Moggi eignast Fréttablaðið - eða öfugt?

Á meðan dagblöð voru voldugar stofnanir, á síðustu öld, þekktist það að dreifingarfyrirtæki blaðanna eignuðust útgáfurnar. Þetta gerðist t.d. í Bandaríkjunum. Dagblað án dreifingar var einskins virði. Á Íslandi var prentun dagblaða dýrasti hluti útgáfunnar. Litlu vinstridagblöðin stofnuðu til sameiginlegrar prentsmiðju, Blaðprent, til að halda lífi.

En feigum var ekki forðað. Þjóðviljinn, Alþýðublaðið og Tíminn gáfu upp öndina á síðasta áratug liðinnar aldar. Fréttablaðið var arftaki Dags-Tímans, sem var síðasta tilraun vinstriútgáfu hér á landi.

Eftir að Jón Ásgeir í Baugi, með Gunnar Smára sósíalistaforingja sem handlangara, endurreisti gjaldþrota Fréttablaðið um aldamótin varð útgáfan jöfnum höndum málgagn auðmannastéttar og Samfylkingar. Tvíhöfða þursinn varð öflugur málsvari einokunar á fjölmiðlamarkaði þegar frumvarp Davíðs Oddssonar þáverandi forsætisráðherra reyndi að koma lögum á uppgang auðmanna kortéri fyrir hrun.

En núna, sem sagt, sameinast dreifingarfyrirtæki Morgunblaðsins og Fréttablaðsins til ,,að inn­lend­ir aðilar, stór­ir og smá­ir hafi aðgang að öfl­ugri dreif­ing­arþjón­ustu sem veit­ir ein­ok­un­arþjón­ustu rík­is­ins sam­keppni og aðhald." Eiginkona Jóns Ásgeirs stýrir afganginum af fyrrum einokunarveldi fjölmiðlasamsteypunnar kenndri við 365-miðla og blæs í herlúðra gegn einokun ríkisins á dreifingu prentmáls. Einokun er fyrir auðmenn, segir eiginkonan, en ríkiseinokun vont mál. 

Sameining dreifingar Morgunblaðsins og Fréttablaðsins vekur ekki úlfúð eða deilur líkt og fyrrum þegar dagblöð voru nátengd pólitík. Á tímum netmiðlunar er prentmál neðanmálsgrein í umræðunni. Morgunblaðið heldur velli vegna Davíðs Oddssonar ritstjóra. Án hans væri það ekki borgaralegt blað heldur létt samsuða sem krakkarnir á ritstjórninni skynja að beri hæst í netumræðunni.

Fréttablaðið er auglýsingaútgáfa sem enginn kaupir. Eftir að Samfylkingin hætti að vera áhugaverð pólitík hallaði ritstjórnin sér að Viðreisn. Ásamt því, auðvitað, að vera auðmannamálgagn.

Skiptir máli að Morgunblaðið eignast Fréttablaðið - eða öfugt? Eiginlega ekki. 

Árvakur og 365 miðlar kaupa Póstmiðstöðina

Mótmæli í þágu hálaunastéttar - milljón á mánuði

Meðallaun ljósmæðra eru 850 þús. kr. á mánuði. Jæja-hópurinn boðar mótmæli á Austurvelli til að ljósmæður fái 18 prósent hækkun, fari yfir milljón á mánuði.

Mótmæli á Austurvelli til að sérfræðistétt fái yfir milljón á mánuði er um leið ákall til þjóðarinnar að auka launamisrétti í landinu.

Jæja-hópurinn er alveg milljón. Bókstaflega.

„Vaknið ríkisstjórn!“

Virkir í athugasemdum

DV/Eyjan bað mig að skrifa 150 orð um laun ljósmæðra í með eða móti umfjöllun. Eftir birtinguna létu virkir í athugasemdum til sín taka. Umræðan er hér að neðan.

 

 

 

Elínbjört Jónsdóttir

Þær eru líklega með meiri menntun en margir ASÍ félagar og námslán borga þær sem aðrir jafnvel rukkaðir yfir gröf og dauða.

Like · Reply · 5 · 20h

 

Kristján Kristinsson

Þetta er bara hatursfull orðræða hjá Páli. Svo er hann sjálfur ríkisstarfsmaður þannig að það er mjög sérstakt þetta hatur út í ríkisstarfsmenn. En miðað við þessi bull skrif þá getur hann varla verið ánægður með sitt stéttarfélag sem berst af krafti að leiðrétta kjör sinna félagsmanna: sjá: http://ki.is/pistlar/4295-launathroun-framhaldsskolakennara

Og já, það fara heil mánaðarlaun á ári í ég veit ekki hvað mörg ár að borga niður þessi námslán.

Like · Reply · 8 · 19h

 

Ingibjörg Ottesen

Páll, vilti bara ekki fara og lemja svolítið á þeim?

Like · Reply · 2 · 20h

 

Guðmundur Tryllitæki Jònsson

Eru það ekki bara einhverjir sjallar sem eru à mòti þvì aðrir fà lìka meiri peninga.

Like · Reply · 3 · 20h

 

Sigrún Katrín Kristjánsdóttir

Milljarðamæringur labbar inná bar. Og við það hækka meðallaun allra þar inni í 100 millur á mánuði.

Like · Reply · 6 · 19h

 

Kristján Kristinsson

Nú væri gaman að vita hvað Páll Vilhjálmsson, framhaldsskólakennari við Fjölbrautaskólann í Garðabæ og þar að leiðandi ríkisstarfsmaður, er með í laun. Koma svo.

Like · Reply · 5 · 19h

 

Hjalti Gardarsson

Ástæðan fyrir hærri heidarlaunum ljósmæðra er vaktavinna Páll Vilhjálmsson. Ég neita að trúa því að þú sért svona stjarnfræðilega vitlaus að vera að bera saman dagvinnulaun ASÍ félaga og vaktavinnulaun ljósmæðra. Ég trúi því frekar að þú sért svona illa innrættur. Berðu saman grunnlaun, þá færðu réttan samanburð fólið þitt.

Like · Reply · 17 · 19h

 

Helga Dögg Sverrisdóttir

Heildarlaun ljósmæðra helgast líka af aukavinnu sem þær fá margfalt betur borgaða en hefðbundin vakt. Margar heilbrigðisstéttir geta leyft sér að vera í lægra vinnuhlutfalli )60-80%) og tekið aukavaktir þar til 100% starfi er náð. Launin hækka töluvert við það.

Like · Reply · 2 · 19h

 

Hjalti Gardarsson

Í launasamanburði á aldrei að tala um meðallaun eða heildarlaun. Það á að tala um grunnlaun. Annars er alktaf verið að bera saman epli og appelsínur.

Like · Reply · 11 · 18h

 

Sigrun Haraldsdottir

Helga Dögg Sverrisdóttir aukavaktirnar eru væntanlega ekki “margfalt” betur borgaðar. 100% er tvöföld tímalaun, ekki margföld. En eins og Hjalti bendir á eru það grunnlaun sem á að bera saman ekki heildarlaun. Það hlýtur þú að vita sem gamall formaður sjúkraliða á norðurlandi

Like · Reply · 6 · 18h

Show 2 more replies in this thread

 

Stefán Kristvinsson

í alvöru... er virkilega einhver að vitna í öfgamanninn Palla Vill ?

Like · Reply · 7 · 18h · Edited

 

Olgeir Andresson

Palli vaknar einn daginn upp við að engin er til í heiminum nema hann, hann gengur um borgina og gerir allt sem hann langar til að gera því engin getur skammað hann eða þvælst fyrir honum. En er gaman að gera skemmtilega hluti þegar engin er með þér ? Höfundur: Jens Sigsgaard .... Núna er Palli orðin stór strákur og er enn einn.

Like · Reply · 1 · 18h

 

Anna Margrét Guðbjartsdóttir

Stend með ljósmæðrum

Like · Reply · 3 · 17h

 

Kristján Birnir Ívansson

Ljósmóðirinn sem tók á móti Páli á sínum tíma hlítur að sjá eftir því í dag.

Like · Reply · 6 · 17h

 

Adda Sigurjóns

Þannig að ég sem leikskólakennari á þá bara að halda kjafti og berjast ekkert fyrir hærri launum svona úr því að ég fékk háskólanámið mitt hér á Íslandi Páll Vilhjálmsson? Og ég vildi óska þess að fólk hætti að tala um meðallaun ljósmæðra og annarra vaktavinnustarfsmanna út frá allri yfirvinnunni og stórhátíðarálaginu, það á að tala um grunnlaun í kjarabaráttu. Alltaf.

Like · Reply · 4 · 17h

 

Guðríður Magnúsdóttir

Hver ætli seu meðallaun þingmanna og ráðherrana og þá skulum við tiltaka og reikna allt inní. allar gjafir frá ríkinu, alla styrki (hús og bíl),tína allt til, því það erum við öll sem borgum það líka eins og laun ríkisstarfsmanna

Like · Reply · 2 · 15h

 

Kristján Hafberg Elínarson

Æ af hverju Páll Vilhjálmsson sem myndi mótmæla betra veðri i sumar bara til að fara i taugarnar á Íslendingum.

Like · Reply · 1 · 15h

 

Gestur Logi

Sammála Páli, þetta er eiginlega hætt að vera fyndið þessar glórulausu launakröfur í ljósmæðrum, og hvernig stendur á því að það þurfi margra ára sérfræðinám til þess að taka á móti börnum? Það á bara að bæta við nokkrum ljósmæðrakúrsum í hjúkkunámið (án þess að lengja það nám), það er hvort sem er alltaf kallað á lækni ef eitthvað kemur upp á í fæðingunni, þar endar ábyrgð ljósmóðurinnar væntanlega og hún á þess vegna ekki að vera á einhverjum ofurlaunum ef það þarf alltaf að kalla á lækni þegar hætta steðjar að.

Like · Reply · 1 · 12h · Edited

 

Hjalti Gardarsson

Ef þú sem felur þig bak við þennan uppdiktaða karakter værir ekki svona greindarskertur, þá myndirðu vita það að Ísland er með lægstu tíðni burðarmáls-, nýbura- og ungbarnadauða í heiminum. Og vegna þessarar heimsku þinnar þá veistu heldur ekki að það er ekki út af einhverri tilviljun. Svo undirstrikarðu flónsku þína með því að halda að aðalstarf ljósmóður sé að taka á móti börnum við fæðingu.

Reply · 8h

 

Gunna Jóh

Hjalti Gardarsson og þú ert líklega nógu vel gefin til að geta dæmt um vit manns út frá einu kommenti sem lýsir skoðun hans

Reply · 4h

 

Gestur Logi

Hjalti Gardarsson Orð eins og "heimska", "greindarskortur", "flónska" eru ein og sér mjög heimskuleg rök hjá þér. Fólk má hafa aðrar skoðanir en þú hvort sem þér líkar það betur eða verr. Það ert þú sem ert mesti hálfvitinn hérna. Það er fullt af fólki sem blöskrar þessar launakröfur ljósmæðra. Einnig finnst mörgum þetta viðbótarnám til þess að öðlast ljósmæðraréttindi fáránlega langt. Já og hvað annað er það sem ljósmæður gera (fyrir utan það að taka á móti börnum) sem þarfnast margra ára sérfræðimenntunar? Komdu með dæmi.

Reply · 4h · Edited

Show 1 more reply in this thread

 

Steinar Immanuel Sörensson

ég á nú ekki orð yfir þessum pistli hjá Páli, ekki myndi ég vilja að þessi maður kenndi börnunum mínum

Like · Reply · 7h

 

Viðar Pétursson

Auðvitað er fúlasti maður íslands á móti.

Like · Reply · 1 · 7h

 

Arnar Guðmundsson

Undarlegt að nefna að sumir fá svo sannarlega fáránlegar launahækkanir gegn um kjararáð og telja það svo einhver rök fyrir því að aðrir, svo sem ljósmæður, eigi að fá meiri hækkun en aðrir hafa fengið. - Það tala þó margir þannig að ljósmæður eigi að verða Ljósmæður sérhagsmuna.

Like · Reply · 7h

 

Kristinn Jonsson

Hlustar einhver á þennan Palla lengur . Þetta er bara eitt ropið hjá athyglisjúkum manninum

Like · Reply · 7h

 

Sigþór Guðjónsson

Þetta mál snýst ekki um að halda með KR eða Val þetta er ekki stöðukeppni þetta snýst um líf og limi ungbarna og mæðra þeirra ef einhver hefur misst botninn úr málefninu !

Like · Reply · 5h

 

Gylfi Viðar Ægisson

Ljósmæðrunum legg ég lið
LEGG ÁHERSLU Á ÞAÐ RÍKA
Almenning ég allan bið
að standa með þeim líka

Gylfi Ægisson.

Like · Reply · 5h

 

Stefanía H. Sigurðardóttir

Páll hefur líklega ekki séð launaseðla ljósmæðra sem þurfa að auki að kaupa dýrar tryggingar vegna vinnu sinnar.

Like · Reply · 4h

 

 

Trump og ættarsamfélagið

Donald Trump lagði Evrópu og Bretland að fótum sér, eða fótumtróð hvort tveggja, fer eftir sjónarhorni. Bandaríkjaforseti er afurð vinstrimenningar frá hippatímanum, skrifar Guardian:

afstæðishyggja vex upp úr menningarstríðinu á sjötta áratugnum. Nýja vinstrið tók afstæðishyggjuna upp á sína arma til að afhjúpa vestræna fordóma karllægrar borgarastéttar. Einnig af háskólafólki sem boðaði póstmódernisma er hélt því fram að almenn sannindi væru ekki til, aðeins sértæk sannindi sem voru menningarlega og félagslega skilgreind. Lýðhyggjumenn til hægri rændu afstæðishyggjunni og gerðu að sinni.

Og afleiðingin varð Trump, samkvæmt þessari greiningu, sem er vel að merkja ekki ný af nálinni.

Ofanritað er engilsaxneskt sjónarhorn á Trump. Í þýskum menningarheimi eru blæbrigðin önnur. Der Spiegel segir:

Óvinur er orð gamla heimsins. Í stríðum eru óvinir, í kalda stríðinu var óvinátta milli austurs og vesturs. Innan vesturhlutans var slík tilfinning óhugsandi. Þar ríkti vinátta í öllum deilumálum. Trump er maður gamla heimsins og því miður er hann oft heltekinn af forneskjulegum tilfinningum. Heift, hatur og andúð; allt verður honum spurning um heiður. Í nýja heiminum gerir Trump allt öfugt. Hann fer með fjandskap gegn vinum, einkum Þýskalandi. Í hermálum, viðskiptum, Íran-samkomulaginu og gasviðskiptum við Rússland treður Trump illsakir við Þýskaland, einkum með gemsanum.

Mat Þjóðverja á Trump helgast af þýskum hagsmunum, eðlilega. Allt frá lokum nasisma eru Bandaríkin lýðræðisleg kjölfesta Þýskalands. Þýskir sakna vinar og viðskiptafélaga.

Sameiginlegt þýskri og engilsaxneskri greiningu á Trump er að með honum verður pólitík persónuleg. Minn heiður, mínar staðreyndir, mitt sjónarhorn. 

