Laugardagur, 29. febrúar 2020
Íslamskur trúarfasismi gegn Evrópu
Tyrkir gerðu innrás í Sýrland og fara halloka. Þeir beita pólitískri fjárkúgun og hóta að veita flóttamannastraumi til Evrópu fái þeir ekki aðstoð frá Nató.
Tyrkir, undir forystu Edogan forseta, hafa um árabil stutt ógeðslegustu útgáfu íslamsks trúarfasisma, Ríki íslams og fleiri af sama sauðahúsi. Erdogan stefnir að Stór-Tyrklandi með útþenslu landamæra ríkisins.
Frá dögum kalda stríðsins er Tyrkland aðili að Nató. Tyrkland var útvörður Suðaustur Evrópu andspænis Sovétríkjunum. Íslamskur trúarfasismi Erdogan er nýmæli sem ekki á heima í Nató. Í stað þess að hjálpa Tyrkjum væri nær að Nató tæki höndum saman við Kúrda og Sýrlendinga og hrekti Erdogan-hyskið úr Sýrlandi.
Fasistar eins og Erdogan láta sér ekki segjast fyrr en í fulla hnefana.
Tyrkir hætta að loka landamærum til Evrópu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (5)
Laugardagur, 29. febrúar 2020
Veiran og meðalhófið
Á heimsvísu hefur kórónaveiran sýkt 85 þúsund manns og staðfest dauðsföll eru 3000. Af þeim sem sýkjast hafa tæp 40 þúsund náð bata
Johns Hopkins háskólinn í Bandaríkjunum heldur skrá yfir tilfellin og uppfærir í rauntíma. Upplýsingarnar eru ekki nákvæmar en þær skástu sem bjóðast. Á þeim verður að byggja en ekki ýkjum og gróusögum.
Íslendingar geta ekki lokað landinu við núverandi aðstæður. Það yrði of róttæk aðgerð sem myndi stöðva samfélagið og valda ósætti ef ekki óeirðum. Við þurfum að taka mið af aðgerðum annarra þjóða og gera ráðstafanir sem hvorki eru of né van.
Veiran er dauðans alvara. Ofsahræðsla og öfgaviðbrögð gera illt verra.
Ótvíræðar heimildir til að loka landinu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)