Siðir, samfélag og góða fólkið

Siðir halda samfélögum í heilu lagi. Án siða ríkir náttúrulegt ástand sem kallast siðleysi og er almennt ekki talið eftirsóknarvert.

Í viðtengdri frétt segir að íbúar smáríkisins Brúnei séu almennt ánægðir með harðar refsingar gagnvart athæfi sem íbúarnir telja siðlaust s.s. framhjáhald og samkynhneigð.

Góða fólkið á vesturlöndum á erfitt með að sætta sig við siðina í Brúnei. Góða fólkið í dag er í sömu stöðu og evrópskir trúboðar á 19. öld sem töldu sína siðmenningu öllum æðri og lögðu undir sig Afríku til að kenna innfæddum að haga sér. 

Nýlegri dæmi um hvernig hugmyndafræði góða fólksins bætir heiminn er innrás vesturlanda í Írak, afsetning Gadaffi í Líbýu og tilraunar að hrekja Assad úr forsetastól í Sýrlandi. Þegar valið stendur á milli harðstjóra annars vegar og hins vegar óaldar og bræðravíga velur góða fólkið ávallt seinni kostinn og réttlætir hann með hugsjónum. Í kalda stríðinu var þessi hugsjón orðuð svona: betra dauður en rauður.

Heimsmynd góða fólksins er í svarthvítu, samfélög eru ýmist góð eða vond. Heimsmyndin er uppskrift að varanlegu stríðsástandi á meðan ekki ríkir ein trú, einn siður og ein forysta yfir heimsbyggðinni.

Kjarninn í misskilningi góða fólksins er sá að það eru ekki samfélög sem eru góð eða vond, heldur einstaklingar. Samfélög verða til þegar fólk þarf að lifa saman, setja sér reglur. Og það er ekki til ein uppskrift að samfélagi. Góða fólkið er of sjálfhverft til að skilja þessi einföldu sannindi.

Að vera grýttur til bana

Hvítir kristnir í öfgalandi fjölmenningar

Vinstrimenn flytja inn í landið framandi fólk sem oft kann ekki að haga sér í vestrænu samfélagi; stundar kvennakúgun ef ekki beint ofbeldi.

Hvítir kristnir óttast um líf sitt, siði og eigur í öfgafjölmenningu vinstrimanna.

Skammbyssa verður möst, vélbyssa gefur aukið öryggi.

Öfgafjölmenningin lætur ekki að sér hæða.

Námskeiði úthýst af Grand

Tvær hægristefnur, tvær manngerðir, tveir flokkar

Hægristefna er til í tveim meginútgáfum. Aðra má kenna við raunsæi en hina við hugsjónir. Sú fyrri hverfist um gildi og stofnanir en hin seinni um háleit markmið.

Raunsæishægrið lítur á manninn og samfélagið sem afleiðingu af langtímaþróun sem ætti að fikta sem minnst í með pólitískri tilraunastarfsemi. Hugsjónahægrið er aftur tilbúið með sniðmát um hvernig hlutirnir eigi að vera. Hugsjónamenn eru ginnkeyptir fyrir stórum hugmyndum, þeir raunsæju spyrja hvað virkar.

Hvor stefnan um sig laðar til sín ólíkar manngerðir. Íhaldssemi og þjóðhyggja einkenna  raunsæisfólkið en frjálslynd alþjóðahyggja er áberandi meðal hugsjónaliðsins. Við eigum að breyta heiminum segja þeir sem eru á valdi hugmynda. Framkvæmdin eyðileggur iðulega fegurstu hugmyndir svara þeir sem eru með báða fætur á jörðinni. 

Sjálfstæðisflokkurinn var stofnaður 1929 af stórum íhaldsflokki og smáflokki frjálslyndra. Á seinni tímum færist móðurflokkurinn yfir væng hugsjóna á kostnað raunsæis. Miðflokkurinn er valkostur.

 

Ég trúi á vísindi - og er heimskari fyrir vikið

Vinstrimenn trúa margir á vísindi, einkum ef forliðnum loftslag er skeytt framan við. En trú og vísindi eru sitthvað, eins og Robert Tracinski rekur í snilldargrein.

Kjarni vísinda eru staðreyndir, sannanir, kenningar, tilgátur og tilraunir. Vinstrimenn láta sér næga kenningar og hafa gert allar götur frá Karli Marx. Afleiðingarnar eru skelfilegar.

Vinstrivísindamenn í loftslagsfræðum leita að rökum fyrir gefinni niðurstöðu, að jörðin hlýni af mannavöldum. Það eru ekki vísindi heldur samsæri gegn sannleiksleit í nafni trúarbragða.

Meiri líkur eru á að Norður-Atlantshaf sé að kólna en hlýna. En í Reykjavík sitja vinstrivísindamann á málstofu um ,,viðvörun úr norðri" - vegna hlýnunar.

Loftslagssvindlið sem gerir kalt hlýtt og svart hvítt dregur þann dilk á eftir sér að vísindin verða ómarktæk. Það er heldur leitt því vísindin eru góð til síns brúks. En þau eru ónýt sem trúarbrögð.

 

 

Í beinni: Viðvörun úr norðri

Aukið lánsfé hækkar íbúðaverð

Íbúðaverð hefur farið lækkandi síðustu misseri. Ef ríkið snögghækkar framboð af lánsfé til íbúðarkaupa leiðir það óhjákvæmilega til verðhækkana.

Fasteignamarkaðurinn ætti að fá tíma til að leita jafnvægis áður en ríkið fokkar upp málum sem betur fengju að þróast í friði.

