Píratar hata jólin, elska spillingu

Jólin eru ,,tilfinningaleg kúgun" segir einn þingmaður Pírata á meðan annar er hugfanginn af spillingu.

Jaðarhópur eins og Píratar eru nauðsynlegir hverju samfélagi, þjóna sama hlutverki og hirðfífl í konungsgarði forðum.

Umburðalyndi og velmegun þjóðarinnar má lesa úr því að heill þingflokkur er á opinberu framfæri til þess eins að gera uppsteyt á þingi og níða skóinn af samborgurum sínum.

Hótaði að slíta þingfundi vegna framíkalla

Jón Sigurðsson var Miðflokksmaður

Sveinn Máni Jó­hann­es­son skrifar í nýj­asta hefti tíma­rits­ins Sögu að einkunnarorð Jóns Sigurðssonar og fylgismanna hans fyrir þjóðfundinn 1851 hafi verið að landsstjórn Íslands ætti að vera ,,kröftug, concentreruð og í landinu sjálfu."

Frelsishetjan styddi Miðflokkinn í dag. Þar á bæ eru menn með fullveldið á hreinu, öfgalausir í beitingu ríkisvaldsins og einbeita sér að málefnum er varða velferð þjóðarinnar.

Sigmundur Davíð og félagar eiga skilið liðsstyrk Jón Sigurðssonar. Það munar um minna.

Jón fylgjandi ríkisafskiptum

Vísindavefurinn afneitar vísindum

Sá sem notar orðið afneitun í vísindalegri umræðu tekur trúarafstöðu sem á ekkert sameiginlegt með vísindum. Vísindavefur Háskóla Íslands fellur í trúarpyttinn í umfjöllun um ólíkar skoðanir á loftslagsbreytingum af mannavöldum.

Vísindi er aðferð til að skilja náttúruna. Vísindakenning staðhæfir tiltekið samhengi í náttúrunni. Til að kenningin fái staðfestingu þarf hún að gera tvennt. Í fyrsta lagi að hafa forspárgildi. Í öðru lagi að útskýra liðna atburði.

Kenningin um að athafnir mannsins stjórni veðrinu uppfylla hvorugt skilyrðið. John Christy, viðurkenndur loftslagsvísindamaður, hefur sýnt fram á að spár um hlýnun síðustu áratuga eru rangar. Spárnar sem IPCC, sú stofnun Sameinuðu þjóðanna sem tekur þær saman og gefur út, eru mælanlega og sannanlega rangar.

Seinna skilyrðið, að útskýra liðna atburði, er heldur ekki uppfyllt af þeim sem telja manninn breyta loftslaginu. Miðaldahlýskeiðið, frá um 900 til 1300, er viðurkennd vísindaleg staðreynd. Litla ísöldin, sem tók við og stóð fram á 19. öld, er einnig vísindaleg staðreynd. Í hvorugu tilfellinu gat maðurinn haft nokkur áhrif á loftslagsbreytingar. Lögmál loftslagsbreytinga eru óþekkt en hitt er sannanlega vitað, að náttúran breytir veðri frá degi til dags og loftslag tekur breytingum frá ómunatíð.

Það er ekki til nein heildstæð kenning um veðurfar og loftslag. Ef slíkrar kenningar nyti væru trúverðugar veðurspár ekki takmarkaðar við fáeina daga, eins og nú er. 

Vísindamenn á sviði loftslags, sem ekki eru sammála Al Gore, Grétu Thunberg og Vísindavef HÍ, eru m.a. Richard Lindzen, Roy Spencer og Judith Curry. Þau tvö síðast nefndu halda úti heimasíðum sem hægt er að kynna sér. Fyrirlestra Lindzen má finna á you tube.

Það er ekki ,,afneitun" að benda á hið augljósa, að manngert veðurfar er ímyndun. Aftur er það afneitun á veruleikanum að taka trúarafstöðu í vísindaumræðu.

RÚV er meinsemd í tvennum skilingi

RÚV er risinn meðal íslenskra fjölmiðla. RÚV er eini fjölmiðillinn sem fær beint framlag úr ríkissjóði sem tryggir yfirburðastöðu. Í þessum skilningi er RÚV rekstrarleg meinsemd.

Yfirburðir á fjölmiðlamarkaði tryggja RÚV dagskrárvald í opinberri umræðu sem enginn annar fjölmiðill nýtur. Sterkt dagskrárvald notar RÚV til að hanna fréttaflutning sem stenst ekki lágmarkskröfur um fagmennsku. Í stað þess að segja fréttir, býr RÚV til ,,umræðu".

Misnotkun á dagskrárvaldi er sýnu alvarlegra brot en að vera í markaðsráðandi stöðu. En til að hemja umræðusýki RÚV verður að jafna leikvöllinn þannig að RÚV fái ekki forskot frá ríkinu á aðra fjölmiðla.

Telur frumvarp andvana fætt

Slúður, spilling og Píratar

Píratar eru hugfangnir af spillingu. Einn þeirra, Björn Leví, safnar skipulega slúðri í þeim yfirlýsta tilgangi að afhjúpa spillingu. Í Moggagrein veitir hann innsýn í söguburðinn og byrjar svona:

Sög­ur af dag­legri spill­ingu eru al­mennt séð slúður. En kannski kann­ast þú við svipaða sögu, hef­ur kannski orðið vitni að ein­hverju álíka. Það þýðir að sag­an er lík­lega ekki slúður.

Slúður er ein tegund spillingar. Að trúa misjöfnu upp á náungann að ósekju er spilling í sjálfu sér.