Rómverjar kynntu til sögunnar ,,res publica", vettvang almennings, þar sem meginreglur giltu en ekki persónulegur geðþótti. Áður en ,,res publica" fékk vægi í vestrænni stjórnmálamenningu réð ferðinni hugmyndakerfi ættarsamfélagsins.

Í ættarsamfélaginu er heiður einstaklings og fjölskyldu í fyrirrúmi. Íslendingasögurnar geyma minni frá þessum tíma um stolt, sóma og blóðhefndir. Ílíonskviða Hómers er um reiði Akkillesar eftir móðgun Agamemnons.

Trump er endurkoma stjórnmála ættarsamfélagsins. Við skyldum velja ætt okkar af kostgæfni.

 

Heimsókn Trump er lokið

Ljósmæður biðja um lög á verkfall

Í hádegisfréttum RÚV er viðtal við Katrínu Sif Siggeirsdóttur formanns kjaranefndar ljósmæðra. Þar segir hún m.a.

Ekki hefur verið boðað til nýs samningafundar í deilunni. Katrín telur líklegt að lög verði sett á verkfallsaðgerðir ljósmæðra. 

„Í ljósi þess sem á undan er gengið þá finnst mér það ekkert ólíklegt. það hefur gjarnan verið þannig að þau vopn sem við höfum nýtt í okkar kjarabaráttu hafa verið slegin úr höndunum á okkur. Þannig að mér finnst það ekki ólíklegt. 

Katrín Sif er þegar búinn að gera einn kjarasamning við ríkið sem ljósmæður felldu í atkvæðagreiðslu. Þar með máluðu ljósmæður sig út í horn, geta hvorki samið né látið af boðuðu verkfalli.

Rökrétt niðurstaða, eins og Katrín Sif bendir á, er að ríkisvaldið setji lög á verkfall ljósmæðra. Næsta vetur verður samið við ríkisstarfsmenn eftir að línur verða lagðar í kjarasamningum á almennum vinnumarkaði. Ljósmæður og aðrir ríkisstarfsmenn fá í framhaldi sambærilega launahækkun.

Hvorki ljósmæður né aðrir ríkisstarfsmenn eiga að leggja leggja línurnar í launakjörum landsmanna. Kauphækkanir eiga að taka mið af verðmætum til skiptanna en ekki óskhyggju eða frekju einstakra hópa.

Óvíst með fordæmisgildi samninganna

Juncker var fullur, ekki bakveikur

Bakverkir hafa ekki áhrif á jafnvægisskynið. Myndir af Jean-Claude Juncker forseta ESB sýna hann riða til falls. Bakveikir haga sér ekki þannig. Einkenni bakveiki er sársauki. Svipbrigði Juncker sýna engan sársauka.

Juncker er með langa sögu ótæpilegrar áfengisneyslu á opinberum vettvangi.

Bakveikin er fölsk frétt í tilfelli Juncker.

Ljósmæður eru eign ríkisins - við líka

Ljósmæður í kjarabaráttu sýna sig í fatnaði með áletruninni ,,eign ríkisins." Pólitísku skilaboðin eru þau að ríkið telji sig eiga ljósmæður með því að neita þeim um 18 prósent launahækkun.

Við erum öll eign ríkisins. Við greiðum skatt til ríkisins allt frá upphafi ríkisvalds á Íslandi - með Gamla sáttmála. Siðurinn er ekki séríslenskur; þegnskapur og skattur haldast í hendur í öllum vestrænum ríkjum.

Á móti skattinum fáum við samfélag. Menntun, heilbrigðisþjónustu, samgöngur og vernd laga og lögreglu. 

Ríkið mótar stefnu í launamálum. Kennarar og sérfræðingar á launaskrá ríkisins, BHM-félögin, gangast undir stefnu ríkisins. En ljósmæður með 850 þús. kr. meðallaun á mánuði neita.

Áletrunin sem ljósmæður ættu að sýna, enda lýsir hún hugarfari þeirra, er þessi: Ljósmæður standa ofar ríkinu.

