Ragnar Þór játar fullframinn glæp

Ragnar Þór formaður VR og stjórn félagsins reyndu með ólögmætum hætti að skuggastýra fulltrúum VR í stjórn Lífeyrissjóðs verslunarmanna. Yfirlýsing Ragnars Þórs og stjórnarinnar krafðist þess að fulltrúar VR í stjórn lífeyrissjóðsins legðust gegn þátttöku sjóðsins í væntanlegu hlutafjárútboði Icelandair.

Afturköllun yfirlýsingarinnar er játning á fullfrömdum glæp.

Ragnar Þór og stjórn VR eru í sömu stöðu og þjófar sem skila tilbaka þýfinu.

Ætla Ragnar Þór og stjórn VR að sitja áfram, eins og ekkert hafi í skorist?

Draga yfirlýsinguna til baka

RÚV slúðrar áfram - pempíulöggur í áfalli

Hýenufréttir RÚV af lögreglustjóra Suðurnesja verða æ aumkunarverðari. Nú heitir það að ,,ófriðarbál" hafa kviknað í Reykjanesbæ vegna klúrs texta á glámbekk annars vegar og  hins vegar fataskipta lögreglustjóra.

Lögreglumenn sem þola ekki að lesa klúran texta og sjá mann á nærbrókum eru ekki starfi sínu vaxnir og ættu að finna sér aðra iðju en halda uppi lögum og reglu.

RÚV er í því hlutverki að magna upp móðursýkiskast á opinberum vinnustað. Fréttamat RÚV stjórnast af illgirni og heimsku. Aðalfréttin í málinu öllu er af pempíulöggum í áfalli. Sú frétt gæti staðið undir því að vera fyndin.

Kvörtuðu yfir klúrum texta lögreglustjórans

RÚV afhausar lögreglustjóra

RÚV vill höfuð lögreglustjórans á Suðurnesjum á silfurfati. Með dæmigerðri hýenufréttamennsku í nokkra daga grefur RÚV skipulega undan lögreglustjóranum með ásökunum, mest frá ónafngreindum heimildum.

Gott og grandvart fólk verður fyrir barðinu á hýenum Efstaleitis sem taka eina fjöður og gera úr matarmiklar fimm hænur. Einu málefnalegu rök RÚV er að lögreglustjórinn hafi ekki geymt skjöl á réttum stað. Þá er dæmigerðu vinnustaðaslúðri gert hátt undir höfði og látið eins og óljósar kvartanir séu sakfelling um brot í starfi.

Í kvöldfréttum RÚV í gær átti að gefa lögreglustjóranum náðarhöggið. Í beinni útsendingu upplýsti fréttamaður að dómsmálaráðherra hefði beðið lögreglustjórann að segja af sér ,,óformlega". Eins og opinber embættismaður geti sagt af sér ,,óformlega".

Fréttapunkturinn er aftur sá að ef ráðherra biður embættismann að segja af sér þýðir það í raun að engin málefnaleg rök standa til að knýja fram afsögn.

Opin spurning er hvort RÚV stundi hýenufréttamennsku í verktöku eða að það sé liður í valdeflingu Efstaleitis að afhausa saklausa mann og annan er stendur vel til höggs - til að sýna hvar valdið liggur. RÚV lifir sníkjulífi á skattpeningum almennings og stjórnmálamenn skulu gjöra svo vel að opna budduna. Að öðrum kosti er hýenum sleppt lausum.

Í lok samtals þulu og fréttamanns í beinni útsendingu í gær brá RÚV á gamalkunnugt ráð - að hóta. Áslaug Arna dómsmálaráðherra vill ekkert við okkur tala, sagði fréttamaðurinn og gaf þar með til kynna að ráðherra væri með slæma samvisku og á flótta.

Hýenurnar á Efstaleiti kunna til verka. Ráðherra sýndur á flótta er stjórnmálamaður á leið úr pólitík.

Værur innan lögreglunnar á Suðurnesjum

Vísindi og mótsögn Menóns

Vísindamenn ,,sam­mælt­ust" um að maðurinn hafi ekki komið til Ameríku fyrr en undir lok síðustu ísaldar, fyrir um 11500 árum, segir í viðtengdri frétt. Voru ,,aðrar kenn­ing­ar að mestu leyti af­skrifaðar sem óáreiðan­leg­ar og hættu forn­leifa­fræðing­ar að leita merkja um und­an­fara."

Vísindalegri aðferð, eins og hún er í reynd, er þarna ágætlega lýst. Það er haft fyrir satt sem vísindamenn sammælast um hverju sinni, á grundvelli gagna. Menn hætta að leita að gögnum sem vefengja viðurkennd sannindi.

Í samræðu Platóns, Menón, er þekkingarleit kynnt sem mótsögn. Maður leitar ekki að því sem maður veit hvað er. Ef maður leitar að því sem maður ekki veit hvað er þá finnur maður það ekki.  

Tilgátur í vísindum brúa bilið milli þess sem vitað er og þess sem er óþekkt, ekki vitað. Vaninn er sá að gögn finnast, oft fyrir tilviljun, - menn voru jú ekki að leita - sem ekki samrýmast viðteknum sannindum. Úr verður tilgáta: maðurinn kom fyrr til Ameríku en áður var haft fyrir satt.

Öll vísindi eru þessu marki brennd. Þau eru þekking með fyrirvara. Vísindin eru aðferð en ekki niðurstaða.   

 

Til Ameríku miklu fyrr en talið var

Formaður VR vinnur gegn eigin félagsmönnum

Margir félagsmenn VR starfa hjá Icelandair, sem þarf nýtt hlutafé til að lifa af. Framlag Ragnars Þórs formanns VR var að leggja til að hlutafjárútboð Icelandair yrði sniðgengið.

