RÚV með neitunarvald gagnvart Framsókn

Í formannsþætti RÚV fyrir kosningar fékk Sigurður Ingi spurningu frá Efstaleitismanni um það hvort Sigmundur Davíð kæmi til greina sem ráðherra í ríkisstjórn sem Framsókn ætti aðild að. Sigurður Ingi varð klumsa við og fór undan í flæmingi. Spurningin var í hæsta máta óviðeigandi og lýsti andstyggð fréttamannsins á Framsóknarflokknum.

Formaður Framsóknarflokksins segist ekkert skilja í því hvers vegna aðrir flokkar vilja ekki ræða við flokkinn um myndun ríkisstjórnar:

Hann sagðist ekki hafa skýr­ing­ar á því hvers vegna aðrir flokk­ar hafi ekki leitað sam­starfs við Fram­sókn­ar­flokk­inn, eng­inn full­trúa hinna flokk­anna haft sagt við hann hverju það sætti.

Svarið er fjarska einfalt. Enginn hinna flokkanna, að Sjálfstæðisflokknum frátöldum, þorir að styggja RÚV. Síðustu daga dundar Gróa á Efstaleiti sér við að herja á fráfarandi formann Framsóknarflokksins með þráhyggjukenndum hætti sneisafullum af illvilja.

Björn Bjarnason fyrrverandi ráðherra leggur til að farið verði í saumana á fréttaflutningi RÚV um Framsóknarflokkinn og Sigmund Davíð. Hann segir ,, allt annað en þægilegt fyrir hlustendur að verða vitni að þessu stöðuga stríði."

Hefði gengið betur með Framsókn

Pútín, kristni og byltingin 1917

Rússneska byltingin fagnar aldarafmæli á næsta ári. Byltingarnar voru tvær, í febrúar, sem afgreiddi 300 ára keisaratíma Romanov-ættarinnar, og í október, sem leiddi til valdatöku Leníns og 70 ára tímabils kommúnisma.

Rússar eru klofnir í afstöðu sinni til byltingarinnar. Lenín liggur ljómaður í grafhýsi sínu en vesturgluggi Rússlands, borgin sem hét Leníngrad, fékk sitt gamla heiti eftir fall kommúnismans, Pétursborg.

Kommúnismi er evrópsk hugmyndafræði. Þýski gyðingurinn Karl Marx er aðalhöfundur hennar. Kommúnisminn tók við af annarri evrópskri hugmyndafræði sem Rússar ánetjuðust á víkingaöld, kristni.

Pútín forseti Rússlands er gagnrýninn á rússnesku byltinguna, samkvæmt Guardian, þótt ekki sé afstaðan einörð.

Rússneska rétttrúnaðarkirkjan er aftur ákveðinn í afstöðu sinni til fordæmingar á hugmyndafræði Marx. Hennar maður er Valdimar mikli sem stofnaði til kristni í Kænugarði 12 árum áður en Íslendingar kristnuðust. Sagt er að Valdimar tæki rétttrúnaðarkristni fram yfir þá rómversku til að bægja frá þýskum áhrifum. Karlamagnús og afkomendur hans í Frakklandi og Þýskalandi voru í trúarbandalagi við kaþólsku kirkjuna.

Trúarstemningin í Rússlandi er eins og víða fléttuð við þjóðerniskennd. Ívan grimmi réð Rússlandi á 16. öld. Hann myrti son sinn og stundaði fjöldamorð en þótti röskur í trúmálum. Leynilögreglu stofnaði Ívan grimmi til að halda óvinum trúar og ríkisvalds í skefjum. Ívan grimmi fékk styttu af sér afhjúpaða nýverið við fögnuð og lof ríkis sem kirkju.

Pútín Rússlandsforseti dregur dám af þjóðarsögunni. Hann ólst upp við kommúnisma og sá hann hrynja sem foringi í KGB í Austur-Þýskalandi þegar Berlínarmúrinn féll. Afleiðing er að Pútín er meira kristinn en kommúnískur. En fyrst og fremst er hann stjórnmálamaður.

