Þolendur og gerendur, sekt og sakleysi

Sá sem meiðir annan með athöfnum eða orðum er gerandi en þolandinn er sá sem meiðist.

Ef einhver er ásakaður um að vera gerandi, en er það ekki, verður meintur gerandi sjálfkrafa þolandi og meintur þolandi er orðinn að geranda.

Munurinn liggur í sekt og sakleysi. Og eins og flest fullorðið fólk veit er iðulega í samskiptum fólks fjarska erfitt að gera þar upp á milli. Þess vegna bjuggum við til kerfi, kallað réttarríkið, þar sem meginforsendan er að sérhver er saklaus uns sekt er sönnuð.

Ásökun jafngildir ekki sekt. Það þarf að sýna fram á að ásökunin sé sönn. Skrítið hve jafnaugljós atriði flækjast fyrir fólki. 


mbl.is Þolendum beri engin skylda til að stíga fram
Tilkynna um óviðeigandi tengingu við frétt

Blaðamannamótsögnin og pólitísk ríkisblaðamennska

Fyrir samfélagsmiðla þurfti blaðamann til að flytja texta frá heimild til lesenda og hlustenda. Eini vettvangurinn til að miðla textanum var fjölmiðlar. 

Samfélagsmiðlar kipptu fótunum undan bæði blaðamönnum og fjölmiðlum. Blaðamenn urðu því sem næst ónauðsynlegur milliliður milli heimilda og viðtakenda. Margar fréttir sem við lesum í fjölmiðlum eru afrit af fésbókarfærslu með fyrirsögn blaðamanns.

Eftirspurn er eftir sérþekkingu blaðamann þverr og fjölmiðlar standa höllum fæti. Mótsögnin er að textaóðum heimi eru blaðamenn lentir í stöðu prentara sem tæknin leysti af hólmi.

Blaðamennska var í öndverðu pólitísk túlkun á veruleikanum og lifði góðu lífi á dögum flokksblaða. Þessi tegund blaðamennsku er endurreist í miðlum eins og Stundinni og Kjarnanum. En þessir miðlar hanga á horriminni og biðja ríkið ásjár að niðurgreiða pólitíska blaðamennsku. Eins og það sé ekki nóg að ríkið haldi úti rammpólitísku RÚV. 

Ríkisblaðamennska jaðarmiðla bætir ekki opinbera umræðu. Jaðarmiðlarnir þvert á móti magna upp mesta ósið samfélagsmiðla; skjóta fyrst og spyrja svo.

 

 


mbl.is Verkfall blaðamanna „það eina í stöðunni“
Tilkynna um óviðeigandi tengingu við frétt

Stjórnarskrá er fyrir kynslóðir, ekki smáhópa í leit að pólitík

Stjórnarskrár verða ýmist til fyrir byltingar, sú franska og bandaríska, eða smátt og smátt þróaðar yfir aldir eins og sú óskrifaða enska.

Samfélög stokka upp stjórnarskrár sínar í réttu hlutfalli við pólitíska, efnahagslega og félagslega umsköpun.

Stjórnarskrá er ætlað að standa í kynslóðir, það liggur í eðli málsins þar sem stjórnarskrá er grundvallarlög, og heitir því nafni á norrænum málum. sem öll önnur lög byggja á.

Af þessu leiðir er engin ástæða fyrir Íslendinga að stokka upp sína stjórnarskrá. Hún þjónar okkur vel. Það eru eru hrein og klár skemmdarverk á pólitískum stöðugleika að gera atlögu að stjórnarskrá lýðveldisins. 


mbl.is Fleiri með engan sérstakan áhuga
Tilkynna um óviðeigandi tengingu við frétt

Gréta og græni fasisminn

Í metsölubókinni Hann er kominn aftur segir af endurkomu Hitlers og viðtökunum sem hann fær í Þýskalandi samtímans. Foringinn endurlífgaði er hrifnastur af Græningjaflokknum. Hann er einnig píratískur tölvunörd, slær inn leitarorðið ,,heimsyfirráð" og finnst mikið til koma um möguleika netsins til valda og áhrifa.

Í kvikmyndaútgáfu bókarinnar, sem er á Netflix, er austurríski liðþjálfinn sýndur sem kröftugur maður í leðurfrakka. Samtímaheimildir um Hitler sýna femíníska drætti, t.d. hvernig hann strýkur vangann og krosslegur fætur. Endurvakningin er hreint hörkutól án nokkurs kvenleika - og staðfastur græningi.

Vel að merkja: hinn sögulegi Hitler var grænmetisæta. Traudl Junge, einkaritari foringjans, segir segir í bók sinni, Til hinstu stundar, að Hitler vildi ekki afskorin blóm í híbýlum sínum með þeim rökum að hann taldi ekki lík til skrauts. 

Bandaríska vinstriútgáfan New Republic segir að grænn fasismi njóti vaxandi vinsælda austan hafs og vestan. Hrein náttúra, hrein vistkerfi og hreinir kynþættir er þrá eftir einfaldleika sem blundar í fólki. Og, auðvitað, hreinar einfaldar lausnir.

Fjöldamorðinginn Breivik, segir í grein New Republic, vitnaði í grænar áherslur. Starfsbróðir hans í Christchurch lét í ljós sömu meiningar.

Eins og gefur að skilja eru fasísku græningjarnir ekki ýkja hrifnir af flóði framandi útlendinga í vestrænan aldingarðinn. Vitnað er í finnskan vistfræðing, sem nýtur vaxandi álits í hreyfingunni. Pentti Linkola skrifar: ,,Þegar björgunarbáturinn er yfirfullur munu þeir sem hata lífið reyna að taka fleiri um borð og sökkva fleyinu. Þeir sem elska og virða lífið taka skipsöxina og höggva á hendur þeirra sem dauðhalda í síðu bátsins."  

Annar Norðurlandabúi, Gréta Thunberg, fer með himinskautum að bjarga heiminum frá hamfarahlýnun af mannavöldum og hruni vistkerfa. Gréta er eins og klippt úr veggspjaldi frá Þýskalandi laust fyrir miðja síðustu öld. Arísk ásjóna römmuð inn með hárfléttum á hvorri hlið.

Góða fólkið lyftir Grétu á stall og græningjar tilbiðja hana. Heimsyfirráð eru í nánd. 

 


mbl.is Segja Gretu Thunberg „truflaðan Messías“
Tilkynna um óviðeigandi tengingu við frétt

RÚV í eineltisham: Haraldur skal víkja

Fyrsta frétt RÚV í hádeginu var að Haraldur ríkislögreglustjóri eigi að missa starf sitt. Formaður lögmannafélagsins, já lögmanna, var kallaður til að kynda undir óánægju með Harald.

Í kvöldfréttum RÚV verður ábyggilega vitnað í aðra sem eiga hlut að máli, t.d. formann Félags grunnskólakennara eða einhvern hjá Samtökum fiskvinnslustöðva, um að Haraldur sé ómögulegur.

Fréttastofa RÚV hætti fyrir löngu að segja fréttir. Efstaleiti sérhæfir sig í að hanna atburðarás þar sem ein fjöður er gerð að fimm hænum.


Gulli utanríkis: XD er glópaflokkur

Glópahlýnun, trúin á manngert veðurfar, misnotar börn í þágu málstaðarins. Allir með eitthvað á milli eyrnanna skynja að hér er eitthvað málum blandið. Sómakært fólk heldur sig frá myrkraöflum sem misnota börn í þágu subbulegra vísinda.

En ekki Gulli utanríkis. Stoltur kynnir hann í New York stuðning Sjálfstæðisflokksins við glópahlýnun. Illskárri frammistaða hefði verið að ítreka samúð með glæpamönnum á Filippseyjum. Þetta er saga Sjálfstæðisflokksins síðustu missera. Þegar tveir kostir eru í boði skal taka þann verri.

Pólitík Gulla og unglinganna í forystu Sjálfstæðisflokksins er að drekkja Íslandi með virkjunum í þágu ESB til að bjarga ímynduðu manngerðu veðurfari úti í hinum stóra heimi. 

Unglingaforysta XD er í krossferð gegn íslenskum hagsmunum en starfar eftir hugmyndafræði alþjóðasinna.  Vinstriflokkarnir sóttu áður línuna til Moskvu en Sjálfstæðisflokkurinn stóð í ístaðinu. Nú leita unglingarnir til Brussel eftir bjargræði.

Fyrirmynd unglinganna er Viðreisn. Móðurflokkurinn er kominn fang óþekktarangans. 


mbl.is „Baráttan byrjar hjá okkur sjálfum“
Tilkynna um óviðeigandi tengingu við frétt

Áslaug rekur Harald með Hreini - hrunfólkið til valda

Hreinn Loftsson vill Harald ríkislögreglustjóra úr embætti. Áslaug Arna dómsmálaráðherra ræður Hrein sem aðstoðarmann.

