er annars eðlis. Velgengni beggja flokka ræðst af einum atburði, fjármálahruninu, en ekki straumhvörfum í pólitískri menningu. Það var reynt að gera fjármálahrunið að samfélagshruni, sbr. kröfu um nýja stjórnarskrá og ESB-aðild, en það mistókst. Innistæða var ekki til fyrir slíku brambolti, eins og kosningarnar 2013 leiddu í ljós þegar vinstriuppnámsflokkar fengu að kenna á vilja þjóðarinnar - urðu fyrir mesta tapi stjórnarflokka í pólitískri sögu Vestur-Evrópu.

Í Bandaríkjunum og Vestur-Evrópu ríkir menningarstríð. Ráðandi pólitísk menning síðustu áratuga, sem kenna má við félagslegt frjálslyndi, á undir högg að sækja gagnvart lýðflokkum sem sækja fylgi til kjósendahópa er urðu útundan; töpuðu fyrri stöðu í samfélaginu. Lýðhyggjan beinist gegn yfirþjóðlegu valdi, frjálsum fólksflutningum og stórfyrirtækjum sem leggja samfélög í rúst í nafni frjálsra viðskipta.

Hér á Íslandi eru engar slíkar aðstæður. Menn verða kjánalegir þegar þeir flytja inn erlent menningarstríð og heimfæra upp á Ísland. Eins og Halldór Jónsson gerir snyrtilega grein fyrir þegar plokkar í sundur eina slíka tilraun

Ástæðan fyrir óverulegum framgangi lýðflokka á Íslandi er að við fórum ekki jafn geyst fram í félagslega frjálslyndinu og nágrannaríki okkar í austri og vestri. 

 


Kappar, dramb og dauði

Í Svínfellingasögu segir frá bræðrunum Sæmundi og Guðmundi. Þeir voru synir goðorðsmanns, ungir að árum í upphafi sögu. Guðmundur var í fóstri hjá Ögmundi Helgasyni stórbónda og klausturhaldara í Síðu á Kirkjubæ, en Ögmundur var kvæntur föðursystir þeirra bræðra.

Sæmundur er sagður ,,ofsamaður mikill og óeirinn." Hann vex úr grasi og vill láta til sín taka. Sæmundur fékk bróður sinn Guðmund í lið með sér að troða illsakir við Ögmund fóstra sem var óáleitinn, auðugur og vinsæll. Bræðurnir náðu dómi á Ögmund á alþingi og hirtu af honum búsmala og heiður.

Ögmundur beið færis til hefnda. Eftir lát eiginkonunnar, föðursystur bræðranna, gerði hann þeim fyrirsát og handsamaði. Ögmundur lét fyrst höggva Sæmund, fáum harmadauði. Þegar kom að Guðmundi, sem var aðeins 18 ára og flestum hugþekkur, sagði unglingurinn: ,,Gott væri enn að lifa og vildi ég grið fóstri." 

Ögmundur brá litum, sagðist ekki þora lífgjöf. Á Guðmundi hvíldi hefndarskylda eftir bróðurinn. Ögmundi var nauðugur kostur að deyða fósturson sinn vildi hann sjálfur halda lífi. Ögmundur missti veraldlegar eigur sínar í eftirmálum og bjó kotbúskap síðustu ævidagana, en endurreistan heiður.  

Í Ódysseifskviðu segir frá örlögum annars manns ofsa og ójafnaðar. Í 11ta þætti heimsækir Ódysseifur Hadesarheim og finnur þar fyrir kappann Akkilles, sá er drap Hektor í umsátrinu um Trójuborg. Í bálför Patróklesar, ástvinar Akkillesar, var tólf tróverskum unglingspiltum fórnað til að heiðra minningu hetjunnar. Ódysseifur spyr Hektorsbana um tilveruna í helheimum. Svar Akkillesar er að hann vildi heldur vera aumasti þræll harðúðugs húsbónda í mannheimum en konungur í dauðaheimi.

Lífið er stutt, dramb bætir það ekki - en styttir oft.

 


Bretar hafna EES - Ísland hjálenda

Almenn samstaða er í Bretlandi um að ekki komi til greina eftir úrsögn úr Evrópusambandinu, Brexit, að gangast undir stöðu hjálendu sambandsins með aðild að EES-samningnum.

En Ísland, Noregur og Liechtenstein byggja samskipti sín við ESB á EES-samningnum.

Hjálendustaða Íslands gagnvart Evrópusambandinu verður að breyta. Á aldarafmæli fullveldisins er full ástæða til að undirbúa fríverslunarsamning við Evrópusambandið er leysti af hólmi EES-samninginn.


mbl.is Skoðar fríverslunarsamning við ESB
Tilkynna um óviðeigandi tengingu við frétt

88% stuðningur við Trump

Trump Bandaríkjaforseti er með 88% stuðning flokksmanna Repúblíkanaflokksins, samkvæmt könnun Wall Street Journal. Aðeins Bush yngri forseti getur státað af viðlíka stuðningi flokksmanna í eftirmála árásarinnar á tvíturnana í New York 11. september 2001.

Vikan átti að vera Trump erfið vegna deilna um leiðtogafundinn við Pútín Rússlandsforseta og meint afskipti Rússa af forsetakosningunum 2016.

Meðal kjósenda almennt mjakast fylgi Trump upp á við, þótt hann skori lágt miðað við forvera sína í embætti í nútímasögu Bandaríkjanna.

Traust kjarnafylgi meðal flokksmanna er sterkasta vísbendingin um hvort flokkurinn tilnefnir sitjandi forseta til framboðs við næstu forsetakosningar, eftir tvö ár.


mbl.is Trump segir rannsóknina „svindl“
Tilkynna um óviðeigandi tengingu við frétt

Dauðapólitík og dauðarefsing

Múslímar dunda sér við að gera kristna höfðinu styttri og birta aðfarirnar á samfélagsmiðlum. Sömu múslímar leita á náðir vestrænna mannréttinda til að komast undan dauðarefsingu.

Vestrænt umburðarlyndi er besti vinur herskárra múslíma. Undir formerkjum umburðarlyndis krefjast þeir sérréttinda fyrir trúarsannfæringu sína samtímis sem þeir afsaka óhæfuverk með vísun í mismunun sem þeir verða að þola.

Það verður ekki sleppt og haldið. Annað tveggja er múslímatrú aðlögunarhæf að vestrænum siðagildum eða að íslam sé forneskja sem verður að beita hörðu; með illu skal illt út reka.

Múslímar verða sjálfir að leysa úr mótsögninni. 


mbl.is Ekki reynt að koma í veg fyrir dauðadóma
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband