Bjarni ábyrgur, vinstrimenn óábyrgir

Ríkissjóður er sameign okkar allra. Heilbrigð ríkisfjármál eru undirstaða velferðar á Íslandi.

Bjarni Benediktsson hittir naglann á höfuðið þegar hann gagnrýnir vinstrimenn fyrir að taka undir ítrustu kröfur stéttarfélaga opinberra starfsmanna. 

Á hverjum tíma er ákveðinn rammi fyrir launastefnu, bæði í opinbera geiranum og á almennum markaði. Stefnan þessi misserin heitir lífskjarasamningar. Launahækkanir verða að rúmast innan þeirra. Annað er óábyrgt.

Óábyrgt að fallast á allar kröfur

Píratar framleiða vantraust

Tilgangur Pírata í stjórnmálum er að skapa vantraust. Hugmyndin að baki er einföld. Í andrúmslofti vantrausts skapast tækifæri fyrir valdsókn uppreisnarafla. Og þar þykjast Píratar sérfræðingar.

Bakland Pírata er óánægjuliðið sem vill að samfélagið skaffi sér lífskjör en er ekki tilbúið að vinna fyrir þeim. Viðhorfið er: ef líf mitt er misheppnað þá er samfélagið sökudólgurinn. Óánægjuliðið lifir á vantrausti. Til að treysta samfélaginu þarf sjálfstraust. Þeir misheppnuðu hafa ekkert sjálfstraust.

Þingmenn Pírata ljúga upp á sig prófgráðum sem samfélagið veitti þeim ekki. Píratar fyrirlíta samfélagið sem þeir þykjast vinna fyrir. Traust er forsenda samfélags.  

Mun ekki styðja nýjan formann

17. júní 1944 og 16. júlí 2009

Íslendingar stofnuðu lýðveldi á fæðingardegi Jóns Sigurðssonar undir lok seinna stríðs. Tæpum 100 árum áður lagði Jón grunn að sjálfstæði þjóðarinnar með grein í tímariti sínu, Nýjum félagsritum.

Greinin, Hugvekja til Íslendinga, rökstuddi nauðsyn þess Íslendingar réðu sjálfir sínum málum en ekki útlendingar. Heimastjórn í byrjun 20. aldar og fullveldi hálfum öðrum áratug síðar voru markmið Jóns í greininni frá 1848.

Sáttin um lýðveldið var rofin 16. júlí 2009 þegar ríkisstjórn vinstrimanna, kennd við Jóhönnu Sigurðardóttir, knúði fram á alþingi samþykkt ESB-umsóknar Samfylkingar. Litlu munaði að fullveldið yrði flutt í heilu lagi til Brussel. 

Á þjóðhátíðardegi er hollt að minnast þess að það skiptir máli hverjir sitja alþingi, - og Bessastaði. 

15 þús. kr. of lágt gjald á ferðamenn

Gjaldtaka vegna sýnatöku á Keflavíkurflugvelli átti að fara upp í kostnað við farsóttarvarnir. Ef tvö smit finnast á dag verða þau 60 yfir mánuðinn. Það þýðir stóraukinn kostnað.

Gjaldið er 15 þús. kr. og ætti að tvöfalda. 

Með því ynnist þrennt. Færri ferðamenn, færri smit og minna álag á innviði.

Tvö smit greindust á Keflavíkurflugvelli

Þórhildur stal deginum frá Þorvaldi og krötum

Fréttadagurinn í gær átti að snúast um Þorvald Gylfason og Samfylkinguna. En Þórhildur Sunna Pírati stal glæpnum með sviðsettri afsögn.

Kjarninn, málgagn Samfylkingar, hafi eytt mörgum dögum í að undirbúa sýningu á spillingu sjálfstæðismanna með því að standa í vegi fyrir að sonur fyrrum ráðherra Alþýðuflokksins fengi ekki ritstjórastöðu á Norðurlöndum. RÚV hjálpaði til, eins og venjulega. Í gær átti að vera uppskeruhátíð þegar formaður Sjálfstæðisflokksins var kallaður fyrir stjórnskipunarnefnd þingsins til að Gummi krati gæti grillað hann.

En Þórhildur Sunna var ekki á því að leyfa hvítum miðaldra kratakörlum að eiga sviðið. Eftir hádegi tilkynnti dramadrottningin afsögn og stal fyrirsögnum gærdagsins og morgunfréttanna í dag.

Spilling kratanna var ekki lengur umræðuefnið heldur sært stolt dramadrottningar sem fyrir ári fékk á sig úrskurð að brjóta siðareglur alþingismanna.

„Enginn gengið jafn aggresíft fram“ og Þórhildur

Þórhildur segir af sér í þykjustu - ári eftir brot í starfi

Þórhildur Sunna braut siðareglur alþingis. Bæði siðanefnd alþingis og forsætisnefnd komust að þeirri niðurstöðu.

Með tvöfaldan úrskurð um brot í starfi átti Þórhildur Sunnu að segja af sér þingmennsku - fyrir ári.

Þórhildur setur núna á svið leikrit til að segja sig frá formennsku í þingnefnd. En vitanlega á hún að segja af sér þingmennsku og hefði átt að gera það fyrir ári.

Þórhildur segir af sér formennsku

Lögreglan drepur færri en áður

Listi yfir manndráp lögreglu í Bandaríkjunum sýnir fækkun. Fjölmiðlar, á hinn bóginn, draga upp þá mynd að manndráp lögreglu sé í stöðugri aukningu, einkum á þeldökkum.

Þegar þingmaðurinn James Clyburn segir dráp lögreglu á þeldökkum ,,vera í menningunni" ratast honum satt orð í munn.

Menningin heitir falsfréttir. 

„Hlýtur að vera í menningunni“

Vinstritrú, Trump og Pútín

Joe Biden, forsetaframbjóðandi Demókrata, er ekki nógu herskár í afstöðu sinni til að bæta heiminn með hervaldi, skrifar frjálslyndur vinstrimaður um andstæðing Trump.

Trump er maður friðar, dregur úr hernaðarumsvifum Bandaríkjanna á alþjóðavísu. Starfsbróðir hans í Moskvu, Pútín, er raunsæismaður sem efnir ekki til ófriðar að nauðsynjalausu.

Ríkjandi trú vinstrimanna og frjálslyndra er að ofbeldi lækni samfélagsmein og hervald sé sjálfsagður þáttur í umbreytingu ríkja. Írak, Úkraína og Sýrland eru nýleg dæmi.

Fjölmiðlar í Bandaríkjunum eru meira og minna undirlagðir vinstrimönnum og frjálslyndum. Þar ríkir varanlegt stríðsástand pólitísks rétttrúnaðar sem engu eirir og kallar upp á dekk þá sem þjást mest af móðursýki. Stórblaðið New York Times réð sem yfirmann skoðanadeildar blaðsins manneskju sem sendi undirmönnum sínum skilaboð um að láta sig strax vita ef þeim liði illa út af skoðunum annarra. Ef einhver hefur ranga skoðun bíður hans bannfæring og atvinnumissir. 

Trump og Pútín eru helstu grýlur vinstrimanna og frjálslyndra sem hafa á stefnuskrá sinni að umskapa heiminn með ofbeldi og stríði.  

 

Pútín gagnrýnir forystuleysi í Bandaríkjunum

Kerfið, rasismi og réttur skammtur af ofbeldi

Það sem hét vestræn menning fyrir fáeinum dögum heitir núna ,,kerfið". Og kerfið er rasískt hvort heldur í Bretlandi, Bandaríkjunum, Kanada, Frakklandi eða á öðru byggðu bóli vestrænnar menningar.

Leiðari Telegraph í Bretlandi segir yfirvöld án myndugleika og lögreglu ekki tryggja almannafrið. Frjálslyndir vinstrimenn í Bandaríkjunum vilja ganga lengra og afnema lögregludeildir stórborga - enda eru þær vörn kerfisins.

Kerfið, sem til skamms tíma hét vestræn menning, þarf að hrynja. Í hruni endurnýjast menning. Óhjákvæmilega fylgir ofbeldi og eignatjón. Hruni kerfismenningar fylgja öfgar sem aðeins skammtur af ofbeldi læknar. Evrópa þurfti stóran skammt ofbeldis 1914-1918 en Bandaríkin öllu smærri í Víetnamstríðinu.

Enginn mannlegur máttur finnur réttan skammt ofbeldis. Síkvikar aðstæður skrifa lyfseðilinn. Þegar óöldin er um garð gengin og dauðir komnir í frostfría jörð klóra menn sér í kollinum og spyrja: til hvers vorum við að þessu? Hmm, jú, til að skapa okkur betri menningu.

 

 

Rasismi til staðar í öllum stofnunum Kanada

Trump bætir fyrir mistök Bush og Obama

Bush yngri forseti réðst inn í Írak 2003. Obama eftirmaður hans lagði til atlögu gegn Sýrlandi og Libýu, og tók þátt í að efna til borgarastyrjaldar í Úkraínu.

Öll hernaðarævintýrin voru misheppnuð. Bush var sagður í klóm nýfrjálshyggjumanna en Obama fylgdi stefnu frjálslyndra vinstrimanna. Í grein í Foreign Affairs er farið yfir misheppnaða utanríkisstefnu Bandaríkjanna á þessari öld.

Trump vindur ofan af mistökum forvera sinna og kýs meðalhófið í utanríkismálum.