Uppskrift að óstöðugleika

Trump er grískur guð Evrópu

Ilíonskviða Hómers segir frá umsátri Akkea (Grikkja) um Trójuborg. Í tíu ára stríði veitti ýmsum betur, Akkeum eða Tróverjum, og fór það eftir atfylgi guðanna. Seifur Kronusson var æðstur guða og munaði mest um málafylgju hans. Donald J. Trump er Seifur Evrópu samtímans.

Þjóðverjar kvarta undan þráhyggju Trump gagnvart sér og skipta út flóttamannastefnu til að þóknast yfirvaldinu. Á Nató-fundi keppast börn Evrópu að gera Trump Kronussyni til geðs. Myndræn framsetning á yfirburðum Trump er að leiðtogi ESB, Jean Claude-Juncker, birtist draugfullur og ósjálfbjarga á Nató-fundinum. Meiri andstæður er ekki hægt að hugsa sér. Ógangfært drukkið gamalmenni á móti tápmiklum grískum guð.  

Í Bretlandi situr mærin May á kné forsetans og biður um leyfi til framhaldslífs sem forsætisráðherra. Trump hallar sér glókollinum Boris Johnson. Borgarstjóri Lundúna ætlaði að gera guðagrikk með útblásinni dúkkumynd. Borgarstjórinn gerir Breta að börnum, segir dálkahöfundur Telegraph.

Eftir að hafa lagt Evrópu að fótum sér heldur Trump Kronusson til Rússíá og hittir þar fyrir Pútín. Í samlíkingu við grísku goðafræðina er Pútín Hera eiginkona Seifs. Hera fer sínu fram, viðurkennir Seifur í Ilíonskviðu.

Segir Brexit gera út um verslunarsamning

Trump: flóttamenn yfirtaka Evrópu

„Inn­flutn­ing­ur fólks er mjög mik­il­væg­ur og ég sagði þeim í dag , ESB, Evr­ópu­sam­band­inu, að það væri eins gott að vera á varðbergi því inn­flytj­end­ur séu að ná yf­ir­ráðum í Evr­ópu og það sé nauðsyn­legt að vera mjög á varðbergi,“ sagði Trump við frétta­menn eft­ir fund­inn í Brus­sel. „Ég sagði þetta hátt og skýrt,“ bætti hann við.

Ofanritað er úr mbl.is-frétt. Til að hnykkja á skilaboðunum segir Trump að breska þjóðin, sem kaus Brexit, úrsögn úr ESB, sé á sínu bandi vegna flóttamannaumræðunnar.

Til að undirstrika áhrif Trump í Evrópu tilkynntu innanríkisráðherrar Þýskalands, Austurríkis og Ítalíu samstarf um að loka landamærunum fyrir ólöglegum innflytjendum.

Fátt um fína drætti hjá fjölmenningarsinnum þessa dagana.

„Ég hef fulla trú á NATO“

Landvinningar Nató í Úkraínu

Aðalfréttin á heimasíðu Nató er stuðningur bandalagsins við Kiev-stjórnina í Úkraínu. En Úkraína er ekki Nató-ríki. Kiev-stjórnin ræður vesturhluta landsins með stuðningi ESB, Nató og Bandaríkjanna. Austurhlutanum stjórna uppreisnarmenn með stuðningi Rússa.

Borgarastyrjöld er í Úkraínu frá ársbyrjun 2014 þegar forseti landsins var hrakinn frá völdum. Valdaræningjarnir voru studdir vesturveldunum en forsetinn, Viktor Janúkóvíts, hafði Rússa sem bakhjarla. Friðarsamkomulag kennt við Minsk I og II er ekki virt.

Í orði kveðnu er Nató varnarbandalag lýðræðisríkja. Landvinningar Nató í Úkraínu segja allt aðra sögu.

Rússland sagt ógna öryggi og stöðugleika