Lýðræðið drepst úr leiðindum

Leiðindi eru lýðræðinu hættulegri en valdhyggja einstaklinga og stjórnmálaafla. Í útlöndum eru áhyggjur að farsóttin grafi undan lýðræðinu og leiði til valda andlýðræðisleg öfl.

En það er ekki styrkur valdamanna sem fær þeim völd heldur leiðindi þeirra sem þykjast í orði kveðnu ástvinir lýðræðisins.

Leiðindin gera tilveruna gráa. Litskrúðugir menn koma á vettvang, hirða athyglina og völdin í framhaldi.

Hverjum er ekki sama hvenær alþingismenn fara í sumarfrí?

Enn ósamið um þinglok

Ragnar Þór hótar almenningi

Ragnar Þór formaður VR hótar að gera vonda stöðu efnahagslífsins verri með verkföllum og leiðindum í vetur.

Harður ,,verkalýðsvetur" þýðir verri lífskjör, aukið atvinnuleysi og minni hagvöxtur.

Fyrr á tíð var markmið verkalýðshreyfingarinnar að bæta lífskjör.

Boðar harðan verkalýðsvetur

Kóvit og kostir smárra samfélaga

Seinni bylgja COVID-19 farsóttarinnar er yfirvofandi í stórríkjum eins og Bretlandi og Þýskalandi, er haft eftir þarlendum sérfræðingum. Bæði ríkin tóku upp róttækar aðgerðir, þó ekki eins harkalegar og í sumum Asíu-ríkjum, og eru enn að losa um hömlur. Seinni bylgjan setur stjórnarfarið í uppnám. Á að loka eða leyfa veirunni að leika lausum hala?

Lítil samfélög, eins og Ísland, Færeyjar og Grænland, sýndu í fyrri bylgju farsóttarinnar að snögg viðbrögð en væg eru farsælust, bæði fyrir heilbrigði og efnahagsbúskap. Stórríkin hafa ekki þann munað. Sjálfkrafa eru viðbrögðin bæði hægari og víðtækari og langvinnari en meðal smáríkja.

Kostir smæðarinnar vilja oft gleymast.

Faraldurinn á enn eftir að ná hámarki víða

Katrín og sérfræðifáviskan

Veðurfar og loftslag eru flókin fyrirbæri. Veðurspár gilda ekki nema 5-7 daga fram í tímann. Ef breytingar á loftslagi væru einfaldar og skiljanlegar væri hægt að gera veðurspár til vikna, mánaða og ára. En það er ekki hægt.

Heiðarlegir loftslagsvísindamenn, t.d. Judith Curry, benda á að veðurkerfi eru ósmættanleg, stærri en summa eininganna sem þau eru gerð úr. Þegar kerfi einkennist af óreiðu er ekki vinnandi vegur að spá fyrir um hegðun þess. Annars væri engin óreiða. Loftslagsglópar reyna að telja okkur trú um að ein eining, koltvísýringur, stjórni ferðinni í loftslagi jarðkringlunnar. Það er trú en ekki vísindi. 

Katrín forsætis segir ,,út­reikn­ing­ar sér­fræðinga" sýna fram á árangur stjórnvalda í loftslagsmálum. Útreikningarnir gætu komið úr hvaða deild Háskóla Íslands sem er, t.d. deild kynjafræði, guðfræði eða raunvísinda, en yrðu alltaf jafn marklausir um áhrif Íslendinga á loftslagsbreytingar.  

Telja sig geta náð settum markmiðum

Svartar skoðanir og hvítar

Stjórnmálahreyfingin Svört líf skipta máli er bandarísk og tekur mið af þarlendri stjórnmálamenningu. Síðustu vikur er hreyfingin orðin alþjóðleg, sérstaklega á vesturlöndum þar sem meirihluti íbúanna er(enn) hvítur.

Aðeins lítið brot af þeldökkum er bandarískur. En ekkert fréttist af heimsálfunni þar sem meginþorri þeirra býr, Afríku.

Er það svo að sum svört líf skipta meira máli en önnur? Eða er þessi bandaríska stjórnmálahreyfing tilraun til að skapa óöld í vestrænum samfélögum?

 

White Lives Matter-borði í Manchester

Fjöldahreyfingin að baki Trump

Tvær skýringar eru gefnar á því að fundur Trump forseta í Oklahoma var ekki jafn fjölmennur og búist var við. Sú fyrri að andstæðingar Trump hafi með smáforritinu Tik Tok skráð sig fyrir aðgöngumiða á fundinn og ekki mætt. Seinni skýringin er að fjölmiðlar kynntu undir farsóttarhættu.

Báðar skýringarnar gefa sér að fjöldahreyfing sé að baki Trump. Einu leiðirnar til að koma í veg fyrir húsfylli hjá forsetanum er svindl andstæðinganna eða áróður um farsótt.

Trump má vel við una.

„Hafa ekki hugmynd hvað þau eru að tala um“

Hælisleitandi þakkar fyrir sig

Þrefaldur morðingi í almenningsgarði í Englandi er arabískur hælisleitandi. Þeir myrtu voru valdir af handahófi eins og títt er með fórnarlömb vígamanna spámannsins.

