Thomas Sowell og rasistaiðnaðurinn

Thomas Sowell er þeldökkur Bandaríkjamaður, vel skynsamlegur prófessor og metsöluhöfundur.

Hér ræðir hann í 8 mínútur um herleiðingu svartra Bandaríkjamanna í þágu frjálslyndra og vinstrimanna.

Það má læra af Sowell.


Beiskja og stjórnleysi í pólitík - 1991 og 2016

Hvorki Joe Biden né Trump forseti bjuggu til biturð og stjórnleysi sem einkenna stjórnmál vestan hafs og víðar á vesturlöndum.

Ekki er hægt að kenna fátækt, stríði eða náttúruhamförum um stjórnmálaástandið. Bandaríkin og vesturlönd almennt búa við meiri hagsæld og velferð en nokkru sinni í sögunni.

Hvernig á að skilja pólitíska ófriðinn?

Þegar sagnfræðingar framtíðarinnar leggja yfirvegað mat á stöðu mála nú um stundir er sennilegt að þeir miði ýmist við 1991, fall Sovétríkjanna, og 2016 þegar Trump var kjörinn forseti í fyrra skiptið og eyþjóðin og gamla heimsveldið kaus úrsögn úr Evrópusambandinu, Brexit.

1991 töpuðu vinstrimenn sinni Paradís. Æ síðan eru þeir með trúarnjálg, boða heimsendahlýnun og aðrar manngerðar hamfarir; sjá þá einu lausn að nýtt alþjóðaríki, eitthvað Grétu-sovét, komi í stað bræðralags kommúnisma. 2016 dó þessi draumur með Trump og Brexit. Vinstrimenn og frjálslyndir gengu af göflunum og gerðust brennuvargar.

Sérstaklega næmir sagnfræðingar framtíðarinnar munu einnig tefla fram árinu 2004 sem skapadægri. En það ár stofnaði bandarískur gyðingur Facebook og gaf brennuvörgunum þénugt verkfæri.


mbl.is Bituryrði og stjórnleysi
Tilkynna um óviðeigandi tengingu við frétt

Ættbálkastríð í beinni

Ljótustu kappræður forsetaframbjóðenda sögunnar, segir Telegraph um sjónvarpskappræður Trump forseta og Biden áskoranda. Menningarstríðið í Bandaríkjunum er á milli tveggja ættbálka, frjálslyndra og íhaldsmanna. 

Stríðið snýst um hvernig Bandaríkjamenn vilja skilja heiminn. Biden og frjálslyndir boða alþjóðavæddan heim stóra bróður er bjargar syndugum frá eymdarlífi en Trump talar fyrir þeirri stefnu að hver sé sinnar gæfu smiður, einstaklingar sem þjóðir. 

Biden er fulltrúi hjarðarinnar í leit að sannleikanum en Trump er Bjartur í Sumarhúsum.

Félagsmiðlar eru helsti vettvangur ættbálkastríðsins. Þar sækir hver í sitt sakramenti til staðfestingar á réttri trú. Bandaríkin voru stofnuð á tíma landpóstanna, þegar hestar báru orðsendingar á milli manna. Innviðirnir þoldu ljósvakabyltinguna á síðustu öld og borgarastríðið á 19. öld.

Stafræna byltingin ríður Bandaríkjunum ekki að fullu. En hún afhjúpar veikleika lýðræðisins. Nú snöktir hver í sínum bergmálshelli á meðan lýðurinn brennir hús og híbýli í leit að betra lífi.

Bjartur sigrar Biden.  

 

 

 


mbl.is Kosningamartröð samfélagsmiðlanna
Tilkynna um óviðeigandi tengingu við frétt

Þrír frjálslyndir um löggumorð og rasisma

Þrír frjálslyndir Bandaríkjamenn hafna orðræðunni um að lögreglan sitji um svört líf og rasismi sé kerfislægur þar vestra. Myndbandið er 16 mínútur.

Þar kemur m.a. fram:

- um 1000 deyja árlega í átökum við lögreglu. Í 80-90 prósent tilfella er um að ræða ofbeldismenn.

- frétt um drepinn blökkumann fær útbreiðslu, þegar lögregla drepur hvítan er fátt að frétta

- glæpatíðni meðal blökkumanna er mun hærri en meðal annarra kynþátta

- hvítir eru fleiri fórnarlömb lögreglumorða en blökkumenn

- samtals eru um 15 til 40 blökkumenn drepnir árlega í átökum við lögreglu

- löghlýðni myndi fækka lögreglumorðum

- um 8000, já átta þúsund, ungir blökkumenn eru árlega drepnir af öðrum blökkumönnum

Þeir sem þarna tala eru John McWhorter, Coleman Hughes og Sam Harris. Tveir fyrstnefndu eru blökkumenn.

Þarf eitthvað að ræða þetta frekar?

 


3 til 5 prósent launalækkun á línuna

Kórónukreppan stendur fram á næsta vor, hið skemmsta. Stjórnvöld í samráði við samtök atvinnulífsins, með litlu essi, ættu að gangast fyrir þjóðarsátt um lækkun launa. 

Lækkunin gæti endurspeglað skattþrepin, 3 prósent á laun undir 350 þúsund, 4 prósent á laun á bilinu 350-650 þúsund og fimm prósent á laun þar yfir. Einfalt er að útfæra lækkun launataflna og mætti framkvæma í áföngum á 3 til 9 mánuðum.

Þjóðarsátt um launalækkun í kreppu drægi úr atvinnuleysi og skapaði traust á milli aðila. Íslendingar standa sig, heilt yfir, nokkuð vel í sóttvörnum. Nú er komið að sameiginlegri vörn gegn efnahagskreppunni.


mbl.is Rangt að tala um ferðaþjónustukreppu
Tilkynna um óviðeigandi tengingu við frétt

Borgarar og ekki-borgarar

Íslenskur þegn er borgari lýðveldisins. Á Íslandi býr hann að réttindum og ber skyldur. Útlendingur er ekki í sömu stöðu. Hann er hvorki íslenskur þegn né borgari hér á landi. Þar af leiðir nýtur hann hvorki sömu réttinda og Íslendingar né ber sömu skyldur.

Fyrirmæli um sóttkví höfða til þegnskapar, þau eru öðru fremur samfélagslegt skylduboð þótt reglur um sóttkví séu einnig skráðar og brot á þeim varða viðurlögum.

Þegar Víðir spyr 

Vilj­um við búa í sam­fé­lagi með mjög miklu lög­reglu­eft­ir­liti eða vilj­um við búa í sam­fé­lagi þar sem við treyst­um borg­ur­un­um?

vantar inn í spurninguna næmni fyrir hugmyndinni um þegnskap. Útlendingar eru borgarar, bara ekki Íslands, heldur einhvers annars ríkis. Þegnskapurinn er við önnur gildi og annað samfélag.

Enginn er heimsborgari þegar kemur að þegnskap. Virk landamæri eru nauðsynlegri en nokkru sinni áður. Ísland verður að segja sig frá Schengen-samstarfinu sem er til óþurftar fyrir land og þjóð.


mbl.is Spurning um samfélagið sem við viljum búa í
Tilkynna um óviðeigandi tengingu við frétt

Kjarabót til láglaunafólks

Í kjarasamningum síðustu ára er þeirri röksemd beitt að láglaunafólk sé á leigumarkaði enda eigi það ekki fyrir útborgun á íbúð. Eflaust er það rétt.

Kórónukreppan veitir leigjendum kjarabót með því að leiguverð stendur í stað og jafnvel lækkar þegar engir eru ferðmennirnir að keppa við um íbúðarhúsnæði.

Hlutfallsleg lækkun á leigu hlýtur að hafa áhrif á viðræður SA og ASÍ um skynsamlega niðurstöðu í kjaramálum.


mbl.is Leiguverð hækkað mun minna en íbúðaverð
Tilkynna um óviðeigandi tengingu við frétt

Sterk hvít kona - hlýtur að vera norn

Frjálslyndir og vinstrimenn mmunu gera norn úr tilnefningu Trump forseta til hæstaréttar Bandaríkjanna. Síðasta útnefning forsetans, vammlaus hvítur miðaldra karlmaður, fékk þá útreið að vera nauðgari sem skólastrákur. Vitnið gegn dómaranum, og meintur þolandi ofbeldisins, var kona sem hann hafði aldrei hitt. 

Í menningarstríðinu, sem nú geisar í Bandaríkjunum, og kallast stjórnmál, eru engin bolabrögð of lúaleg til að ekki megi nota þau. Illgirni fléttuð með trúgirni í orðræðu félagsmiðla eru engin takmörk sett.

Skáldskapur, eins og að Pútín Rússlandsforseti hafi tryggt kjör Trump 2016, fær vængi og er trúað af pólitískri sannfæringu.

Amy Coney Barrett er kaþólsk og fyllir flokk íhaldsmanna. Andstæðingarnir eru guðlausir í meira lagi en þó sannfærðir að djöfullinn leiki lausum hala og sé hvítur á lit.

 


mbl.is Hver er Amy Coney Barrett?
Tilkynna um óviðeigandi tengingu við frétt

Svört líf bandarísk og svartar skoðanir íslenskar

Svört líf skipta máli er öfgahreyfing í Bandaríkjunum með það að markmiði að ganga milli bols og höfuðs á kjarnafjölskyldunni og valda samfélagsupplausn með ásökunum um rasisma. Þeldökkir Bandaríkjamenn eins og Larry Elder og Coleman Hughes gagnrýna kenninguna um kerfislægan rasisma, sem er hornsteinn hugmyndafræði Svartra lífa er skipta máli.

Víkur nú sögunni til Íslands. Anna Karen Jónsdóttir skrifaði grein í Morgunblaðið á föstudag með fyrirsögninni ,,Rasismi og affjármögnun lögreglu."

Grein Önnu Karenar er vel rökstudd gögnum og tölum og þarft framlag til umræðu sem í eðli sínu er bandarísk en virðist einnig eiga hljómgrunn á Fróni.

Viðbrögðin við grein Önnu Karenar eru stórundarleg, svo ekki sé meira sagt. Í stað þess að ræða efni greinarinnar stunda sjálfskipaðir talsmenn Svartra lífa er skipta máli persónuníð og saka höfund um rasisma og fleira ógeðfellt.

Svört líf eru ekki mörg á Íslandi en kappnóg er af svörtum skoðunum.


Ferðamenn koma óorði á ferðaþjónustuna

Draugfullur erlendur ferðamaður með dólgshátt í miðbæ Reykjavíkur er ein frétt. Önnur er af þrem erlendum ferðamönnum glæpsamlega innréttuðum, sem eiga að vera í sóttkví, en dunda sér við að dreifa líkamsvessum á veitingastöðum.

Sennilega eru viðurlög of væg og eftirlit of lítið með þeim ferðamönnum sem enn koma til landsins og eiga að haga sér eins og menn.

Ferðaþjónustan hlýtur að koma með tillögur um hvernig best sé að koma í veg fyrir að skjólstæðingar hennar stofni lýðheilsu í hættu.


mbl.is Ferðamenn brutu reglur um sóttkví í miðbænum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband