Pólitískur stöðugleiki útilokaður með stjórnarskrá í uppnámi

Stjórnarskráin er grundvallarlög landsins og hornsteinn stjórnskipunar. Með stjórnarskrána í uppnám er ekki hægt að skapa hér forsendur fyrir pólitískum stöðugleika.

Vinstrimenn náðu völdum á Íslandi vorið 2009 í beinu framhaldi af hruni. Þeir ætluðu sér að stokka upp lýðveldið, án þess þó að það lægi fyrir hvernig, nema að fullveldinu átti að koma fyrir í Brussel. Á síðustu metrum Jóhönnustjórnarinnar tókst að koma í veg fyrir atlögu vinstrimanna að stjórnarskránni.

Þjóðin hafnaði leiðsögn vinstrimanna í kosningunum 2013. Hægriflokkarnir í ríkisstjórn ættu að leggja til hliðar allar pælingar um breytingar á stjórnarskrá lýðveldisins. Stjórnarskrárbreytingar kynda undir pólitískan óstöðugleika þar sem vinstriflokkarnir eru á heimavelli.

Vinstrafrjálslynt valdaskak og kósí-pólitík Bf

Einu sinni var vinstripólitík hugsjón um réttlátt samfélag. Fyrir hundrað árum deildu vinstrimenn um það hvort bylting væri nauðsynleg til að ná markmiðinu um jafnaðarsamfélagið eða hvort hægt væri vinna því framgang innan marka þingræðisins.

Þegar leið á síðustu öld kulnaði í hugsjónum vinstrimanna. Blairismi var vinstriútgáfa af frjálshyggju, sem t.a.m. samfylkingarráðherrar í hrunstjórninni, Össur Skarphéðinsson, Árni Páll Árnason og Björgvin Sigurðsson, höfðu í hávegum.

Í utanríkispólitík voru vinstrimenn til skamms tíma með móralskan kompás sem fylgdi almannahag meðal þjakaðra þjóða. Eftir að vinstrimenn urðu upp til hópa ESB-sinnar framseldu þeir siðvitið til Brussel og urðu valdaskakarar, eins og Þórarinn Hjartarson skrifar um. 

Vinstrafrjálslynt valdaskak selur ekki í pólitík. Framgangur kósí-stjórnmála Bjartar framtíðar sýnir það svart á hvítu.

Fasteignabóla, leiðrétting og hrun

Innistæðulaus hækkun fasteigna er kölluð fasteignabóla. Þegar fasteignabólan springur hrynur verðið með tilheyrandi tapi. Bretar eru verulega áhyggjufullir að fasteignabólan þar haldi áfram að blása út. Norðmenn breyttu reglum um fasteignaveð til að hamla bólumyndun.

Illmögulegt er að segja fyrirfram hvenær fasteignaverð er orðið að bólu enda getur verið innistæða fyrir hækkun fasteigna í hagvaxtarhagkerfi eins og Íslandi, Bretlandi og Noregi (en ekki í ESB-ríkjunum þar sem nær enginn hagvöxtur mælist).

Ástæða er til að ætla að óraunhæfar væntingar um hækkandi fasteignaverð á höfuðborgarsvæðinu hækki verð umfram innistæðu. Hvort það endi með leiðréttingu eða hruni er of snemmt að segja til um.

 

Vildu allar íbúðir í nýrri blokk í Kópavogi

Stjórnarskrá er kjölfesta, skal ekki breyta

Stjórnarskrá lýðveldisins stóð af sér hrunið og atlögu ríkisstjórnar Jóhönnu Sigurðardóttur. Stjórnarskráin er kjölfestan í stjórnskipun ríkisins og skal ekki breyta nema brýna nauðsyn beri til.

Engin brýn nauðsyn kallar á breytingu á stjórnarskrá lýðveldisins.

Þar af leiðir ætti ekki að breyta stjórnarskránni.

Skoða forsetann og framsal ríkisvalds

Sjálfsvitund þjóða og ESB

Englendingar eru tiltölulega með sjálfa sig á hreinu; þeir eru eyþjóð sem varð heimsveldi um tíma með öflugum flota og eru almennt frjálshuga. Þjóðverjar eru fjarri því að búa að heildstæðri sjálfsmynd. Þýskaland er ungt þjóðríki með þyrnótta sögu prússnesks heraga og nasískra glæpa.

Englendingar vilja minna bákn í Brussel og fá tilbaka fullveldi sem Evrópusambandið sölsaði undir sig á tímum kalda stríðsins. Þjóðverjar líta á báknið í Brussel sem kjölfestu fyrir þýska þjóðarsál, að hún hlaupi ekki út undan sér líkt og fyrrum með skelfilegum afleiðingum.

Frjálshuga Englendingar vilja ekki Jean Claude Juncker sem forseta framkvæmdastjórnarinnar í Brussel. Þjóðverjar vilja heldur ekki Juncker en verða samt að styðjan hann vegna þess að Englendingar eru um það bil að eyðileggja kjölfestuna í Brussel.

Daniel Hannan skrifar áhugavert um stöðu mála í Brussel þessa dagana. Við á Fróni getum spurt okkur hvort sjálfsvitund okkar eigi meira sameiginlegt með enskum eða þýskum.

Samherji er ekki ríki í ríkinu

Samherji heldur sig ríki í ríkinu og hafið yfir grun um misferli. Samherji er rétt og slétt fyrirtæki sem getur ekki gert tilkall um að vera hafið yfir lög og rétt.

Í ljósi þess að Samherji er ekki sjoppa niður á horni heldur voldugt útgerðafyrirtæki verður að gera kröfu til þess að fyrirtækinu sé stjórnað af mönnum sem hafa hugboð um að til sé eitthvað sem heitir réttarríki.

Aðför Samherja að dómsvaldinu er óheppileg, svo vægt sé til orða tekið.

Erfitt fyrir dómara að svara ásökunum

Trú, vald og kjánaskapur

Í okkar sögu er útbreiðsla trúar nátengd valdaskaki. Ólafur Tryggvason nauðgaði Norðmönnum til kristni og knúði á með ofbeldi og hótunum að kristni yrði tekin á dagskrá á alþingi. Íslendingar miðluðu málum sín á milli þannig að heiðni fékk tilverurétt við hlið kristni.

Ólafur Haraldsson ætlaði að spilla málamiðlun Íslendinga um leið og hann sóttist eftir völdum á Íslandi. Báðir Ólafarnir urðu vopnbitnir áður en þeir gerðu meiri óskunda, Tryggvason við Svoldur árið þúsund og Haraldsson á Stiklastöðum þrjátíu árum síðar.

Við siðaskiptin héldust enn vald og trú í hönd. Danakonungur, líkt og valdsmenn víða í Norður-Evrópu, sóttust eftir auði og kennivaldi kaþólsku kirkjunnar. Hér á Íslandi urðu siðaskiptin blóðug; í tvígang var öllu dönsku yfirvaldi gereytt en orrahríðinni lauk með aftök Jón Arasonar og tveggja sona hans.

Á seinni tímum er kristni menningaverðmæti en ekki pólitískt afl. Veraldlegt trúfrelsi leyfir ekki að trúmál skipti sköpum í málefnum borgaranna gagnvart yfirvaldi.

Múslímatrú, á hinn bóginn, er pólitískt afl. Múslímum finnst sjálfsagt að trúin setji mark sitt á veraldlegt yfirvald. Aðeins kjánar líta framhjá þeirri staðreynd. Vestræn samfélög sem hýsa múslíma verða að grípa til stjórnmála til að halda ásókn múslíma í skefjum. Annars hljótast af vandræði.

 

Tákn friðar eða ofstækis múslíma?

Þöggun í Reykjavík, mannréttindi í Brussel

Meirihluti vinstrimanna í borgarstjórn Reykjavíkur reynir, með stuðningi sjálfstæðismanna, að þagga niður í talsmönnum tíu prósent Reykvíkinga, þ.e. þeirra sem kusu Framsóknarflokkinn.

Framsóknarmenn njóta á hinn bóginn mannréttinda í Brussel, höfuðborg Evrópusambandsins, þar sem fulltrúar þeirra eru ekki útilokaðir frá pólitískum vettvangi.

Vinstrifasisminn á Íslandi lætur ekki að sér hæða.

 

„Bæði blindir og heyrnarlausir?“

ESB án Bretlands gerbreytir stöðu Íslands

Bæði í Brussel og London er gert ráð fyrir því að Bretland yfirgefi Evrópusambandið. Bretar eru ekki með evru og vaxandi samstaða er um það ESB sé of ráðríkt í breskum innanlandsmálum. Eina leiðin fyrir ESB til að bjarga evrunni er að stórauka miðstýringuna á ríkisfjármálum aðildarríkjanna. Niðurstaðan er óhjákvæmileg: Bretland er á leiðinni út.

Að frátöldum Norðurlandaþjóðum stendur Bretland Íslandi næst í Evrópu. Allt frá dögum víkinga, þegar norrænir menn réðu lögum og lofum á stórum svæðum í Mið-Englandi og Skotlandi, yfir í miðaldir þegar breskar duggur fiskuðu við Íslandsstrendur og áttu viðskipti við landsmenn (enska öldin) og fram á miðja síðustu öld er Bretar komu okkur til bjargar frá þýskum nasistum, sem hirtu bæði Danmörku og Noreg, er samband Íslands og Bretlands byggt á gagnkvæmri vináttu. Jafnvel í þorskastríðunum eftir seinni heimsstyrjöld, þegar Íslendingar tóku sér yfirráð yfir hefðbundnum fiskimiðum Breta, voru átökin að siðaðra manna hætti.

Bretland utan Evrópusambandsins mun freista þess að byggja upp samstöðu strandríkja á norðanverðu Atlantshafi  þar sem virðing fyrir fullveldi þjóða er í öndvegi. Lykilsamstarfsaðilar Breta væru Norðmenn og Íslendingar.

 

Fleiri Bretar vilja úr Evrópusambandinu

Verndarhyggja gegn vinstri upplausn

Vinstriflokkarnir stóðu fyrir þjóðfélagslegri upplausn á síðasta kjörtímabili þar landsbyggð og höfuðborginni var att saman í kvótaumræðunni; atlaga var gerð að stjórnarskránni og fullveldið selt fyrir Icesave og ESB.

Verndarhyggju vex fiskur um hrygg á þegar til valda komast öfl sem ala á sundrungu og stefna í voða fjárhagslegu sjálfstæði þjóðarinnar, fullveldinu og stjórnskipan.

Vinstristjórn Jóhönnu Sig. 2009 - 2013 skóp Framsóknarflokknum sóknarfæri sem á formerkjum verndarhyggju. Framsóknarflokkurinn staðfesti þá stöðu sína í borgarstjórnarkosningunum í vor. 

Vinstri-hægri enn marktækt