Hnignun alþjóðahyggju: TTIP, Brexit, Trump og Sarkozy

Síðasta fórnarlamb hnignandi alþjóðahyggju er Fríversl­un­ar­samn­ing­ur á milli Evr­ópu­sam­bands­ins og Banda­ríkj­anna. Úrsögn Breta úr Evrópusambandinu, Brexit, er sömu ættar. Trump í Bandaríkjunum boðar lokun landamæra á innflytjendur og ódýrar vörur. Í Frakklandi rekur Nicolas Sarkozy forsetaframboð sitt á grunni andstöðu við alþjóðahyggju.

Alþjóðavæðing síðustu áratuga færði ekki öllum efnahagslegan ábata. Stórir hópar lágtekjufólks á vesturlöndum sátu eftir á meðan þeir efnameiri fleyttu rjómann. Þeir sem eftir sitja í þróun lífskjara skynja aukið misrétti milli sín og efnafólksins. Straumur innflytjenda til vesturlanda eykur enn á angist lágtekjufólks sem fá aukna samkeppni um störf og húsnæði.

Stjórnmál snúast um að virkja flest möguleg atkvæði í þágu málstaðar. Og æ fleiri stjórnmálamenn og fylkingar sannfærast um að andstaða við alþjóðavæðingu sé til vinsælda fallin. Einfaldlega vegna þess að alþjóðavæðingin skilar ekki því sem hún lofaði - hagsæld fyrir alla.

Segir fríverslunarviðræður hafa mistekist

Gústaf rasisti, Jónas rasisti - við erum stoltir rasistar

Gústaf Níelsson er sakaður um að vera rasisti vegna gagnrýni á múslímatrú. Jónas Kristjánsson ritstjóri játar á sig rasisma með sömu rökum. Við sem gagnrýnum múslímatrú erum öll rasistar, samkvæmt sandkassaskilgreiningum.

Múslímatrú aðlagast illa vestrænni veraldarhyggju. Meirihluti múslíma í arabríkjum finnst í lagi að drepa fólk sem gengur af trúnni, samkvæmt viðurkenndri könnun Pew. Í sömu könnun kemur fram að meirihluti múslíma telja sharía-lög, þ.e. trúarlög múslíma, æðri veraldlegum lögum. Múslímatrú fóstrar öfgamenn sem leika lausum hala víða um heim og drepa mann og annan í nafni trúar.

Í múslímaríkjum tíðkast barnaníð í formi giftinga stúlkubarna til gamalla karla. Múslímaríki viðurkenna ekki vestræn mannréttindi, þau eru með sérstakan mannréttindasáttmála, Kairóyfirlýsinguna, sem setur konur skör lægri en karla og boðar sharíalög.

Af þessu sést að það er vestrænn þegnskapur að gagnrýna múslímatrú. Út frá sandkassaskilgreingunni erum við stoltir rasistar.

Segir Gústaf Níelsson vera ný-rasista

Rannsókn á Helga, Þóru og RÚV

Þóra Arnórsdóttir ritstjóri Kastljóss og Helgi Seljan fréttamaður RÚV/Kastljóss segja í yfirlýsingu í gær að ,,lykilspurningum" vegna Wintrismálsins sé ósvarað. Wintrismálið leiddi til stjórnarkreppu og afsagnar forsætisráðherra og brýnt að upplýsa öll málsatvik.

Helgi og Þóra leggja ekki fram nein gögn um Wintrismálið. Verktaki RÚV í málinu, Jóhannes í Reykjavík Media, segist ekki geta afhent nein gögn, þau séu ekki handbær. Gögn um Wintrismálið á heimasíðu Sigmundar Davíðs hljóta þá að liggja til grundvallar þeim þætti málsins sem að honum snýr.

Annar meginþáttur rannsóknar á Wintrismálinu hlýtur að snúa að RÚV og vinnbrögðum stofnunarinnar. Margoft hefur komið fram rökstudd gagnrýni á vinnubrögð stofnunarinnar, sjá til dæmis ítarlega grein í Þjóðmálum, en hvorki Þóra, Helgi né aðrir hafa svarað.

RÚV er á ábyrgð menntamálaráðuneytisins. Það stendur upp á ráðuneytið að efna til rannsóknar á Wintrismálinu. Þau Helgi og Þóra hljóta að fagna rannsókn sem leiðir í ljós svör við ,,lykilspurningum" Wintrismálsins.

 

RÚV er ekki með nein gögn, en vantar svar við lykilspurningum

RÚV/Reykjavík Media lagði aldrei fram nein gögn um Wintris-málið. Í viðtali við mbl.is þann 14. júlí sl. kemur eftirfarandi fram:

Reykja­vík Media hef­ur ekki af­hent nein gögn úr Pana­maskjöl­un­um. Þetta staðfest­ir Jó­hann­es Kr. Kristjáns­son, rit­stjóri Reykja­vík Media, í sam­tali við mbl.is.

Í umfjöllun mbl.is kemur einnig fram að lögmaður RÚV/Reykjavík Media segir ,,ómögulegt" að afhenda gögn því þau séu ekki handbær.

Engu að síður segir RÚV/Reykjavík Media að ákveðnum ,,lykilspurningum" sé ósvarað. En þessar lykilspurningar hljóta að vera reistar á gögnum - því annars væri engum spurningum til að dreifa.

RÚV/Reykjavík Media nefna ekki einu orði út á hvað þessar lykilspurningar ganga. Enda eru engin fyrirliggjandi gögn - samkvæmt játningu Jóhannesar og lögmanns RÚV/Reykjavík Media.

RÚV/Reykjavík Media eru með öðrum orðum ekki með neitt í höndunum til að réttlæta áróðursherferðina gegn Sigmundi Davíð og Önnu Sigurlaugu. Þetta heitir á íslensku faglegt og siðferðilegt gjaldþrot.

Lykilspurningum aldrei svarað

RÚV ætlaði sér að fella Sigmund Davíð

Aðför RÚV að forsætisráðherra þáverandi, Sigmundi Davíð, var pólitísk. Allt frá alræmdu viðtali verktaka RÚV við Sigmund Davíð í ráðherrabústaðnum 11. mars tók fréttastofa RÚV að sér að halda ,,lífi” í málinu fram að útsendingu Kastljóss rúmum þrem vikum seinna.

RÚV hélt uppi raðfréttum af málinu í þessar þrjár vikur. Fréttaútsendingar RÚV þekja allan sólarhringinn og fá dreifingu í gegnum útvarp, sjónvarp og netsíðu. Vegna fyrirferðarinnar á fjölmiðlamarkaði er RÚV í stakk búið að leggja línurnar um fréttaefni hvers dags.  Með raðfréttum var skapað neikvætt andrúmsloft í kringum forsætisráðherra og sú mynd dregin upp hann væri skattsvikari, ósannindamaður og vanhæfur í embætti.

Blaðamenn breska dagblaðsins Guardian höfðu aðgang að sömu gögnum og RÚV. Þann 3. apríl fjallar blaðið  ítarlega um Wintris  og forsætisráðherrahjónin  og segir:

Guardian hefur ekki sé neinar sannanir fyrir skattaundanskotum, undabrögðum eða óheiðarlegum ávinningi Sigmundar Davíðs, Önnu Sigurlaugar eða Wintris.(The Guardian has seen no evidence to suggest tax avoidance, evasion or any dishonest financial gain on the part of Gunnlaugsson, Pálsdóttir or Wintris.)

Niðurstaða Guardian er algerlega í mótsögn við áróðursherferðina sem þjóðarfjölmiðillinn á Íslandi keyrði í þrjár vikur. Blaðamenn Guardian eru yfirvegaðir, sanngjarnir og stunda hlutlæga fréttamennsku. Fréttamennskan á Efstaleiti er af allt annarri gerð.

Í framhaldi af fyrirsátinni í ráðherrabústaðnum birti Anna Sigurlaug færslu á fésbók sinni um Wintris. Í færslu frá 15. mars sagði hún m.a. um Wintris

KPMG hefur haldið utan um skattamálin fyrir mig og mér hefur frá upphafi verið mjög mikilvægt að þau séu í fullkomnu lagi. Það var því aldrei frestað neinum skattgreiðslum eða neitt þess háttar þó að möguleikar væru til þess samkvæmt lögum.

