Farönd nauðgar konu

Farendur er nýyrði um fyrirbæri sem kemur eins og skrattinn úr sauðaleggnum, gott ef ekki fljúgandi. Orðið er búið til í stjórnarráðinu, ekki til að upplýsa heldur dylja.

Ef farendur væru fuglar myndu þeir sennilega ekki nauðga.

En nýyrðið merkir flökkufólk, stundum kallaðir flóttamenn eða hælisleitendur. 

Í viðtöku flökkufólks ætti að hafa í huga að misjafn sauður þrífst í mörgu fé. Við hljótum að gera þá kröfu til yfirvalda að þau hleypi ekki inn í landið skrítnum fuglum sem nauðga konum. 

Dæmdur fyrir nauðgun á Hressó

Kjarninn beið með Ágúst; vildi að Klaustursumræðan fengi flug

Kjarninn er samfylkingarútgáfa. Ágúst Ólafur þingmaður Samfylkingar og hluthafi útgáfunnar sýndi starfsmanni freklega kynferðislega áreitni síðast liðið sumar.

Á Kjarnanum vissu allir um málið. En það var þaggað niður. Þögguninni átti að halda áfram eftir að siðaráð Samfylkingar áminnti Ágúst 27. nóvember. Kjarninn segir að það hafi verið gert í þágu þolandans.

Það er yfirvarp. Kjarninn hafði engar áhyggjur af þolendum persónunjósna í Klaustursmálinu, sem komst í umræðuna samtímis sem Ágúst fékk áminninguna frá siðaráði.

 

Reyndi ítrekað að kyssa hana

Hitlersbörnin í París

Hversdagsfólk kom Hitler til valda. Trump fékk atkvæði almennings. Gulvestungar eru hversdagslegir Frakkar en ekki er allur almenningur gott fólk. Á þessa leið er greining þekktasta vinstriróttæklings 68-kynslóðarinnar, Daniel Cohn-Bendit, Rauða-Danna.

Rauði-Danni er kominn á áttræðisaldur og fyrir löngu orðinn væg útgáfa af sínum yngri manni. Hann er ráðgjafi Macron forseta og dæmigerður fulltrú góða fólksins sem vill hafa það huggulegt í fjölmenningunni með loftslagsfirru sem hugmyndafræði og í þægilegri innivinnu hjá ríkinu.

Almenningur í Frakklandi er eitthvað ósáttur, vill breytingar eins og hversdagsfólkið í Bandaríkjunum sem lyfti Trump til valda. Hillary Clinton kallaði fólkið aumkunarvert og Rauði-Danni líkir því við Hitlersbörn.

Frjálslynda elítan kann að orða hlutina. Óhætt að segja það.

Lofar launahækkunum og skattaívilnunum

Ný stjórnarskrá gamalla vinstrimanna

Helstu stuðningsmenn nýrrar stjórnarskrár eru gamlir og kjósa Samfylkinguna, samkvæmt könnun MMR. Skiljanlega, samfylkingarliðið nær ekki árangri í kosningum og krefst uppstokkunar á stjórnskipun landsins. 

Nörda-útgáfan af Samfylkingunni, Píratar, koma á hæla móðurflokksins sem stuðningsmenn þess að farga gildandi stjórnarskrá.

Ungt fólk á miðju stjórnmálanna og til hægri hefur engan áhuga á uppstokkun.

Ekkert nýtt hér. Gamla fýlupokaliðið situr við sinn keip. Aðrir eru sáttir í lýðveldinu.

Ný stjórnarskrá mikilvæg meirihlutanum

Stundin játar frétta-einelti

Stundin vissi af þátttöku Lífar Magneudóttur borgarfulltrúa Vinstri grænna og varaborgarfulltrúa Viðreisnar á Klaustursamsæti Miðflokksins, sem hefur verið aðalfréttamálið í rúma viku.

En það var ekki fyrr en í dag sem Stundin viðurkenndi aðild Lífar af fundinum, eftir að mbl.is hafði gert það að fréttaefni. Stundin segir ,,ekkert fréttnæmt" að Líf og varaborgarfulltrúi Viðreisnar sátu með þingmönnum Miðflokksins. En vitanlega er það fréttnæmt að Líf var viðstödd. Stundinni hefði þótt fréttnæmt ef þingmaður Sjálfstæðisflokksins hefði svo mikið sem staðið í anddyrinu.

Eineltis-hrottar stunda að einangra fórnarlömb sín og draga upp af þeim ómanneskjulega mynd. Það gerði Stundin, með dyggri aðstoð RÚV. Þegar búið er að einangra fórnarlömbin er meðvirku og ístöðulitlu fólki smalað saman til að berja á þolendum. Nú til dags fara þessar barsmíðar fram á samfélagsmiðlum.

Stundin gerði sér far um að draga upp þá mynd af sexmenningunum að þeir væru óalandi og óferjandi. Og þegja um Líf og fulltrúa Viðreisnar.

Líf segist hafa hitt Miðflokksmenn rúmlega hálftólf. Þá hafði útsendari Stundarinnar, Bára hljóðmaður, tekið upp einkasamtöl í um fjórar klukkustundir. En samkvæmt Stundinni hafði Bára fyrir tilviljun  rétt brugðið sér inn á barinn.  ,,[Ég] hugsaði með mér að það væri fínt að setjast þar aðeins niður fram að æfingunni og fá sér kaffi."

Bára hljóðmaður fór ekki á neina æfingu þetta kvöld. Hún sat sem fastast í um fjórar klukkustundir, hljóðritaði og tók myndir. Síðan var búin til upptaka af þessari ólöglegu hlerun. Upptakan var klippt til svo að Líf og varaborgarfulltrúi Viðreisnar myndu ekki blandast í málið.

Ólögleg upptaka á einkasamtölum er persónunjósnir. Næsta skref fjölmiðla á siðferðisstigi Stundarinnar er að koma fyrir hlerunarbúnaði á heimilum fólks. 

 

Klaustur-Líf Vinstri grænna og Viðreisnar

Vinstri grænir og Viðreisn áttu fulltrúa á Klaustri kvöldið sem ólögleg hlerun á kunningjaspjalli fór þar fram. Líf Magneudóttir og Gunn­laug­ur Bragi Björns­son sátu með sexmenningunum og ræddu menn og málefni.

Líf gat þess ekki að eigin frumkvæði að hún tók þátt í samdrykkjunni. Viku eftir að Klausturfundur er orðið að stórpólitísku máli stígur Líf fram lúpuleg og segir já, ég var á Klaustri örlagaríka kvöldið en sagði ekkert ljótt um nokkurn mann.

Líf er þekkt fyrir að tjá tilfinningar sínar með látbragði sem næst ekki auðveldlega á hljóðupptöku. Bára hljóðmaður var líka með það verkefni að taka aðeins upp óhljóð hægrimanna.

Hvorki RÚV né Stundin munu þýfga Líf um hennar hlut í samdrykkjunni á Klaustri. Fjölmiðlabandalag góða fólksins sér um sína.

Tóku ekki þátt í tali þingmannanna

Katrín J: kynferðisleg áreitni er flokksmál

Fyrrum ráðherra og þingmaður Samfylkingar segir kynferðislega áreitni þingmannsins Ágústar Ólafs vera innanflokksmál sem ætti ekkert erindi við almenning.

En þegar ólögleg hlerun á samtölum þingmanna Miðflokksins ber á góma er það sko alls ekki innanflokksmál heldur þjóðarinnar allrar, sem ætti að taka höndum saman og hrekja þingmenn Miðflokksins af þingi. 

Samfylkingarfólkið telur kynferðislega áreitni léttvæga en ólöglega hleruð einkasamtöl stórpólitískt mál - þó ekki hlerunin - heldur innihaldið. Þegar þingmaður Samfylkingar atyrti konuna sem hafnaði honum er það líka léttvægt - enda var ógnarorðræðan ekki hleruð.

#metoo-byltingin staldraði ekki lengi hjá Samfylkingunni.

 

„Málinu á að vera lokið“

RÚV í klaustri Samfylkingar; Ágúst ábóti laus allra mála

RÚV hannaði enn eina klausturfréttina í hádeginu. Líklega eru þær orðnar um 40 fréttirnar af ólöglega hleruðum drykkjulátum þingmanna Miðflokksins. Engin frétt var um Ágúst Ólaf þingmann Samfylkingar sem viðurkenndi á föstudagskvöld að hafa áreitt konu kynferðislega.

Ríkisútvarp vinstrimanna stendur undir nafni. Það leitar uppi og gerir sem mest úr yfirsjónum pólitískra andstæðinga vinstriflokkanna en dregur fjöður yfir alvaralegri brot þeirra sem eru í náðinni hjá Gróu á Efstaleiti.

RÚV ætti ekki að vera á framfæri almennings, heldur fjármagnað af flokkssjóði Samfylkingar.

 

Kom Þorsteini ekki á óvart

Siðlausa Samfylkingin

Þingmaður Samfylkingar er uppvís að kynferðislegri áreitni. Siðanefnd flokksins fjallar um málið og áminnir þingmanninn. Hvað gerist næst? Jú, þingflokkur Samfylkingar krefst þess að ólögleg hlerun á kjaftagangi þingmanna Miðflokksins leiði til afsagnar þeirra.

Samfylkingin telur sem sagt að hæfileg refsing fyrir kynferðislega áreitni sé áminning innanflokks á meðan þeir sem voga sér að tala illa um annað fólk skuli gerðir brottrækir af alþingi.

Siðareglur Samfylkingar eru að kynferðisglæpamenn sleppa með áminningu en sóðakjaftar skulu ganga svipugöngin og settir af sakramentinu.

Siðblindir sækja í Samfylkinguna. Flokksskírteinið gefur heimild að fremja glæp en samtímis standa keikur í miðjum hópi góða fólksins sem refsar öðrum fyrir hugrenningasyndir.

 

Ágúst tekinn af listanum

Rósa B: kynferðisleg áreitni ok, baktal ekki

Rósa Björk Brynj­ólfs­dótt­ir stjórnarandstöðuþingmaður Vinstri grænna segir kynferðislega áreitni léttvægari en baktal. 

Nú vita allir læsir að ef hlutverkin væru önnur, t.d. að þingmaður Sjálfstæðisflokks hefði viðurkennt kynferðislega áreitni en þingmaður Samfylkingar staðinn að því að baktala einhvern, myndi  Rósa Björk ekki ná upp í nef sér af hneykslun og segja tilraun til nauðgunar margfalt verri en dónaleg og ólöglega hleruð ummæli.

Stjórnmálamenn velja sér sérkennilegar leiðir að lýsa sig ómarktæka.

Óviss hvort málið eigi erindi við siðanefnd