Dagblöð staðfesta samsæri gegn Trump

Óvægin gagnrýni Trump á dagblöð og fréttastofur er til marks um að handhafi formlegs valds, forsetinn, telur illa farið með óformlegt vald - þ.e. fjölmiðlavald. Trump hefur nokkuð til síns máls.

Fjölmiðlar hafa t.d. ranglega haldið því fram að Rússar, Pútín forseti sérstaklega, hafi tryggt forsetakjör Trump 2016. Engar sannanir hafa verið lagðar fram, aðeins ásakanir af pólitískum andstæðingum Trump. Fjölmiðlar endurtaka þessar ásakanir nógu oft til að gera þær trúverðugar. Falsfréttir verða ekki sannar með endurtekningu, ekki frekar en lygi.

Nú þegar dagblöð taka sig saman um að birta leiðara til að mótmæla Trump staðfesta dagblöðin gagnrýni forsetans. Það eru samantekin ráð í fjölmiðlum að gagnrýna forsetann og sýna hann í neikvæðu ljósi.

Fjölmiðlar og Trump eru í samkeppni um hvaða frásögn sé rétt af stöðu mála í bandarísku samfélagi. Trump leggur áherslu á meiri hagsæld, minna atvinnuleysi og meiri hagvöxt. Fjölmiðlar bregða upp annarri mynd; að forsetinn ali á sundrungu, bæði heima og á alþjóðavettvangi, og að Bandaríkin séu verr sett en áður.

Skipulögð aðför að orðspori forsetans á leiðarasíðum yfir 100 dagblaða sýnir að ritstjórnir þessara fjölmiðla eru komnar á kaf í pólitík. Við það verður fréttaflutningur fjölmiðlanna ótrúverðugur, svo vægt sé til orða tekið. 

Yfir hundrað leiðarar gegn Trump

WOW fór í samjöfnuð, tapaði

Dramb er falli næst, segir orðskviðan. WOW gerði út á samjöfnuð við Icelandair. WOW var frískari, fyndnari og framtíðin í samanburði við gamla ríkisflugfélagið. Án efa hjálpaði ímyndin til að byrja með. 

Þegar fréttir birtust af versnandi afkomu Icelandair, síðast í vor og sumar, var WOW fljótt að koma með fréttatilkynningar um að allt blómstraði þar á bæ.

Ímynd er eitt en veruleikinn annar. WOW er sproti en Icelandair sterkur stofn. Í hausthreti flugfélaganna skiptir það máli.

Hækka í verði eftir fréttir frá WOW

Heilagt fjármálastríð múslímaríkis

Forseti Tyrklands boðar heilagt fjármálastríð gegn útlöndum, einkum Bandaríkjunum, til að rétt af efnahagskerfi landsins sem býr við óðaverðbólgu og fallandi gengi.

Erdogan forseti hefur frá valdatöku sinni um aldamótin jafnt og þétt keyrt Tyrkland frá vestrænum siðum og háttum inn í veröld múslímatrúar.

Samhliða stundar Erdogan fjárplógsstarfssemi fyrir sig og sína. Hann fékk á sínum tíma viðurnefnið ,,tíu prósent Erdogan" þar sem hann hirti tíund af samningum hins opinbera við einkaaðila. Tengdasonur forsetans er fjármálaráðherra. Frændhygli og trúarsannfæring helst í hendur.

Hækka tolla á bandarískar vörur

Sjálfstæðismenn ekki í Viðreisn eða Samfylkingu

Forysta Sjálfstæðisflokksins er tvístígandi í afstöðunni til yfirtöku Evrópusambandsins á íslenskum raforkumálum. Styrmir Gunnarsson fyrrverandi ritstjóri Morgunblaðsins vekur athygli á þeirri staðreynd að allur þorri sjálfstæðismanna er á móti framsali forræðis raforkumála til Brussel.

Forysta Sjálfstæðisflokksins áttar sig kannski ekki því en fáa sjálfstæðismenn er að finna í Viðreisn og Samfylkingu. Þessi flokkar stefna Íslandi inn í Evrópusambandið og vilja að raforkumál landsins fari undir embættismenn í Brussel.

Aftur þarf forysta Sjálfstæðisflokksins að átta sig á því að sjálfstæðismenn eiga í önnur hús að venda ef flokkurinn stendur ekki í ístaðinu í málum sem hann var stofnaður til að fylkja sér um: sjálfstæði lands og þjóðar.

Allir ljúga nema lærlingurinn

Lærlingur í Hvíta húsinu segir í bók Trump og starfslið hans ljúga daginn út og inn. Það er eftirspurn eftir frásögnum í þessum anda. Akurinn er vel plægður af fjölmiðlum sem aldrei segja ósatt.

