Dagur veiðir lax, Jóhanna þegir

Dagur B. Eggertsson borgarstjóri veiddi frítt þegar hann opnaði Elliðaárnar. Þegar Sigmundur Davíð og Bjarni Ben. opnuðu Norðurá ruku vinstrimenn, t.d. Illugi Jökulsson og Björn Valur, upp til handa og fóta og töluðu um spillingu.

Jóhanna Sigurðardóttir fyrrum forsætisráðherra taldi opnunarveiði í Norðurá dæmi um forkastanlega hegðun stjórnmálamanna.

Hvers vegna þegir Jóhanna þegar Dagur B. bleytir færi í Elliðaám?

Borgarstjórinn fékk fyrsta laxinn

Jón Ásgeir, Ingibjörg og leigusali saksóknara

Ingibjörg Pálmadóttir var viðskiptalegt hliðarsjálf Jóns Ásgeirs þegar hún yfirtók eignarhlut hans í 365 miðlum. Þar sippuðu hjónin stórri eigin sín á milli til að eignarhaldið kæmi betur út á pappírunum.

Jón Ásgeir er góðkunningi dómstólanna en þangað er honum reglulega stefnt af saksóknurum, bæði fyrir og eftir hrun.

Það er frétt ef Jón Ásgeir eða viðskiptalegt hliðarsjálf hans kaupir fasteign sem hýsir saksóknara. Það einfaldlega fer ekki vel á því að saksóknari kaupi leigu af Jóni Ásgeiri og hans fólki.

Ummæli Ingibjargar fráleit

DV kann ekki blaðamennsku

DV stundar aðgerðafréttamennsku sem gengur út á að ,,pönkast" á fólki eins og Reynir Traustason ritstjóri orðaði það svo smekklega á sínum tíma.

DV kann ekki blaðamennsku og kann ekki heldur að draga rökréttar ályktanir af einföldustu staðreyndum.

Aðgerðafréttamennska DV nær nýjum botni lágkúrunnar í skáldskapnum um ,,lekamálið."

Þórey leitar réttar síns

Skóli fyrir alla og menntastefna sem talnaleikur

Íslenski framhaldsskólinn þjónar víðtæku félagsmótunarhlutverki og er öllum unglingum opinn. Þegar atvinnulífið hrundi 2008 var spurt hvort framhaldsskólinn tæki við öllum þeim unglingum sem fyrirtækin sögðu upp, jú framhaldsskólinn tók við þeim. Á hverju hausti er spurt hvort allir þeir sem ljúka grunnskóla fái ekki skólavist.

Jú, allir unglingar fá skólavist. En ekki nærri allir unglingar eru í stakk búnir að ljúka stúdentsprófi á fjórum árum. Sumir taka sér fimm eða sex ár til að ljúka stúdentspróf enda vinna þeir meðfram skóla eða stunda tímafrek áhugamál; aðrir búa ekki að námsgetu til að ná stúdentsprófi og hrökklast frá námi.

Á meðan framhaldsskólinn er opinn öllum nemendum verður alltaf ákveðið hlutfall þeirra sem ekki standast kröfur. Skilvirkasta leiðin til að lækka brottfall og stytta námstíma til stúdentsprófs er að herða inntökukröfurnar í framhaldsskólann. En verði það gert þá þjónar framhaldsskólinn ekki lengur því félagsmótunarhlutverki sem hann hefur gert í meira en hálfa öld. Það er ekki lengur jafnrétti til náms, eins og við höfum skilgreint það hingað til.

Menntamálaráðherra, Illugi Gunnarsson, fór illa af stað í sínu embætti þegar hann tók sem gilda menntastefnu talnaleik Samtaka atvinnulífsins um að íslensk ungmenni útskrifuðust að meðaltali ári seinna en jafnaldrar þeirra í OECD-ríkjum. Meðaltalstölur af þessum toga eru ónýtar til að móta menntastefnu. Það er svo sérstök spurning hversu gáfulegt það er að láta samtök hrunverja hafa vægi í umræðu um menntamál.

Illugi Gunnarsson verður að gera upp við sig hvort íslenski framhaldsskólinn eigi að þjóna því hlutverki sem hann hefur gert í meira en hálfa öld, og taka við öllum úrskrifuðum grunnskólanemum, eða setja saman nýtt framhaldsskólakerfi sem tekur mið af þeirri staðreynd að hluti unglinga mun aldrei ljúka stúdentsprófi.

Námstími veltur á námsbrautinni

Fótbolti, miðaldir og Spitfire

Í sjónvarpinu mátti sjá stuðningsmann enska landsliðsins klæddan í miðaldabrynju með krossi heilags Georgs. Annar stuðningsmaður Englands hélt á uppblásinni Spitfire - orustuvél úr seinna stríði.

Táknfræði fótbolta og þjóðmenningar er stráð sögulegum tilvísunum. Georgskrossinn minnir Araba á morðæði krossfaranna á miðöldum og Spitfire Þjóðverja á hverjir unnu orustuna um Bretland í seinna stríð.

En það má líka gleyma táknfræðinni, drekka bjórinn og spyrja að leikslokum.

