Björt framtíð tapar á bandalagi við Pírata

Björt framtíð tók skarpa vinstribeygju þegar flokkurinn féllst á ríkisstjórnarmyndun með Pírötum síðustu helgi. Áður reyndi Björt framtíð að vinna sér sess sem miðjuflokkur og er m.a. í meirihlutasamstarfi með Sjálfstæðisflokki í Hafnarfirði og Kópavogi.

Í könnun MMR er Björt framtíð fyrir neðan aðra miðjuflokka, Viðreisn og Framsóknarflokk. Í könnun Fréttablaðsins er Björt framtíð við að detta úr af þingi, með 5,1 prósent fylgi, og er ekki hálfdráttur á við Framsókn og Viðreisn.

Vinstribeygja Bjartrar framtíðar stefnir flokknum beint fram af hengifluginu.

Sjálfstæðisflokkurinn stærstur

Óheiðarleiki Pírata - smjörklípa RÚV

Píratar kynna sig sem ,,heiðarlega" og ,,gáfaða". Á fésbók þeirra segir:

2. Það er heiðarlegt fólk í Pírötum
Þetta er mikilvægasta ástæðan. Í Pírötum er fullt af heiðarlegu og gáfuðu fólki sem er hægt að treysta til að standa við loforð sín.

Gáfnafar og heiðarleiki Pírata er ekki meira svo að þeir skreyta sig með háskólagráðum sem engin innistæða er fyrir.

Píratar mynduðu ríkisstjórn um síðustu helgi í krafti þess að þeir eru með um 20 prósent fylgi. Þegar ríkisstjórnarflokkur verður ber að óheiðarleika, en þykjast samt heiðarlegastur af öllum og gáfaðastur (auðvitað), skyldi ætla að Ríkisútvarpið, RÚV, myndi fjalla um málið. 

En nei, RÚV má ekkert vera að því að fjalla um óheiðarleika Pírata. Þess í stað býður RÚV upp á sjóðandi heita frétt um að Dögun vilji þrjú ráðuneyti í næstu ríkisstjórn.

Dögun er með 1,5 prósent fylgi og mun ekki koma manni inn á alþingi. En þetta er samt fyrsta pólitíska frétt RÚV í einn og hálfan sólarhring á meðan þjóðin talar um óheiðarleika Pírata.

RÚV-fréttin um þrjú ráðuneyti Dögunar er smjörklípa af síðustu sort og kemur þó margt aumkunarvert frá Efstaleiti.

Menntunarsnauðir Píratar og þjálir Vinstri grænir

Erlendir vogunarsjóðir, kenndir við hrægamma, vonast eftir vinstristjórn Pírata og Vinstri grænna eftir kosningar á laugardag. Útlendu fjármagnseigendurnir vita af reynslu að ráðherrar Vinstri grænna kikna í hnjáliðunum fyrir framan útlendinga.

Steingrímur J. var eins og smjör í höndum útlendra fjárplógsmanna þegar hann var fjármálaráðherra vinstristjórnarinnar 2009-2013. Steingrímur J. féllst á allar kröfur Alþjóða gjaldeyrissjóðsins, hann vildi borga Icesave og jafnframt gaf hann án skilyrða útlendingum tvo banka, Íslandsbanka og Arion.

Ráðherrar Pírata eru svo litlir bógar að þeir skreyta sig með lærdómsgráðum sem þeir hafa ekki unnið til. Einstaklingar sem rísa ekki undir eigin nafni eru vitanlega ekki líklegir til að standa á hagsmunum þjóðarinnar í samskiptum við útlenda hrægamma. 

„Óþægileg afstaða“

Sjálfstæðisflokkurinn eða vinstristjórn Pírata

Æ fleiri kjósendur átta sig á að valkostirnir á laugardag eru aðeins tveir. Annað hvort kýs fólk Sjálfstæðisflokkinn eða vinstrabandalag Pírata, sem myndaði ríkisstjórn á lokuðum fundi síðustu helgi.

Sterkur Sjálfstæðisflokkur er eina vonin um pólitískan stöðugleika og stjórnhæfan meirihluta á alþingi. Vinstrabandalag Pírata snýst um völd en ekki málefni. Enginn veit hvað vinstristjórn Pírata mun standa fyrir. Forystumenn vinstriflokkanna gefa ekki upp hvernig þeir ætla að stjórna landinu fái þeir umboð til þess.

Valið á laugardag stendur á milli stöðugleika eða óreiðu; um það hvort Ísland fái ríkisstjórn sem getur leitt fram málamiðlanir í þágu almennings eða hvort hér ríki viðvarandi upplausnarástand.

Sjálfstæðisflokkur með 25,1%

Kjósendur Pírata fyllast skelfingu: menntafyrirlitning frambjóðenda

Píratar skreyta sig með háskólagráðum sem þeir hafa ekki unnið til. Jón Þór segist stjórnmálafræðingur og Smári að hann sé stærðfræðingur. Núna kemur Ásta Guðrún og segir ,,alvöru" stærðfræði eiga að koma í stað hagfræði.

Enginn veit hvað Ásta Guðrún á við, og sennilega ekki hún sjálf. En þetta er fólkið sem ætlar sér að stjórna landinu eftir kosningar. Tveir ljúga upp á sig prófgráðum og einn talar um fræðigreinar eins og þær séu kukl. 

