Hvers virði er þrotabú WOW?

Lánadrottnar WOW eignast félagið fari það í gjaldþrot. Indigo Partners, sem íhugar að kaupa félagið, telur bersýnilega að þrotabúið yrði lítils virði.

Þess vegna er þjarmað að lánadrottnum félagsins og þeir bæði krafðir um lækkun á höfuðstól lána og að samþykkja lægri vexti.

Viðskiptavildin er stærsta eign WOW og hún fer niður í núll við gjaldþrot.


mbl.is Hyggjast ekki greiða vextina
Tilkynna um óviðeigandi tengingu við frétt

Vísindi, veruleiki og RÚV

Hlýskeið á tíma Rómarveldis varði frá um 300 f. Kr. til 400 e. Kr. Miðaldahlýskeið stóð yfir frá um 900 til 1300. Tímabilið þar á eftir er kallað litla-ísöld og varir til um 1900.

Þetta eru viðurkenndar staðreyndir, jafnvel af þeim sem trúa á manngert veðurfar. Túlkun á þessum staðreyndum er viðfangsefni í vísindum.

En nú kemur RÚV með þáttaröð sem segir að ,, efasemdaraddir sem heyrst hafa um áhrif mannfólksins á hlýnun jarðar eigi ekki veið nein rök að styðjast."

Judith Curry er viðurkenndur vísindamaður á sviði loftslagsfræða. Hún heldur úti vefsíðu um málaflokkinn. Í viðtali segir Curry að umræðan um loftslagsmál sé hápólitísk.

Ef maður samþykkir ekki afstöðu Sameinuðu þjóðanna um manngerða hlýnun, ef maður sýnir minnstu efasemdir þá er maður kallaður afneitari loftslagsbreytinga, skósveinn Donald Trump, hálf-fasisti sem verði að banna frá vísindasamfélaginu.

En RÚV, sem sagt, veit betur. Það eru yfirveguð vísindi án nokkurra pólitískra sjónarmiða sem hafa komist að þeirri niðurstöðu að við búum við manngert veðurfar.

Ef snillingarnir á RÚV vita hvernig í pottinn er búið þá hljóta þeir að segja okkar svarið við milljón króna spurningunni: hvert er kjörhitastig jarðarinnar?

 


Bloggfærslur 10. mars 2019

Innskráning

Ath. Vinsamlegast kveikið á Javascript til að hefja innskráningu.

Hafðu samband