Þegar við Sigmundur ákváðum að gifta okkur fygldi því að fara yfir ýmis mál, þar á meðal fjárhagsleg. Bankinn minn úti hafði gengið út frá því að við værum hjón og ættum félagið til helminga. Það leiðréttum við á einfaldan hátt árið 2009 um leið og við gengum frá því að allt væri í lagi varðandi skiptingu fjármála okkar fyrir brúðkaupið.

Ef RÚV stundaði heiðarlega fréttamennsku hefði stofnunin sagt frá viðbrögðum Önnu Sigurlaugar og tilgreint hvers vegna þau væri komin til. Fréttastofan vissi fullvel hvers vegna Anna Sigurlaug birti þessa færslu; það var vegna fyrirsátar verktaka RÚV í ráðherrabústaðnum. En fréttastofan var ekki að reyna að upplýsa heldur vekja grunsemdir og ala á tortryggni. Fréttir RÚV af Wintris-máli Önnu Sigurlaugar og Sigmundar Davíðs næstu daga voru allar því marki brenndar að sýna hjónin í neikvæðu ljósi.

Þingmenn stjórnarandstöðu spiluðu vitanlega með RÚV og voru uppfullir af reiði, eins og Helgi pírati sagði í fréttum.

Fyrstu dagana eftir færslu Önnu Sigurlaugar reyndi RÚV að finna heppilega skotlínu á þau hjónin. Árni Páll Árnason, formaður Samfylkingar, var kallaður í viðtal mánudaginn 21. mars. Þá sagði Árni Páll að ,,stóra spurningin" væri ,,hvort forystumenn deildu ekki kjörum með þjóðinni." Árni Páll sagði ekki eitt aukatekið orð um mögulegt vanhæfi forsætisráðherra í viðtalinu. Fimmtudagskvöld í sömu viku finnst RÚV kominn tími á annan snúning á forsætisráðherra og kallar Árna Pál enn á ný til vitnis. Fréttafyrirsögnin er:,, Allt bendi til vanhæfis forsætisráðherra.”  Á mánudag dettur Árna Páli ekki í hug vanhæfi. RÚV klukkar Árna Pál á fimmtudegi í sömu viku og vill fá yfirlýsingu um vanhæfi. Árni Páll spilar með. Annars kæmist hann ekki í viðtal á RÚV. Nú skyldi hamrað á vanhæfi. Seinna, þegar áróðri RÚV um vanhæfi var hnekkt, kaus RÚV að ljúga með þögninni.

RÚV ól á tortryggni á milli ríkisstjórnarflokkanna með hönnuðum fréttum þar sem orð viðmælenda voru afflutt til að þjóna tilganginum. Dæmi um það er hádegisfrétt föstudaginn langa, 25. mars. Þar endursagði fréttamaður RÚVorð þingmanns Sjálfstæðisflokksins, Brynjars Níelssonar, þannig að hann virtist vilja kalla til þingflokksfund sjálfstæðismanna til að ræða fjármál forsætisráðherrahjónanna. Það væri stórpólitískt ef stjórnarþingmaður óskaði eftir þingflokksfundi undir þessum kringumstæðum. Það eitt að kalla saman slíkan fund er yfirlýsing um vantraust. Í inngangi fréttarinnar segir orðrétt:

Brynjar Níelsson, þingmaður Sjálfstæðisflokksins, segir að Wintris-málið sé óþægilegt fyrir ríkisstjórnarsamstarfið, sérstaklega í ljósi samninga við kröfuhafa og afnáms hafta. Þingflokkur Sjálfstæðisflokksins þurfi að funda um málið og fá allar staðreyndir upp á borð áður en hægt sé að taka afstöðu til þess. (leturbreyting pv).

Þetta er beinlínis rangt. Brynjar óskaði ekki eftir þingflokksfundi. Brynjar var í sumarbústað þessa páskahelgi og hann sá sig knúinn að birta bloggfærslu strax eftir hádegisfréttir til að taka af öll tvímæli vegna matreiðslu fréttamannsins á viðtalinu.  Brynjar skrifar:  

Vitnað var í mig í fréttum RÚV fyrr í dag vegna eigna eiginkonu forsætisráðherra og krafna hennar í slitabúin. Mér fannst það ekki mikil frétt enda sagði ég ekkert annað en sem öllum er ljóst. Umræðan um málið er óþægileg fyrir ríkisstjórnina. Stjórnarflokkarnir komast því ekki hjá því að fara yfir málið og ræða það, sérstaklega ef fram kemur vantrauststillaga á þinginu.

