McCartyismi

Smári McCarthy þingmaður á alþingi Íslendinga reiknar sig inn í bandarísk stjórnmál og vill bæta slaka stöðu alþjóðasinna í Washington með fjárframlögum úr ríkissjóði Íslands í hít Sameinuðu þjóðanna.

Smári gat sér orð sem fréttaskýrandi um stjórnmál fyrir þingmennsku og er öllum hnútum kunnugur um siðvædda stjórnsýslu, eins og orðfærið staðfestir:

Hafið þið fylgst með þeim skrípaleik sem Alþingi er orðið? Það er með ólíkindum að hægt hafi verið að finna svona mikið af fólki sem getur talað viðstöðulaust með rassgatinu.

Einu sinni var maccartyismi bandarísk útflutningsafurð. Fræ barst hingað og varð að smára.

Vill laga „frekjukast forsetans“

Ofgnótt og öfgar haldast í hendur

Allir þurfa að borða. Margir borða of mikið en fáir of lítið. Tískusveiflur í mataræði kenna stundum að best sé að borða eingöngu kolvetni en núna á kjötið að ryðja öðrum matvælum af borðum. Grænmeti er annar lífstíll og svo er til kenningin um að svelta sig í þrjá daga en borða vel í tvo.

Frá miðöldum var mataræði Íslendinga þannig að mjólkurmatur hélt í okkur lífinu með eilitlu af kjöti og smávegis fiskmeti en kolvetni fengust með fjallagrösum og þara. Íslendingurinn var svangur alla daga, nema kannski á jólunum.

Ofgnóttin sem við búum við leyfir okkur taka þátt í matartískunni, kaupa jafnvel rándýr tæki til að elda rétt. En það er með matinn eins og annað að meðalhófið reynist iðulega best.

Kjöt, kjöt og bara kjöt

Carragher jarðar Mourinho

Ef Pep Guardiola stýrði Manchester United í stað José Mourinho yrði liðið meistari, segir Jamie Carragher sparkspekingur og fyrrum fyrirliði Liverpool.

Guardiola er stjórinn hjá Manchester City og er kominn með 15 stiga forskot á toppi deildarinnar þegar leiktíðin er hálfnuð.

Munurinn á Guardiola og Mourinho er að sá fyrrnefndi spilar sóknarbolta á meðan taktík Mourinho er að tapa ekki leikjum. Mourinhio böðlast til að vinna titla en Guardiola gerir það með fágun.

Leikstíll stjóranna endurspeglar persónuleika þeirra. Guardiola er hreinskiptinn og beinskeyttur en Mourinho potar fingri í augu andstæðingsins.

Mourinho sakar Klopp um hræsni