Ráðherra-Guðmundur og hinsegin vísindi

Guðmundur Ingi umhverfisráðherra trúir á hinsegin vísindi og leggur þau að jöfnu við rétt hinsegin fólks. Gefum ráðherra orðið:

Þegar litið er til stjórn­mál­anna á alþjóðavísu veld­ur af­neit­un stjórn­mála­leiðtoga og hreyf­inga víða um heim á lofts­lags­vís­ind­um mér þung­um áhyggj­um. Fals­frétt­ir verða æ al­geng­ari og upp­gang­ur fas­isma og ógeðfelldra viðhorfa í garð hinseg­in fólks eru stór viðfangs­efni sem síður en svo til­heyra fortíðinni,“ sagði Guðmund­ur.

Inn á milli trúarjátningar um hinsegin loftslagsvísindi og hinsegin fólk splæsir Gummi ráðherra gífuryrðum um fasisma, falsfréttir og ógeðfelld viðhorf.

Við sem erum normal, trúum ekki á hinsegin loftslagsvísindi, erum að dómi Hinsegin-Gumma fasistar með ógeðfelld viðhorf (eins og fasisti gæti haft hugguleg viðhorf).

Hinsegin-Gumma klæjar í fingurna að smíða gálga handa þjóðinni. Afbrigðilegir menn þrífast ekki nema í afbrigðilegu samfélagi.

Líkir stjórnmálum við púsluspil

Menntaðir og hræddir vinstrimenn

Þeir sem hafa meiri mennt­un finna líka frek­ar fyr­ir mikl­um um­hver­fisk­víða en þeir sem hafa minni mennt­un.

Loks eru þeir sem kysu Pírata, Vinstri græn eða Sam­fylk­ing­una ef kosið væri til Alþing­is í dag lík­legri til að finna fyr­ir mikl­um um­hver­fisk­víða en þeir sem kysu aðra flokka. Þeir sem kysu Miðflokk­inn eða Fram­sókn­ar­flokk­inn eru hins veg­ar ólík­leg­ast­ir til að finna fyr­ir mikl­um um­hver­fisk­víða.

Ofanritað er úr meðfylgjandi frétt. 

Trúgjarnir og hræddir vinstrimenn halda að heimurinn sé að farast þegar heilbrigð skynsemi og reynsla segir okkur að náttúruöflin stjórna veðurfari en ekki maðurinn. Fólk menntar sig til að verða kjánar.

Fimmtungur finnur fyrir umhverfiskvíða

Verkföll flýta fyrir einkavæðingu; agi í stað lausungar

Rekstur hins opinbera, sveitarfélaga og ríkis, er þegar orðinn alltof stór. Forsendubrestur er orðinn á milli þjónustunnar sem almenningur bæði borgar og nýtur. Sósíalísk verkalýðsfélög eru ábyrg fyrir forsendubrestinum enda nota þau verkfallsvopnið í pólitískum tilgangi.

Skólahald hér á landi er að stærstum hluta á vegum hins opinbera. Sveitarfélög sjá um rekstur fram að framhaldsskólum. Jafnaðarhugsunin fór úr grunnskólanum þegar sveitarfélag tóku yfir. Illa rekin sveitarfélög skila lélegu skólastarfi. Börnin líða fyrir.

Einkavæðing skólastarfs, ásamt tilheyrandi skattalækkunum, færði almenningi meira vald yfir menntun barna sinna og gerði herskáum verkalýðsfélögum erfiðara fyrir að taka börn í gíslingu.

Ekki er hægt að búa við að sjálfumglaðir sósíalistatrúðar herji á lífskjör almennings með því að efna til ófriðar á vinnumarkaði. Einkarekstur fer í þrot standi hann sig ekki, opinber rekstur í ógöngum hækkar skattaálögur. Tímabært er að taka óábyrgu vítisvélina úr sambandi og láta markaðinn um agavandamálið.

Ekki vör við verkfallsbrot

Heimtufrekja hippanna

Hippakynslóðin er orðin ellilífeyrisþegi. Þeir sem nenntu urðu nýtir borgarar og eiga lífeyrissparnað og aðrar eignir til að njóta síðkvölds ævinnar. Viðar Eggertsson er aftur talsmaður ónytjunganna sem greiddu ekki í lífeyrissjóð og sólunduðu sjálfsaflafé.

Viðar krefst þess að yngri kynslóðir Íslendinga haldi upp ónytjungunum.

Hvers vegna að halda uppi fólki sem er latt og hyskið og fer helst ekki út nema af kaffihúsinu til að mótmæla á Austurvelli?

Hvers vegna á Hversdags-Jóninn að splæsa í gömlu hasshausana sem svikust um að borga í lífeyrissjóð og söfnuðu ekki til elliáranna?