Markaðsvirði afhjúpunarbókar um heimilishaldið i Hvíta húsinu er háð illmælginni sem í bókinni stendur. Freistnivandinn sem af hlýst er ómótstæðilegur.

Nema, auðvitað, lærlingnum. Hann segir alltaf satt.

Trump kallar Omarosu herfu

Corbyn, gyðingahatur og hryðjuverkasamúð

Leiðtogi Verkamannaflokksins breska, og formaðurinn Jeremy Corbyn, liggja undir ámæli fyrir gyðingahatur. Hatrið er nátengt samúð með hryðjuverkasamtökum sem stefna að gereyðingu Ísraelsríkis.

Corbyn laug til um aðild sína þegar hann heiðraði minningu hryðjuverkamanna fyrir fjórum árum. Corbyn sagðist aðeins leita eftir friði í miðausturlöndum.

Friðurinn sem Corbyn sækist eftir er að útrýma Ísraelsríki með öllum tiltækum ráðum. Þar með leysist gyðingavandamál Corbyn og breska Verkamannaflokksins. Á þýsku hét þetta Endlösung.

Corbyn heiðraði hryðjuverkamann

ESB ákærandi og dómari í íslenskum málum

Íslendingar ráða raforkumálum sínum sjálfir í dag, alþingi ákveður t.d. hvort skuli virkja eða ekki. Evrópusambandið hyggst breyta þessu fyrirkomulagi, taka til sín völd um auðlindir Íslands.

Forstjóri orkustofnunar Evrópu, sem ætlast er til að Ísland verði aðili að, segir að aðeins komi til kasta ef ,,ágreiningur" verður um orkumál. Á móti má spyrja: síðan hvenær var ekki ágreiningur um orkumál, hvort virkja skuli og í hverra þágu?

Með orkumálapakkanum svokallaða fær Evrópusambandið íhlutunarrétt í viðkvæm íslensk málefni. Alþingi á ekki að samþykkja þetta fullveldisframsal til Brussel. Ekki undir nokkrum kringumstæðum.

Forstjórinn segir völd sín ofmetin

Samfélagsmiðlar: vettvangur eða útgefendur?

Samfélagsmiðlar eins og Facebook og Twitter ritstýra í vaxandi mæli efni sem birtist á vettvangi þeirra. Til skamms tíma sögðust samfélagsmiðlar ekki vera útgefendur heldur vettvangur fyrir hugmyndir og frjálsa orðræðu.

Efni sem einum hugnast er öðrum ógeðfellt, eins og gengur. Ritstýring samfélagsmiðla á orðræðu sem þar er að finna þýðir að samfélagsmiðlar ákveða sjálfir hvað er við hæfi og hvað ekki. Þetta hafa dagblöð, tímarit og aðrir fjölmiðlar gert í áratugi.

En með því að taka upp ritstýringu eru samfélagsmiðlar ekki lengur vettvangur heldur  útgefendur. Og eins og aðrir fjölmiðlar bera þeir ritstjórnarlega ábyrgð á innihaldinu. Um útgefendur gildir strangari löggjöf en opinn vettvang. Faglegar og siðferðilegar kröfur eru einnig beinskeyttari.

Samfélagsmiðlar geta ekki bæði sleppt og haldið, þóst vera opinn vettvangur en samt ritstýra innihaldinu.

Fjölmiðlafasismi

30 manna ,,fjöldafundur" hægriöfgamanna er stórfrétt vegna þess að fjölmiðlar bjuggu til væntingar um að fasismi/kynþáttahyggja sé vaxandi.

Fjölmiðlaöfgar, að sjá fasisma og kynþátthatur í hverju horni, er tilbúningur frjálslyndra vinstrimanna sem geta ekki á sér heilum tekið eftir Brexit og sigur Trump.

Fjölmiðlafasisminn er öfgaviðbrögð við pólitískri þróun sem ekki er ráðandi öflum að skapi.

 

Mótmælendur fjölmennari þátttakendum

Boris fær stuðning í búrkustríðinu

Fyrrum utanríkisráðherra Bretlands, Boris Johnson, hratt úr vör umræðu um klæðaburð múslímakvenna og fékk ágjöf til að byrja með fyrir að hæðast að trúarmenningu íslam.

En svo gerðist það að bæði múslímakonur tóku undir orð Borisar og kirkjunnar þjónar tóku undir málflutninginn. Í stað þess að fordæma ráðherrann fyrrverandi og mögulegan leiðtoga Íhaldsflokksins ætti að ganga skrefinu lengra og banna búrkur, var viðkvæðið. 

Búrkur eru í senn trúartákn og um leið tákn kvennakúgunar íslam. Frjálslynd vesturlönd hafa hingað til umborið búrkur, nema Danir sem bönnuðu þær, en þar kann að verða breyting á.