Fimmtudagur, 24. janúar 2019
Helga Vala: förum á Klaustur - stelum engu
Dægurmál | Slóð | Facebook | Athugasemdir (0)
Fimmtudagur, 24. janúar 2019
Kissinger: Trump er söguleg persóna
Henry Kissinger er stórvesír á stjórnmálasviðinu, einkum utanríkismála. Hann segir í viðtali við Financial Times að Trump forseti valdi pólitískum vatnaskilum, knýr fram endurmat.
Baunatalning á ,,röngum og villandi fullyrðingum" er ekki mælikvarðinn á stór-sögulegar persónur.
Persónur stór-sögunnar eru einfaldlega hafnar yfir léttvægar staðreyndir. Trump felldi viðtekna heimsmynd síðustu áratuga, kennd við alþjóðahyggju og vinstrafrjálslyndi, og föndrar við að draga upp aðra. Það er verk í vinnslu.
Trump er með þorra stóru atriðanna á hreinu. Það skiptir meira máli en bjöguð staðreynd hér og þar.
Trump fer miklu oftar með ósannindi en á fyrsta árinu | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Fimmtudagur, 24. janúar 2019
Tveir þingmenn virkir í athugasemdum
Halldóra Pírati og Jón Steindór úr Viðreisn gerðust virk í athugasemdum úr stól alþingis.
Athugasemdirnar beindust að tveim þingmönnum sem sálufélagar þeirra Halldóru og Jóns Steindórs úr samfélagsfjölmiðlum tók fyrir vegna orðræðu á Klausturbar.
En Halldóra og Jón Steindór eru ekki sauðsvartur almúgi heldur þingmenn. Og ef þingmenn gera athugasemdir við að þjóðkjörnir fulltrúar eigi rétt til setu á alþingi er það töluvert annað og verra en gaspur á götum úti.
Hnýtt í Bergþór og Gunnar Braga | |
Tilkynna um óviðeigandi tengingu við frétt |
Dægurmál | Breytt 25.1.2019 kl. 06:56 | Slóð | Facebook | Athugasemdir (7)
Fimmtudagur, 24. janúar 2019
Launþegar þrælar verkó
Þegar launamaður ræður sig í vinnu er hann ekki spurður hvaða stéttarfélagi hann vilji tilheyra - eða alls engu. Verkalýðshreyfingin hefur komið málum svo fyrir að stéttarfélög eiga heilu starfsgreinarnar.
Mannréttindi vinnandi fólks eru brotin þegar stéttarfélag þvingar launamenn í félagsskap og rukkar gjald af hverjum og einum.
Félagsgjöldin eru notuð í pólitíska starfsemi sem launþegar eru oft hjartanlega ósammála.
Stjórnendur og sérfræðingar eiga svigrúm til að færa sig úr einu stéttarfélagi í annað. En allur þorri launþega er eins og sláturfé, rekið á bás og félagsgjöld hirt af þeim áður en launin eru greidd.
Vitanlega á að koma málum svo fyrir að upplýst samþykki launþega liggi fyrir áður en viðkomandi er skráður í stéttafélag. Jafnframt þarf að tryggja að launamenn eigi fleiri en einn valkost.
Skylduaðild að verkalýðsfélagi og nauðungarinnheimta á félagsgjöldum er arfur liðins tíma sem við ættum að losa okkur við.
Enginn fjöldaflótti úr VR | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (1)
Miðvikudagur, 23. janúar 2019
Þingmenn grafa sér gröf í Klaustri
Vinstrimenn á alþingi, Viðreisn meðtalin, gerðu sér pólitískt mat úr ólöglega fenginni upptöku af Klausturbarnum.
Þar með sögðu vinstrimenn á alþingi að einkalíf þingmanna væri lögmæt umræða.
Ef vinstrimenn kjósa að færa umræðuna niður á það plan verða þeir af taka afleiðingunum.
Ekkert nýtt að fá sér bjór á vinnutíma | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)
Miðvikudagur, 23. janúar 2019
Launþegar flýja herskáa verkó
Stórflótti frá VR yfir í Kjarafélag viðskiptafræðinga og hagfræðinga rímar við aðra frétt frá í haust um að nýtt kjarafélag, Félag lykilmanna, fái óánægða launaþega til sín í hrönnum.
Launþegar greiða atkvæði með fótunum. Löggjafinn verður að koma til móts við stóraukna eftirspurn eftir frjálsræði á vinnumarkaði og klekkja á ofurvaldi gömlu verkalýðsfélaganna yfir starfsgreinum og atvinnusvæðum.
Verkalýðshreyfingin er að stórum hluta komin í hendur pólitískra aðgerðasinna, sósíalista sem berjast fyrir miðstýrðu efnahagskerfi. Löngu tímabært er að breyta lögum um stéttafélög í átt frjálsræðis.
Hætta í VR og ganga í KVH | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Miðvikudagur, 23. janúar 2019
Fjórða ríkið og Ísland
Leiðtogar Frakklands og Þýskalands undirrituðu 16 blaðsíðna samkomulag um samruna í gömlu höfuðborg Karlamagnúsar, Aachen. Það var fyrsta ríkið. Annað ríkið var stofnað í Versölum 1871 þegar Prússakonungur var krýndur keisari eftir sigur á Frökkum. Það ríki féll í fyrri heimsstyrjöld.
