Ríkið og unga fólkið

Hópur ungs fólks stofnar samtök í þeim tilgangi að ræða ríkið og hlutverk þess andspænis einstaklingnum. Ríkið er margrætt orð. Quentin Skinner, áhrifamikill hugmyndasagnfræðingur, segir segir ekkert samkomulag um merkingu orðsins.

Vegna margræðninnar þýðir ríkið ólíka hluti fyrir ólíka hópa. Sósíalistar líta á ríkið sem verkfæri til að jafna lífskjör. Frjálshyggjumenn telja ríkið ógna einstaklingsfrelsinu. Fyrir íhaldsmenn er ríkið nauðsynlegt fyrir stöðugleika og til að vernda samfélagsskipun.

Ungt fólk þarf áskoranir. Og það ræðst ekki á garðinn þar sem hann er lægstur þegar ríkið er annars vegar.

Samtök stofnuð vegna sósíalískra afla

ESB ógnar tilvist stjórnmálaflokka

Báðir kjölfestuflokkar Bretlands, Verkamannaflokkurinn og Íhaldsflokkurinn, standa frammi fyrir klofningi vegna úrsagnar Bretlands úr Evrópusambandinu, Brexit.

Evrópusambandið er stórhættulegt pólitískum stöðugleika aðildarríkjanna. Valdheimildir sem ESB hefur yfir lífsbjörg aðildarríkja eru miskunnarlaust notaðar til að grafa undan lögmætum stjórnvöldum.

Landamæraeftirlit milli Írlands, sem er ESB-ríki, og Norður-Írlands, sem er hluti Bretlands, er gert að óleysanlegum hnút. Þó eru fyrirmyndir að landamæraeftirliti milli Svissi og ESB-ríkja annars vegar og hins vegar landamæri Noregs og Svíþjóðar. 

En af hálfu ESB er ekki vilji til að leysa deiluna. ESB elur á sundrungu í Bretlandi enda má sambandið ekki til þess hugsa að Brexit heppnist. Það skapar slæmt fordæmi, aðrar þjóðir gætu fylgt fordæmi Breta.

Breyttur samningur ekki í boði

Katrín, Trump og falsfréttir

,,Gagnrýnin hugsun samtímans krefst þess að við rýnum allar heimildir, rýnum internetið,“ segir Katrín Jakobsdóttir forsætisráðherra ..og vísar í þá ógn sem stafar af dreifingu falskra frétta."

Katrínu er umræðan um árif fjölmiðla hugleikin, talaði t.d. í haust um Trump-áhrifin og upplýsingaóreiðu. 

Hugtakinu falsfréttir er einatt spyrt saman við Trump. Sagan á bakvið er önnur en flestir halda. Samkvæmt blaðamanninum Sharyl Attkinson, sem kannaði málið, var hugtakið falsfréttir kynnt í núverandi mynd af andstæðingum Trump, þeim Obama og Clinton.

Hugmyndin að baki var þessi: Obama og Clinton áttu vísan stuðning hefðbundinna fjölmiðla. Aftur nýtti Trump sér jaðarmiðla á netinu. Demókratar ákváðu að hefja herferð gegn netmiðlum undir þeim formerkjum að þeir flyttu falsfréttir.

Snilli Trump fólst í því að hann nýtti sér hugtak sem búið var að kynna til sögunnar og heimfærði það upp á hefðbundna fjölmiðla. Og sökum þess að þessir fjölmiðlar voru hlutdrægir, studdu Clinton og voru á móti Trump, fékk nýr skilningur á falsfréttum hljómgrunn.

Blaðamönnum á hefðbundnum fjölmiðlum er orðið meinilla við umræðu um falsfréttir. Enda hittir hún þá sjálfa fyrir.  

Guðlaugur og EES-svindlið

Evrópusambandið segir að EES-samningurinn bjóði upp á bestu hugsanlegu viðskiptakjör. Það er sjálf forsenda EES. Nú liggur fyrir að fríverslunarsamningur Kanada og Evrópusambandsins er betri fyrir Kanada en EES-samningurinn er fyrir Ísland.

Guðlaugur Þór utanríkisráðherra viðurkennir þetta: ,,Evrópusambandið hefur þráast við að koma á fullri fríverslun með sjávarafurðir í gegnum samninginn um Evrópska efnahagssvæðið (EES)."

Þegar það liggur fyrir að EES er svindl, stendur ekki undir loforði um bestu viðskiptakjör, er einboðið að Ísland segi sig frá samningnum.

