Makríllinn, fiskurinn sem hélt Íslandi utan ESB

Ísland var ekki með veiðireynslu á makríl og hefði ekki fengið leyfi Evrópusambandsins til að veiða svo mikið sem eitt tonn af þessum flökkustofni. ESB úthlutar veiðileyfum á grundvelli veiðireynslu.

Árlegt aflaverðmæti makríls undanfarin ár er yfir 12 milljarðar króna og munar um minna í þjóðarbúskapinn. 

Makríll hóf göngur sínar á Íslandsmið um líkt leyti Samfylkingin lagði fram umsókn um aðild landsins að Evrópusambandinu. Þegar rann upp fyrir þjóðinni að forræði yfir fiskimiðunum færi til Brussel við aðild þá fjaraði hratt undan stuðningi við leiðangur Össurar og félaga.

Makríllinn er vænn fiskur. 

Mikil makrílgengd í íslenskri lögsögu

Jóni Ásgeiri sýndur fingurinn

Samstöðufundur ritstjórnar 365 miðla í gærkveldi við heimili Ólafs Stephensen fráfarandi ritstjóra lýsir samkennd með ritstjórnarsjálfstæði andspænis ofríki eiganda, Jóns Ásgeirs Jóhannessonar.

Ólafur skrifaði sinn síðasta leiðara í gærmorgun þar sem hann gagnrýndi skipulagsbreytingar á 365 miðlum, sem miðuðu allar að því að gera ritstjórnina leiðitamari eiganda.

Saga Jóns Ásgeirs í fjölmiðlum er að hann nýtir þá ekki í þágu almennings heldur til framgangs eigin viðskiptahagsmunum.

Nýtt er að starfsfólk ritstjórna 365 miðla, nánast í heild sinni, sýni með ótvíræðum hætti andúð sína á ritstjórnarstefnu Jóns Ásgeirs. Maður tekur ofan fyrir samstöðu frétta-og blaðamanna 365 miðla í þágu ritstjórnarsjálfstæðis og óskar þeim góðs gengis í baráttunni.

 

Fréttastofan á bak við Ólaf?

Umboðsmaður alþingis í pólitík

Umboðsmaður alþingis rekur mál sitt gegn Hönnu Birnu Kristjánsdóttur í gegnum fjölmiðla. Þriðja bréfið sem umboðsmaður skrifar ráðherra á rúmum þrem vikum er sent til fjölmiðla áður en ráðherra fær eðlilegan tíma að svara.

Umboðsmaður alþingis hóf málatilbúnaðinn á hendur ráðherra í beinu framhaldi af slúðurfrétt DV um að lögreglustjóri hefði hætt vegna þrýstings ráðherra.

DV og dómstóll götunnar eru nánast samheiti og fer ekki vel á því að umboðsmaður alþingis leggist á sama plan.

Umboðsmaður alþingis opnar nýja víglínu á ráðherra þótt ríkissaksóknari hafi lokið málsmeðferð sinni á átta mánaða lögreglurannsókn með því að ákæra aðstoðarmann ráðherra - á hæpnum forsendum.

Í bréfi umboðsmanns er ráðherra spurður út í siðareglur. Umboðsmaður alþingis starfar ekki eftir neinum siðareglum og svarar með skætingi spurningum forsætisráðherra um það hvort siðareglur séu í gildi hjá umboðsmanni.

Starfsaðferðir umboðsmanns í þessu máli eru pólitískar og ekki í þágu betri og vandaðri stjórnsýslu.

 

 

Umræða um lekamálið ósönn

Talar Stefán tungum tveim?

Stefán Eiríksson fráfarandi lögreglustjóri í Reykjavík sagðist ekki hafa hætt vegna þrýstings frá innanríkisráðherra.

Í hljóðrituðu spjalli við umboðsmann alþingis virðist Stefán segja allt aðra sögu en hann gerði í lok júlí.

Stefán þarf að útskýra hvora frásögnina á að taka gilda.

„Eruð þið ekki að ganga of langt“

Ólafur Steph: Kristín er handbendi Jóns Ásgeirs - DV innan seilingar

Ólafur Stephensen skrifar leiðara í Fréttablaðið í dag og segir Kristínu Þorsteinsdóttur handbendi Jóns Ásgeirs Jóhannessonar, fyrrum Baugsstjóra. Ólafur segir eina aðferð eiganda til að stýra fjölmiðli vera að ráða

til stjórnunarstarfa á ritstjórnum fólk sem er nægilega náið og handgengið eigendunum til að láta prinsipp um ritstjórnarlegt sjálfstæði ekki þvælast fyrir sér.

Kristín var blaðafulltrúi Baugs og síðar stjórnarmaður Jóns Ásgeirs í 365 miðlum. 

Jón Ásgeir er alkunnur áhugamaður um að fjölmiðlar í sinni eigu séu meðvitaðir um þá hagsmuni sem skipta máli.

Á meðan Jón Ásgeir kennir mönnum að sitja og standa á 365 miðlum er náinn samstarfsfélagi hans, Sigurður G. Guðjónsson, að leggja undir sig DV. 

Fjölmiðlun á Íslandi er að verða fámiðlun. 

 

Ólafur einnig hættur störfum?