RÚV býr til fréttir en ekkert réttlæti: Framsókn og Samherji

RÚV er bæði ákærandi og dómari í málefnum Framsóknarflokksins og Sigmundar Davíðs, sem kennd eru við Panamaskjölin. Aðrir fjölmiðlar, sem höfðu sama aðgang og RÚV að skjölunum, t.d. Guardian, komust að allt annarri niðurstöðu en fréttamenn á Efstaleiti

Guardian hefur ekki sé neinar sannanir fyrir skattaundanskotum, undabrögðum eða óheiðarlegum ávinningi Sigmundar Davíðs, Önnu Sigurlaugar eða Wintris.(The Guardian has seen no evidence to suggest tax avoidance, evasion or any dishonest financial gain on the part of Gunnlaugsson, Pálsdóttir or Wintris.)

RÚV stakk undir stól fréttum sem staðfestu að engu vanhæfi var til að dreifa hjá Sigmundi Davíð sem forsætisráðherra. Þetta heitir að ljúga með þögninni.

RÚV lítur á sig sem ríki í ríkinu og þess megnugt að deila út sekt og sýknu í stórum málum og smáum. Eyjan segir frá sérkennilegri aðkomu RÚV, svo ekki sé meira sagt, að málefnum sem tengjast rannsókn á meintum gjaldeyrisbrotum Samherja. Útsendari RÚV gengur á milli opinberra embætta með gögn og hvetur til rannsókna á meintum glæpum.

Í aðferðafræði RÚV felst tvöföld hótun. Í fyrsta lagi hótun gagnvart opinberum stofnunum, sem lúta ekki vilja RÚV að rannsaka mál sem fréttamenn á Efstaleiti vilja að verði rannsökuð. Opinberar stofnanir gætu átt á hættu að vera teknar fyrir af RÚV ef þær spila ekki með. Í öðru lagi hótar RÚV þeim sem eru til rannsóknar að beita sér til að virkja almenningsálitið gegn viðkomandi - rétt eins og í tilfelli Sigmundar Davíðs og Framsóknarflokksins.

Allsherjarvantraust almennings eftir hrun á stjórnmálum og stofnunum nýtti RÚV og tók sér stöðu sem Stóridómur almannahagsmuna. RÚV þykist starfa í þágu réttlætis en notar hálfsannleik, ýkjur og lygar til að berja á þeim sem komast í skotlínu Gróu á Efstaleiti. Stóridómur RÚV er siðferðilegt, pólitískt og réttarfarslegt stórslys.

 

 

Sigmundur Davíð í „samráð við RÚV“

Evrópa, múslímar og hryðjuverk

Evrópa er kristin frá dögum Rómverja og ríkis Karlamagnúsar þar sem nú er Frakkland og Þýskaland. Lengst í vestri kristnuðust Íslendingar um líkt leyti og Ungverjar í austri, um árið 1000.

Á nýöld klofnaði kristni í tvær megingreinar, mótmælendur og kaþólikka, sem stríddu blóðugt fram undir frönsku byltinguna og jafnvel lengur, samanber Írland.

Trú missti mátt sinn sem pólitískt hreyfiafl síðustu 200 ár en þjóðerni og hugmyndafræði urðu máttugri. Fyrri og seinni heimsstyrjöld voru háðar á þeim forendum.

Þjóðverjar gengu rösklega fram í manndrápum í þeim stríðum, einkum í Austur-Evrópu og Sovétríkjunum. Í Þýskalandi í dag búa tæplega 3 milljónir Pólverja. Engar fréttir eru af hryðjuverkum Pólverja. Rússar eru hálf fjórða milljón inna þýskra landamæra en ekkert ber á viðleitni að gjalda þýskum rauðan belg fyrir gráan vegna illverka nasista. Jafnvel gyðingar, sem sannlega eiga harma að hefna, eru til friðs í Þýskalandi.

Múslímar á hinn bóginn, sem teljast tvær til fjórar milljónir (eftir hvernig er talið), ala af sér hryðjuverkamenn, svo ákafa til verka að þeir byrja sumir á fermingaraldri.