Suárez: Fólk hló að meiðslunum

Fölsk verkalýðsbarátta: launþegar rífast við sjálfa sig

Lífeyrissjóðirnir stjórna stórum hluta atvinnulífsins, eins og Evrópuvaktin vekur athygli á. Lífeyrissjóðirnir eiga stærstan hluta í Icelandair sem logar í vinnudeilum.

Verkalýðshreyfingin stjórnar lífeyrissjóðunum til helminga á móti samtökum atvinnurekenda.

Samt þykist verkalýðshreyfingin, bæði einstök félög og heildarsamtök eins og ASÍ, vera í kjarabaráttu við óskylda aðila.

Það stendur upp á verkalýðshreyfinguna að móta launastefnu fyrir lífeyrissjóðina, til að fyrirtæki á þeirra vegum þurfi ekki að leita ásjár ríkisvaldsins þegar í ógöngur er komið vegna vinnudeilna.

 

 

Flugvirkjar aflýsa verkfalli

Glæpir meðal innflytjenda

Nokkuð reglulega, að því er virðist, eru fréttir af glæpum innflytjenda. Það er morð hér og nauðgun þar. Þá er orðrómur um að hlutfall innflytjenda í fangelsum landsins sé óeðlilega hátt.

Til að fréttir um glæpi innflytjenda og orðrómur um glæpahneigð þeirra ali ekki á fordómum gagnvart þeim verður að birta tölfræði sem upplýsir hverjir séu helstu gerendurnir í glæpum.

Ef það er svo að innflytjendur eru ábyrgir fyrir óeðlilega háu hlutfalli glæpa verður að bregðast við því, leita skýringa og grípa til ráðstafna. Á hinn bóginn, ef innflytjendur eru hafðir að rangri sök, er hægt að vísa í tölfræði sem upplýsir að þeir séu hvorki betri né verri en landinn þegar kemur að glæpum.

Tölfræðina á borðið, takk fyrir.

DV-rugli ríkissaksóknara hafnað í Hæstarétti

DV bjó til ,,lekamálið" með raðfabúleríngum í formi frétta um málefni tiltekins hælisleitanda. Ríkissaksóknari, þessi sem sló í gegn sem saksóknari Jóhönnustjórnarinnar gegn Geir H. Haarde, beit á DV-agnið og skipaði lögreglu að rannsaka ásakanir DV um leka úr innanríkisráðneytinu.

Markmið DV var að knésetja Hönnu Birnu Kristjánsdóttur innanríkisráðherra. Í samspili við þingmenn Samfylkingar var gerð krafa um afsögn Hönnu Birnu.

Núna þegar Hæstiréttur hafnar DV-rugli ríkissaksóknara ætti snillingurinn í því embætti að velta fyrir sér stöðu sinni.

Heimildarmaður ekki gefinn upp

Jón Ásgeir eigandi Krónunnar/Nóatúns (?)

Í viðskiptalífinu er sá orðrómur hávær að Jón Ásgeir Jóhannesson, kenndur við Baug, sé maðurinn á bakvið kaupin á Krónunni, Nótatúni og Elko. Festi hf. keypti reksturinn í vetur og gerði æskuvin Jóns Ásgeirs og viðskiptafélaga, Jón Björnsson, strax að forstjóra.

Í smásölugeiranum er hvorttveggja nefnt til sögunnar að leiðandi eigendur í Festi hf. eru ekki trúverðugir kjölfestufjárfestar í þessum rekstri og svo hitt að Jón Ásgeir er búinn að vera eins og grár köttur í kringum matvöruverslunina eftir að hann missti Bónus. Tilraunin með Iceland-lágvöruverslunina gekk ekki sem skyldi en þar sáust fingraför Jóns Ásgeirs greinilega.

Draugagangur í stjórnendahópi Krónunnar/Nóatúns fyrir nokkrum dögum, þegar Eysteinn Helgason hætti snögglega störfum, dregur ekki úr umræðunni um eignaraðild Jóns Ásgeirs.

Jón Ásgeir kann þann leik að  leppa fyrir sig eignarhald. Hann hélt eignarhaldi sínu á Fréttablaðinu leyndu í rúmt ár.

Verkföll, lífskjör og samfélag

Verkfall er tvíeggjað vopn eins og flugstéttirnar leiða í ljós þessa dagana. Í höndum stétta sem stefna almannahag í voða er verkfall ónothæft enda ber ríkisvaldinu skylda að verja almannahagsmuni.

Launakjör eiga ekki að ráðast af því hvort einstakir hópar séu í kjörstöðu til að ógna almannahag. Lífskjör almennings eru meira virði en launakjör einstakra hópa.

Ríkisstjórn Sjálfstæðisflokks og Framsóknarflokks leggur grunn að bættum lífskjörum þjóðarinnar með því að tryggja hagvöxt. Það er í þágu alls samfélagsins að setja lög á starfsstéttir sem ógna þeim stöðugleika. Samfélagið er ofar sérhópum, hvort heldur flugstéttum eða öðrum.

Lagasetning algjört neyðarúrræði