Heimtufrekja hippanna

Hippakynslóðin er orðin ellilífeyrisþegi. Þeir sem nenntu urðu nýtir borgarar og eiga lífeyrissparnað og aðrar eignir til að njóta síðkvölds ævinnar. Viðar Eggertsson er aftur talsmaður ónytjunganna sem greiddu ekki í lífeyrissjóð og sólunduðu sjálfsaflafé.

Viðar krefst þess að yngri kynslóðir Íslendinga haldi upp ónytjungunum.

Hvers vegna að halda uppi fólki sem er latt og hyskið og fer helst ekki út nema af kaffihúsinu til að mótmæla á Austurvelli?

Hvers vegna á Hversdags-Jóninn að splæsa í gömlu hasshausana sem svikust um að borga í lífeyrissjóð og söfnuðu ekki til elliáranna?

Áður en hippakynslóðin kom til sögunnar var haft til marks um verðuga ævi að eiga fyrir eigin jarðaför. Hipparnir heimta niðurgreitt viagra til geta fram á grafarbakkann tekið ungu kynslóðina í þurrt xxxxx.


« Síðasta færsla | Næsta færsla »

Athugasemdir

1 Smámynd: Viðar Eggertsson

Sæll Páll,

Ekki veit ég hvað þú kallar hippakynslóð, en ekki tel ég mig vera af henni.
Líklegra er að þú sér af henni, ef miðað er við 1968 og þá sem þá voru orðnir lögráða. Alla vega er ég ekki kominn á eftirlaunaaldurinn, eins og þú. 

Ég hef safnað í „lífeyrissjóð til efri áranna og aðrar eignir til að njóta síðkvölds ævinnar.Eins og flest allir á mínum aldri og jafnvel eldri, eins og þú.

Ég hef aftur á móti kynnt mér hvernig komið er fram við þá sem hafa greitt í lífeyrissjóð alla sína starfsævi, eins og mig t.d. og kannski þig? Skerðingar eru slíkar og skattbyrði að mikið af því gufar upp.

Ég hef þurft að hugga fólk sem er komið á eftirlaunaaldur og þarf að skrimta á þetta 240.000 á mánuði. Þetta er fólk sem er fast í fátæktargildru.

Hvar hef ég krafist þess að „ónytjungum" sé „haldið uppi" af yngri kynslóðum Íslendinga? Kannast ekki við það.

Sjálfstæðisflokkurinn dreifði riti í flest öll hús á fimmtudaginn var. Þar var brugðið upp 10 áróðurskynningarmyndum um eftirlaunafólk í mismunandi aðstæðum að sagt var. Undarlega við þetta „eftirlaunafólk" var að það var allt 66 ára. Eins og þú örugglega veist þá er almennur eftirlaunaaldur 67 ára, þó það virðist hafa farið framhjá sjálfstæðisflokknum.

Annað var afar dularfullt, það var að flokkurinn skýrði á engan hátt hevrnig einstök dæmi voru reiknuð. Var þetta fólk með launatekjur? lífeyrissjóðstekjur? fjármagnstekjur? ellilífeyri? Ekkert skýrt út. Kerfið er nefnilega þannig hér á Íslandi að allar þessar breytur skipta miklu máli þegar eftirlaun fólks eru kynnt.

Af hverju var ekkert af þessu tekið fram? Minn „glæpur" var að spyrja um þetta.

Fólk sem hefur eitthvað óhreint í pokahorninu og veit upp á sig skömmina, bregst gjarnan svona við eins og þú nákvæmlega gerir með þessari færslu þinni: Fer á taugum og ryður út úr sér fúkyrðaflaumi svo það stendur á öndinni.

Það er alltaf sárt að neyðast til að horfa upp á fólk ata sjálft sig sauri. Maður fer hjá sér. Það geri ég einmitt: fer hjá mér hvað þú hefur gert sjálfum þér.

Gangi þér vel Páll Vilhjálmsson og megir þú sjá ljósið einn daginn.


Viðar Eggertsson, 7.2.2020 kl. 20:01

2 Smámynd: Gunnar Th. Gunnarsson

Hjón á eftirlaunum sem búa í skuldlausum íbúðum, hefur það fínt með 500 þús. á mánuði til ráðstöfunar. 

Einstaklingur með 240 þús., jafnvel þó búi í skuldlausri eign hefur það hins vegar frekar skítt.

Persónulega vildi ég frekar fá að ávaxta sjálfur þeim peningum sem ég borga í lífeyrissjóð, en það er önnur saga.

Gunnar Th. Gunnarsson, 8.2.2020 kl. 01:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband