Fjórða ríkið og Ísland

Leiðtogar Frakklands og Þýskalands undirrituðu 16 blaðsíðna samkomulag um samruna í gömlu höfuðborg Karlamagnúsar, Aachen. Það var fyrsta ríkið. Annað ríkið var stofnað í Versölum 1871 þegar Prússakonungur var krýndur keisari eftir sigur á Frökkum. Það ríki féll í fyrri heimsstyrjöld.

Þriðja ríkið var Hitlers og félaga fyrir miðja síðustu öld. Sú sjóferð endaði ekki vel. 

Fjórða ríkið kveður á um hernaðarsamvinnu Frakka og Þjóðverja, auk efnahagslegs og pólitísks samruna. Fransk-þýski öxullinn skal keyra ESB áfram eftir Brexit.

Þegar Karlamagnús var krýndur keisari fyrsta ríkisins árið 800 var Ísland óbyggt. Á valdatíma karlunga fylltist landið af flóttamönnum frá miðstýringaráráttu Evrópu. Sonarsynir Karlamagnúsar klufu ríkið í þrjá hluta, og mynduðu vísi að Frakklandi og Þýskalandi. Íslendingar á hinn bóginn stofnuðu alþingi án konungsvalds.

Við lok annars ríkisins 1918 tóku Íslendingar sér fullveldi. Rétt fyrir ragnarök þriðja ríkisins efndum við lýðveldis á Þingvöllum.

Hvað gera Íslendingar þegar drög að fjórða ríkinu liggja fyrir í Evrópu? Jú, við ættum ekki að bíða fyrirsjáanlegra hörmunga heldur segja upp samningnum sem bindur okkur við ólánsálfuna og heitir EES.

Tryggja samstarf sitt innan ESB

Athugasemdir

[Ómar Geirsson, 23.1.2019 kl. 08:41]

Nú máttu vera sannspár Páll.

Gott að sjá að harðir Evrópusambandsandstæðingar eru farnir að átta sig á ógæfunni sem fylgir EES samningnum.

Það hlýtur að vera hægt að stunda viðskipti á öðrum forsendum en að innlima sig sjálfviljugur í ríkjabandalag.

Viðskipti eru jú bara viðskipti.

Kveðja að austan.

[Jón Valur Jensson, 23.1.2019 kl. 09:17]

Tek undir með ykkur báðum, félagar.

Eins og Aachen var borg keisarans mikla sem ríkti yfir bæði Frökkum og mörgum Þjóðverjum, virðist þessi snúningspunktur vera táknmynd þess nú fyrir Merkel og Macron að þau ætli sér örvæningarfull í upplausninni að halda í þennan stórveldiskjarna, no matter what, og vitaskuld að stofna sameinaðan her.

[Ragnhildur Kolka, 23.1.2019 kl. 09:37]

Sama hér - tek undir með ykkur öllum þrem.

[Þorsteinn Siglaugsson, 23.1.2019 kl. 12:05]

Vel ævintýralegar söguskýringar atarna!

[Ragnhildur Kolka, 23.1.2019 kl. 14:56]

Góð söguskýring er gulli betri.

[Sigurður Kristján Hjaltested, 23.1.2019 kl. 21:52]

Vel orðað Páll.

Út með þennan samnign sem er að eyðileggja allt

sem Íslenkst er.