Jurtaolíusósíalismi Sjálfstæðisflokksins

Jurtaolía blönduð í bensín átti að hægja á hamfarahlýnun. Lög voru sett, m.a. Íslandi í tíð vinstristjórnar Jóhönnu Sig., um að pálmaolíu skyldi bætt í bensín. Framkvæmdin reynist katastórfa fyrir umhverfi og glóparnir sjá eftir framkvæmdinni, eins og Sigríður Á. Andernsen þingmaður Sjálfstæðisflokksins rekur.

Jurtaolíuævintýrið er aðeins einn lítill angi af glópahlýnunarheimskunni sem tröllríða heimsbyggðinni með sænskan ungling í broddi fylkingar. Við verðum að gera eitthvað, BARA EITTHVAÐ, til að bjarga plánetunni frá tortímingu vegna hamfarahlýnunar af mannavöldum.

Eins og nærri má geta eru vinstrimenn og sósíalistar ákafir í trú á manngert veðurfar. ,,Öll pólitík verði hugsuð út frá loftslagsmálum," segir þingmaður Vinstri grænna.

Verra er að Sjálfstæðisflokkurinn er undirgefinn glópahlýnun. Gulli utanríkis talaði eins og þingmaður Vinstri grænna á fundi Sameinuðu þjóðanna. Sigríður Á. er undantekning enda missti hún ráðherradóm að kröfu Vinstri grænna.

En þetta eru vísindi, segja jurtaolíusósíalistarnir. Nei, þetta eru ekki vísindi, heldur hugmyndafræði klædd í búning vísinda. Nýlegt dæmi er vísindagrein um hækkun hitastigs í hafi í tímaritinu Nature. Greinin þótti stórfrétt enda renndi hún stoðum undir þá kenningu glópanna að hækkun hitastigs í lofti, sem ekki fannst, hafði farið ofan í hafið. En greinin var falsfrétt eins og tölfræðingurinn Nicholas Lewis benti á. Ákafinn að birta niðurstöður í takt við ráðandi hugmyndafræði ber sannleikann ofurliði. 

Það eru til vísindamenn sem sjá í gegnum blekkingavefinn. Tim Ball er einn þeirra. Hann var dreginn fyrir dómstól vegna ærumeiðinga sem hann viðhafði um einn helsta vísindamann glópanna, Michael Mann.  

Mann og aðrir álíka búa til spár um manngert veður. Reikniforritin gefa sér að náttúrulegt loftslag sé í jafnvægi og koltvísýringur vegna brennslu jarðefnaeldsneytis breyti loftslaginu. En bæði er að ekkert náttúrulegt jafnvægi loftslags er til og svo er hitt að það reiknilíkönin sýna ranga niðurstöðu ár eftir ár, eins og Roy Spencer loftslagsvísindamaður sýnir fram á. 

Jurtaolíusósíalisminn er 21stu aldar útgáfa af slagorði bolsévikka í rússnesku byltingunni: öll völd til ráðanna. Öll pólitík er loftslagspólitík, segir þingmaður Vinstri grænna, sem vitnað var í að ofan. Eftir rússnesku byltinguna urðu til Ráðstjórnarríkin, öðru nafni Sovétríkin, sem ekki voru til farsældar, eins og flestir í Sjálfstæðisflokknum vissu - áður en bernskan tók yfir.

 

Björn og skýrslan: Ísland er hjálenda

Ísland var hjálenda erlendra konunga, norskra og danskra, frá Gamla sáttmála á 13. öld og fram á 20. öld. Á þeim tíma urðu Íslendingar ópólitísk þjóð, sinnulaus um landsstjórnina enda valdið í útlöndum.

Skýrsla Björns Bjarnasonar um EES-samstarfið boðar að Íslendingum sé farsælast að líta á sig sem hjálendu Evrópusambandsins þar sem EES-samningurinn kemur í stað Gamla sáttmála.

Í tillögum til úrbóta í Björnsskýrslunni segir: 

Viðurkenna ber í verki að EES-aðildin mótar allt þjóðlífið en ekki skilgreina hana sem erlenda ásælni.

Við eigum að viðurkenna útlenda valdið yfir okkur og sætta okkur við fyrirmæli þaðan, t.d. um að náttúruauðlindir okkar skuli lúta Brusselvaldinu, er efnislegi boðskapurinn. Rökin eru þau að Íslendingar geti ekki staðið á eigin fótum.

Björn leggur til að sérstakt EES-ráðuneyti verði stofnað á Íslandi, nokkurs konar yfirráðuneyti, er skammti lýðræðislega kjörnum stjórnvöldum svigrúm til að ráðstafa málum þannig að yfirvaldið í Brussel sé sátt.

Skýrsla Björns Bjarnasonar dregur skýra víglínu milli tveggja meginskoðana í stjórnmálum. Í einn stað eru þeir sem telja þjóðina ekki kunna fótum sínum forráð og þurfa ,,handleiðslu" frá Brussel. Í annan stað þeir sem treysta Íslendingum til að reka burðugt fullvalda þjóðríki á eigin forsendum.

Samviskuspurningin sem hver og einn þarf að svara er þessi: hvort vil ég líta á Ísland sem hjálendu eða fullvalda þjóðríki?

Brýnt að skerpa á hagsmunagæslunni

Nýorðinn múslími drap fjóra

,,Hann sner­ist til íslam­trú­ar fyr­ir 18 mánuðum en ekk­ert bend­ir til þess að hann hafi aðhyllst öfga­skoðanir."

Tilvitnuð setning er djúpt í meðfylgjandi frétt, eiginlega í felum. Fyrirsögnin er líka í felulitum; ,,Var í uppnámi" gæti átt við einhvern sem er seinn í vinnuna.

Í Evrópu eiga múslímar það til að myrða samborgara sína upp úr þurru.  En, auðvitað, þetta tengist alls ekki, bara alls ekki, múslímatrú. Sennilega þarf lítið til að koma múslímum ,,í uppnám." 

„Var í uppnámi“

Frægð í útlöndum veit á sölu heima

Frægðin kemur að utan er gamalt og nýtt viðkvæði í fásinninu á Fróni. Snorri Sturluson sló í gegn í norskum konungsgarði á 13. öld og óð í kvenpeningnum hér heima þótt ekki væri hann vel bardagafær á öld sem mat vígfimi meir en orðlist.

Útgefendur bregða gjarnan á það ráð að auglýsa stórkostleg afrek höfunda sinna í útlöndum til að örva söluna hér heima.

Íslendingar eru stoltir og þykir til um upphefð landa sinna úti í hinum stóra heimi. En þegar sú tilfinning er misnotuð í markaðslegum tilgangi víkur stoltið fyrir kjánahrolli.

Seld til sjö landa fyrir útgáfu

Von um sósíalisma - Sjálfstæðisflokkurinn til bjargar

Sósíalistar eru ginnkeyptir fyrir glópahlýnun. Trú á manngert veður gerir kröfu um manngerðar lausnir.

Eðli málsins samkvæmt, við erum að tala um loftslag jarðkringlunnar, er sósíalismi eina svarið með tilheyrandi sköttum og alþjóðlegu yfirvaldi.

Sjálfstæðisflokkurinn er genginn á hönd sósíalisma með glópahlýnun sem yfirvarp, sbr. greinaskrif þingmanna flokksins og ræður ráðherra síðustu vikur.

„Þetta er dauðans alvara“

Magnús veðurfræðingur: engin hamfarahlýnun

,,Hingað til hef ég ekki misst svefn eða haft áhyggjur af hækkun hita á jörð­inni, enda tel ég ekki um neitt neyð­ar­á­stand (bráða­hættu) á því sviði að ræða," skrifar Magnús Jónsson veðurfræðingur og fyrrverandi forstöðumaður Veðurstofu Íslands.

Þeim fjölgar sem ofbýður dómsdagsrugl glópahlýnunarsinna. 

Skógur bætir mannlífið, bindur koltvísýring og er gott mál í nær skóglausu landi.

 

Skógræktin breytir loftslaginu

Kvenvæðing skólanna er tap drengja

Konur eru yfir 80 prósent kennara í grunnskólum. Kvenlægar hugmyndir um nám eru ráðandi. ,,Yndislestur" er ein slík hugmynd. Til að fá stráka til að lesa ætti að bjóða upp á ,,Morð-, blóð- og hamfarasögustund."

Virðingarvert er að hagfræðingar taki til athugunar stöðu drengja í skólakerfinu, sem er afar bágborin í samanburði við sterkara kynið.

Tillögur hagfræðinganna Gísla Gylfasonar og Gylfa Zoega eru allrar athygli verðar. Aukið verknám myndi án efa gagnast strákum. Meiri óvissa er hvort drengir nytu góðs af námsmati er byggði meira á prófum. Betra jafnvægi milli kynja í kennarastétt yrði án efa til hagsbóta fyrir drengi.

Lestur er grunnur að öllu námi. Brýnasta verkefnið er að bæta lestrargetu drengja. Það verður ekki gert með ,,yndislestri."

Leggja til aukna samkeppni og áhættutöku í námi

Ráðherrar afsaka sig; við erum ekki börn

Tveir ráðherrar biðjast afsökunar á að vera ekki börn. Annar með þeim orðum að hann sé dáldið barn og þurfi því ekki afsaka jafn innilega og hinn, sem er á grafarbakkanum - 37 ára gamall.

Trúlega meina ráðherrarnir vel. Undir rós segja þeir þó að aldurshópurinn sem stendur fjærst því að vera börn, þ.e. elstu Íslendingarnir séu nauðaómerkilegir. Bernskan blífur, gamalmenni úrelt góss.

Rísandi menning bernskudýrkunar er að börn stjórni heiminum. Algjör óþarfi er að þau læri fyrst að taka til í herberginu sínu. Snjallatækjavædd blessuð börnin segja gamlingjum hvernig heimurinn virkar. Svona inn á milli tölvuleikja.

 

„Þótt sumir vilji meina að ég sé barn“

Dagar Sigurðar Inga taldir í Framsókn

Fylgi Framsóknarflokksins nær ekki 8 prósentum. Ekki seinna en annað vor verður kosið til alþingis og framsóknarmenn verða löngu áður búnir að kalla Lilju Alfreðs til forystu. 

Gæfuskipti hafa orðið á núverandi og fyrrverandi formanni Framsóknar, Sigmundi Davíð. Miðflokkurinn undir forystu Sigmundar Davíðs sækir fram sem borgaralegur flokkur skynsemishyggju og meðalhófs. Þrátt fyrir samræmt átak vinstrimanna og hælbíta úr öðrum flokkum er Miðflokkurinn kominn með jafnt og stöðugt fylgi sem stendur núna í 12 prósentum en 15-20 prósent þegar nær dregur kosningum.

Miðflokkurinn mun sækja á Sjálfstæðisflokkinn, sem vinnur varnarsigur í þessari könnun. Innan Sjálfstæðisflokksins standa hreinsanir, sem fara hljótt en eru afleiðingar klofnings vegna orkupakkamálsins. Eyþóri er fórnað í borginni fyrir nálægð við ritstjóra Morgunblaðsins. Hreini Loftssyni er lyft til að gylla viðreisnarfólki með hrunskömm gamla ættaróðalið.

Málgagn er til reiðu handa Sjálfstæðisviðreisn, Fréttablaðið, í eigu auðmanns sem stofnaði Viðreisn. Á leiðaraopnu Fréttablaðsins í dag er Eyþór gagnrýndur fyrir davíðsku; þingmaður Viðreisnar og aðstoðarmaður Gulla utanríkis eru meðhöfundar að grein og dómstólar eru teknir til bæna fyrir að dæma hrunfólk.  

Þegar rennur upp fyrir borgaralega sinnuðum og þeim sem annt er um fullveldið vegferð Sjálfstæðisflokks Bjarna, Gulla og Áslaugar Örnu verður Miðflokkurinn æ ákjósanlegri. ESB-kratismi og glópahlýnun undir merki fálkans gerir sig einfaldlega ekki. Brussel brennur,  Bretar flýja meginlandið og sænskur unglingur er merkisberi alþjóðavæðingar. Hægriflokkarnir í stjórnmálamenningunni sem Íslendingar miða sig við, þeirri engilsaxnesku, eru undir forystu Donald Trump og Boris Johnson. Hvorugur er pissudúkka. 

Vandræði Sjálfstæðisflokksins aukast enn  þegar Lilja tekur við Framsókn. Hún á sóknarfæri í höfuðborginni og þéttbýlinu sem Sigurður Ingi átti ekki. Verðandi formaður sagðist í sjónvarpsviðtali nýverið ekki vera lengur í klaustri. Liljan er hraðlæs á pólitík.

Tveir mið-hægripólitískir öxlar eru í sjónmáli. Sjálfstæðisflokkur-Viðreisn annars vegar og hins vegar Miðflokkur-Framsókn. Í einn stað hamfaraknúinn esb-ismi en í annan stað þjóðhyggja meðalhófsins.

Samfylkingin er náttúrulegur bandamaður miðhægri ESB-útgáfunnar en það er ekki í kortunum að ESB-flokkar nái meirihluta á alþingi Íslendinga. 

Næsta ríkisstjórn gæti orðið undir forystu Sigmundar Davíðs. Kok Vg-íhaldsins gín frekar við þjóðlegum metnaði en peningasekkjum. 

Tæplega 51 prósent segist styðja ríkisstjórnina

Sigríður afhjúpar glópsku vinstrimanna

Vinstrimenn eru í stöðugri leit að sjálfsupphafningu og stökkva á tískusveiflur i von um pólitískan ábata. Sigríður Á. Andersen afhjúpar glópsku vinstrimanna sem fyrir fáeinum árum kröfðust, og fengu í lög, að bensín skyldi blandað jurtaolíu. Afleiðingin:

„lög hreinu vinstri stjórn­ar­inn­ar um end­ur­nýj­an­legt eldsneyti sem áttu að draga úr los­un gróður­húsaloft­teg­unda hafi þvert á móti aukið los­un­ina, valdið stór­kost­legri loft­meng­un í Asíu, auk þess að stuðla að eyðingu regn­skóga, ógna líf­fræðilegri fjöl­breytni og ýta und­ir vinnuþrælk­un og illa meðferð á kon­um og börn­um.“

Og nú leggja vinstrimenn fram tillögu um að afturkalla eigin glópsku.

Munu þeir biðjast afsökunar? Ekki veðja á það.

Sigríður furðar sig á pálmaolíuviðsnúningi