EES-samningurinn er verulega íþyngjandi fyrir Ísland. Í gegnum samningin ætlar Evrópusambandið sér ítök í íslenskum raforkumálum með 3. orkupakkanum.

Svindl-samningur sem í ofanálag felur í sér skerðingu fullveldis er vitanlega ótækur.

 

Full fríverslun ekki fengist

Fjölskylduharmleikur, geðveiki og fordómar

Enginn er geðveikur, virðist boðskapur yfirlýsingar Geðhjálpar um fjölskyldumál fyrrum utanríkisráðherra. Þetta sé aðeins spurning um ,,rétta geðhæð" - allt annað eru fordómar.

,,Röng geðhæð" er þá aðeins tímabundin vanstilling sem bráir af og prestó; meintur geðsjúklingur er jafn stöndugur í dómgreind sinni og almenningur, bæði þeir sem virkir eru í athugasemdum og hinir sem lifa athugasemdalausu lífi.

Allt er þetta sjálfsagt satt og sér enda mælt fram af fólki sem veit sínu viti um geðhjálp.

Þó er eitt atriði sem ekki er geðslegt: að samtök í þágu geðheilbrigðis skuli gera sér mat úr fjölskylduharmleik.

„Jafn trúverðug og allur almenningur“

Ísland utan ESB fær bandaríska ráðherraheimsókn

Ef Íslendingar hefðu álpast inn í ESB, í kjölfar umsóknar Samfylkingar, hefði bandaríski utanríkisráðherrann ekki heimsótt okkur í Evrópuferð sinni.

Málin sem eru til umræðu öryggismál, viðskipti og málefni Norðurslóða hefðu öll verið afgreidd í Brussel.

Samfylkingarvitið lætur ekki að sér hæða.

Mike Pompeo á leið til Íslands

Feðraveldið

Karlar eru skammlífari en konur, þeir vinna meira en konur og drepa sig oftar.

Þvílík dásemd þetta feðraveldi.

Vinna að jafnaði 43,4 klst í fullu starfi

Lýðræði vont fyrir Afríku

Lýðræði virkar ekki án lestrarkunnáttu. Afríka, að stórum hluta, kann ekki að lesa. Afríka þarf kínversku leiðina, sterkan góðviljaðan leiðtoga sem vísar veginn.

Salif Keita, einn ástsælasti tónlistarmaður Afríku, segir ofanritað í viðtali við vinstriútgáfuna Guardian.

Hægt en örugglega rennur upp fyrir fólki, bæði á vesturlöndum og um víðan heim, að vestrænt lýðræði er ekki sjálfsagður hlutur. Það verður til undir ákveðnum sögulegum kringumstæðum og hentar illa til útflutnings á framandi menningarsvæði.

Raunar sýnir lýðræðið þreytumerki þessi árin í frumheimalöndum sínum í Evrópu og Bandaríkjunum. Lýðræðið þolir illa þá pólitíska upplausn sem finna má víða á vesturlöndum. Ótímabært er þó að gefa út dánarvottorðið.

Óreiðuvinstrið fær liðsauka

Rósa B. þingmaður Vinstri grænna gengur formlega til liðs við óreiðuvinstriflokkana Samfylkingu og Pírata.

Óreiðuvinstrið þrífst á uppákomum og kyndir undir ósætti í samfélaginu.

Valið stendur á milli óreiðu og yfirvegunar.

Rósa Björk kaus með stjórnarandstöðu

Ísland í fordyri helvítis

Helvíti er trúarhugmynd, sem ekki byggir á neinu nema ímynd í huga þeirra sem nota orðið. Æðsti maður leiðtogaráðs ESB er haldinn þeirri hugmynd að helvíti sé utan virkismúra Brusselvaldsins.

Trúarsannfæring valdsins leyfir ekki málamiðlanir. Fólk er annað hvort gott eða illt, ekkert þar á milli. Þjóðir sem ekki sitja og standa eins og handhafi sannleikans býður eru samkvæmt skilgreiningu haldnar villutrú. Á miðöldum var þannig fólk brennt lifandi; á 20. öld leitt fyrri aftökusveit. Æðsti prestur ESB, Donald Tusk, kemur frá þjóð sem missti menntamenn sína í í blóðorgíu í Katyn-skógi laust fyrir miðja síðustu öld; þeir voru ekki réttrar trúar.

Ísland er með EES-samningnum í fordyri helvítis. Löngu tímabært er að segja upp samningnum. Trúardeilur fara vaxandi í Evrópu. Við vitum ósköp vel hverjar afleiðingarnar verða.

 

„Sérstakur staður í helvíti“