Hreinn Loftsson var sem ungur maður aðstoðarmaður Davíðs Oddssonar í forsætisráðuneytinu en gerðist handgenginn Jón Ásgeiri Baugsstjóra og gekk erinda hans gegn Davíð.

Með ráðningu Hreins veitir Áslaug Arna hrunfólkinu uppreisn æru.

Sjálfstæðisflokkurinn verður æ ljótari.


mbl.is Eydís og Hreinn aðstoða Áslaugu
Tilkynna um óviðeigandi tengingu við frétt

Egill Helga: RÚV bjargi fullveldinu

Ef RÚV fær meiri peninga frá ríkinu, skattgreiðendum, myndi Efstaleiti bjarga fullveldi þjóðarinnar. Á þessa leið er boðskapur Egils Helgasonar RÚV-ara.

Menningarlegt fullveldi þjóða er fall af pólitísku og efnahagslegu sjálfstæði. Íslendingar voru landkönnuðir og skópu heimsbókmenntir þegar þegar voru sjálfs sín ráðandi frá landnámi til Gamla sáttmála. Eftir það tók eymdin við undir norskri og síðar danskri áþján og segir fátt af menningu yfir höfuð, menn hættu meira að segja að skrifa annála, nenntu ekki menningu.

Menningarleg endurreisn hófst á 19. öld og var samtvinnuð sjálfstæðisbaráttunni. Þjóð sem getur, gerir.

Ef Egill Helga og RÚV hefðu fengið að ráða með kratískum félögum væri Ísland hjálenda Evrópusambandsins og íslensk menning álíka burðug og reisn ESB-sinna.

Heldur héralegt er það af RÚV-urum að bjóðast til að bjarga menningunni gegn greiðslu, auðvitað, þegar Efstaleitið kennir ár og síð að Ísland sómi sér sem hjálenda. Menning hjálendunnar er hjárænuleg. Það gefur augaleið.


Hálfvitaháttur úr hruni lifir enn

Miður gefna fólkið trúði að stjórnarskráin væri hrunvaldur og vildi nýja.

Stjórnarskráin er að stofni til frá 1874 og fylgdi þjóðinni frá fátækt til ríkidæmis, var ramminn um heildarlöggjöf okkar. 

Stjórnarskráin hefur álíka mikið með hrunið að gera og veðurfarið.

Samt er teygt á lopanum í hálfvitahættinum og búið til ferli að breyta grunnlögum þjóðarinnar vegna taugaveiklunarræpu fáeinna.

Er ekki mál að linni?


mbl.is Fleiri ánægð með stjórnarskrá
Tilkynna um óviðeigandi tengingu við frétt

Einföld rökfræði hafnar manngerðri hamfarahlýnun

Meðalhiti jarðarinnar er nálægt 15 gráðum á Celcius, þótt erfitt sé að mæla hann. Á sögulegum tíma, hefur meðalhiti jarðar verið hærri, bæði á rómverska hlýskeiðinu, um 300 f. Kr. til 400 e. Kr., og miðaldahlýskeiðinu frá um 900 til 1300. 

Maðurinn bjó ekki til hlýnun fyrir 2000 árum og heldur ekki fyrir þúsund árum. Náttúran sá ein og alfarið um lofthita jarðar.

Frá 1880 er talið að hitastig jarðar hafi hækkað um 0,8 gráður á Celcius. Við höfum ekki enn náð meðalhita síðustu hlýskeiða, því rómverska og miðaldahlýnuninni.

Hvers vegna ætti maðurinn að valda hlýnun núna þegar hann kom hvergi nærri tilurð fyrri hlýskeiða?

Talsmenn manngerðrar hlýnunar neita að gefa upp hvert kjörhitastig jarðarinnar ætti að vera. Enda myndu þeir í leiðinni afhjúpa sjálfa sig sem loddara, þykjast vita betur en sjálf náttúran. Kjörhitastig jarðarinnar er ekki til. Náttúran lætur ekki undan mannlegum duttlungum. Við getum brugðist við hækkandi eða lækkandi hitastigi en ekki stillt það á kjörhita. Manngert veður er nýju fötin keisarans í nafni vísinda.

 

 


mbl.is Segja loftslagsvána ekki raunverulega
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband