Hve margir flugvirkjar hætta eftir 1 til 4 ára starf?

Um 20 til 30 prósent þingmanna hætta eftir 1 til 4 ár á alþingi, samkvæmt reynslu síðustu kjörtímabila. Hversu margir flugvirkjar hætta störfum fyrstu 4 starfsárin? Líklega ekki margir.

Verkalýðshreyfingin getur ekki miðað sig við launakjör alþingismanna nema taka það með í reikninginn að störf þingmanna eru allt annars eðlis en venjuleg launavinna.

Ef flugvirkjar, og aðrir launamenn, stæðu frammi fyrir því að á 4 ára fresti hið minnsta yrðu þeir að standa frammi fyrir þjóðinni og biðja um framhaldsráðningu mætti kannski leggja að jöfnu störf launþega og þingmanna. En svo er ekki.

 

„Þeirra er ábyrgðin“

Píratar í hassvímu á borgaralaunum

Píratar sinna skjólstæðingum sínum vel. Þeir boða læknahass og borgaralaun enda þekkt að dópistar duga ekki vel til vinnu.

Næsta skref Pírata er að fá ríkið til að niðurgreiða tölvuleiki. Þar með væri búið að fylla út í þarfapíramída skjólstæðinganna.

Píratar ganga skipulega til verks í þágu þeirra sem lifa á öðrum. Þeir taka upp hanskann fyrir foreldra sem neita að bólusetja börnin sín í trausti þess að allir aðrir foreldrar bólusetji sín börn.

Vilja leyfa kannabis í lækningaskyni

Spyr Logi um Árna Pál?

Logi Einarsson vill vita hvað ríkustu Íslendingarnir eigi af peningum. Í leiðinni mætti hann spyrja um afkomu þeirra bestu tengdu, t.d. forvera sinn í embætti formanns Samfylkingar, Árna Pál Árnason.

Árni Páll var drjúgur í tekjuöflun síðast þegar hann var utan þings. Hann fékk m.a. 40 milljónir frá Íbúðalánasjóði. Í sumar gerði félagi hans í ESB-deildinni, Þorsteinn Víglundsson, Árna Pál að stjórnarformanni Tryggingastofnunar.

Upplýsingar um ríkidæmi Íslendinga eru áhugaverðar. En einnig er upplýsandi að vita hvernig fyrrum stjórnmálamenn maka krókinn.

Logi vill vita hvað þeir ríkustu eiga

Vinstrimenn skilja hvorki Trump né Pútín

Eftir lok kalda stríðsins virtist heimurinn tilbúinn fyrir alþjóðahyggju þar sem Bandaríkin og Evrópusambandið skyldu leiða heiminn á vit frjálslyndrar alþjóðahyggju. Stofnanir eins Sameinuðu þjóðirnar, Alþjóðabankinn og Alþjóða gjaldeyrissjóðurinn voru helstu verkfærin. Á bakvið stóð hernaðarmáttur Bandaríkjanna og Nató.

Tiltölulega breið pólitísk samstaða var um þessa þróun eftir hrun Sovétríkjanna 1990, náði bæði yfir vinstri og hægri væng stjórnmálanna í Vestur-Evrópu og Bandaríkjunum. Hugmyndafræðin gerði ráð fyrir að Austur-Evrópa yrði frelsuð af Evrópusambandinu en Rússland og gömlu sovétlýðveldin yrðu vettvangur Bandaríkjanna að smíða ný ríki eftir hrun kommúnismans.

 

Tveir atburðir atburðir um aldamótin settu strik í reikninginn. Pútín varð forseti Rússlands, tók við ónýtu ríki og einsetti sér að gera það sterkt að nýju án þess að verða hjálenda Bandaríkjanna.

Seinni atburðurinn var árásin á tvíburaturnana í New York 11. septmeber 2001. Árásin leiddi til þess að frjálslynda verkefninu var hrint í framkvæmt í miðausturlöndum áður en árangur náðist í Austur-Evrópu og Rússlandi. Innrás Bandaríkjanna í Írak 2003 var tilraun til að skapa vestrænt ríki á menningarsvæði múslíma. Tilraunin mistókst, Bandaríkin yfirgáfu Írak með skottið á milli lappanna fyrir 2010.

Úkraínudeilan, sem blossaði upp 2013, sýndi hve Bandaríkin/ESB voru veik í Austur-Evrópu annars vegar og hins vegar styrk Rússlands undir Pútín. Vestræna frjálslynda verkefnið í austri strandaði í Úkraínu.

Frjálslynda alþjóðaverkefnið gerði ráð fyrir að frjáls alþjóðaviðskipi yrði allra hagur, bæði almennings á vesturlöndum og fátækari ríkja í öðrum heimshlutum. Nú er almennt viðurkennt að það gekk ekki eftir. Nóbelshagfræðingurinn Joseph Stiglitz útskýrir framgang Trump til embættis forseta Bandaríkjanna með því að hann lofði að skila almenningi þar í landi störfum og lífskjörum sem töpuðust á öld frjálslyndis.

Bæði Trump og Pútín eru þjóðernissinnar í almennum skilningi þess orðs, vilja bæta hag sinna ríkja og gefa lítið fyrir frjálslynda alþjóðahyggju. Vinstrimenn margir hverjir eru fangar þessarar hugmyndafræði.

Trump og Pútín eru náttúrulegir bandamenn, sem líkt og einvaldskonungar fyrri tíðar ættu að geta leyst úr ágreiningi sín á milli. En fjölmiðlar, sem flestir eru setnir frjálslyndum vinstrimönnum, sjá samsæri í hverju horni. Fjölmiðlar glæpavæða eðlileg samskipti Rússlands og Bandaríkjanna, segir maður sem kann sitthvað um sögu stórveldanna, Stephen F. Cohen.

Vinstrimenn eins og Svandís Svavarsdóttir skilja hvorki Trump né Pútín og sögulegt baksvið þeirra. Sem betur fer er Svandís ráðherra heilbrigðis en ekki utanríkismála.

 

Trump ógnvekjandi ófyrirsjáanlegur

Vinstrimenn týndu þjóðmenningunni - og tapa kosningum

Þjóðmenning er undirstaða þjóðríkja. Engir ættu að vita það betur en Íslendingar. Við urðu fullvalda ríki fyrir einni öld vegna þess að hér bjó þjóð en ekki þegnar hjálendu Dana.

Á síðustu áratugum glata vinstrimenn þjóðmenningunni, bæði hér heima og í Evrópu. Endurreisn þjóðmenningar er á forsendum hægrimanna, kosningasigur þeirra í Austurríki er yngsta dæmið. Leiðandi jafnaðarmenn í Þýskalandi, t.d. Sigmar Gabriel formaður flokks þeirra, biðja um aukna umræðu um þjóðmenningu undir formerkjum ,,heimat" og ,,leitkultur."

Samfylkingin fór fram af bjargbrúninni þegar flokkurinn gerðist ESB-flokkur alþjóðasinna og tók óopinberlega upp slagorðið ,,ónýta Ísland."

Stofnað var til Samfylkingar um aldamótin og átti flokkurinn að verða samkeppnisfær við Sjálfstæðisflokkinn um forræði landsstjórnarinnar. En niðurstaðan varð að þjóðlegi vinstriflokkurinn, Vinstri grænir, skaut Samfylkinu ref fyrir rass. Vinstri grænir byggja á þjóðmenningarumræðu lýðveldisáranna. Forveri Samfylkingar, Alþýðuflokkur, var linur þar. Frammámenn í Alþýðuflokknum voru tregir til að stofna lýðveldi, vildu lúta áfram danskri forsjá. Aftur voru sósíalistar og alþýðubandalagsmenn sterkasta aflið í fullveldismálum. Úr þeim jarðvegi spruttu vinstri grænir.

Vinstri grænir, sem ætlað var að vera hjálpartæki Samfylkingar til valda, uxu valdaflokknum yfir höfð og sitja stjórnarráðið á meðan þeir sem týndu þjóðmenningunni sleikja ESB-sárin, áhrifalausir í stjórnarandstöðu.

Stjórnmálaflokkar sem glata þjóðmenningunni tapa kosningum.

Undrabarnið nýr kanslari Austurríkis

Vinstrisókn Samfylkingar, hægrisókn Miðflokksins

Samfylkingin ætlar að sækja að ríkisstjórninni frá vinstri en Miðflokkur Sigmundar Davíðs sækir að frá hægri.

Ríkisstjórnin verður næmari gagnvart þeim armi stjórnarandstöðunnar sem býður upp á sterkari málflutning.

Sigmundur Davíð er líklegri áhrifavaldur en Logi.

Hvar eru skattalækkanir?

Trump-Pútín falsfréttirnar

Í bandarískum fjölmiðlum er þeirri kenningu haldið á lofti að Pútín Rússlandsforseti hafi tryggt Trump forsetaembættið. Reglulega eru birtar falsfréttir sem eiga að renna stoðum undir þessa kenningu, núna síðast í CNN.

Kenningin gengur út á að Pútín hafi virkjað samfélagsmiðla til að flytja ósannar fréttir um Hillary Clinton, mótframbjóðanda Trump, og það hafi gert útslagið í kosningabaráttunni.