Ég hef ekki opinberlega tekið efnislega afstöðu til málsins enda veit ég ekki allar staðreyndir þess. Mér finnst hins vegar afar langsóttar kenningar um vanhæfi ráðherrans. Þá er ekki hægt að halda því fram að ráðherrann hafi misfarið með vald í framgöngu sinni gagnvart slitabúunum, hvað þá að aðrir hagsmunir hafi ráðið en almannahagsmunir, sem er auðvitað aðalatriðið. Ég get hins vegar alveg skilið óánægju margra að þessar hagsmunaupplýsingar hafi ekki legið fyrir. Ég vil hins vegar taka það fram, ef einhver skyldi vera í vafa eftir fréttina, að ég er mikill stuðningsmaður þessarar ríkisstjórnar sem og forsætisráðherra enda hefur þessi ríkisstjórn unnið þrekvirki í stærstu hagsmunamálum þjóðarinnar.

Þessa eindregnu stuðningsyfirlýsingu Brynjars við forsætisráðherra hafði RÚV að engu enda var dagskipun á fréttastofunni að keyra málið áfram þannig að Sigmundur Davíð væri sekur maður og nyti ekki trausts, ekki einu sinni hjá samstarfsflokknum í ríkisstjórn.

Loksins, loksins þegar Kastljósþátturinn var sýndur sunnudaginn 3. apríl var allt til reiðu að greiða forsætisráðherra náðarhöggið. Í inngangi  tengdi Helgi Seljan Sigmund Davíð við Pútín Rússlandsforseta og það gaf tóninn. Fyrirsátinni í ráðherrabústaðnum  var gert hátt undir höfði og klippt þannig til að forsætisráðherra kom sem verst út. Vitanlega kom hvergi fram að viðtalið var fengið með lygum og blekkingum.

Í hádegisfréttum daginn eftir, mánudaginn 4. apríl, tilkynnti RÚV að bein útsending yrði frá mótmælum sem boðuð höfðu verið á samfélagsmiðlum á Austurvelli síðdegis sama dag. Til mótmælanna var boðað eftir Kastljósþáttinn. Þjóðarfjölmiðillinn tók þannig fullan þátt í hámarkinu á múgæsingunni sem stofnunin kynti sleitulaust undir í rúmar þrjár vikur.

Lögin um RÚV segja um markmið stofnunarinnar að hún skuli ,,stuðla að lýðræðislegri umræðu, menningarlegri fjölbreytni og félagslegri samheldni í íslensku samfélagi með fjölmiðlaþjónustu í almannaþágu.”

Það stuðlar ekki að lýðræðislegri umræðu að standa fyrir aðför að stjórnvöldum og svo sannarlega eykur það ekki félagslega samheldni. Forsætisráðherra og eignkona hans brutu engin lög. Ekkert stjórnvald, svo sem skatturinn eða umboðsmaður alþingis, lögregla eða ríkissaksóknari, sáu ástæðu til að efna til rannsóknar á fjármálum Sigmundar Davíðs og Önnu Sigurlaugar. Enda ekkert tilefni til. Anna Sigurlaug fékk föðurarf og geymdi peninginn á erlendum bankareikningi. Það er allt og sumt. En með því að efna til moldviðris, sem stóð yfir í þrjár vikur, tókst að láta líta svo út að forsætisráðherrahjónin væru stórglæpamenn.

RÚV nýtti sér almennt vantraust til stjórnmálanna og bjó til atburðarás sem leiddi til afsagnar forsætisráherra 5. apríl. RÚV stundaði siðlausa fréttamennsku til að koma pólitísku höggi á Sigmund Davíð þáverandi forsætisráðherra.

Tóku ekkert tillit til upplýsinga

Samfylking: málefnadauði, síðan fámennsidauði

Samfylkingin gerðist einsmálsflokkur ESB-sinna um miðjan síðasta áratug. ESB-umsókn Samfylkingar strandaði á skeri í tíð Jóhönnustjórnarinnar og þar með fór málefnið eina.