Hælisleitandinn er 25 ára og ekki enn kominn í Paradís með óspjölluðum meyjum heldur situr hann í varðhaldi og bíður ákæru.

Líkt og margir starfsbræðra sinna reyndi gerandinn fyrir sér með smáglæpi áður en hann sóttist eftir stóra vinningnum í trúarmenningunni sem hann tilheyrir; vist í himnaríki fyrir vel unnin störf.

Hnífaárásin rannsökuð sem hryðjuverk

Miðflokkurinn plantar kosningasigri

Borgarlína verður stórslys. Spurningin er aðeins hversu dýrkeypt. Miðflokkurinn er eina stjórnmálaaflið sem varar við stórslysinu í tíma.

Þegar borgarlína breytist úr skipulagsdraumi í martröð vinnandi fólks í umferðarteppu verður viðkvæðið að betur hefði verið hlustað á viðvörn Miðflokksins.

Miðflokkurinn uppsker kosningasigur. Aftur eru áhöld um hvort það verði um seinan til að forða stórslysinu.

Bað þingmenn Miðflokksins að sofa vel

Undirgefni, woke-ismi og hugarfar þrælsins

Skilgreiningin á þræl er hann er ófrjáls. Sá sem er þræll þarf að sýna eiganda sínum undirgefni - annars væri hann ekki þræll.

Að krjúpa á kné er trúartjáning mótmælanna sem kennd eru við svört líf skipa máli. Kristnir eru vanir að krjúpa fyrir almættinu, múslímar ganga lengra og fara á bæði hnén í lotningu fyrir Allah. Á miðöldum krupu menn fyrir konungum.

Knésetning er tjáning á undirgefni. En svört líf skipta máli á að heita krafa um mannlega virðingu óháð hörundslit. Fyrir hverju er kropið?

Stjórnmálheimspekingurinn John Gray segir sjálfsfyrirlitningu rauðan þráð í mótmælahreyfingunni.  

Á ensku er sögnin ,,woke" notuð um þá sem næmir eru á óréttlæti. Þeir næmu sjá félagslegt óréttlæti í náttúrulegum fyrirbrigðum, eins og þeim að fólk fæðist með ólíkan hörundslit og eru annað tveggja karlkyns eða kvenkyns. Önnur andstyggð þeirra næmu er náttúrulegt loftslag - og þess vegna var búin til hugmyndin um manngert veðurfar. Gagngert í tilgangi sjálfspíningar. Maðurinn ber ábyrgð loftslaginu, sem verður sífellt verra, og skömmin er mín og þín.

Ungt fólk á vesturlöndum er ginnkeypt fyrir ,,woke-isma". Þeir sem fá gæðalíf án þess að dýfa hendi í kalt vatn vita ekki hvernig lífsgæði verða til. Undir  niðri er hugboð um að lífsgæðin séu óverðskulduð. Hugboðið ýtir undir skömm, að maður sé óverðugur gæðanna. Skömmin er eitt einkenni þeirra sem stunda sjálfspíningu.

Lækningin við sjálfspíningunni er að átta sig á að maður velur ekki eign fæðingu. Maður fæðist þeldökkur, hvítur, brúnn eða gulur, ýmist karl eða kona. Ekkert val þar. En maður hefur val um hvað skal gert við lífið sem fékkst ókeypis.

Eitt val er hugarfar þrælsins, sem á engan húsbónda, en krýpur fyrir kjaftæði og tileinkar sér ímyndaða skömm. Annað val er að standa teinréttur og hugsa sjálfstætt.

Þrælafrídagurinn gerður opinber í New York

75% fordómaleysi

Þrír af hverjum fjórum starfsmönnum Reykjavíkurborgar verða ekki fyrir fordómum í starfi. Sá fjórðungur sem verður fyrir fordómum líður fyrir að vera erlendur, stríðir við vanheilsu, er á röngum aldri eða kyni, ekki í meðalþyngd, er fatlaður, með trúarskoðun eða kynhneigð sem er fordæmd.

Ef listinn er tæmandi vekja áhugamál ekki fordóma og heldur ekki stjórnmálaskoðanir né húðlitur eða hár- og augnlitur. Fjölskylduaðstæður og stjörnumerki eru samkvæmt þessu fordómalaus og jafnframt klæðaburður. Hreinlæti, eða skortur þar á, er ekki tilefni til fordóma.

Það flækir málið að fordómar eru settir í flokk með ,,skorti á virðingu í starfi." Þannig mælast ekki fordómar gegn óstundvísi, leti og hyskni.

Að öllu virtu er 75 prósent fordómaleysi fremur hátt hlutfall. Sé tekið mið af umræðunni almennt hefði mátt ætla hlutfallið öfugt, að allur þorri fólks yrði fyrir fordómum út af stóru eða smáu. Við búum jú í aðfinnslusamfélagi pólitísks rétttrúnaðar.

25% nefna fordóma