Brandarinn um að Rússar ógni vesturlöndum

Rússland er með efnahagskerfi á stærð við Ítalíu og er ekki ógn við vesturlönd, segir Stephen M. Walt prófessor í Harvard og sérfræðingur í alþjóðastjórnmálum.

Rússland stundar ekki ágengan útflutning á hugmyndafræði líkt og Sovétríkin gerðu. Áróðurinn um að Rússar ráði niðurstöðum forsetakosninga í Bandaríkjunum og þingkosningum í Vestur-Evrópu er beinlínis kjánalegur. Hvaðan ættu Rússar að fá þekkingu og færni að stunda ísmeygilegan áróður til að fá Jón og Gunnu í Bandaríkjunum, Frakklandi, Þýskalandi og Ítalíu að kjósa þennan eða hinn frambjóðandann? 

Kalda stríðinu lauk 1991 með falli Sovétríkjanna. Útþenslustefna hrokafrjálslyndis á vesturlöndum tók við og leiddi til hörmunga á fjarlægum slóðum, eins og Írak, Sýrlandi og Úkraínu. Rússagrýlunni var haldið við í áróðursskyni. 

Nýtt vígbúnaðarkapphlaup í uppsiglingu?

Forystan fórnar flokknum fyrir þýðingarlaust mál

Þriðji orkupakkinn hefur enga þýðingu á Íslandi, segir Guðlaugur Þór utanríkisráðherra, í greinargerð með pakkanum:

Ákvæði þriðja orkupakka ESB um slík grunnvirki, þar á meðal í reglugerð (EB) nr. 713/2009um að koma á fót Samstarfsstofnun eftirlitsaðila á orkumarkaði, eiga því ekki við og hafa ekki raunhæfa þýðingu hér á landi að óbreyttu.

Guðlaugur Þór ítrekar þýðingarleysi þriðja orkupakkans í svari á alþingi:

 Þar sem Ísland á ekki í raforkuviðskiptum yfir landamæri hefur reglugerðin ekki þýðingu hér á landi.

Engu að síður ætla Guðlaugur Þór og forysta Sjálfstæðisflokksins að fórna flokknum. Fyrir þýðingarlaust mál.

Hvað er forysta Sjálfstæðisflokksins að hugsa? 

Minnsta fylgi Sjálfstæðisflokksins síðan 2008