Andúð Jóns Steinars á Markúsi...

hefur engin áhrif á afstöðu Jóns Steinars til atlögu Kastljóss að Markúsi Sigurbjörnssyni og hæstarétti.

Vitanlega ekki.

Amen.

Vanhæfur fyrir og eftir hrun

Fjölmenning og frjálslyndi töpuðu í Brexit og Trump-sigri

,,Við eigum ekki að láta ættbálkahefðir, heiðursreglum eða sharía-lög ganga fyrir þýsku réttarríki," sagði Angela Merkel Þýskalandskanslari á landsþingi Kristilegra demókrata, um leið og hún talaði fyrir búrkubanni.

Merkel bregst við breyttum aðstæðum í stjórnmálum á vesturlöndum með orðræðu um að þýsk gildi skuli aftur á dagskrá.

Á hverjum tíma eru ráðandi viðmið í pólitískri umræðu. Til skamms tíma voru alþjóðahyggja, fjölmenning og frjálslyndi ráðandi. Samfélagsrammi þjóðríkisins var úr sér genginn og þótti heyra fortíðinni til.

Brexit-þjóðaratkvæðagreiðslan, sigur Trump í Bandaríkjunum ásamt niðurbroti Evrópusambandsins og andstöðu við alþjóðavæðingu viðskipta er á fullri ferð að breyta ráðandi viðmiðum.

Vöxtur þjóðernishyggju og andóf gegn alþjóðaelítum verður áberandi næstu misseri og ár. Ómögulegt er að segja til um hvort upprisa þjóðríkisins verði til langframa eða millibilsástand. Hinu má slá föstu að fjölmenning og frjálslyndi síðustu áratuga fá ekki uppreisn æru í fyrirsjáanlegri framtíð. Þeim kafla er lokið. Það er staðreynd en ekki tilfinning.

Tilfinningar fram yfir staðreyndir

Vinstristjórn yrði pólitísk og efnahagsleg afturför

Sjálfstæðisflokkur og Framsóknarflokkur eru aðalhönnuðir að endurreisn efnahags heimila og þjóðarbúsins eftir hrun.

Eftir óróa og pólitíska upplausn vinstristjórnarinnar 2009-2013 fann ríkisstjórn Sigmundar Davíðs leið til að forða Íslandi frá erlendum hrægömmum annars vegar og hins vegar að endurreisa fjárhag heimilanna með skuldaleiðréttingunni. Grunnur var lagður að langtímavexti hagkerfisins og pólitískum stöðugleika.

Undir þessum kringumstæðum er tilraun til myndunar smáflokkaríkisstjórnar vinstrimanna ávísun á pólitíska og efnahagslega afturför.

Endurreisn Íslands vel á veg komin

RÚV undirbjó mótmæli - og Píratastjórn

Kastljós RÚV á mánudagskvöld átti að kveikja reiðiöldu í samfélaginu sem myndi leiða til mótmæla á Austurvelli daginn eftir gegn spilltu kerfi og hvetja til kerfisbreytingar á Íslandi undir forystu Pírata. Bein útsending RÚV frá þingsetningu og mótmælafundi skyldi sýna óánægju landsmanna með ríkjandi stjórnarfar og kalla eftir uppstokkun á stjórnskipun landsins.

Síðdegis á mánudag kynntu ritstjórar Kastljóss, Þóra Arnórsdóttir og Helgi Seljan, skandal kvöldsins, um spillingu í hæstarétti, hornsteini réttarkerfisins. Spilað var á tilfinningar öfundar og tortryggni í fréttinni:

Markús Sigurbjörnsson, hæstaréttardómari og forseti Hæstaréttar, átti hlutabréf fyrir tugi milljóna í Glitni banka á árunum fyrir hrun. Bréfin seldi hann með miklum hagnaði árið 2007. Dómarar við Hæstarétt eru æviráðnir og laun þeirra með því hæsta sem gerist hjá hinu opinbera til að tryggja sjálfstæði þeirra.

 

Eins og til var ætlast tóku aðrir fjölmiðlar undir, sérstaklega 365-miðlar Jóns Ásgeirs Jóhannesson, sem er fastakúnni hjá dómskerfinu, bæði fyrir og eftir hrun. Gamalkunnugt stef frá tímum síðustu ríkisstjórnar vinstrimanna, um ónýta Ísland, var komið með nýtt viðlag: hæstiréttur er líka gerspilltur.

 

Stjörnuvitni RÚV-Kastljóss, Hjördís Hákonardóttir dómari, var klippt til í viðtali Kastljóss til að þjóna meginboðskapnum um spillta Ísland. Dramatískur inngangur Helga Seljan um spillingu á æðstu stöðum byggði á leka úr þrotabúi Glitnis og frjálslegri túlkun á lögum um vanhæfi dómara.

 

Allt var til reiðu á þriðjudag fyrir fjöldamótmæli á Austurvelli til að knýja fram nýja ríkisstjórn undir forystu Pírata sem lofa að ,,tækla spillinguna". Forsíða Fréttablaðsins þriðjudagsmorgun féll eins og flís við rass við RÚV-þemað um ónýtt stjórnkerfi sem yrði að bylta.

 

En þótt RÚV gerði sitt ítrasta boðaði enginn á samfélagsmiðlum til mótmæla. Stjörnuvitni Kastljóss, Hjördís Hákonardóttir, reyndist hikandi og ósannfærandi. Almenningur sá í gegnum RÚV-fléttuna og líkaði ekki bandalagið við auðmennina sem myndu græða á falli hæstaréttar.

 

Beina útsending RÚV frá Austurvelli í gærdag var flöt og óspennandi. Og í þinghúsinu sátu Píratar hnípnir án stuðnings frá öskrandi mótmælendum. Um kvöldið, þegar allt var afstaðið, birti RÚV frétt um að forseti hæstaréttar hefði í einu og öllu farið eftir reglum um hlutabréfaviðskipti: það var enginn skandall.

 

Í fréttinni er því velt upp hvaðan upplýsingarnar um verðbréfaviðskipi Markúsar komu. En fréttastofu RÚV datt ekki í hug að spyrja Kastljósfólkið Þóru Arnórsdóttur og Helga Seljan hvaðan þau fengu upplýsingarnar. Maður nefnir ekki snöru í hengds manns húsi.

„Fleira hrundi en bankar haustið 2008“