Þriðja ríkið var Hitlers og félaga fyrir miðja síðustu öld. Sú sjóferð endaði ekki vel.
Fjórða ríkið kveður á um hernaðarsamvinnu Frakka og Þjóðverja, auk efnahagslegs og pólitísks samruna. Fransk-þýski öxullinn skal keyra ESB áfram eftir Brexit.
Þegar Karlamagnús var krýndur keisari fyrsta ríkisins árið 800 var Ísland óbyggt. Á valdatíma karlunga fylltist landið af flóttamönnum frá miðstýringaráráttu Evrópu. Sonarsynir Karlamagnúsar klufu ríkið í þrjá hluta, og mynduðu vísi að Frakklandi og Þýskalandi. Íslendingar á hinn bóginn stofnuðu alþingi án konungsvalds.
Við lok annars ríkisins 1918 tóku Íslendingar sér fullveldi. Rétt fyrir ragnarök þriðja ríkisins efndum við lýðveldis á Þingvöllum.
Hvað gera Íslendingar þegar drög að fjórða ríkinu liggja fyrir í Evrópu? Jú, við ættum ekki að bíða fyrirsjáanlegra hörmunga heldur segja upp samningnum sem bindur okkur við ólánsálfuna og heitir EES.
Tryggja samstarf sitt innan ESB | |
Tilkynna um óviðeigandi tengingu við frétt |
Dægurmál | Breytt s.d. kl. 11:10 | Slóð | Facebook | Athugasemdir (6)
Þriðjudagur, 22. janúar 2019
Búsáhaldabyltingin gleymdist - hér er ástæðan
Vinstrimenn gleymdu að fagna tíu ára afmæli búsáhaldabyltingarinnar, sem var um helgina. ,,Hvort erum við þá orðin svona löt, svona vitlaus, svona hjárænuleg eða svona huglaus?", spyr Kvennablaðið með böggum hildar.
Búsáhaldabyltingin stendur ekki undir nafni. Óeirðirnar fyrir tíu árum voru uppþot en ekki bylting.
Fjármálakerfið á Íslandi fór á hliða en öll önnur kerfi héldu; stjórnkerfið, heilbrigðiskerfið, dómskerfið, menntakerfið og svo framvegis.
Hrunið skóp ótta sem vinstrimenn nýttu til uppþota - og kölluðu byltingu.
Aftur var gerð byltingartilraun eftir vorkosningarnar 2009 og valdatöku vinstristjórnar Jóhönnu Sig. Þeirri byltingu var stefnt gegn lýðveldinu og fullveldi þjóðarinnar.
ESB-umsókn Samfylkingar var leiðarhnoða tilraunar vinstriflokkanna til að umbylta Íslandi. Ný stjórnarskrá var hliðarmál og að rústa sjávarbyggðum landsins enn annað.
Byltingartilraun vinstrimanna fjaraði út kjörtímabilið 2009-2013. Samfylkingin missti 2/3 af fylgi sínu og Vinstri grænir helming. Ríkisstjórn Sigmundar Davíðs kom til bjargar lýðveldinu.
Dægurmál | Slóð | Facebook | Athugasemdir (1)
Þriðjudagur, 22. janúar 2019
Síðnýlendustefna Frakka
Frakkar voru í liði sigurvegara fyrra og seinna stríðs og voru ekki knúnir til að horfast í augu við fortíð sína, líkt og Þjóðverjar.
Enda héldu Frakkar áfram nýlendustefnu sinni, innlimuðu Alsír í franska ríkið og endurheimtu Víetnam. Aðeins eftir blóðuga borgarastyrjöld í Alsír og yfirtöku Bandaríkjanna á stríðinu í Víetnam hopuðu Frakkar.
Frakkar daðra við forna heimsveldadrauma og eru víða með ítök í gömlum nýlendum frá 19. öld. Síðnýlendustefnan er viðkvæmt mál í frönskum stjórnmálum, eins og viðbrögðin við orðum ítalska ráðherrans bera með sér.
Kölluðu sendiherra á fund vegna ummæla | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (0)
Þriðjudagur, 22. janúar 2019
ESB-stjórnarskrá vinstrimanna
Ólögmætt stjórnlagaráð vinstristjórnar Jóhönnu Sig. smíðaði stjórnarskrá samhliða ESB-umsókninni. Tilgangurinn var að flytja fullveldið til Brussel og færa auðlindir Íslands undir Evrópusambandið.
Píratar vekja upp ESB-stjórnarskrá vinstrimanna eftir að Katrín Jakobsdóttir forsætisráðherra setti stjórnarskrármálið í forgang.
Stjórnarskráin er að stofni til frá 1874. Hún gerði Íslendingum kleift að krefjast heimastjórnar, síðar fullveldi og loks að stofna lýðveldi.
ESB-stjórnarskrá vinstrimanna er til höfuðs lýðveldinu. Þess vegna verður hún aldrei samþykkt.
Leggja fram frumvarp að nýrri stjórnarskrá | |
Tilkynna um óviðeigandi tengingu við frétt |
Dægurmál | Slóð | Facebook | Athugasemdir (3)