Áður en hippakynslóðin kom til sögunnar var haft til marks um verðuga ævi að eiga fyrir eigin jarðaför. Hipparnir heimta niðurgreitt viagra til geta fram á grafarbakkann tekið ungu kynslóðina í þurrt xxxxx.

Samanburður á lífskjörum í Namibíu og Íslandi

Rétt er að taka vinstrimenn á alþingi á orðinu og gera ítarlegan samanburð á Íslandi og Namibíu, þ.m.t. á lífskjörum almennings.

Á móti kæmi að íslenskir vinstrimenn lofuðu að fara í pólitíska útrás til Namibíu, til að bæta hag innfæddra, ef í ljós kæmi að lífskjör þar syðra væru eitthvað síðri en á Fróni.

Allir myndu hagnast á slíku fyrirkomulagi, nema e.t.v. almenningur í Namibíu.

„Einhverskonar pólitískur loddaraskapur“

Trump er maður alþýðunnar, bjargvættur lýðræðis

Sérfræðingar kusu ekki Trump til forseta 2016 heldur verkafólk og millistétt. Sérfræðingar í utanríkismálum, efnahagsmálum, fjölmiðlum og pólitískum rétttrúnaði voru og eru í miklum meirihluta andsnúnir Trump. Alþýða manna er á öðru máli - og kýs Trump.

Í forn-grísku lýðræði voru menn eins og Trump kallaðir til verka þegar í óefni var komið hjá ráðandi öflum. Þeir voru kallaðir týrannar.  Einn þeirra, Kleisþenes, endurreisti lýðræði í Aþenu eftir að sérfræðingar - aðalsmenn - höfðu spillt því.

Sérfræðingar í Washington í samstarfi við starfsbræður í Brussel klúðruðu vestrænu lýðræði. Í hernaði var klúðrið Afganistan 2001, Írak 2003, Líbýa 2011 og Úkraína 2014. Í efnahagsmálum var klúðrið TTIP og í utanríkismálum óvinátta við Rússa og Íran-samningurinn.

Sérfræðingar gerðu almenning á vesturlöndum fátækari og eyðilögðu samheldni vestrænna samfélaga með innflutningi á fólki frá framandi menningarheimum. Sérfræðingar bjuggu til gervivísindi um loftslagsvá til að hræða almenning til fylgis við hjátrú.

Trump var kjörinn forseti til að andæfa klúðri sérfræðinganna. Alþýða manna veit þau gömlu sannindi að sérfræðiveldi leiða til ófarnaðar.

Segir Trump ógna bandarísku lýðræði

Íslensk vernd fyrir alþjóðlega glæpi

Útlendingar sem fá íslenska vernd eða hæli hér og síðar ríkisborgararétt eru eðlilega af misjöfnu sauðahúsi.

Flestir væntanlega réttlátir og almennilegir, eins og fólk er yfirleitt, en sumir með ýmislegt misjafnt á samviskunni.

Hvað á Ísland að gera ef á daginn kemur að útlenskur glæpamaður hafi fengið íslenskt ríkisfang? Setja tíma og fjármuni í að fá útlendinginn ,,heim"? Hljómar fáránlega, satt að segja.

En vitanlega eigum við að byrja á því að setja mun strangari reglur um það hverjir fá íslenskt ríkisfang.

Vilja framselja Íslending til Rússlands

Áslaug Arna bregst trausti

Fjölskylduerjur í Pakistan, þar sem karl og kona tóku saman án blessunar ættingja, urðu til þess að dómsmálaráðherra Íslands breytir reglum um landvist hælisleitenda.

Og jú, það varð umræða á samfélagsmiðlum, um ,,afmælisstrák", eins og aðeins útvalin börn eigi afmælisdag.

Það tekur ekki nokkru tali að múgsefjun á samfélagsmiðlum setji á hvolf almennar reglur um hælisvist útlendinga.

Áslaug Arna bregst trausti sem dómsmálaráðherra.

Gagnrýnivert að breyta reglum undir þrýstingi

Katrín: Ísland gísl norskra hagsmuna

Ef það er rétt, sem má skilja af meðfylgjandi frétt, að Ísland og Noregur ætli að semja sameiginlega við Bretland um fríverslun þýðir það í raun að Ísland verður gísl norskra hagsmuna.

Í EES-samningnum er Ísland nú þegar hertekið norskum hagsmunum, sbr. 3. orkupakkann.

Ísland á vitanlega að semja beint við Bretland en ekki í gegnum Noreg/EFTA.

Katrín forsætis hlýtur að muna að Gamli sáttmáli féll úr gildi á 19. öld.

„Við blasa krefjandi verkefni“

Byrði hvíta mannsins er skömmin

1899 orti Kipling um byrði hvíta mannsins; að færa þeim miður gefnu kristni og vestræna menningu.

Öld síðar er skömmin byrði hvíta mannsins.

Við köllum það framfarir.

 

Átján og öll hvít