Formaður VR og stjórn félagsins vilja svipta félagsmenn VR atvinnunni til að koma höggi á Icelandair. Nú þegar afleiðingar yfirlýsingarinnar renna upp fyrir Ragnari Þór og stjórninni stendur til að afturkalla yfirlýsinguna. Til að ,,bjarga" VR, segir formaðurinn.

Nei, Ragnar Þór, þú ert ekki að bjarga VR heldur eigin skinni. Án VR gætir þú ekki verið pólitískur aðgerðasinni á góðum launum.

Leggur til að VR dragi yfirlýsingu til baka

Móðgunargirni og aumingjavæðing

Konur, kynþáttur, samkynhneigð og trú (nema kristni) má ekki grínast með án þess að fá yfir sig vandlætingu. Sjávarpláss á norðausturlandi bætast núna á listann.

Móðgunargirni helst í hendur við upphafningu þeirra sem, með réttu eða röngu, teljast standa höllum fæti. Það verður eftirsótt að vera aumingi í einhverjum skilningi.

Heilu stjórnmálaflokkarnir gera út á valdeflingu aumingjanna. Og það er ekkert grín.

 

Lífslátshótanir eftir gagnrýni á Kópasker

Ragnar Þór situr á lögreglumáli - eða slúðrar

Ragnar Þór formaður VR sakar nafngreinda menn og fyrirtæki um umboðssvik, sem er lögfræðiheiti á spillingu. Ef ekki er fótur fyrir ásökunum Ragnars Þórs fer hann með ærumeiðandi slúður.

Annað tveggja er fyrir formann VR að leggja gögnin fyrir lögreglu og krefjast rannsóknar eða biðjast afsökunar.

En Ragnar Þór mun hvorugt gera. Hann er hvorki nógu greindur né vandaður til að átta sig á hvernig menn í hans stöðu eiga að haga sér. 

Fátt um svör um óútskýrðar greiðslur og „snúninga“

Sólveig Anna í flugfreyjubúningi

Sólveig Anna formaður Eflingar segir flugfreyjur eiga skýlausan rétt að knýja Icelandair í gjaldþrot. Þeir sem halda öðru fram séu ,,truflaðir" fulltrúar ,,reykvískrar borgarastéttar".

Aðeins nokkrar vikur eru síðan Sólveig Anna segðist hafa ,,lögvarðan rétt" að reka börn úr skóla þegar það þjónaði verkalýðsbaráttunni.

Ef ,,reykvíska borgarastéttin" ræður lögum í landinu hefur hún heldur betur sofið á verðinum.

„Umræðan var á hærra plani“

Sósíalísk verkó

Efling sækir fyrirmynd til Venesúela, VR til gulvestunga í Frakklandi. ASÍ smitast af róttækni Eflingar og VR, enda annars hætta á að Sólveig Anna og Ragnar Þór taki höndum saman um hallarbyltingu.

Á hinn bóginn. Herskár sósíalismi ber dauðann í sér fyrir verkalýðshreyfinguna.

ASÍ náði völdum og áhrifum í samfélaginu á síðustu öld með samvinnu við hægrimiðjuna sem er ráðandi í íslensku samfélagi. Ef ASÍ segir sig frá þeirri samvinnu er úti um verkalýðshreyfinguna.

Útlenskir ismar ná aldrei árangri á Íslandi. Sögulega er isma-fólkið eins og Gísli á Uppsölum. Skrítið, sniðugt en ómarktækt. 

Risastór orð látin falla á föstudaginn

Ingibjörg Sólrún, alþjóðahyggjan og fjölmenning

Ingibjörg Sólrún fyrrum ráðherra og formaður Samfylkingar segir farir sínar ekki sléttar á alþjóðavettvangi. Þrjú múslímaríki hröktu hana úr starfi hjá alþjóðlegri stofnun, ÖSE, sem lætur sig mannréttindi varða.

Í viðtali við RÚV saknar Ingibjörg Sólrún Bandaríkjanna, sem áður voru kjölfestan í alþjóðlegu samstafi. Bandaríkin hefðu slegið á putta múslímaríkjanna með sorglega mannréttindasögu.

En hvers vegna hafa Bandaríkin dregið sig úr alþjóðlegu samstarfi af þessu tæi?

Jú, vegna þess að kratavinir Ingibjargar Sólrúnar í Evrópusambandinu gerðu fjölmenningu að sáluhjálp í alþjóðsamstarfi. Í anda fjölmenningar mátti ekki segja upphátt að vestræn mannréttindi eru ósamrýmanleg íslam, múslímatrú. Miðaldamenningu múslíma var gert jafn hátt undir höfði og vestrænni mannréttindamenningu. Til að bæta gráu ofan á svart lætur krataliðið, stundum kallað frjálslynda vinstrið, sér vel líka að múslímaríki nota alþjóðastofnanir í skefjalausu áróðursstríði gegn Ísrael - sem er eina lýðræðisríkið í miðausturlöndum.

Múslímsk uppsögn Ingibjargar Sólrúnar sýnir svart á hvítu að hugmyndin um algild mannréttindi er bábilja. Mannréttindi eru einskins virði nema þau séu varin með valdi. Fjölmenning gerir ekki ráð fyrir að ríkisvald tryggi mannréttindi.

Karl Marx, andlegur faðir vinstrimanna, vissi sem er að hugmyndafræði er einskins virði gagnvart hlutlægum veruleika. Valdið er hlutlægt, mannréttindi eru huglæg.