Notting Hill og hrun karlmennskunnar

Kvikmyndir setja tísku og endurspegla tíðaranda. Notting Hill, frá 1999, markar tískustefnu í kvikmyndum með sterkum konum og veikgeðja körlum. Kvikmyndin endurspeglar hrun karlmennskunnar síðustu áratuga.

Söguþráðurinn er að rík amerísk leikkona (Julia Roberts) verður ástfangin af fátækum sérvitringi (Hugh Grant) sem rekur nær gjaldþrota ferðabókasölu í fjölmenningarhverfi í London.

Sú ameríska þénar vel, er sjálfstæð og á framabraut. Þegar kærastan er atyrt á veitingastað er Grant eins og hræddur héri en Júlía hraunar yfir glaðbeittan en heimskan karlaher. Júlía kennir Grant að klifra yfir grindverk, stelpustrákurinn kann það ekki.

Hápunktur ræmunnar er þegar Júlía segist þrátt fyrir frægðina og peningana aðeins vera stelpa skotin í strák. Grant vælir og segist ekki afbera ástarsorg. Grant er jafnvel svo ókarlmannlegur að hann fer með ástamál sín til vina og fjölskyldu. 

Ógrynni sjónvarpsþátta og kvikmynda sýnir karla í aumingjahlutverki á móti sterkum konum sem keyra fram söguþráðinn. Flest verkanna komu út í kjölfar Notting Hill. 

Dómari dæmir sjálfan sig

Róbert Spanó dæmdi í undirdeild mannréttindadómstóls Evrópu í máli vinar síns, Vilhjálms H. Vilhjálmssonar. Róbert Spanó dæmir aftur í sama máli í yfirdeild dómstólsins.

Þegar dómarar dæma í eigin sök þarf ekkert réttarkerfi.

 

MDE styðst við aðra réttarhefð