Stjórnarandstaðan í Bandaríkjunum, demókratar, hvetja fjölmiðla áfram í samsæriskenningunni, sem einnig fær stuðning frá kaldastríðshaukum úr flokki Repúblíkana.

Samsæriskenningin um úrslitaáhrif Pútín á forsetakosningarnar í Bandaríkjunum þjóna þannig sterkum hagsmunum, stæku Rússahatri kaldastríðsmanna og demókrötum. Það er eftirspurn eftir falsfréttum og fjölmiðlar sjá um framboðið.

Pútín: Andstæðingar Trumps skaða Bandaríkin með tilbúnum sögum

Ókurteisi í lýðræði - og lögregluríki

Ókurteisi, þar með talin gífuryrði um mann og annan, eru almennt ekki talin saknæm í lýðræðisríki. Í umræðunni dæma gífuryrði sig sjálf, segja mest um þann sem viðhefur þau.

En það er sem sagt komið nýtt hugtak til sögunnar, hatursorðræða. Hugtakið er innflutt, alveg eins og hugmyndin um galdra á 17. öld, og þegar það skýtur rótum verður að finna einhverja til að þola þjáningar sem réttlæta innflutninginn.

Haturslögreglan er sérstök deild sem dundar sér við að hnýsast í afkima umræðunnar, í bloggi og athugasemdakerfum, í leit að orðræðu sem kenna má við hatur.

Og nú hefur hæstiréttur dæmt tvo fyrir að hata homma. Sektin er hundrað þúsund kall, sem er lítilfjörlegt hatursfé, en málskostnaðurinn milljón á kjaft.

Í lögregluríkjum fyrr og síðar eru menn dæmdir fyrir niðrandi ummæli um valdhafa og það sem þeim er heilagt. En hvernig í veröldinni það gerist að ókurteisi verður að dómsmáli og sakfellingu í lýðveldinu Íslandi anno 2017 er óskiljanlegt. Hvar er fullorðna fólkið á alþingi og í dómskerfinu?

Sakfelldir fyrir hatursorðræðu

Dómsmorð og hugarfar dómara

Lagalegur skilningur á hugtakinu dómsmorð er að dómari hafi af yfirlögðu ráði fellt rangan dóm. Í almennri umræðu er hugtakið iðulega notað um ranga dóma - án þess endilega að gera því skóna að dómari hafi vitandi vits dæmt rangt.

Vörn Jóns Steinars í meiðyrðamáli dómara gegn honum, þar sem Jón Steinar notaði dómsmorð, er að hann hafi átt við ,,mengað hugarástand dómara."

Hængurinn á þessari vörn er sá að á hverjum tíma eru allir, dómarar meðtaldir, með ,,mengað hugarástand." Mengunin er venjulega kölluð aldarfar eða tíðarandi.

Réttarríkið byggir á þeirri hugsun að lög séu réttlát og að lögum sé fylgt fram málefnalega og hlutlægt. Það hvorki fyrirbyggir né hefur í för með sér að tíðarandinn leiki þar hlutverk.

Tjáningarfrelsið er hluti af réttarríkinu. Eins og segir í málsvörn Jóns Steinars heimilar tjáningarfrelsið ,,hvass­yrði, stór­yrði, ögr­un og ýkj­ur."

Milljón króna spurningin er þessi: sakaði Jón Steinar dómara um glæp, þ.e. dómsmorð í lagalegum skilningi, eða fór hann fram með ,,ögrunum og ýkjum." Til hliðar verður spurt hvort ríkari kröfur séu gerðar til Jóns Steinars, sem lögmanns og fyrrverandi hæstaréttardómara, en einhvers ólöglærðs Júlla Péturs út í bæ þegar metið er hvort ásökun um dómsmorð sé skens eða lögbrot.

 

 

Orðið „dómsmorð“ eigi sér langa hefð

Kennarar lýsa vantrausti á Ragnar Þór

Kosning varaformanns Kennarasambands Íslands er vantraust á formann KÍ, Ragnar Þór Pétursson. Afgerandi kjör Önnu Maríu Gunnarsdóttir til varaformennsku er svar kennara við umræðu um stöðu formannsins, en háværar kröfur eru um afsögn Ragnars Þórs.

Bandamaður Ragnars Þórs, Ásthildur Lóa Þórsdóttir, var eini frambjóðandinn sem lýsti yfir stuðningi við formanninn, sem kærður var fyrir kynferðisbrot á barni. Ásthildur Lóa lenti í öðru sæti.

Formaður og varaformaður taka við embættum í apríl á næsta ári.

Þýðir ekki að grenja yfir laununum