Kjósendur Pírata, þeir sem hafa greitt þeim atkvæði á utankjörstað, fyllast skelfingu yfir óheiðarleika frambjóðenda Pírata.

Prófgráður frá háskólum eru staðfesting á vísindalegri og fræðilegri vinnu. Sá sem lýgur upp á sig háskólagráðu er þegar búinn að gefa yfirlýsingu um að hann sé falskur. Og falskur einstaklingur mun aldrei, aldrei verða trúr almannahagsmunum. 

Segir hagfræðingum að stunda alvöru stærðfræði

Heimsmet vinstriflokkanna: umboðslausir fyrir OG eftir kosningar

Fáum við borgaralaun Pírata, ESB-stefnu Samfylkingar, fjallagrasastefnu Vinstri grænna eða opin landamæri Bjartar framtíðar? Engin veit út á hvað stjórnarsáttmáli vinstriflokkana gengur en samt eru þeir búnir að mynda ríkisstjórn fyrir kosningar.

Hvergi á byggðu bóli dytti kosningabandalagi margra flokka að bjóða fram ríkisstjórn án málefna. Þetta þýðir að vinstrabandalagið er umboðslaust bæði fyrir og eftir kosningar. Enginn veit nema þröng klíka í hverjum flokki hvaða málefni viðkomandi flokks eru ógild fyrir kosningar og ekki einu sinni flokksforystan veit út á hvað ríkisstjórnarsamstarfið á að ganga.

Það er heimsmet að nýmynduð ríkisstjórn sé bæði umboðslaus fyrir og eftir kosningar.

Enginn sáttmáli fyrir kosningar

RÚV þegir um vonir hrægamma, tekur öfugt Icesave

RÚV sagði ekki orð í hádegisfréttum um vonir erlendra hrægammasjóða að Píratar og hinir vinstriflokkarnir komist í ríkisstjórn eftir kosningar á laugardag. RÚV var nógu duglegt í Icesave-umræðunni á sínum tíma að segja frá kröfum vogunarsjóða; að Ísland yrði Kúba norðursins ef ekki yrði gengið að kröfum þeirra.

Þegar Icesave-umræðan stóð var verkefni RÚV að halda vinstristjórninni við völd. Núna er verkefnið að koma að nýrri vinstristjórn og þá skal tekið öfugt Icesave - og umræðan þögguð.

Eftirfarandi blasir við: erlendir vogunarsjóðir, kenndir við hrægamma, óska sér að Píratar og vinstriflokkarnir yfirtaki völdin í stjórnarráðinu eftir helgi. Útlendingarnir vita af reynslu að vinstristjórn í Reykjavík veit á uppgrip úr ríkissjóði Íslands. Og RÚV þegir í takt við hagsmuni huldustjórnarinnar.

Erlendir krónueigendur bíða eftir kosningum

Hrægammasjóðir vonast eftir vinstristjórn

Finacial Times segir að hrægammasjóðir vonist eftir sigri Pírata og vinstriflokka á Íslandi til að auðveldara verði að sækja fjármuni í eigu íslenska ríkisins. Styrmir Gunnarsson ritstjóri vekur athygli á frétt FT.

Hrægammasjóðirnir voru ánægðir með síðustu vinstristjórn. Steingrímur J. Sigfússon gaf þeim tvo banka, Íslandsbanka og Arion, og var eftirgefanlegur í smáu sem stóru.

Ríkisstjórn Sjálfstæðisflokks og Framsóknarflokks stóð með íslenskum hagsmunum gegn hrægammasjóðum, sem vonast eftir vinstristjórn á laugardaginn kemur.

Smári pírati og stærðfræði borgaralauna

Píratar vilja að allir fái borgaralaun, þ.e. fái laun frá ríkinu bara fyrir það að draga andann. Fjármálaráðherra segir hugmyndina ávísun á gjaldþrot ríkisins. Nú er komið í ljós að Smári McCarty pírati kann ,,skapandi" stærðfræði til að láta hugmyndina ganga upp.

Smári skráði sig í stærðfræði í Háskóla Íslands. Strax á fyrstu önn kunni hann svo mikið í reikningi að hann bjó til píratíska stærðfræði sem hann seldi samnemendum sínum. Háskólakennarar í greininni urðu að vinda ofan af vitleysunni í Smára.

Smári fær ráðherraembætti í huldustjórn Pírata og annarra vinstriflokka ef kjósendur veita umboð sitt á laugardag. Með skapandi stærðfræði er hægt að keyra ríkissjóð í gjaldþrot en láta bullandi hagnað koma fram á pappírunum. Smári stærðfræðingur hefur sýnt að hann kunni til verka.

Fingur Birgittu forsætisráðherra

Líklegasta forsætisráðherraefni vinstristjórnarinnar er Birgitta Jónsdóttir leiðtogi Pírata.

Löngutöng Birgittu stefnir í að verða dómsmál sakir höfundarréttarmála.

Eins og alþjóð veit voru Píratar stofnaðir í uppreisn gegn höfundarrétti. Það yrði saga til næsta bæjar ef fingur Birgittu yrði til að Píratar snerust gegn upphaflegum tilgangi sínum.