Vald og umboð þingmanna

Þingmenn og flokkar þeirra sækja umboð til kjósenda að fara með opinbert vald. Stjórnmálaflokkar sem ætla að keyra í gegnum þingið mál sem þeir hafa ekki umboð fyrir frá kjósendum eru komnir út í ófæru.

Sjálfstæðisflokkur og Framsókn hafa ekki umboð frá sínum flokksstofnunum, hvað þá kjósendum, að knýja í gegn 3. orkupakkann.

Umræðan hefur leitt í ljós að 3. orkupakkinn er stórmál, ekki tæknilegt útfærsluatriði. Þingmenn geta ekki farið með slík mál í gegnum þingið án umboðs frá kjósendum. Það yrði misnotkun á opinberu valdi.

3. orkupakkanum ætti að fresta fram yfir næstu þingkosningar. 

Stólar á að þingmenn finni til ábyrgðar

ESB-útgáfan Fréttablaðið

Helga Magnússon fjárfesti ber þar niður í skoðanakaupum þar sem ESB er haft í hávegum, fyrst Hringbraut og núna Fréttablaðið.

Helgi er jafnframt bakhjarl Viðreisnar.

ESB-sinnar eiga fjárhagslegt athvarf hjá Helga fjárfesti.

Helgi Magnússon kaupir í Fréttablaðinu

Trú á yfirburði mannsins - og syndafallið

Manngert veður er ímyndun fólks sem einu sinni trúði á yfirburði hvíta mannsins og vildi steypa alla í sama mót vestrænnar menningar. Veður og loftslag lúta náttúruferlum sem við skiljum ekki nema að litlum hluta.

Sögulegar heimildir eru um hlýrra veðurfar en nú, bæði á miðöldum og á tímum Rómarveldis. Maðurinn kom hvergi nærri breytingum á loftslagi en nýtti sér aðstæður. Norrænir menn settust að á Íslandi og Grænlandi. Rómverjar sátu England á sínum tíma enda gátu þeir stundað þar landbúnað með sínum hætti á hlýskeiðinu sem við þá er kennt.

Skrítna fólkið sem trúir á manngert veður er einatt einnig þeirrar skoðunar að nú sér kortér í endalok siðmenningar. Þetta er sama stefið og í trúarbrögðum þar sem sérstöðu mannsins er fléttað saman við syndina og heimsendi.

 

Aðeins kjarnorkustríð er stærri ógn

Stjórnarskráin virkar: þjóðin stöðvar alþingi í neyð

Stjórnarskráin tryggir stjórnskipun annars vegar og hins vegar meginreglur lýðræðisins. Í átakamálum, t.d. Icesave og 3. orkupakkanum, reynir á stjórnarskrána.

Hún stóðst prófið í Icesave og gerir það enn sem komið er í orkupakkamálinu. Miðflokkurinn heldur orðinu á alþingi í þágu þjóðarinnar og með stuðningi meirihluta kjósenda, eftir því sem bestu verður séð á skoðanakönnunum.

Ef Miðflokkurinn nyti ekki víðtæks stuðnings meðal almennings hefði flokkurinn ekki haldið orðinu í þágu þjóðarinnar. Orðræða á alþingi sem ekki talar til kjósenda fellur niður dauð og ómerk. En það er eftirspurn eftir málflutningi Miðflokksins og þar með heldur hann áfram.

Þingsköp byggja á þeirri meginhugsun stjórnarskrárinnar að alþingi starfi samkvæmt þjóðarvilja en ekki hagsmunum embættismanna eða miðstýrðra meðhlaupara þeirra sem tímabundið fara með lyklavöldin í stjórnarráðinu.

Við eigum ekki að ljá máls á því að breyta stjórnarskránni þegar reynslan sýnir ótvírætt að hún virkar.

Ný stjórnarskrá lausnin

Vinstrimenn í málþófi - gungur og druslur næst?

Viðreisn og Samfylking standa fyrir málþófi á alþingi og tala fram á nótt, segir ríkisstjórnin.

Orðfæri vinstrimanna er einatt ofstækisfyllra en annarra.

Fordæmi eru fyrir því að ef ráðherrar sitja ekki undir ræðum vinstrimanna á þingi fái þeir uppnefni á borð við ,,druslur og gungur".

Kók og popp, sem sagt, þetta verður áhugavert.

„Verulega óklókt“ hjá stjórnarliðum

Brexit og EES-exit Íslands

Bretar fengu nóg af yfirþjóðlegu valdi Evrópusambandsins og kusu Brexit. Íslendingar eru fullsaddir af yfirgangi Evrópusambandsins sem notar EES-samninginn til yfirtöku á náttúruauðlind þjóðarinnar, orku fallvatnanna.

3. orkupakkinn er prófsteinn á það hvort EES-samningurinn sé í reynd aukaaðild að ESB, þar sem Brussel fyrirskipar og Ísland hlýðir, eða hvort samningurinn taki mið af þeirri staðreynd að Ísland hefur kosið að standa utan ESB.

Ef svo fer að Ísland verði knúið að innleiða 3. orkupakkann er einboðið að taka upp markvissa baráttu fyrir uppsögn EES-samningsins.

Eins og Björn Bjarnason benti á þegar í upphafi aldar er orkustefna ESB Íslandi óviðkomandi og eðlilegt að við fáum undanþágu frá henni. En bæði fyrir vangá stjórnmálamanna og einbeittan ESB-áhuga embættismanna stendur Ísland frammi fyrir því að afsala sér forræði raforkumála til Brussel. Þeir sem núna reyna að fegra orkupakkann þriðja geta ekki hugsað sjálfstætt, þeim er miðstýrt.

