Lýðveldi hælisleitenda

Lýðveldið Ísland er aðeins til á pappírunum. Í reynd er hér starfrækt lýðveldi hælisleitanda og helstu áhrifavaldar eru lögfræðingar alþjóðasamtaka er kenna sig við rauðan kross en bráðum grænan hálfmána.

Í lýðveldi hælisleitenda eiga Íslendingar að skammast sín fyrir þjóðtunguna og gjöra svo vel að skaffa löggilta dómtúlka. Íslenska er ,,þungbær" fyrir hælisleitendur, segir lögfræðingur Rauða kossins.

Í lýðveldi hælisleitenda þjóna Frónbúar aðeins því hlutverki að skaffa útlendingum viðurværi; húsnæði og framfærslu. Alþjóðasamtökin sem hirða af okkur skattfé eru með agavald yfir frammistöðu landsmanna að beygja sig og bukta fyrir hælisfólki. Ef misbrestur verður á er óðara hringt í vælubíl góða fólksins. 

 

Ósk um löggiltan dómtúlk hafnað

Skemmtisport að finna rasista

Samkvæmisleikur góða fólksins er að finna rasisma í öllu mögulega og ómögulegu. Maður í brúnum jakka, tala ekki um ef hvítur miðaldra karlmaður ber klæðið, hyllir brúnstakka Hitlers.

Styttan af Ingólfi í miðbæ Reykjavíkur er rasísk, enda Golli þrælahaldari.

Íslenska birkið er hreinn og klár rasismi, næfurinn er hvítur.

Þjóðfáninn er kynþáttahyggjan uppmáluð, aldrei verið samþykktur af BLM. Dreginn að húni er komin táknmynd feðraveldisins er engu eirir, allra síst konum og öðum minnihlutahópum.

Lengi má dunda sér við hálfvitaháttinn, hafi maður nennu til.

Rasískt merki á fatnaði lögregluþjóns til skoðunar

Áfall fyrir stjórnarskráraðgerðasinna

Nýja stjórnarskráin fékk um 73.500 atkvæði í ráðgefandi þjóðaratkvæði 2012. Undirskriftir til stuðnings nýju stjórnarskránni árið 2020 eru aðeins tæplega 43.500. Í fyrra tilvikinu þurfti að fara á kjörstað en í því seinna aðeins að slá inn kennitölu sina í einkatölvu eða síma.

Linnulaus áróður aðgerðasinna í fjóra mánuði með stuðningi RÚV skilaði 40 prósent lélegri árangri en kosningarnar fyrir átta árum.

Aðgerðalýðræði er einmitt þetta: innihaldslausar uppákomur fólks sem líður ekki vel í eigin skinni en krefst þess einkamál fárra verði að vandamáli almennings.

Jafngildir því að 17% hafi skrifað undir

Fljótir að forða sér, píratar

Nokkur munur er á stofnanda og fyrsta formanni Vinstri grænna og Helga Hrafni pírata.

Báðir voru í beinni þegar jarðskjálftinn reið yfir.

Steingrímur J. sat rólegur og bað fólk að ókyrrast ekki. Helgi Hrafn forðaði sér á hlaupum.

Augnablik getur sagt stóra sögu.

Hljóp úr pontu þegar skjálftinn reið yfir

Góðæri eftir veirukreppu og Trump-sigur

Hlutabréfavísitölur víða um heim gera ráð fyrir góðæri eftir kreppu. Uppsöfnuð þörf fyrir ferðalög og trú á snöggan efnahagsbata eftir endurkjör Trump í byrjun nóvember.

Ekki er kálið sopið þótt í ausuna sé komið.

Veiran gæti dregist á langinn og Trump tapað.

Annus horribilis 2020 drægist á langinn og bið yrði eftir annus mirabilis.

Spá verulegri viðspyrnu næsta haust

Rómverskt hlýskeið í vændum?

Haustið er milt á Íslandi þetta árið. Tvær nýlegar rannsóknir, önnur frá því í sumar og hin núna í október, segja að meðalhitinn á rómverska hlýskeiðinu hafi verið 2-6 gráðum hærra en það er núna.

Mælingarnar eru frá Suðurskautinu annars vegar og hins vegar Miðjarðarhafinu. Rómverska hlýskeiðið var frá fæðingu Krists og fram til loka keisaraveldisins, um 500. Þá tók við kuldaskeið er varði til 900 er miðaldahlýskeiðið gekk í garð og samsvarar sögu íslenska þjóðveldisins, 900 til 1300.

Pólitískar deilur er um hvort maðurinn stjórni veðrinu eða ekki. Burtséð frá þeim væri giska huggulegt að fá eins og eitt rómverskt hlýskeið hingað norður.

Hægviðri helst í vikunni

Vaxandi óþol gagnvart múslímum

Morðingi kennarans í París var skotinn á færi eins og óður hundur. Myndband af aðför lögreglu sýnir að um hábjartan dag umkringdi lögreglan manninn sem var aðeins vopnaður hnífi. Auðvelt hefði verið að ná morðingjanum lifandi, til dæmis með því að skjóta hann í hendur eða fætur.

Á myndbandinu kemur aftur fram að lögreglan tók morðingjann af lífi, skaut hann nógu mörgum skotum til að ekki þyrfti að binda um sárin. Parísarlögreglan tekur upp sömu vinnubrögð og Lundúnalögreglan síðustu misseri, að skjóta til að drepa múslímaska hryðjuverkamenn.

Í báðum tilfellum er um fjölmenningarsamfélög að ræða. Þau nenna einfaldlega ekki að rétta yfir múslímskum hryðjuverkamönnum, betra að drepa þá á staðnum. Sparar kostnað við réttarhöld og fangelsisvist. Um ástæður hryðjuverkanna þarf ekki að ræða Þetta eru fylgjendur spámannsins. Í helgiriti þeirra eru morð á vantrúuðum verðlaunuð með vist í himnaríki í faðmi óspjallaðra meyja (líklega undir lögaldri).

Frönsk yfirvöld herja nú á aðstandendur morðingjans. Skilaboðin eru þau að trúarmenning múslíma elur upp hryðjuverkamenn.

Fjögur skólabörn í haldi frönsku lögreglunnar

Aðeins helmingur hælisleitenda í vinnu - eftir 10 ár

Flóttamenn og hælisleitendur koma ekki til Evrópu að vinna, í það minnsta ekki til Danmerkur. Samkvæmt frétt Jyllands-Posten er aðeins helmingur flóttamanna í vinnu eftir tíu ára dvöl í Danmörku.

Hugmyndin að vinna fyrir sér og sínum virðist ekki geðþekk flóttamönnum. Vestræna velferðarkerfið á að halda þeim uppi.

Jafnvel þeir sem þó vinna fyrir sér og virðast aðlagast vestrænum samfélögum eiga það til að halda í ósiði frumheimkynna. Þannig fékk múslímskur læknir í Þýskalandi ekki ríkisborgararétt þegar hann neitaði að heilsa kvenkyns embættismanni sem vildi afhenda lækninum skjalið með ríkisborgararéttinum.

Siðleysi, grimmd og veirufasismi

Þau tíðkast stóru orðin í umræðunni um farsóttina. ,,Engin bólusetning við grimmd," segir Economist í yfirfyrirsögn um ofbeldismenn sem klekkja á lýðræðinu í skálkaskjóli farsóttar. Enska útgáfan þykir orðvör alla jafna.

Pólitísk óreiða fylgir umræðunni um veiruna og varnir gegn henni. Þeir þykja siðlausir sem gefa hjarðónæmi undir fótinn en grimmir veirufasistar þeir er nota lok, lok og læs á samfélagið til að uppræta veiruna - og andstæðinga sína í leiðinni.

Veiran verður efst á dagskrá alþjóðastjórnmála í um tvö ár, ef sú kínverska hagar sér eins og spænska veikin fyrir hundrað árum. Við erum búin eitt ár af þessum tveim.

Hlutabréfavísitölur gera ráð hröðum efnahagsbata þegar veiru linnir. Fólk deyr en hvorki fjármagn né fasteignir eyðast. En heimurinn breytist með veirunni. Pólitíkin verður önnur. Við vitum bara ekki alveg hver.

Siðlaust og hættulegt

Stjórnarskráin fékk 99% fylgi í þjóðaratkvæðagreiðslu

Í maí 1944 var íslenska þjóðin spurð í þjóðaratkvæðagreiðslu hvort hún vildi stjórnarskrá sem alþingi hafði samþykkt vegna stofnunar lýðveldis síðar sama sumar.

Kjörsókn í þjóðaratkvæðagreiðslunni var 98,6% prósent og 99 prósent samþykktu stjórnarskrá lýðveldisins.

Þegar þjóðin samþykkir stjórnarskrá er ekki tjaldað til einnar nætur. Stjórnskipun hvílir á stjórnarskránni. Aðeins tvennt gæti mögulega réttlætt víðtækar breytingar á stjórnarskrá með jafn sterkt umboð og sú íslenska hefur.

Í fyrsta lagi bylting, friðsamleg eða blóðug, sem gengur á milli bols og höfuðs á ríkjandi stjórnskipun. Eftir árangursríka byltingu þarf nýja stjórnarskrá sem endurspeglar gerbreytt samfélag. Engin slík bylting hefur farið fram á Íslandi. Búsáhaldaglamrið var stundarófriður.

Í öðru lagi að þjóðin sammælist um að nauðsyn sé á nýrri stjórnarskrá. Samkomulagið þarf að vera eindregnara en þjóðaratkvæðagreiðslan í maí 1944, - í það minnsta á pari. En þangað til að 99 prósent þjóðarinnar segir já við breytingum á grundvallarlögum okkar ættu þingmenn og aðgerðasinnar að finna sér önnur verkefni að rjátla við.

Tillögur stjórnlagaráðs ekki greyptar í stein