Smári pírati og stærðfræði borgaralauna

Píratar vilja að allir fái borgaralaun, þ.e. fái laun frá ríkinu bara fyrir það að draga andann. Fjármálaráðherra segir hugmyndina ávísun á gjaldþrot ríkisins. Nú er komið í ljós að Smári McCarty pírati kann ,,skapandi" stærðfræði til að láta hugmyndina ganga upp.

Smári skráði sig í stærðfræði í Háskóla Íslands. Strax á fyrstu önn kunni hann svo mikið í reikningi að hann bjó til píratíska stærðfræði sem hann seldi samnemendum sínum. Háskólakennarar í greininni urðu að vinda ofan af vitleysunni í Smára.

Smári fær ráðherraembætti í huldustjórn Pírata og annarra vinstriflokka ef kjósendur veita umboð sitt á laugardag. Með skapandi stærðfræði er hægt að keyra ríkissjóð í gjaldþrot en láta bullandi hagnað koma fram á pappírunum. Smári stærðfræðingur hefur sýnt að hann kunni til verka.

Athugasemdir

[Helga Kristjánsdóttir, 25.10.2016 kl. 08:09]

Áhrif frá ruglþáttunum LOST eða hvað??

[Jóhann Elíasson, 25.10.2016 kl. 09:02]

Ég man nú ekki betur en að nokkuð mikil umræða hafi farið fram um nám Sigmundar Davíðs Gunnlaugssonar í Oxford og hvort hann hafi klárað það .  Þetta var svo mikið mál að það rataði í Kastljós og Sigmar Guðmundsson fór þar mikinn þegar hann ræddi um þetta við Sigmund.  En nú segja vinstri menn að þetta sé ekkert til að tala um þegar "ÞEIRRA" maður á í hlut.

[Hrossabrestur, 25.10.2016 kl. 10:40]

Ef Smári McCarty er svona klár í einhverri "skapandi stærðfræði" af hverju hættir hann ekki þessu ströggli og hannar eilífðarvél sem þarf ekkert eldsneyti okkur öllum til hagsbóta? 

[Ragnhildur Kolka, 25.10.2016 kl. 11:59]

Mér skilst að þetta mál sé farið að snúast um magn og gæði. Magnið sé Sigmundar en gæðin Smára. Ég segi bara að ein lýgi er ekki betri en margar.