Ónýta Ísland vinstrimanna: pólsk-íslenska dómaramálið

Vinstrimenn, með aðstoð RÚV og heimaríkra lögmanna, báru Ísland út og gerðu þjóðinni skömm til með því að afflytja ástæður þess að Sigríður Á. Andersen, þáverandi dómsmálaráðherra, gætti kynjajafnréttis við skipun dómara í landsrétt.

Ónýta Ísland, var viðkvæði vinstrimanna í málflutningi. Dómur Mannréttindadómstólsins í Evrópu var svindl æskuvinanna Robba og Villa.

Svindlið þjónaði tilgangi sínum. Íslandi var stillt upp sem pólsku vandamáli þar sem ríkisvaldið hlutast til um niðurstöður dómstóla.

Heimaríku lögmennirnir, sem öllu vilja ráða um skipan dómara, breyttu aðferðafræði sinni þar sem hún hélt ekki vatni. Lögmannaelítan sýndi sig dómgreindarlausa í landsréttarmálinu. Enda vinstrimenn þar fyrirferðamiklir.


mbl.is Horfið frá reiknileið í dómaravali
Tilkynna um óviðeigandi tengingu við frétt

Kristinn og RÚV blekkja - birtu einkapósta

Tölvupóstar Jóhannesar uppljóstrara voru ekki birtir af ,,til­lits­semi við al­menna starfs­menn fyr­ir­tæk­is­ins sem ég er viss um að eru upp til hópa sóma­fólk," segir Kristinn Hrafnsson ritstjóri Wikileaks. RÚV birtir frétt Kristni til stuðnings. En Kristinn og RÚV fara með rangt mál.

Viljinn birtir fjölmörg dæmi um að tölvupóstar um einkamálefni fóru úr tölvu Jóhannesar á síðu Wikileaks.

Kristinn og RÚV eru flæktir í eigin spuna. Tölvupóstar Jóhannesar voru valdir með það í huga að sýna fram á sekt Samherja og draga fjöður yfir hlut Jóhannesar. Allar líkur stand til að tölvupóstum sem féllu ekki að spunanum hafi verið sópað undir teppið.

Eins og Kristinn sagði í upphafi RÚV-spunans: það þarf að ,,mat­reiða og verka þessi mál."


mbl.is Rangt að Jóhannes hafi handvalið tölvupósta
Tilkynna um óviðeigandi tengingu við frétt

Bloggfærslur 17. desember 2019

Innskráning

Ath. Vinsamlegast kveikið á Javascript til að hefja innskráningu.

Hafðu samband