Pólitísk ákæra í lekamálinu

Ákæran í lekamálinu er hvorki byggð á málefnalegum né hlutlægum forsendum. Ákæran er pólitísk enda unnin í samráði við DV og til þess ætluð að ná pólitísku markmiði; afsögn innanríkisráðherra.

Sigríður Friðjónsdóttir saksóknari Jóhönnustjórnarinnar í landsdómsmálinu gegn Geir H. Haarde reið ekki feitum hesti þaðan. 

Hafi Sigríður ætlað að endurvinna sig í áliti bakhjarla sinna með bandalagi við DV í dómstóli götunnar er hætt við að það verði meiri sneypuför en sú fyrri.

„Mörgu er ábótavant í ákærunni“

Samtök iðnaðarins í feluleik

Kristrún Heimisdóttir fráfarandi framkvæmdastjóri Samtaka iðnaðarins starfaði ekki nema í tæpt ár hjá samtökunum. Fréttatilkynning um brotthvarf hennar var heldur klén.

Feluleikur um ástæður uppsagnar Kristrúnar er í stíl við annað hjá þessum samtökum.

Af ástæðum sem ekki hafa verið útskýrðar hættu Samtök iðnaðarins að birta kannanir um afstöðuna til Evrópusambandsins. Um árabil, eða frá árinu 2000, var árviss viðburður að samtökin kynntu niðurstöðu ESB-könnunar í janúar eða febrúar. Í ár heyrðist ekki múkk. 

Feluleikur eykur ekki trúverðugleika.

Víðfeðm samtök heilluðu

Evran er óhamingja Evrópu

Tveir ráðherrar frönsku ríkisstjórnarinnar skópu stjórnarkreppu um helgina með því að gagnrýna að Þjóðverjar stjórnuðu ferðinni í frönskum efnahagsmálum.

Mest lesna morgunfréttin í þýsku útgáfunni Die Welt er af fyrirætlunum Evrópusambandsins að stofna til sam-evrópsks atvinnuleysistryggingasjóðs. Í fréttinni segir að ríku ESB-löndin (Þýskaland, Austurríki, Holland og fáein fleiri) verði látin borga atvinnuleysisbætur til fátækra landa eins og Grikklands, Spánar, Rúmeníu, Portúgals og fleiri.

Sameiginlegur gjaldmiðill Evrópusambandsins veldur úlfúð og ólgu í stað þess að styrkja og sameina.   

Franska ríkisstjórnin á suðupunkti

Lekamálið er menningarstríð

Bloggfærsla hér varð tilefni til að auglýsingastjóri DV, Heiða B. Heiðars, skrifaði Facebook athugasemd sem fer hér á eftir í heilu lagi:

Nei Páll Vilhjálmsson! Nú fórstu alveg með það!
Þurftum við í alvörunni að vita að nafngreind íslensk stúlka hafði átt í kynlífssambandi við Tony?
Ha?
Kannski finnst þér vanta inn í lekann hvort henni fannst það gott.
Þú ert nú ekki alveg í lagi

Heiða er dugleg að ,,plögga" fréttir DV og fá aðra miðla til að taka upp fréttir úr þeim miðli. Ekki fremur en ritstjórn DV er Heiðu umhugað um málefnin, að ekki sé talað um sanngirni.

Sifjamál eru hluti af málsmeðferð hælisleitenda hvarvetna í heiminum. Kanadísk stjórnvöld segja skýrt og skorinort að hagkvæmnishjónabönd séu glæpur og eru með sérþjálfaða starfsmenn á sínum snærum til að rannsaka fjölskylduhagi fólks sem sækir um hæli á forsendum hjúskapar.

Það er því ekkert óeðlilegt að hælisleitandi hér á landi, sem kýs að gera mál sitt að opinberu umræðuefni, verði þýfgaður um sifjamál. Upplýsingar um fjölskylduhagi er ekki klámvæðing, líkt og Heiða gefur til kynna.

Heiða leikur sama leikinn á Facebook og DV á netinu. Stíll og framsetning er til þess fallinn að draga þá fram sem eru ,,virkir í athugasemdakerfum." Vinir Heiðu láta ekki sitt eftir liggja:

Hrafn Arnarson: Er hægt að taka svona bjána eins og Pál alvarlega? það ömurlega við þetta er að hann á sér skoðanabræður.

Páll Heiðar: mikið djöfull skammast ég mín fyrir að deila nafni með manni eins og Páli Vilhjálmssyni

Við sem samfélag getum ekki látið fólk eins og Heiðu, Hrafn og Pál Heiðar ráða ferðinni í opinberri umræðu. Okkur setur niður við það.

Samfylkingargoðsögn fegrar manndráp

Össur Skarphéðinsson og Björgvin G. Sigurðsson eru félagar í breska Verkamannaflokknum og mærðu löngum foringjann Tony Blair. ,,Blair-ismi" var uppskrift Samfylkingar; látum kjósa okkur út á vinstripólitík til að stunda hægristefnu.

Blair hélt áfram að þjóna sinni lund eftir að stjórnmálaferlinum lauk og ráðleggur valdaskökurum  að selja svart sem hvítt. Í Telegraph er rætt um verktöku Blair hjá forseta Kazakhstan, Nursultan Nazarbaye, sem myrti saklausa borgara með rangar skoðanir.

Tony Blair gave Kazakhstan’s autocratic president advice on how to manage his image after the slaughter of unarmed civilians protesting against his regime.