Múslímar eiga ekkert sökótt við Þjóðverja, hvorki sögulega né pólitískt. En trúuðum múslíum er kennt frá blautu barnsbeini að trúin sé upphaf og endir alls. Dæmin sanna að grunnt sé á þeirri hugsun múslíma að þeir geri almættinu greiða að drepa vantrúaða - þ.e. alla sem ekki eru múslímar.

Múslímar verða ekki til friðs fyrr en þeir afneita þeirri trúartúlkun sem þeir hafa fylgt í 1500 ár, eða frá því að spámaðurinn ólæsi fékk vitranir frá guði almáttugum í arabísku eyðimörkinni. Tæplega gerist það alveg á næstunni.

12 ára reyndi að sprengja upp jólamarkað

Fjölmiðlar stunda umræðu, ekki fréttaflutning

Viljandi eða óviljandi misskilur rektor Listaháskólans störf fjölmiðla þegar hann segir: 

Fríða Björk seg­ir að í til­viki Lista­há­skól­ans er það fyrst og fremst ár­vekni fjöl­miðla sem verður til þess að  mál­efni skól­ans rata í um­fjöll­un þeirra.

Fjölmiðlar eru ekki árvökulir gæslumenn almannahagsmuna. Fjölmiðlar eru bæði undirmannaðir og á tíðum ófaglegir. Þeir taka þátt í þjóðfélagsumræðu þar sem fréttaflutningur er aukaatriði.

Til að ,,aðstoða" fjölmiðla í umræðunni kaupa ríkisstofnanir í vaxandi mæli þjónustu almannatengla til að fóðra fjölmiðlaumræðuna með hálfsannleik eða beinum lygum. Þar gildir að fá sem mesta dramatík, samanber falsfréttina frá Landsspítalanum þar sem sjúkrarúm voru sett í bílskúr til að hafa áhrif á almenningsálitið.

Fríða Björk segir ,,það ein­mitt hlut­verk fjöl­miðla að upp­lýsa al­menn­ing um ástand innviða sam­fé­lags­ins." Fjölmiðlar eru ekki í færum að meta ,,ástand innviða". Fagmennska fjölmiðla ætti að liggja í að flytja raunsannar og hlutlægar fréttir.  Þeir geta, þegar best lætur, flutt fréttir af faglegu mati sérfróðra á ástandi innviða samfélagsins - ef þeir væru ekki svona uppteknir af þátttöku í pólitískri umræðu þar sem hlutlægni er látin lönd og leið. 

Gagnrýni ráðherra byggir á misskilningi

Sértrúarsöfnuður ESB-sinna

Þegar staðreyndir breytast skipta þeir um skoðun sem búa að heilbrigðri skynsemi og sæmilegri dómgreind. Trúarsannfæring fær suma til að horfa framhjá breyttum staðreyndum og halda í sannfæringu sem stenst ekki skoðun. ESB-sinnar héldu aðalfund og tilkynntu niðurstöðu safnaðarins með þessum orðum:

Á fundinum var farið yfir starf liðins árs og rætt um starfsemina á komandi ári. Fram kom að erindi Íslands við Evrópu og aðild að Evrópusambandinu hefur aldrei verið brýnna. [sic]

Evrópusambandið er að liðast í sundur. Bretland er á leiðinni út og stækkun ESB í austurátt er lömuð. Suður-Evrópa er býr við viðvarandi kreppu sökum misheppnaðs evru-samstarfs. Nágrannaríki Íslands, Grænland, Færeyjar og Noregur, hafna öll ESB-aðild enda stríðir hún gegn grundvallarhagsmunum þeirra.

En ESB-sinnar á Íslandi trúa á sinn sannleika þótt hann sé á skjön við staðreyndir. Hérlendir ESB-sinnar eru löngu hættir að taka til máls opinberlega um stöðu og þróun Evrópu. Þeir trúuðu hittast í sínum söfnuði og fara með kennisetningar sem eru í mótsögn við veruleikann. Sértrúarhópar af sömu sort og ESB-sinnar bíða færis að láta illt af sér leiða. 

Latir þingmenn eða greindarskertir

Þingmenn sem nenna ekki að vinna vinnuna sína eða skortir greind til að skilja viðfangsefnið ættu vitanlega ekki að vera á alþingi.

Á Íslandi er velferðarþjónusta sem liðsinnir fólki sem stendur höllum fæti í lífinu.

Ástæðulaust er að borga þingmönnum meira en milljón á mánuði þegar þeir eiga heima í félagslega kerfinu.

Kvörtuðu undan fyrirvaranum

100 m.kr. til bænda - 1,5 milljarðar í ekki-flóttamenn

Peningar leka í stríðum straumum úr ríkissjóði að hluta til vegna brenglunar í fjölmiðlaumræðu. Í hádeginu var slegið upp á mbl.is og RÚV, auðvitað, að 100 milljónir færu til bænda vegna óselds kindakjöts og þótti mikið. En lítið er látið með 1,5 milljarða króna aukafjárveitingu vegna ekki-flóttamanna frá Makedóníu og Albaníu.

Björn Bjarnason rekur skilmerkilega ekki-flóttamannavandann, sem er algerlega heimatilbúinn.

Enginn sem þekkir til mála í Makedóníu eða Albaníu skilur hvað knýr fólk þaðan til að fljúga alla leið til Íslands. Að baki hljóti að vera annarlegur, hulinn tilgangur. Hér hefur áður verið lýst hver hann er: 1. Að dveljast hér á landi í nokkra mánuði á kostnað íslenskra skattgreiðenda. 2. Að stunda svarta atvinnu á meðan á dvölinni stendur. 3. Að nýta sér íslenska heilbrigðisþjónustu.

Vegna ekki-flóttamanna verður að fjármagna Landsspítala sérstaklega. Albanar og Makedónar eru komnir með þingmenn á sínum snærum til að fá aðgang að velferðarþjónustunni.

Það eru varla fréttir þegar milljarðar fara í ekki-flóttamenn. En 100 milljónir til bænda þykja hneyksli. Á meðan fréttaumfjöllun er á þessu plani er hætt við að ríkissjóði blæði. Þingmenn lifa og hrærast í ,,umræðunni" sem oft er á skjön við veruleikann.

Bændur ættu að íhuga að gerast flóttamenn í eigin landi. Ríkissjóður stæði þeim opinn upp á gátt.

 

„Mér er þetta algjörlega óskiljanlegt“

Leiðtogar og lögmál stjórnmála

Formennska í stjórnmálaflokki er embætti. Formaður er ekki sjálfkrafa leiðtogi, meira þarf til. Leiðtogi verður enginn án hæfileika til að setja saman orðræðu sem er stærri en flokkurinn. Þetta á ekki síst við nú á dögum smáflokka.

Leiðtogi í stjórnmálum er áhrifavaldur langt út fyrir flokkinn sinn. Margir sækjast eftir slíkri stöðu en fáir eru útvaldir.

Eitt lögmál stjórnmálanna er að meira framboð er af flokkum en leiðtogum. Afleidd sannindi af lögmálinu eru þau að leiðtogar fá ávallt flokk á bakvið sig en ekki fá allir flokkar leiðtoga.

 

„Dómadagsvitleysa“ að kjósa

Sterk stjórn með veikt þing er ómöguleg

Á alþingi sitja fulltrúar sjö stjórnmálaflokka. Aldrei í sögunni dreifist fylgi kjósenda á jafn marga flokka. Af þessu leiðir er alþingi veikt og þingvilji óskýr. Sterk ríkisstjórn á þessum grunni er pólitískur ómöguleiki.

Á alþingi er aðeins einn sterkur flokkur, Sjálfstæðisflokkurinn, með tæplega þriðjungsfylgi. Án Sjálfstæðisflokksins í ríkisstjórn er ekki hægt að mynda meirihluta nema að fimm flokkar taki sig saman um að útiloka vilja þriðja hvers kjósanda. Til að réttlæta slíka aðgerð yrðu flokkarnir fimm að hafa sterk rök. Þau eru ekki fyrir hendi.

Í veiku pólitísku landslagi er skásta niðurstaðan þriggja flokka stjórn með Sjálfstæðisflokkinn sem kjölfestu.

Möguleikar í pattstöðu