Öryrkjafemínismi eftir fimmtugt

Íslenskar konur eftir fimmtugt hafa notið valdeflingar öll sín fullorðinsár. Konur tóku fram úr körlum í menntun þegar þessar konur voru á háskólaaldri. Konur urðu ráðandi í sumum sérfræðingastéttum á starfsævi kvenna yfir fimmtugt.

En konur eftir fimmtugt skáka sem sagt körlum í hópi öryrkja. Meginástæðan er verri geðheilsa, samkvæmt viðtengdri frétt.

Allar líkur eru á að þetta gangi yfir. Valdaskipti í samfélaginu taka sinn toll. Sem sést á því að ungir karlar eru oftar öryrkjar en ungar konur. 

 


mbl.is „Sagan um öryrkja er sagan um konur“
Tilkynna um óviðeigandi tengingu við frétt

Ríkislögreglustjóri og magnvald umræðunnar

Fæstar fréttir verða að umræðu. Flestar fréttir eru sagðar og gleymdar. En sumar fréttir verða að umræðu. Til að halda umræðunni gangandi þarf að fóðra hana með  efni, sjónarhornum eða sviðsettum atburðum. Magnvald umræðunnar eykst í rétt hlutfalli við fjölda þátttakenda, á líkan hátt og múgsefjun.

Staða ríkislögreglustjóra er orðin að umræðu. Í gær var sviðsettur atburður á alþingi þegar Siðprúða-Sunna kallaði dómsmálaráðherra á teppið að tala um loðna yfirlýsingu lögreglustjóra. Umboðsmaður alþingis kastaði spreki á eldinn með ósk um upplýsingar frá dómsmálaráðuneytinu um hvers vegna ríkislögreglustjóri fékk ekki áminningu sem fyrrum handlangari Jóns Ásgeirs í Baugi krefst.

Fjölmiðlar eru hættir að greina fréttir og upplýsa almenning. Þeir vilja eiga aðild að umræðunni, fá smellu á síðurnar sem ráða afkomu þeirra. Eftirspurn fjölmiðla eftir athygli magnar upp umræðu, í þessu tilfelli kröfu um afsögn ríkislögreglustjóra, sem óprúttnir en vel tengdir aðilar vilja knýja fram.

Magnvald umræðunnar er ekki yfirvegun sem leiðir til skynsamlegrar og rökréttrar niðurstöðu heldur stjórnast hún af geðþótta og baktjaldamakki. 


mbl.is Ummælin voru oftúlkuð
Tilkynna um óviðeigandi tengingu við frétt

Demókratar gengu í gildru Trump

Trump óskaði eftir upplýsingum um hvers vegna hætt var við rannsókn á Joe Biden og Hunter syni hans vegna spillingarmála tengdu úkraínsku orkufyrirtæki.

Samtal Trump og forseta Úkraínu er til í endurriti og er grundvöllur Demókrataflokksins að ákæra forsetann til embættismissis.

Verði forsetinn ákærður verður krafist upplýsinga um samskipti Joe Biden við úkraínska ráðamenn sem leiddu til þess að sonur hans fékk stöðu í úkraínsku orkufyrirtæki.

Joe Biden var varaforseti í forsetatíð Obama 2009-2017 og hafði sem slíkur margháttuð samskipti við ráðamenn í Úkraínu. Og Úkraína er, milt sagt, gjörspillt ríki.

Samskipti Biden við Úkraínu þola illa dagsljósið. Þar fóru milljarðar bandaríkjadala í stjórnkerfi svikahrappa. Sonur Biden naut góðs af.

Trump stendur með pálmann í höndunum. 


mbl.is Trump bað Zelenskí að rannsaka Biden
Tilkynna um óviðeigandi tengingu við frétt

Macron, samfélag og innflytjendur

Starfhæft samfélag verður til á löngum tíma. Fólk verður að þekkja sig í samfélaginu og almenna virðingu fyrir meginreglum og lögum þarf til að samfélag virki.

Á síðustu áratugum reyndu ráðmenn í Vestur-Evrópu að endurskapa sín samfélög með nær óheftum straumi innflytjenda. Afleiðingin var fyrirsjáanleg. Innfæddir hættu að þekkja sig í sínu samfélagi og virðing fyrir meginreglum og lögum þvarr - enda innflytjendur aldir upp í annarri menningu.

Macron forseti Frakklands virðist loks skilja einföld sannindi um mannlegt samfélag. Ráðandi rétttrúnaður, kenndur við fjölmenningu, byrgði honum sýn líkt og fjarska mörgum öðrum. Kannski að Eyjólfur hressist.


mbl.is Frakkar geta ekki tekið á móti öllum
Tilkynna um óviðeigandi tengingu við frétt

Sósíalismi er trúarafstaða

Harðlínustefna sósíalistanna í Eflingu byggir á þeirri sannfæringu að þeir sem ekki annað tveggja eru í trúnni, þ.e. sósíalistar, eða fylgisspakir forystunni, Sólveigu Önnu og félögum, verða sjálfkrafa óvinir.

Í sögu sósíalismans er stéttaóvinurinn réttdræpur.

Sólveigu Önnu finnst hún hafa gert vel með því að leyfa óvinum á skrifstofu Eflingar að halda lífi og limum. 


mbl.is Þeir sem andmæla forystunni falla í ónáð
Tilkynna um óviðeigandi tengingu við frétt

Siðprúða-Sunna boðar fund um siðamál

Þór­hild­ur Sunna Ævars­dótt­ir er eini þingmaður í sögu lýðveldisins sem er með á bakinu formlegan úrskurð um brot á siðareglum alþingis.

Þórhildur Sunna boðar sérstakan fund um siðamál lögreglunnar.

Hvað næst? Verður kallað á þjófa að ræða friðhelgi eignaréttarins?


mbl.is Dómsmálaráðherra fyrir þingnefnd á morgun
Tilkynna um óviðeigandi tengingu við frétt

Lögreglufarsi

Eftir því sem næst verður komist eru ekki dæmi um afbrot í starfi hjá ríkislögreglustjóra. Einir átta lögreglustjórar tala fjálglega um vantraust en málsatvik og ástæður liggja ekki á lausu. 

Lögreglan nýtur almennt góðs álits, ólíkt mörgum öðrum opinberum stofnunum.

Farsakennd umræða um störf ríkislögreglustjóra eykur akki tiltrú á löggæslunni í landinu.


mbl.is Ríkislögreglustjóri situr áfram í embætti
Tilkynna um óviðeigandi tengingu við frétt

Ísland í endurskoðun Bandaríkjanna

Þjóðaröryggismál Bandaríkjanna eru í endurskoðun. Eftir 30 ára forræði herskárra frjálslyndra eru raunsæismenn komnir með yfirhöndina. Stríðslystugir frjálslyndir öttu Bandaríkjunum á foraðið í Afganistan, Írak, Úkraínu, Sýrlandi og Líbýu. Eftirtekjan var rýr.

Raunsæismenn í utanríkispólitík, t.d. Stephen M. Walt, vilja að Bandaríkin láti af hlutverki sínu sem alheimslögregla og byggi upp varnarlínu nær heimahögum.

Ísland er miðja vegu milli Ameríku og Evrópu og yrði útvörður Bandaríkjanna á Norður-Atlantshafi, samkvæmt þeim kenningum sem sækja í sig veðrið í Washington.

 


mbl.is Trump sagður vilja semja við Ísland
Tilkynna um óviðeigandi tengingu við frétt

Gréta og innrásin frá Mars

Árið 1938 missti um ein milljón Bandaríkjamann vitið um stund og flýði í ofboði undan innrásarher frá Mars, sem lenti á ökrum við New Jersey samkvæmt útvarpsleikriti Orson Wells er flutt var eins og fréttatími í beinni útsendingu.

Stundarbrjálæðið 1938 var framkallað með nýrri tækni í fjölmiðlum, útvarpinu. Beggja vegna Atlantsála gerðu menn tilraunir með áhrifamátt tækninnar til múgsefjunar, m.a. austurrískur liðþjálfi úr þrotabúi þýska keisarahersins.

Nær allir mælikvarðar sýna heimsbyggðina á framfarabraut m.t.t. efnahagslegrar velmegunar, menntunar, jafnréttis og lífsgæða. Engu að síður setja Sameinuðu þjóðirnar á svið hamfaraleikrit þar sem ung sænsk stúlka í tilfinningalegu uppnámi er í aðalhlutverki. Við deyjum öll, segir Gréta, nema eitthvað verði gert, STRAX.

Áhrif innrásarinnar frá Mars sýndu skynlausan ótta og botnlausa trú á hamfaraboðskap. Manngerðar hamfarir hófust ári seinna, 1. september 1939. 

Blessunin hún Gréta vill vel. En hún er leiksoppur, fjölmiðlatækni annars vegar og hins vegar pólitískra afla sem stefna að yfirþjóðlegu valdi í nafni vísinda um manngert veðurfar. Við höfum heyrt þetta áður. Tilfinningaþrungnar ræður um réttlæti annars bíði okkar ragnarök.

Í menningunni er eftirspurn eftir byltingu. Vesturlönd eru ofalin af velmegun í áratugi og fólk er til í hressilegan hvell. Líkt og sumarið 1914 þegar unga menn dreymdi um skemmtilegt skátastríð í nokkrar vikur. En fjögur löng ár dóu þeir í milljónavís innan um spikfeitar rottur og stríðaldar lýs í drullusvaði vesturvígstöðvanna.

Dómgreindin sem tapaðist sumarið 1914 náði ekki áttum fyrr en að loknum tveim heimsstríðum. Kerfið, sem þá var sett saman, og Sameinuðu þjóðirnar eru hluti af, syngur sitt síðasta þessi árin.

Gréta og glóparnir í kringum hana munu ekki skipta sköpum. Leikritið í New York í september 2019 er tilbúið drama eins og útsending Wells fyrir rúmum 80 árum. Aftur er ástæða til að hafa áhyggjur af hve auðvelt er að fá fólk til að trúa skáldskap um heim á heljarþröm. Á bakvið glittir í dauðalöngun sem óprúttnir eru vísir að virkja.


mbl.is Heimurinn „í djúpri loftslagsholu“
Tilkynna um óviðeigandi tengingu við frétt

Sjálfskaparvíti Sjálfstæðisflokksins

Í orkupakkamálinu hagaði Sjálfstæðisflokkurinn sér eins og kerfisflokkur hallur undir Evrópusambandið. Forðum var flokkurinn breiðfylking borgaralegra afla.

Af ástæðum, sem enn hafa ekki fengist skýrðar, umpólaðist formaður Sjálfstæðisflokksins frá því að vera andstæðingar orkupakka 3 yfir í að styðja aðild Íslands að orkusambandi ESB.

Kerfisflokkar vinna bakvið luktar dyr. En það er lítil eftirspurn eftir slíkum flokkum enda stutt síðan heilt kerfi, fjármálakerfið, hrundi - á vakt Sjálfstæðisflokksins. 

Orkumál eru fullveldismál. Það varð morgunljóst snemma í umræðunni um 3OP. En kerfisfólkið í forystunni hlustaði ekki. Afleiðingin blasir við, 18,3% fylgi.


mbl.is Fylgi Sjálfstæðisflokksins 18,3%
Tilkynna um óviðeigandi tengingu við frétt

« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband