Móðursýki Silju Báru og feðraveldið

Karlar eru vanmenntaðri en konur, þeir eru líklegri til sjálfsvíga, þeim gengur verr í skóla, þeir lifa skemur, félagslega einangraðri en konur og eru líklegri en konur að lenda í fangelsi.

Meint feðraveldi skaffar körlum heldur ömurlegt hlutskipti. Enda er þetta veldi hugarórar valdsækinna kvenna.

Móðursýki Silju Báru dósents um helstríð meints feðraveldis er að stofni til femínískur heilaspuni. Það þarf að mennta fólk sérstaklega í fáfræði til að trúa bábiljunni.

Helstríð og dauðateygjur feðraveldisins

Óreiða og fylgi Samfylkingar eykst

Þegar upplausn og óreiða ríkir í samfélaginu vex fylgi Samfylkingar. Eftir hrun tók fylgi flokksins stökk og nú aftur fær Samfylkingin meðbyr - þegar móðursýki tröllríður samfélaginu.

Tilviljun?

Nei, varla.

Miðflokkur dytti út af þingi

Frakkland, bjargvættur ESB, er lamað

Mestu mótmæli í hálfa öld í Frakklandi, segir Guardian. Die Welt talar um harmleik kratisma. Aðrar fréttir eru þær að verkalýðurinn í Frakklandi snúist gegn alþjóðaelítunni, sem metur loftslagfirru meira en fólk.

Frakkland með Macron sem forseta átti að bjarga Evrópusambandinu, vísa veginn til framtíðarlandsins eftir úrsögn Breta, Brexit. En Macron er kominn út í vegleysu með sitt eigið land og gagnast ekki Brussel-verkefninu.

Mótmæli eins og þau í Frakklandi öðlast eigið líf. Þótt stjórnvöld afturkalla hækkun á eldsneyti vegna loftslagsfirru er það ekki nóg. Almenningur krefst meira. Enginn veit þó hvað þarf til að seðja lystina eftir að óánægjan verður allsráðandi.

Hætt við skattahækkanir

Eftirspurn eftir móðursýki

Móðursýkin í Klaustursmálinu er í engu samræmi við tilefnið. Að vinnufélagar hittist yfir glasi og hrauni yfir mann og annan fjarstaddan er fremur hversdagslegt. Eyru fýsir illt að heyra er algengur kvilli meðal okkar.

Samfélagsmóðursýkin eins og hún birtist í Klaustursmálinu er samspil margra þátta s.s. stjórnmála, þar sem eins dauði er annars brauð, fjölmiðla sem mæla stöðu sína eftir fréttasmellum og samfélagsmiðla þar sem fyrst er skotið en síðan spurt.

Móðursýkin hvorki breytir né bætir samfélagið. Ekkert uppbyggilegt er á ferðinni í þeim vagni fordæmingar sem keyrir þvers og kruss um landið og miðin.

Óska eftir upptöku vegna Klausturmáls

Getur Helga Vala setið fundi á þess að móðga eða brjálast?

Helga Vala Helgadóttir móðgaði dönsku þjóðina þegar hún setti upp leiksýningu á Þingvöllum í sumar og sýndi forseta danska þingsins bakhlutann.

Helga Vala, að eigin sögn, ,,brjálast", þegar illa gengur í pólitík.

Samfylkingin ætti að finna annan siðgæðisvörð en Helgu Völu Helgadóttur.

„Geta þau sinnt störfum sínum?“

Danir missa raforkuna til útlendinga

500 milljarðar ísl. króna tilboð í dönsku rafveituna Ørsted sýnir að eftir nokkru er að slægjast á raforkumarkaði Evrópu, sem hugmyndir eru um að Ísland tengist með þriðja orkupakkanum.

Það á svo að heita að danska ríkið sé meirihlutaeigandi Ørsted en það eru stjórnendur félagsins ásamt minnihlutanum sem véla um söluna.

Ef Ísland verður hluti af þessum raforkumarkaði, með innleiðingu þriðja orkupakka ESB, yrði það dauðadómur yfir fullveldi þjóðarinnar í raforkumálum.

Fjárhagslegir hagsmunir að tengjast orkuneti Evrópu verða svo gríðarlegir að engin stjórnvöld munu standast freistinguna.

Eina leiðin er að byrgja brunninn áður en óskabarnið fellur ofan í; með því að hafna þriðja orkupakkanum og aftengja Ísland orkustefnu ESB.

Leikhúslýðræði

Forn-Grikkir kenndu að í leikhúsið færu menn að hreinsa sig. Maður lifði sig inn í breyskleika leikpersóna, framdi syndir og drýgði hetjudáðir, án þess að hætta neinu til sjálfur. 

Að lokinni sýningu var leikhúsgesturinn hreinsaður.

Troðfullt var á leiklestur Borgarleikhússins á drykkjutali sex þingmanna þar sem var ,, meðal ann­ars rætt um út­lit stjórn­mála­kvenna, gáfnafar og and­lega eig­in­leika."

Án efa hefur enginn viðstaddra nokkru sinni hallað orði á starfsfélaga, baktalað nokkurn mann eða gert grín að þeim sem eru öðruvísi. Allt er þetta fullkomin nýlunda fyrir viðstadda.

Og allir fóru heim hreinsaðir og sáttir að vera betri menn en sexmenningarnir ógurlegu. 

 

„Stórkostlegt rannsóknarefni“

Katrín fær stuðning frá Loga

Forsætisráðherra fær sérstaka stuðningsyfirlýsingu frá formanni Samfylkingar:

Sagðist Logi telja for­sæt­is­ráðherra geta leikið stórt hlut­verk í því sam­tali sem þyrfti að eiga sér stað. Hún hefði þann trú­verðug­leika sem þyrfti til þess og sagðist Logi treysta henni til þess.

Samtalið, sem Logi vísar til, gengur út á að sannfæra þjóðina að alþingismenn séu ekki illa upp alin kvikindi sem ekkert aumt mega sjá án þess að níðast á því í orðum eða gerðum.

Orð eru til alls fyrst.

 

„Hvað gerum við nú?“

Trump, Ísland og versta ár í sögu mannkyns

Ísland ber ábyrgð á versta ári í sögu mannkyns, segir í nýrri grein í vísindatímaritinu Science. Árið er 536 og þykk þoka leggst yfir Evrópu, miðausturlönd og hluta af Asíu. Sólin er myrkvuð og hitastig fellur um 1,5 til 2,5 gráður á Celcius. Kaldasti áratugur í 2300 ár er hafinn.

Ísland, sem þá var óbyggt og kallað Thule í elstu heimildum, er ástæða náttúruhamfaranna. Eldgos hér á landi hratt af stað veðurfarsbreytingum sem skóku heiminn í upphafi miðalda.

Hraðspólum fram til ársins 2018. Alþjóðavæddir snillingar reyna að telja okkur trú um að Trump forseti hraði loftslagsbreytingum sem geri jörðina óbyggilega eftir fáeina áratugi.

Nú er Trump sjálfsagt merkilegur maður en hann hvorki stöðvar né hrindir af stað náttúruhamförum. Alþjóðavæddu snillingarnir gera Trump að strámanni fyrir náttúrferla sem enginn mannlegur máttur ræður við.

Loftslagssvindlið, að maðurinn ráði loftslaginu á jörðinni, er ósvífnasta tilraun til að blekkja fólk til fylgilags við mannskemmandi hugmyndafræði síðan kommúnisminn var og hét.

Trump-áhrifin ógna Parísarsamkomulaginu

Efling viðurkennir verri stöðu atvinnulífsins

Raunlaun taka mið af markaðsaðstæðum á meðan verkalýðshreyfingin semur um lágmarkslaun. Kjarakönnun Eflingar sýnir verri stöðu atvinnulífsins þar sem raunlaun hækka óverulega.

Næsta skref Eflingar er að viðurkenna að engar forsendur eru fyrir sósíalískri kjarastefnu í markaðshagkerfi.

Velkomin í heim raunveruleikans, Anna Sólveig og félagar.

Minni hækkun hjá Eflingu