Tillögur sem lagaðar eru fram núna taka mið af aðstæðum sem ekki eru lengur fyrir hendi.

Stundum þarf smávegis þolinmæði.

14 tillögur fyrir ungt fólk og tekjulága

Nató í hernaðarverktöku

Nató var stofnað til að verja Vestur-Evrópu gegn kommúnískri harðstjórn Sovétríkjanna. Eftir bræðravíg Frakka og Þjóðverja í tveim heimsstríðum þurfti alþjóðlega yfirstjórn til að koma skikki á málin. Nató og ESB þjónuðu þessu hlutverki.

Við fall Sovétríkjanna 1991 varð Nató tilgangslaust. Frakkar og Þjóðverjar virtust hafa lært þá lexíu að friður væri betri en ófriður og með veikt Rússland í austri var engin ástæða til að halda Nató gangandi.

En stofnanir eins og Nató deyja ekki drottni sínum fyrr en í fulla hnefana. Í samvinnu við Evrópusambandið, sem líkt og Nató er með höfuðstöðvar í Brussel, varð Nató verkfæri í ævintýramennsku Bandaríkjanna í miðausturlöndum og Afganistan annars vegar og hins vegar í Austur-Evrópu.

Ævintýrin bæði enduðu í tárum í Írak og Úkraínu. Þúsundum mannslífa var fórnað í valdaskaki sigurvegara kalda stríðsins.

Hernaðarverktaka Nató í þágu pólitískra markmiða gaf bandalaginu tilgang en gróf samtímis undan trúverðugleika þess. Friður og ófriður er sitthvað.

 

Minntust 70 ára afmælis NATÓ

Skúli, WOW II virkar ekki

Líkið af WOW er enn volgt, fyrrum starfsmenn fengu ekki kaup síðasta mánuðinn og selja af sér spjarirnar upp í matarreikninginn.

En Skúli Mogensen safnar fyrir WOW II.

Þetta er dautt mál, Skúli, þér er ekki treyst strax fyrir peningum og framfærslu annarra. Síðast fór illa og fólk gleymir ekki alveg svona hratt.

Hyggst endurvekja rekstur WOW air

Einum kennt, öðrum bent

Verðtryggingin kom í veg fyrir verðbólgusamninga. Ástæðan er sú að tugþúsundir íbúðarkaupendur tóku af frjálsum vilja verðtryggð lán, - þegar óverðtryggð buðust. Þar með lýstu íbúðarkaupendur trausti á efnahagsstjórnun landsins og tiltrú á aðila vinnumarkaðarins; að þeir myndu ekki gera innistæðulausa verðbólgusamninga.

Þegar verkalýðshreyfingin undirbjó kjaraviðræður byrjaði hún á því að mála skrattann á vegginn. Verkó setti af stað tröllasögur um að eðlilegt kaup þingmanna og ráðherra væru ofurlaun. Verkó talaði um auðsstétt í jafnlaunalandinu Íslandi, efndi til ,,hungurgöngu" stríðalinna aðgerðasinna í dýrum útivistarfatnaði og reyndi að flytja inn mótamælahreyfingu sem kennd er við gul vesti.

Núna þakkar einn talsmanna verkó, Vilhjálmur Birgisson, lýðskrumari af guðs náð, gjaldþroti WOW að samningar tókust. Eina sem gjaldþrotið gerði var að skera verkó úr snöru óraunveruleikans sem hún hafði sjálf brugðið um háls sér.

Vilhjálmur ætti að þakka fyrir að til er í landinu fólk sem ekki étur hráan heimskuvaðal verkalýðshreyfingarinnar.

Að því sögðu er gott hjá Villa og verkó að landa samningum sem virðast ekki eins vitlausir og að var stefnt.

„Ættu að biðja okkur afsökunar“

Evra og dollar veikjast, krónan styrkist

Krónuhagkerfið fékk stuðningsyfirlýsingu með kaupum erlends fjárfestingasjóðs í Icelandair. Í framhaldi styrkist krónan bæði gagnvart evru og dollar, um 1,5 og 2 prósent. Sem eru all nokkrar sveiflur á einum degi.

Með krónu, sjálfstæða peningastefnu og traust ríkisfjármál eru okkur allir vegir færir.

Eins lengi og Samfylkingu og Viðreisn er haldið utan landsstjórnarinnar erum við í góðum málum.

Icelandair hækkaði um 8%

Stétt með stétt, Sólveig Anna

Ísland er stéttlaust samfélag. Börn þeirra tekjulægstu eiga sömu tækifæri og afkvæmi tekjuhárra að gera það úr lífi sínu sem hugurinn stendur til. Allir njóta sama menntakerfis og heilbrigðisþjónustu.

Bæði lágtekjufólk og hátekjumenn geta klúðrað lífi sínu, líkt og sumir kjósa. Og kenna auðvitað öllum öðrum um en sjálfum sér; fjölskyldunni eða ríkinu. 

Þegar Sólveig Anna Eflingarformaður talar um sósíalisma og stéttabaráttu er hún út í móa með Gunnari Smára að fabúlera um hluti sem hvorugt veit neitt um. Fyrir skemmstu vildi Gunnar Smári að Íslandi yrði fylki í Noregi. Þar á undan var hann í þjónustu auðmanna, sem hann formælir núna.

Sólveig Anna ætti að skola af sér smáríska ruglið og horfa á hlutina eins og þeir eru.

 

Upphaf nýrrar bylgju stéttabaráttu