Það er óboðlegt fullvalda ríki að framselja mikilvæga náttúruauðlind til framandi ríkjabandalags.

Ísland er hlynnt alþjóðasamskiptum á forsendum jafnræðis. Ekkert jafnræði er í þeirri ráðstöfun að náttúruauðlind þjóðarinnar fari undir forræði Evrópusambandsins.

Bresk stjórnmál eru í uppnámi vegna Brexit. Virðulegir flokkar með langa sögu, Íhaldsflokkuirnn og Verkamannaflokkuirnn, eru klofnir í herðar niður. Þannig fer þegar yfirþjóðlegt vald fær að leika lausum hala í innanlandsmálum.  

Þriðji orkupakkinn er Brexit-augnablik Íslands. Alþingi stendur frammi fyrir tveim kostum. Að halda sæmilegan innanlandsfrið og hafna orkupakkanum annars vegar og hins vegar að efna til varanlegs ófriðar sem mun ríða stjórnmálaflokkum á slig. .

Látum skynsemina ráða, afþökkum þriðja orkupakka ESB og töpum ekki samstöðunni um þjóðarhag.

Brexitflokkurinn með mest fylgi

Blaðamaður krefst þöggunar

Þórður Snær ritstjóri Kjarnans er gerður afturreka með kæru á hendur Sigurði Má Jónssyni blaðamanni sem leyfði sér að gagnrýna Kjarnann.

Áhugaverðar upplýsingar komu fram í greiningu Sigurðar Más, t.d. um taprekstur Kjarnans.

Það er í þágu blaðamennsku að tjáningarfrelsið sé túlkað vítt. Almenna reglan í dómsmálum er að gildisdómar skuli refsilausir en sé hoggið að æru fólks með staðhæfingum um refsiverða háttsemi er iðulega dæmt kæranda í vil. Engu slíku var til að dreifa í grein Sigurðar Más.

Sigurður Már nýtti stjórnarskrárvarinn rétt sinn til að gagnrýna Kjarnann. Þórður Snær kærir til siðanefndar Blaðamannafélags Íslands, í raun til að fá gildisdóm um gildisdóm þar sem þrengt yrði að svigrúmi blaðamanna að ræða málefni sem þeir eiga að hafa sérþekkingu á, þ.e. blaðamennsku.

Þórður Snær sýnir sig lélegan fagmann með þessari kæru.

 

Persónulegar skoðanir — ekki fréttaskýring

WOW, doktor Skúli plús 17 aðrir flugdoktorar

,,Sum ykk­ar hugsa ef­laust að þetta hafi verið stór­kost­leg­asta klúður allra tíma. Já. En lík­lega einnig dýr­asta doktors­nám í flugrekstr­ar­fræðum sem til er, hjá um 15 ein­stak­ling­um. Að kasta því á glæ væri mik­il synd því slík þekk­ing er ekki svo auðfund­in."

Ofanritað er haft eftir Skúla Mogensen sem reis og féll með WOW. Ef satt er hlýtur markaðurinn að fénýta doktor Skúla og félaga og fjármagna WOW 2.0

En, vel að merkja, Skúli er fyrst og síðast markaðsmaður og flinkastur að selja sjálfan sig.

Skúli skaut fast á Icelandair

Einn er fasisti, annar aumingi; uppnefni sem orðræða

Borgarstjóri Lundúna kallar forseta Bandaríkjanna fasista sem svarar fyrir sig og segir borgarstjórann aumingja. Hvorutveggja verður stórfrétt í heimsfjölmiðlum.

Tvær nærtækar ástæður eru fyrir því að siðleg orðræða víkur fyrir uppnefnum. Ráðandi miðlun frétta og skoðana, þ.e. samfélagsmiðlar, hygla orðfáum skilaboðum á kostnað ítarlegri umfjöllunar. Seinni ástæðan, sennilega veigameiri, er siðhvörf. Það sem einu sinni þótti ósiðlegt, t.d. uppnefni, þykir gott og gilt.

Hvort siðhvörfin nái aðeins til yfirborðsins, orðræðunnar, eða eru til marks um dýpri hræringar í mannfélaginu er aftur opin spurning.

 

Trump hellir sér yfir Khan

Katrín treystir á Sigmund Davíð, XD einangrast

Katrín forsætis sagði undir rós í kvöldfréttum RÚV að hún treysti Sigmundi Davíð að halda andstöðunni við 3. orkupakkann áfram til að ríkisstjórnin yrði ekki í þeirri stöðu að samþykkja mál sem hörð andstaða er við, einkum meðal kjósendahópa Vinstri grænna.

Sjálfstæðisflokkurinn leggur ofuráherslu á 3. orkupakkann. Einkavæðing raforkunnar og fjárfestingatækifæri ásamt bandalagi við djúpríki embættismanna er hvati forystu XD. Katrín, aftur, er vel meðvituð um andstöðu ASÍ og náttúrverndarsinna. Þar liggur kjarnafylgi Vinstri grænna.

Formaður Framsóknar hefur lýst yfir áhuga að fresta orkupakkanum.

Sjálfstæðisflokkurinn er á leið í pólitíska einangrun vegna orkupakkans. Katrín forsætis kann nógu mikið í pólitík til að skynja það. Hún treystir á Sigmund Davíð og Miðflokkinn að keyra skilaboðin heim.

Á meðan situr forysta Sjálfstæðisflokksins í fílabeinsturni djúpríkisins, rökþrota og skilningssljó. Forysta XD er vegin, metin og léttvæg fundin á vettvangi sem ætti að vera heimavöllur hennar; sjálfstæðispólitík.

Munu áfram ræða orkupakkann