Stórsigur Framsóknarflokksins

Með tíu prósent fylgi, skv. fyrstu tölum, er Framsóknarflokkurinn sigurvegari borgarstjórnarkosninganna. Samfylkingin tapar á hatursáróðrinum, fær rétt 30 prósent fylgi en mældist með um 37 prósent stuðning fyrir nokkru.

Sjálfstæðismenn munu ekki halda því fylgi sem þeir fá skv. fyrstu tölum og enda líklega með 23-25 prósent, sem er heldur skárri útkoma en á horfðist.

Moska verður ekki byggð í Sogamýri.

Samfylking með sex menn

Þögul mótmæli gegn skoðanakúgun

Hatursáróður vinstriflokkanna gegn Framsóknarflokknum sérstaklega fælir kjósendur frá þátttöku í kosningum. Tilraunir vinstrimanna til skoðanakúgunar náðu nýrri lægð með skopmynd í Fréttablaðinu.

Oddviti VG í Reykjavík lét það út úr sér að Framsóknarflokkurinn ætti ekki heima í borgarstjórn og álitsgjafar eins og Egill Helgason sökuðu frambjóðendur Framsóknarflokksins um rasisma vegna moskumálsins.

Líkur eru á að einhverjir stuðningsmenn vinstriflokkanna sitji heima í þöglum mótmælum gegn skoðanakúgun.

 

Kjörsókn í Reykjavík lakari en síðast

Kvenfyrirlitning vinstrimanna: Sveinbjörg múslímavædd

Vinstrimenn sýna Sveinbjörgu Birnu Sveinbjörnsdóttur oddvita Framsóknarflokksins í Reykjavík sem múslímakonu sem eigi ekki erindi í stjórnmál. Vinstrimenn birta myndir af Sveinbjörgu í múslímakufli og skrifa texta sem segir að hún og framboðið sé ,,eitur" sem enginn vill nálgast.

Kjósendur í Reykjavík eiga tvo raunverulega kosti: að kjósa bandalagsflokka kvenfyrirlitningar eða Framsóknarflokkinn.

Sveinbjörg kaus í Laugardalshöllinni

Dásamlegt sjálfsmorð Sjálfstæðisflokksins

Dásamlega Reykjavík, slagorð Sjálfstæðisflokksins í höfuðborginni, spilaði beint upp í hendurnar á  Degi B. og sitjandi meirihluta vinstrimanna. Ef Reykjavík er dásamleg þá er engin ástæða til að breyta til. Misheppnað slagorð skipti þó ekki sköpum.

Fyrirsjáanlegt afhroð Sjálfstæðisflokksins í borginni er rökrétt afleiðing af veiklyndri forystu flokksins sem heykist á því að framfylgja sjálfsstæðisstefnunni eins og hún er samþykkt á vettvangi flokksins. ESB-sinni var leiddur til oddvitasætis í höfuðborginni til að friðþægja litlum minnihlutahópi innan flokksins.

ESB-sinninn Halldór Halldórsson bauð upp á afsláttarstefnu í meginmálum, t.d. flugvallarmálinu, í takt við afsláttarstefnuna sem forysta flokksins fylgir í ESB-málinu. Halldór vildi að það yrði kosið um framtíð flugvallar í Vatnsmýri, rétt eins og hann vill kosningu það um hvort ESB-umsóknin verði afturkölluð eða ekki.

Hvorttveggja í flugvallarmálinu og ESB-umsókninni liggur fyrir eindreginn vilji almennings. Sjálfstæðisflokkurinn þorir ekki að virkja þennan vilja og kemur fyrir sjónir kjósenda eins og sannfæringarlaus gufa.

Sjálfstæðisflokkurinn tapaði sjálfum sér í aðdraganda borgarstjórnarkosninganna. Með slagorðinu ,,dásamlega Reykjavík" átti að fiska á miðum Bjartar framtíðar sem ræktar ímyndina um allir séu góðir við alla og aldrei komi til þess að gera upp á milli ólíkra valkosta. En Sjálfstæðisflokkurinn er ekki jómfrú í íslenskum stjórnmálum og passar ekki í skó kósí-stjórnmála Bjartrar framtíðar.

Sjálfstæðisflokkur málamiðlana og eftirgjafar er slappur og sauðalegur. Fylgið tætist frá flokknum til hægri þar sem snarpur Framsóknarflokkur sýndi málefnalega stefnufestu, t.d. í flugvallarmálinu, og tók óhikað afstöðu í umdeildum málum, samanber deiluna um mosku í Sogamýri. Fylgi Sjálfstæðisflokksins lak einnig til vinstri þar sem ímyndin af dásamlega Degi B. passaði vel við borgarstjórastólinn.

Staða Sjálfstæðisflokksins í Reykjavík verður staða flokksins á landsvísu ef forystan heldur áfram afsláttarpólitík og eftirgjöf gagnvart hávaðasömum minnihlutahópi.

 

Múslímavædd Reykjavík í boði Samfylkingar

Formaður félags múslíma þakkar Samfylkingunni að úthluta lóð undir mosku við þjóðbraut. Í viðtali við RÚV segir formaðurinn að moskan með 9 metra háum bænaturni verði kennileiti höfuðborgarinnar. Staðsetning moskunnar segir að múslímar séu þjóðfélagslegt afl á Íslandi.

Formaðurinn tekur ekki fram að moskan verði eingöngu fyrir karla enda skipa konur óæðri sess í trú múslíma. Konur í kjósendahópi Samfylkingar hljóta að fyllast lotningu yfir níu metra háu reðurtákni í Sogamýri sem allir vegfarendur um Miklubraut fá njóta.

Ekkert framboðanna í Reykjavík þorir að andmæla því skipulagslega og menningarlega stórslysi sem felst í gera mosku að kennileiti höfuðborgarinnar. Tök Samfylkingarinnar á umræðunni eru slík að sérhver sem vogar sér að andmæla er óðara stimplaður rasisti eða eitthvað þaðan af verra.

Nei, annars, það er eitt framboð í Reykjavík sem þorir að andmæla: Framsóknarflokkurinn er kletturinn gegn skoðanakúgun samfylkingarfólks.

 

Gasklefar vinstrimanna og við

Er einhver með fullu viti sem finnur samhengi milli þess að afturkalla lóð undir mosku í Sogamýri og gasklefa þriðja ríkisins? Tja, þegar stórt er spurt.

Karl Th. Birgisson ritstjóri Herðubreiðar ýjaði að því að forsætisráðherra væri hallur undir nasisma. Margrét Tryggvadóttir fyrrum þingmaður er eins og Karl Th. komin með moskuna á heilann. Hún skrifaði oddvita Framsóknarflokksins í Kópavogi opið bréf til að undirstrika að moskumálið væri ekki sérmál höfuðborgarinnar. Til að hnykkja á málinu skrifaði Margrét stutta grein fyrir Karl Th. í Herðubreið um gasklefa í Dachau. Pistlinum lýkur með þessum orðum: ,,Öfgafull þjóðernishyggja er víti sem ber að varast."

Á morgun er kosið um völd. Menn með völd stjórnuðu gasklefum þriðja ríkisins. Spurningin sem kjósendur þurfa að svara á morgun er þessi: viljum við að vinstrimenn af týpunni Karl Th. og Margrét T. fái völd í okkar þjóðfélagi?

Hatur í nafni frjálslyndis

Samfylkingarfólk og vinstrimenn gerðu umræðuna um mosku sem kennileiti í Reykjavík að hatursumræðu. Oddviti Framsóknarflokksins í Reykjavík vildi afturkalla lóðaúthlutunina. Umræðan hefði getað orðið á grundvelli skipulagsmála og menningar, þ.e. hversu æskilegt það sé að moska í Sogamýri með níu metra bænaturni verði kennileiti í Reykjavík.

Vinstrimenn sáu til að þess að umræðan varð hatursfull með því að væna oddvita Framsóknarflokksins um rasisma. Álitsgjafar á vinstri kantinum, t.d. Egill Helgason, gáfu tóninn í umræðunni með yfirgengilegum munnsöfnuði. Vinur Egils til margra ára, Gunnar Smári Egilsson, rann á sorplyktina eins og fyrrum og kallar forsætisráðherra ,,kríp"

Ef þetta snýst um Framsókn er eina fréttin sú að forsætisráðherra Íslands treystir sér ekki að hafna tillögum flokksmanna um skipulögð mannréttindabrot á minnihlutahópum, einn forsætisráðherra í okkar heimshluta. En sá maður varð forsætisráðherra í boði fjölmiðla sem treystu sér ekki til að halda lágmarks viti í umræðunni; hann er kríp sem fjölmiðlarnir sköpuðu.

Tilvitnunin er tekin af málgangi Samfylkingarinnar, Herðubreið, en Karl Th. Birgisson fyrrum framkvæmdastjóri Samfylkingar notar hvert tækifæri til að benda Framsóknarflokknum við rasisma. Sumar færslur Karls Th. eru ísmeygilegar, t.d. með fyrirsögninni 1937, þar sem látið er liggja að því að Sigmundur Davíð sé hallur undir nasisma.

Samfylkingin er flokkur gegnsýrður af hatri.

 

Með ólíkindum hvað menn leggjast lágt

Framsókn er kletturinn gegn skoðanakúgun

Vinstriflokkarnir ákváðu að moska skyldi rísa við fjölfarnasta veg landsins og verða þannig að kennileiti Reykjavíkur. Samfylkingin gaf það út að mótmæli gegn mosku sem kennileiti höfuðborgarinnar væri rasismi.

Heiladauður Sjálfstæðisflokkur tileinkaði sér ákvörðun vinstrimanna og auglýsti múslímavæðingu höfuðborgar Samfylkingar og vinstriflokkanna sem ,,dásamlega Reykjavík." Jafnvel glerhörðum sjálfstæðismönnum eins og Birni Bjarnasyni verður bumbult af aumingjahætti framboðsins.

Framsóknarflokkurinn einn stendur gegn skoðanakúgun vinstrimanna og vill afturkalla úthlutun lóðarinnar til múslíma. Yfirlýsing oddvita Framsóknarflokksins hleypti af stað umræðu sem  sýnir að stórum hópum kjósenda finnst nóg um yfirgang vinstrimanna í þágu sértrúarhópa.

Það er arfleifð frá miðöldum að setja upp trúartákn á áberandi stöðum í borgum. Dómkirkjur í miðaldaborgum Evrópu risu við markaðstorg til að sýna mátt og megin. Á Íslandi í seinni tíð voru kirkjur reistar á hólum og hæðum, samanber Hallgrímskirkju á Skólavörðuholti.

Eftir því sem dregur úr kennivaldi trúarinnar eru bænahús og kirkjur settar niður á hlédrægari staði en áður. Fyrir hálfum öðrum áratug voru hatrammar deilur í Kópavogi þar sem til stóð að byggja kirkju á Víghóli, sem er útsýnisstaður. Kirkjubyggingunni var fundinn minna áberandi staður.

Það er algerlega ótækt að borgaryfirvöld samþykki að moska múslíma skuli rísa á lóð við fjölfarnasta veg landsins. Allir sem eiga leið um Ártúnsbrekku munu hafa moskuna í Sogamýri fyrir augum. Moskan mun segja þá sögu ókunnugum að höfuðborg Íslands sé múslímavædd.

Þökk sé Framsóknarflokknum er komin viðspyrna gegn stærsta menningar- og skipulagsslysi seinni ára í höfuðborginni. 

Framsóknarflokkurinn einn þorði að rísa gegn skoðanakúgun vinstrimanna sem kenna það við rasisma ef einhver andmælir þeim. Við eigum að þakka Framsóknarflokknum fyrir hugrekkið og greiða flokknum atkvæði okkar í borgarstjórnarkosningunum á laugardag.

 

Framsókn með mann

Lögmenn sem djóka með dómstóla fá sekt

Gestur Jónsson og Ragnar H. Hall stóðu fóru út fyrir ramma laganna þegar þeir stunduðu málsvörn í þágu Kaupþingsmanna í Al-Thani málinu. 

Hefði hátt­semi þeirra hvorki verið í þágu skjól­stæðinga þeirra né annarra ákærðu auk þess sem yf­ir­lýs­ing­ar þeirra um að þeir létu af verj­enda­störf­um hefðu falið í sér gróft brot á starfs­skyld­um þeirra sem verj­end­ur í saka­máli...

Með því að Hæstiréttur staðfestir brot Gests og Ragnars eru skýr skilaboð send þeir þeirra lögmanna sem kynnu að freistast til þess að beita óhefðbundnum starfsaðferðum í málsvörn skjólstæðinga sinna.

Gesti og Ragnari gert að greiða

Hvort var Egill rasisti eða (bara) dóni?

Í orðabók samfylkingarmanna er hugtakið rasisti býsna víðtækt. Þeir sem vilja ekki að moska verði reist á áberandi stað í Reykjavík, og gerð að kennileiti höfuðborgarinnar, eru rasistar samkvæmt orðabók samfylkingarmanna.

Einnig þeir sem telja að Ísland ætti ekki að taka á móti fleiri innflytjendum en landið ræður við. Þá eru þeir líka rasistar sem nota uppnefni um fólk er vísa til uppruna, trúar eða sannfæringar viðkomandi.

Egill Helgason álitsgjafi er löngum talinn handgenginn samfylkingarkreðsum. Hann kallaði konu sem hann er ósammála ,,ógeðslega rasistakellingu" á opinberum vettvangi. 

Egill baðst afsökunar á ummælunum og segist ekki fá sóma af þeim, - óþarfi er að mótmæla því.

Á hinn bóginn er æskilegt að Egill og/eða aðrir aðalálitsgjafar hugarheims samfylkingarfólks leggi mat á það hvort það sé ekki rasískt að ráðast að fólki fyrir að hafa aðra sannfæringu en Samfylkingin blessar.

Rasismi er upprunalega kynþáttahyggja og vísar til kerfislægrar mismunar á grunni kynþátta. Egill og aðrar áþekkrar skoðunar hafa á hinn bóginn útvíkkað hugtakið til að það nái yfir hverskyns skoðanir sem þeir sjálfir eru mótfallnir.