Einsmálsflokkur án málefna er ekki á vetur setjandi og það gildir um Samfylkinguna. Fólk gefur ekki málefnalegu þrotabúi gaum, eins og sést á væntanlegu prófkjöri í Norðvesturkjördæmi: þrír gefa kost á sér.

Saga Samfylkingar síðustu tíu árin er lexía um hvernig flokkar eiga ekki að haga sér í pólitík - vilji þeir eiga framtíð.

Aðeins þrír í framboði i í NV-kjördæmi

Skoski þjóðarflokkurinn á Bifröst

Fyrrum þingmaður Sjálfstæðisflokksins og formaður Viðskiptaráðs, Vilhjálmur Egilsson, boðar stofnun stjórnmálaflokks til höfuðs nýlendustefnu Reykjavíkur gegn landsbyggðinni.

Fyrirmynd Vilhjálms er skoski þjóðarflokkurinn er vill slíta Skotland frá Bretlandi. Tilefni þessara pólitísku tíðinda er að héraðsháskólinn á Bifröst, sem Vilhjálmur stýrir, fékk ekki lögregludeild á háskólastigi.

Lögreglunámið fór til háskólans á Akureyri. Samkvæmt Vilhjálmi er Akureyri þar með hluti af nýlenduvaldi höfuðborgarinnar. Þjóðflokkur Vilhjálms hlýtur að sækja í austur og vestur en ekki norður og niður. Í íslenskri pólitík er enginn munur á þessu tvennu.

Viðreisn er Björt framtíð Sjálfstæðisflokksins

Björt framtíð var fyrir síðustu kosningar stofnuð af forystu Samfylkingar til að fanga krataatkvæði sem ekki rötuðu til móðurflokksins. Fyrir næstu kosningar þjónar Viðreisn sambærilegu hlutverki fyrir Sjálfstæðisflokkinn.

Viðreisn er hægrikrataflokkur er leitar á mið borgaralegra þenkjandi kjósenda sem hlynntir eru velferð og gjalda varhug við ójöfnuði.

Verkefni Viðreisnar er að soga til sín atkvæði sem áður voru Sjálfstæðisflokksins en lentu við hrun hjá Samfylkingu sem fékk 30 prósent fylgi árið 2009 en mælist nú með um 8 prósent. Fyrir kjósendur sem keyptu áróðurinn um að Sjálfstæðisflokkurinn væri hrunvaldur nr. eitt er dálítið erfitt merkja X við D.

Vinstrimenn eins og Björn Valur, varaformaður Vinstri grænna, hjálpa til með því að útlista fyrir kjósendum að atkvæði greitt Viðreisn sé á kostnað Sjálfstæðisflokksins. En þeir eru margir kjósendurnir sem einmitt vilja að atkvæði sitt hafi þau áhrif. En þeir vilja ekki að vinstraslysið frá 2009 til 2013 endurtaki sig. Viðreisn er svarið við væntingum þeirra.

 

Sigurður Ingi: 80 Píratar drepa stjórnarskrárbreytingar

Sigurður Ingi Jóhannesson forsætisráðherra sagði í hádegisfréttum RÚV að í innanflokkskosningum Pírata hefðu 80 sagt nei við breytingum á stjórnarskrá en 60 já.

Eftir innanflokkskosningu Pírata ákváðu Samfylking og Vinstri grænir að fylgja stefnumótun þessara 80 og hafna stjórnarskrárbreytingum.

Það verður munur, eftir kosningar, þegar 80 Píratar stjórna landinu.

Leggur til stjórnarskrárbreytingar

Gleymum ekki kynlausa fólkinu

Kynlaust fólk, þeir sem nenna ekki kynlífi og eru frábitnir rómantík, sendur illa í kynjaðri réttindabarátu sem nær öll gengur út á kynhneigð.

Kynlausir eru fæddir í líkama með æxlulunarlíffæri en nota þau eingöngu til að losna við úrgang. Kynlausir, asexual á útlensku, eiga með sér samtök líkt og kynjaðir.

Kynleysi er lífsstíll sem mun njóta vaxandi vinsælda eftir því sem lífslíkur aukast.

Berjast fyrir sýnileika intersex-fólks