Helgi Hrafn talar fyrir Miðflokkinn

Píratinn Helgi Hrafn biður kjósendur Sjálfstæðisflokksins að snúa sér annað.

Miðflokkurinn er næsti bær kjósenda Sjálfstæðisflokksins.

Simmi hlýtur að eiga inni stóran greiða hjá Helga Hrafni.

„Hann verður að fá pásu“

Slömm á Austurvelli í boði vinstrimanna

Flóttamenn og íslenskir meðhjálparar reisa tjöld á Austurvelli með leyfi borgaryfirvalda. Fyrsti vísir að slömmi fær blessun vinstrimanna í borgarstjórn.

Yfirtaka framandi afla á almannarými er ögrun við allsherjarreglu. Þegar almannarýmið er túnið fyrir framan þinghúsið er ögrunin því meiri.

Veikgeðja stjórnvöld sem gefa eftir almannarýmið grafa undan tiltrú almennings. Í beinu framhaldi vaxa öfgar með ófyrirséðum afleiðingum.

Mótmælin halda áfram á Austurvelli

Landsréttur stundar pólitík með setuverkfalli

Landsréttur bjó til réttaróvissu með því að fara í setuverkfall á mánudag. Ákvörðun réttarins leiddi til þjóðfélagsólgu, fyrirsagna í pólitískum miðlum eins og RÚV um að ástandið væri sturlað.

Réttaróvissan, sem landsréttur bjó til, hafði pólitískar afleiðingar - afsögn dómsmálaráðherra.

Setuverkfall landsréttar var tilefnislaust. Dómur Mannréttindadómstóls Evrópu varðaði aðeins 4 dómara af 15. Þetta viðurkennir landsréttur í gær með því að hefja störf að nýju en setja viðkomandi fjóra dómara í frí.

Upplýsa þarf hvernig ákvörðun landsréttar um setuverkfallið var tekin. Hverjir það voru sem tóku ákvörðunina og með hvaða rökum.

Dómarar eiga ekki að fara með pólitískt vald. Þegar heilt dómsstig, landsréttur, ákveður að taka þátt í hannaðri pólitískri atburðarás er það alvarlegt mál. Við svo búið má ekki standa.

Breytt dagskrá hjá Landsrétti

Sígild skilaboð frá Ara fróða

 „En nú þykir mér það ráð,“ kvað hann, „að vér látum og eigi þá ráða, er mest vilja í gegn gangast, og miðlum svo mál á milli þeirra, að hvorir tveggju hafi nakkvað síns máls, og höfum allir ein lög og einn sið. Það mun verða satt, er vér slítum í sundur lögin, að vér munum slíta og friðinn.“

Ofanritað er frásögn af uppgjöri tveggja trúarmenninga, kristni og heiðni. 

Lögmálið um ,,ein lög og einn sið," gildir enn, þegar vestræn menning stendur í enn öðru uppgjöri.

Morðsiðir, kristnir og múslímskir - og góða fólkið

Af orðum forsætisráðherra Noregs í meðfylgjandi frétt má ráða að þegar hvítur og kristinn drepur múslíma er það öfgahyggja en þegar múslímar drepa hvíta og kristna er það eitthvað annað og betra en öfgahyggja.

Útkoman er þó hin sama; saklaust fólk er drepið við saklausa iðju.

Algeng afsökun góða fólksins fyrir hryðjuverkum múslíma er að morðin séu fylgifiskur fjölmenningar sem við verðum að búa við.

Tvöfeldninni verður ekki logið á góða fólkið - það auglýsir hræsnina sjálft.

„Vekur upp sárar minningar“

Róbert dæmir fyrir Villa vin; Evrópa talar

Róbert Spanó er höfundur meirihlutaálits Mannréttindadómstólsins í Evrópu (MDE) um að landsréttur sé ranglega skipaður. Róbert og Vilhjálmur H. Vilhjálmsson lögmaður, sá sem kærði til MDE, eru æskuvinir.

Til að gera málið enn fáránlegra er einn dómara landsréttar, sem gæti misst vinnuna, faðir Vilhjálms H. og alnafni.

Íslenskt réttarfarslegt innherjasvindl í bland við skyldleikaræktun er veruleikinn. Í munni samfylkingarpírata heitir það að ,,Evrópa hefur talað".

 

Ekki allir sammála um afleiðingar

Réttur leikur Bjarna Ben.

Tímabundin ráðstöfun ráðuneytis dómsmála er skynsamleg niðurstaða Bjarna Ben. í kjölfar þess að Sigríður Á. steig tímabundið til hliðar.

Þegar pólitískur hávaði hjaðnar og landsréttarmálið fær faglegri umræðu er hægt að endurskoða þessa ákvörðun.

Sigríður Á. mun fá fullan sigur í málinu af einfaldri ástæðu. Ef dómur Mannréttindadómstóls Evrópu í landsréttarmálinu stendur óraskaður skapast stórkostleg réttaróvissa um alla álfuna. Kröfur dómstólsins um málsmeðferð við skipan dómara taka ekki mið af hnökrum sem óhjákvæmilegir eru í stjórnsýslu ríkja.

Þórdís tekur við dómsmálunum

Dómarar eru djúpríkið - en ekki djúpvitrir

Landsréttardómarar reiða ekki vitið í þverpokum. Þeir hringja í vælubíl almenningsálitsins með því að leggja niður vinnu eftir klofinn dóm í Evrópu og hella olíu á eldinn sem eyðileggur tiltrúna á réttarríkið.

Dómurinn frá Evrópu varðaði aðeins 4 dómara af 15, þ.e. fjórmenningana sem voru hækkaðir upp af lista dómnefndar og ráðherra lagði fyrir alþingi sem samþykkti og forseti kvittaði fyrir.

Landsrétti var í lófa lagið að setja þessa 4 dómara á varamannabekk á meðan umræðan hreinsaði sjálfa sig. 

Dómarar, sem stétt, bera stærsta ábyrgð á landsréttarmálinu. Það var þeirra bjálfaháttur í vali á dómaraefnum, sem braut á ríkjandi jafnréttissjónarmiðum, sem gerði málið pólitískt ómögulegt.

Dómarar ættu að tileinka sér meira af raunsæi og láta af drambinu, - sem er falli næst.

Dómararnir enn að meta stöðuna

Velmegun, vanþakklæti og neikvæðni

Maðurinn er hannaður til að berjast fyrir lífi sínu, afla sér fæðu og er með innbyggða hvata  að fjölga sér. Eftir því sem maðurinn fjarlægist meira náttúrulegt ástand sitt verður hann vanþakklátur og neikvæður.

Velmegun eykur frekju. Slagorð eins og ,,lág laun eru ofbeldi" eru borin fram af fólki sem vill framfærslu án þess að dýfa hendi í kalt vatn. Náttúruval sá til þess fyrr á tíð að vælukjóar þrifust ekki.

Ef samfélag er í hættu eykst aftur samheldnin og fólk verður þakklátt fyrir að tóra sæmilega.

Neikvæðnin og vælið í umræðunni er afleiðing velmegunar og öryggis sem rænir manninn frumþörfinni; að berjast fyrir lífi sínu.

 

Neikvæð umræða hefur áhrif

Sigríður Á. og kjarni málsins

Dómur Mannréttindadómstóls Evrópu er lögfræðilegt og stjórnskipulegt úrlausnarefni. Engar pólitískar deilur eru um viðfangsefnið enda gengur það þvert á flokkspólitík.

Aftur er ríkur vilji vinstrimanna og fjölmiðla á þeirra vegum að gera Sigríði Á Andersen ábyrga fyrir stöðu málsins.

Sigríður ákvað að stíga til hliðar á meðan fárið stendur yfir. 

„Ann dómstólunum of mikið“