RÚV afhausar lögreglustjóra

RÚV vill höfuð lögreglustjórans á Suðurnesjum á silfurfati. Með dæmigerðri hýenufréttamennsku í nokkra daga grefur RÚV skipulega undan lögreglustjóranum með ásökunum, mest frá ónafngreindum heimildum.

Gott og grandvart fólk verður fyrir barðinu á hýenum Efstaleitis sem taka eina fjöður og gera úr matarmiklar fimm hænur. Einu málefnalegu rök RÚV er að lögreglustjórinn hafi ekki geymt skjöl á réttum stað. Þá er dæmigerðu vinnustaðaslúðri gert hátt undir höfði og látið eins og óljósar kvartanir séu sakfelling um brot í starfi.

Í kvöldfréttum RÚV í gær átti að gefa lögreglustjóranum náðarhöggið. Í beinni útsendingu upplýsti fréttamaður að dómsmálaráðherra hefði beðið lögreglustjórann að segja af sér ,,óformlega". Eins og opinber embættismaður geti sagt af sér ,,óformlega".

Fréttapunkturinn er aftur sá að ef ráðherra biður embættismann að segja af sér þýðir það í raun að engin málefnaleg rök standa til að knýja fram afsögn.

Opin spurning er hvort RÚV stundi hýenufréttamennsku í verktöku eða að það sé liður í valdeflingu Efstaleitis að afhausa saklausa mann og annan er stendur vel til höggs - til að sýna hvar valdið liggur. RÚV lifir sníkjulífi á skattpeningum almennings og stjórnmálamenn skulu gjöra svo vel að opna budduna. Að öðrum kosti er hýenum sleppt lausum.

Í lok samtals þulu og fréttamanns í beinni útsendingu í gær brá RÚV á gamalkunnugt ráð - að hóta. Áslaug Arna dómsmálaráðherra vill ekkert við okkur tala, sagði fréttamaðurinn og gaf þar með til kynna að ráðherra væri með slæma samvisku og á flótta.

Hýenurnar á Efstaleiti kunna til verka. Ráðherra sýndur á flótta er stjórnmálamaður á leið úr pólitík.

Værur innan lögreglunnar á Suðurnesjum

Athugasemdir

[Halldór Jónsson, 24.7.2020 kl. 07:32]

Halda menn að Sigríður Björk sé hvergi nærri?

[Jón Þórhallsson, 24.7.2020 kl. 08:23]

Það vantar alltaf röddina inn á rúv sem að á að færa okkur VONINA;

Þ.e. pólitíska forsetann sem að sýnir okkur

að allir hagvísar séu á réttri leið af því að hann sé svo klár.

[Benedikt Halldórsson, 24.7.2020 kl. 10:11]

Sá sem telur sig verða fyrir einelti úrskurðar ekki í eigin máli. Fyrst þarf að kvarta yfir samskiptunum á málefnalegan hátt. Úrskurðurinn kemur eftir að mannauðsstjórar hafa tekið viðtöl við aðila málsins - oft með aðstoð utanaðkomandi sálfræðinga.

Í þessi tilfelli flytur RÚV fréttir af "einelti" sem glæp sem þurfi að refsa fyrir áður en aðilar sem sérhæfa sig í "glæpnum" hafa lokið sínum störfum. Í þeim tilfellum þegar mannauðsstjórar / sálfræðingar eru sammála kvartara að einelti eigi sér stað - er tekið á málinu á viðeigandi hátt. Markmiðið er að gera vinnustaðinn betri. Það er því ekki haft samband við fréttastofu RÚV. Allir tapa á því. En reyndar er í alþjóðlegri tísku að "tortíma" löggum og leggja hana helst niður.

Þegar RÚV flytur fréttir af "einelti" er verið að gera hugsanlegt einelti að glæp sem beri að refsa fyrir. Þannig vinnur RÚV gegn baráttunni þeirra gegn einelti sem þekkja til slíkra mála. Allt fer í enn verri baklás á vinnustaðnum.

En á RÚV vinnur fólk með vanmetakenndarmikilmennskubrjálæði eða eitthvað í þá áttina sem ég kann ekki að nefna en sálfræðingar eiga ábyggilega orð yfir fyrirbærið.

Hér eftir munu eineltiskvartanir rigna yfir landsmenn í formi frétta. Stemningin er eins og á tímum galdraofsókna, en þá eins og nú er kvörtun sönnun um sekt. 

[Þorsteinn Siglaugsson, 24.7.2020 kl. 10:34]

Hvers vegna í ósköpunum ætti fréttamönnum RÚV að vera í nöp við þennan lögreglustjóra? 

[Benedikt Halldórsson, 24.7.2020 kl. 11:32]

Lögreglustjórinn er hvítur miðaldra karl. Hann er fulltrúi feðraveldisins. Hann er "hvíti maðurinn" sem fór svo illa með alla í heiminum og til að bæta gráu ofan á svart er hann lögreglustjóri í ofanálag. Marxistar hata löggur og femínistar hata "valdakalla".  Hann liggur því vel við höggi.

Það er ekkert sem hönd er á festandi í frétt RÚV sem meikar sens. Reglur vinnustaða um hvernig bregðast eigi við einelti eru þverbrotnar. Það bendir til æðis.

Menn eru ofsóttir um allan heim fyrir sömu "sök" og lögreglustjórinn. Það er nýjasta ofsóknaræðið að hata hvíta miðaldra valdakarla. RÚV tollir í tískunni. 

Menn eru ekki flæmdir úr starfi vegna þess "tortímendunum" sé svo illa við þá persónulega.  Karakter eða vel unnin störf skipta engu máli.

[Sigfús Ómar Höskuldsson, 24.7.2020 kl. 12:34]

Líklega er hér um að ræða "velviljaðar hugsanir" hjá höfundi í garð allra starfs manna hjá okkar ágæta Ríkisútvarpi.

Þeir sem e-ð hafa fréttanefið sjá að fréttin og umfjöllunin snýst um upphlaup nokkurra yfirmanna hjá einu lögregluembætti, þar sem þar fer fyrir lögfræðingur einn sem hefur nú hlotið nokkrar ádrepur fyrir framferði sitt gagnvart undirmönnum sínum.

Ekki er annað að sjá, þá með sama nefi, að ummfjöllunin snúist um átökin sem þar eiga sér stað. 

Gott er hinsvegar til þess að vita að einn lögreglustjóri eigi stuðning vísan hjá höfundi. 

Höfundur ætti að kannski að ræða Dómsmálaráðherra í stað þess að hamast á öllum starfsmönnum RÚV.

Kannski er þá fréttanef höfundar kannski útrunnið ? 

[Tómas Ibsen Halldórsson, 24.7.2020 kl. 17:09]

Skjóta fyrst, spyrja svo. 

Af hverju er ekki búið að leggja RÚV niður????? Það er margbúið að sanna sig að stofnun þessi er til óþurftar.

[Jón Þórhallsson, 24.7.2020 kl. 19:42]

Ef að fólk er ósátt með rúv

að þá ætti allt kastljósið að beinast að útvarpsstjóranum.

 ="AÐ EFTIR HÖFÐINU DANSI LIMIRNIR?"

Segir máltækið.

[Hrólfur Þ Hraundal, 25.7.2020 kl. 01:32]

Tek undir mál Tómasar Ibsen, og legg til að RUV verði lagt í sýru sem uppúr mætti veiða gamanmál um áramót.

 

[Hrólfur Þ Hraundal, 25.7.2020 kl. 01:51]

En án gamans þá er það alvarlegt mál þegar einhverjir fals hundar og afglapar ráðast að lögreglustjóra án raka og níða hann í skítinn. Mál þeirra er þarmeð rakalaus þvættingur.

 

 

 

[Hrólfur Þ Hraundal, 25.7.2020 kl. 02:22]

RUV, sem að við sjálfstæð Íslensk þjóð eigum ekkert í lengur, væri mjög heppilegt að yrði af hausað sem snarast og sett í hakkavélinna þar sem að Stalin og eða kameratar gætu fundið sér púsl til að setja saman.