Ingibjörg Sólrún, alþjóðahyggjan og fjölmenning

Ingibjörg Sólrún fyrrum ráðherra og formaður Samfylkingar segir farir sínar ekki sléttar á alþjóðavettvangi. Þrjú múslímaríki hröktu hana úr starfi hjá alþjóðlegri stofnun, ÖSE, sem lætur sig mannréttindi varða.

Í viðtali við RÚV saknar Ingibjörg Sólrún Bandaríkjanna, sem áður voru kjölfestan í alþjóðlegu samstafi. Bandaríkin hefðu slegið á putta múslímaríkjanna með sorglega mannréttindasögu.

En hvers vegna hafa Bandaríkin dregið sig úr alþjóðlegu samstarfi af þessu tæi?

Jú, vegna þess að kratavinir Ingibjargar Sólrúnar í Evrópusambandinu gerðu fjölmenningu að sáluhjálp í alþjóðsamstarfi. Í anda fjölmenningar mátti ekki segja upphátt að vestræn mannréttindi eru ósamrýmanleg íslam, múslímatrú. Miðaldamenningu múslíma var gert jafn hátt undir höfði og vestrænni mannréttindamenningu. Til að bæta gráu ofan á svart lætur krataliðið, stundum kallað frjálslynda vinstrið, sér vel líka að múslímaríki nota alþjóðastofnanir í skefjalausu áróðursstríði gegn Ísrael - sem er eina lýðræðisríkið í miðausturlöndum.

Múslímsk uppsögn Ingibjargar Sólrúnar sýnir svart á hvítu að hugmyndin um algild mannréttindi er bábilja. Mannréttindi eru einskins virði nema þau séu varin með valdi. Fjölmenning gerir ekki ráð fyrir að ríkisvald tryggi mannréttindi.

Karl Marx, andlegur faðir vinstrimanna, vissi sem er að hugmyndafræði er einskins virði gagnvart hlutlægum veruleika. Valdið er hlutlægt, mannréttindi eru huglæg.  

Athugasemdir

[Halldór Jónsson, 19.7.2020 kl. 11:10]

Ingibjörg Sólrún hefur sannað sig sem illfygli í stjórnmálum. Það væri merkilegt ef hún hefði verið öðruvísi í samstarfi við muslímana í ÖSE

[Hrólfur Þ Hraundal, 19.7.2020 kl. 13:39]

Ingibjörg Sólrún !!! ja sveiattan, sama bullið og nú lekur úr Degi kjálka lausa Reykjavíkur riðli.

[Kolbrún Hilmars, 19.7.2020 kl. 14:07]

Pólitískar skoðanir Ingibjargar Sólrúnar skipta ekki máli - í þessu máli heldur yfirgangur miðaldaskoðana annarra.
Hver verður annars eftirmaður hennar hjá ÖSE?

[Hörður Þormar, 19.7.2020 kl. 14:22]

Ekki veit ég um aðra, en mig tekur það ekki óskaplega sárt þó að Ingibjörg Sólrún goggi smávegis í Erdogan og félaga hans.

[Birna Kristjánsdóttir, 19.7.2020 kl. 15:39]

Ingibjörg Sólrún!

Ingibjörg Sólrún komin til Íslands. Afhverju var henni hleypt inn í landið? Hún er landráðamaður í mínum huga og margra annarra. Hvað er hún að kvarta, búin að vera á ríkisspenanum (og er kannski enn) síðan í hruninu í algjörlega vonlausum og tilgangslausum störfum.

Hún er núna að komast á feit ríkiseftirlaun og við (sem erum ekki þjóðin)látin borga! Að hún skuli voga sér að amta kjafti er svakalegt, hrokinn og frekja alveg yfirgengileg.

[Sigfús Ómar Höskuldsson, 19.7.2020 kl. 16:28]

Er það ekki rétt að Ameríka eins og við þekkjum hana sé land hinnar eiginlegu "fjölmenningu" 

Það land hefði ekki þróast í þá átt sem er nú nema aðkomu innflytjenda.

Höfundur verður nú að kanna sögubækurnar aðeins betur.

[Ragnhildur Kolka, 19.7.2020 kl. 19:54]

Þar til nýlega hafa innflytjendur í BNA lagað sig að lögum landsins og lotið stjórnarskrá þess. Nú virðist hins vegar upp á þeim tippið. Öskrandi marxískir BLM-liðar og fasískar Antífa-bullur æða um götur og eira engu sem á vegi þeirra verður. Ekki mjög uppbyggilegt en lætur sem ljúfir tónar í eyrum Samfóistanna á RÚV.

[Sigfús Ómar Höskuldsson, 19.7.2020 kl. 21:36]

Ragnhildur , Skrifaðir þú allt þetta sjálf eða fannst þú þetta allt saman á netinu ? 

Ekki frá því að þetta hafi allt sést áður, stundum sem bull en þó aðallega sem þvættingu og já, í annarri röð.

Tók þó eftir því að það vantaði að láta Soros fylgja með....gleymdist það ? 

[Ragnhildur Kolka, 19.7.2020 kl. 23:40]

Takk Sigfús, alltaf sami bjargvætturinn. Auðvitað ert þú með það á hreinu hvaðan peningarnir koma.