Egill Helga: RÚV bjargi fullveldinu

Ef RÚV fær meiri peninga frá ríkinu, skattgreiðendum, myndi Efstaleiti bjarga fullveldi þjóðarinnar. Á þessa leið er boðskapur Egils Helgasonar RÚV-ara.

Menningarlegt fullveldi þjóða er fall af pólitísku og efnahagslegu sjálfstæði. Íslendingar voru landkönnuðir og skópu heimsbókmenntir þegar þegar voru sjálfs sín ráðandi frá landnámi til Gamla sáttmála. Eftir það tók eymdin við undir norskri og síðar danskri áþján og segir fátt af menningu yfir höfuð, menn hættu meira að segja að skrifa annála, nenntu ekki menningu.

Menningarleg endurreisn hófst á 19. öld og var samtvinnuð sjálfstæðisbaráttunni. Þjóð sem getur, gerir.

Ef Egill Helga og RÚV hefðu fengið að ráða með kratískum félögum væri Ísland hjálenda Evrópusambandsins og íslensk menning álíka burðug og reisn ESB-sinna.

Heldur héralegt er það af RÚV-urum að bjóðast til að bjarga menningunni gegn greiðslu, auðvitað, þegar Efstaleitið kennir ár og síð að Ísland sómi sér sem hjálenda. Menning hjálendunnar er hjárænuleg. Það gefur augaleið.

Athugasemdir

[Ragnhildur Kolka, 27.9.2019 kl. 12:48]

Klaufalegt af Agli að falla í þessa gildru sem að mestu er hans mönnum að kenna.

[Halldór Jónsson, 27.9.2019 kl. 13:14]

Kommatittirnir eru alltaf samir við sig og langar að komast á spenann í Brussel

[Jón Steinar Ragnarsson, 27.9.2019 kl. 15:34]

Gaman að já bæði ruv og mbl birta fréttir af skandölum Trump og hugsanlegum ákærum á hendur honum, daginn eftir að vitleysan hefur verið hrakin.

Annars breyttist fætt eftir kúgunarár norðmanna og dana. Íslenskir kaupahéðnar byrjuðu bara á að stafa föðurnöfn sín uppá dönsku og skópu ættarveldi einokunnar,msem enn er við lýði.

[Jón Steinar Ragnarsson, 27.9.2019 kl. 15:38]

Eitt sinn var Egill skapandi og glöggur rýnir, sem sá hlutina frá öðrum sjónarhornum en bergmálsklefi RUV, en núna er hann bara bergmál líka. Synd. Ég hef alltaf borið djúpa virðingu fyrir honum. Hann hefur villst af leið eins og týndi sonurinn og veltist nú auðnulaus með svínum, eins og dæmisagan segir.