Andstæða spillingar er hreinlífi í hugsun og hegðun. Ekkert í heiminum er gott fyrirvaralaust nema góður vilji, skrifaði Kant.

Söfnun á slúðri þjónar innsta eðli Pírata. Sem er illvilji.

Heimslöggan er marghöfða þurs

Bandaríkin taka sér hlutverk alþjóðalögreglu í efnahagsbrotum, samkvæmt meðfylgjandi frétt. Evrópusambandið beitir sambærilegu lögregluvaldi, bæði út á við, t.d. gagnvart bandarískum fyrirtækjum, en enn frekar innan vébanda ESB, samanber inngrip í innanríkismál Póllands og Ungverjalands.

Sameinuðu þjóðirnar reyna lögþvinganir í loftslagsmálum og fá víða áheyrn, ekki síst hjá glópahlýnunarsinnum á Íslandi.

Á bakvið lögregluvald af þessu tagi standa hernaðar- og efnahagsmáttur. En það eru takmörk fyrir einhliða valdheimildum, eins og prýðilega er gerð grein fyrir í samantekt Gordon M. Hahn.

Vestrænar herraþjóðir og samtök á þeirra vegum, t.d. ESB, bæta ekki heiminn með yfirgangi.

Ericsson í klóm heimslögreglunnar

Lýðræði - ekki auðræði; sósíalistar mótmæla

Sósíalistar mótmæltu á Austurvelli. Trú sósíalista er að stjórnvöld skapi verðmæti. Hugsunin er að ríkisvaldið sjái þegnunum fyrir framfærslu.

Sovétríkin reyndu þessa aðferð, Kúba einnig og nú síðast Venesúela. Gekk ekki og mun aldrei ganga.

Sósíalismi er annað orð yfir valdastétt sem veit allt betur. Í sósíalistaríki eru þeir fangelsaðir eða skotnir sem eru ósammála yfirstéttinni. Aumkunarvert er að fólk fari á Austurvöll til að biðja um hlekki og eymd.

Mótmæla áfram og krefjast afsagnar Kristjáns Þórs

Namibíu-Icesave

Samherji fann ekki upp spillingu í Afríku. Ekki frekar en að íslensku bankarnir séu upphaf fjárglæfra í Evrópu.

Kröfur um að íslenska ríkið beri ábyrgð á Samherja eru álíka út úr korti og að Íslendingar bæru ábyrgð á Icesave-reikningum einkabanka.

Vinstrimenn munu taka undir kröfur að íslenskur almenningur borgi bætur fyrir afríska spillingu. Það er svo freistandi að þykjast dygðugur og láta aðra borga.

Vilja að namibíska þjóðin fái endurgreitt

Pelosi-bænir, múslíma-hatur á tímum Trump

Nancy Pelosi segist biðja fyrir Trump forseta um leið og hún krefst þess að hann víki úr embætti. Ég hata ekki nokkurn mann, segir leiðtogi Trump-andstæðinga á bandaríska þinginu. Suður í Flórída drepur múslímskur hermaður þrjá félaga sína og gefur sem ástæðu að hann hati allt bandarískt.

Bandarísk stjórnmál eru alþjóðleg fyrirmynd. Í Bretlandi etur vasaútgáfa af Trump, Boris Johnson, kappi við Ekki-Trumpinn Jeremy Corbyn. Meginþema kosningabaráttunnar er hvort gyðingahatur Corbyn sé stækara en múslímaandstyggð Johnson.

Trúarlegt ívaf alþjóðastjórnmála verður enn skýrara ef veraldlegu trúarbrögðin um manngert veðurfar eru tekin með í reikninginn. Þar lýsa Trumparar yfir vantrú en Pelosi, Corbyn og nær allir Ekki-Trumparar tilbiðja Grétu-skurðgoðið. Múslímar sitja hjá, skilja hvorki vísindin né pólitíkina að baki, og búa hvort eð er að guði sem öllu stjórnar.

Stjórnmál snúast um vald. Réttlæting á valdi manns yfir manni er ofin úr fleiri en einum þætti. Höfðingjavald íslensku goðanna hvíldi á ætterni. Landnámsmenn og afkomendur þeirra voru rétthærri, einkum ef þeir röktu ættir sínar til stórmenna í Noregi. Evrópskar aðalsættir urðu til á miðöldum og gerðu valdatilkall langt fram á 20stu öld.

Samhliða ætterni er trúarstef í stjórnmálum. Handhafar valds vísa til æðri máttarvalda í réttlætingu s.s. kristni, sögulega efnishyggju, kynstofninn og nú síðast loftslagsvá.

Trump-tíminn einkennist af afhelgun valds annars vegar og hins vegar leit að nýrri réttlætingu fyrir valdi manns yfir manni. Bæn Pelosi um velferð Trump um leið og hún sækist eftir að tortíma honum lýsir áttleysi stjórnmálanna. Það finnst engin almennileg réttlæting á valdi. Morð múslímans á félögum sínum sýnir aftur hvert einbeitt sannfæring um réttlætið leiðir menn.

 

Sagði Bandaríkin „þjóð illskunnar“ fyrir árásina

Trúarathöfn glópa, þjóðkirkjuprestur blessar rafmagn

Trúarathöfn var haldin út á Granda með þjóðkirkjuprest í fullum herklæðum.

Söfnuðurinn trúir á manngert veður og krefst lækkunar á hitastigi jarðar. Í frostinu út á Granda var olíu formælt en rafmagn blessað. Guð almáttugur kemur hvergi við sögu.

Trúin á mátt mannsins eykst í réttu hlutfalli við ofstækið.