RÚV-lögmál umræðunnar

Fréttaefni sem lendir í RÚV-kvörninni lýtur ekki sömu lögmálum og fréttir er standa utangarðs á Efstaleiti.

RÚV sérhæfir sig í aðgerðafréttum. Myndum, texta og talmáli er stillt saman til að ná hámarksáhrifum í samfélaginu. Sólarhringsþjónusta sér um dreifinu á alneti, útvarpi og sjónvarpi. Þegar mikið liggur við, sbr. Samherja-málið, skáldar Efstaleiti í eyðurnar.

Í kjölfar RÚV koma samfélagsmiðlar og ýkja það sem áður var ýkt og skrumskæld frásögn. Á píratavettvangi birtast myndir af íslenskum lögreglukonum með ku klux klan hettur og forsætisráðherra er sýndur í nasistabúningi, svo nýleg dæmi séu tekin.

Herlegheitin eru áframsend með stafrænum fjölpóstum. Þá kemur RÚV aftur og segir ókyrrð í samfélaginu, líkt og í hádeginu í dag vestur á fjörðum, og kennir í brjósti um þá er verða fyrir barðinu.

Hringnum er lokað og lögmálið uppfyllt þegar samúðarfullur RÚV-ari leyfir fórnarlambi að gráta í beinni yfir óréttlæti heimsins. Svikamyllan á Efstaleiti kann sitt fag.

Það má alveg biðja um að fólk út í bæ sýni háttvísi. En vei þeim er voga sér að efast um heilindi RÚV.

Hvetja til háttvísi á samfélagsmiðlum

Íslenskur Joe Biden boðar valdarán

Valdarán er nauðsynlegt til að knýja framgang nýrrar stjórnarskrár, segir Ragnar Aðalsteinsson lögmaður í álitsgjafaviðtali á Bylgjunni. Björn Bjarnason birtir orðrétta tilvitnun í Ragnar.

Ráðsettir hvítir karlar með byltingu og valdarán á vörum fá áheyrn. Joe Biden í Bandaríkjunum og Ragnar Aðalsteins á Íslandi.

Einu sinni mátti treysta að öldungar byggju yfir visku kynslóðanna. Öldrunarlækningar eru aftur komnar á það stig að gamalmenni tala eins og gelgjur. Stutt er í að hvítir karlar verða eilífir. Áhöld eru um hvort það megi kallast framfarir. 

Hvar er Pútín?

Vika er í forsetakosningarnar í Bandaríkjunum og degi betur. Fyrir fjórum árum voru fjölmiðlar nást allir auk frjálslyndra og vinstrimanna sannfærðir um að Pútin Rússlandsforseti réð mestu um að Trump náði kjöri.

Hvorki heyrist hósti né stuna um aðild Pútín að forsetakosningunum 2020.

Missti Pútín áhugann á fyrirheitna landinu?

Eða eru fjölmiðlar, frjálslyndir og vinstrimenn loksins, loksins komnir með sigurstranglegan frambjóðandi sem þeim er sómi að, elliært gamalmenni best geymt í kjallara?