Víðtæk árás á Samherja: 4 fjölmiðlar, aðeins ein heimild

Árásin á Samherja var víðtæk. Fjórir fjölmiðlar, RÚV, Stundin, Al Jazeera og Wikileaks, tóku höndum saman um að draga upp einhliða mynd af útgerð Samherja í Namibíu.

Heimildin fyrir samræmdum aðgerðum var aðeins ein, sérvaldir tölvupóstar Jóhannesar Stefánssonar fyrrum starfsmanns Samherja.

Sérhönnuð útgáfa Jóhannesar af sannleikanum er þegar komin með ryðbletti. Áköf eftirspurn er frá Namibíu um handtökur á Íslandi, fluttar af RÚV og hafðar eftir samstarfsmanni Jóhannesar, Paulus Noa, sem við eigum að trúa að sé eini óspillti Namibíumaðurinn. Paulus Noe þarf trúverðugleika frá Íslandi í uppgjöri SWAPO-hreyfingarinnar í eins flokks ríkinu. 

Trúverðugleiki fæst með ,,umræðu" um spillingu. Kristinn Hrafnsson ritstjóri Wikileaks talar um að ,,matreiða og verka" umræðuna til að fá hámarksáhrif. Í umræðunni þurfa ásakanir að virðast sannar. Aukaatriði er hvort ásýndin komi heim og saman við veruleikann.

Engin frétt er betri en heimildin fyrir henni. Fjórir fjölmiðlar geta endurtekið í síbylju sömu ásakanir en þær verða ekki sannar fyrir bragðið.

Björgólfur: Erfiðara en Seðlabankamálið

Vexti en ekki dóp núllvaxta

Evran leikur efnahagskerfi Evrópu grátt. Til að halda fyrirtækjum gangandi bjóðast peningar á núllvöxtum eða því sem næst. Lánsfé án vaxta er eins og dóp sem atvinnulífið verður háð.

Vextir hér á landi eru það lágir að bankareikningar launþega safna ekki vöxtum, eru nánast á núlli. Samfélagslega ábyrgt er að hvetja fólk til sparnaðar. Til þess þarf vexti.

Hér er lítið atvinnuleysi, ólíkt Evrópu, og engin þörf á að afgreiða dóp til atvinnulífsins.

Hvetja SÍ til þess að lækka stýrivexti

Jóhannes og suður-afríska mafían

RÚV vann Kveiks-þáttinn um meinta spillingu Samherja í Namibíu í samvinnu við arabíska fjölmiðilinn Al Jazeera. Í frétt Al Jazeera er frásögn af samskiptum uppljóstrarans Jóhannesar Stefánssonar við suður-afrísku mafíuna. Þar segir:

In the months before July 2016, when Johannes departed Namibia for good, he spent some time in Cape Town, South Africa, where he undertook negotiations with a local businessman, Allie Baderoen, who was interested in entering into a business partnership with Samherji in the South African fishing industry. While the negotiations ultimately led nowhere, these relationships were to have serious consequences for Johannes life, as he came to appreciate the interconnected worlds of business and the mafia in South Africa.

Í framhaldi segir af náinni vináttu Jóhannesar við fyrrum kongólskan hermann, Christian Yema Y'Okungo, sem starfar í öryggisþjónustu í Suður-Afríku. Þeir tala saman daglaga og ávarpa hvorn annan sem ,,bróðir". Vinurinn skaffar íslenska hugsjónamanninum lífvarðaþjónustu.

Jóhannes er sem sagt áhugamaður um ,,samtvinnaðan heim viðskipta og mafíu í Suður-Afríku" og á fyrrum hermann fyrir einkavin.

Í ofanálag, samkvæmt Al Jazeera, ætlar Jóhannes að bjarga Afríku, já heimsálfunni, frá spillingu.

Allt hljómar þetta nokkuð reyfarakennt. Tölvupóstar Jóhannesar eru án efa fjársjóður fyrir skáldsagnahöfund sem gengur bók í maganum. Vinnuheitið: ,,Nonni bjargar Afríku frá spillingu - með hjálp mafíunnar." Helgur Seljan færði í letur.

 

Ætla að birta pósta Jóhannesar

Óvísindi, loftslag og óhrein íslensk orka

Markmið um losun koltvísýrings í andrúmsloftið og dagsetningar þar að lútandi eru vísindaleg merkingarleysa, skrifar Judith Curry, sem veit sitthvað um loftslagsvísindi ólíkt öllum þorra þeirra sem eru í Madrid.

En það má græða peninga með því að selja losunarheimildir. Frá Íslandi eru seldar heimildir og samkvæmt orkubókhaldi er orkan hérlendis ekki lengur hrein heldur kjarnorkumenguð. Enginn spyr um veruleikann í blekkingarvef glópahlýnunar.

Það sem gildir er að sýnast og þykjast.

Fámenn sendinefnd skiptir liði í Madríd

42% RÚV-skandall

Uppljóstrarinn í Samherjamáli RÚV, Jóhannes Stefánsson, er í bandalagi við namibískan embættismann, Paulus Noa, um að sanna spillingu í samskiptum Samherja við namibísk yfirvöld.

Jóhannes handvelur tölvupósta til að sýna fram á spillingu. Meirihluti tölvupósta Jóhannesar eru ekki birtir, eða 58%.

Handvaldar heimildir er þekkt aðferð til að ,,sanna" ósannindi. Hún er kennd við kölska sem las Biblíuna með sama hugarfari og RÚV les tölvupósta Jóhannesar um Samherja. 

Segja Jóhannes hafa handvalið tölvupósta

Múslímar og Pólverjar á Íslandi

Langstærsti minnihlutahópurinn á Íslandi er Pólverjar. Ekki verður annað séð en að þeir geri sér far um að falla að siðum og háttum okkar sem byggjum þetta land.

Múslímar, á hinn bóginn, nálgast gestrisni Íslendinga á annan hátt. Þeir reisa trúartákn við fjölfarna samgönguæð. Í frétt um framkvæmdina kemur eftirfarandi fram:

Múslim­ar á Íslandi lifa í sátt og sam­lyndi við aðra,“ seg­ir Ask­ari, sem seg­ir að mína­rett­an hafi fyrst og fremst það hlut­verk að auka sýni­leika mosk­unn­ar.

,,Sýnileiki" eins skyggir á annan. Það er ekki merki um ,,sátt og samlyndi" að ota framandi trúartáknum framan í Jón og Gunnu. Múslímar ættu fremur að temja sér pólska háttvísi. 

Voldugur bænaturn reistur í Hlíðunum

Stórmál en lítil frétt

Efnahagsmál, s.s. verðbólga og skattkerfi, og kjaramál voru til skamms tíma stórfréttir ár og síð í fjölmiðlum. Nú gerist það að lífskjarasamningar eru lögfestir og þjóðarbúið stendur aldrei betur með lágri verðbólgu og litlu atvinnuleysi.

En stóru fréttirnar verða að neðanmálsgreinum í fjölmiðlum.

Í fréttum er það helst að lögreglustjóri hættir og Jón Gnarr skáldar æskuminningu um rassskellingu.

Fjölmiðlar ávallt með aðalatriðin á hreinu.

Frumvarp um þriggja þrepa skattkerfi samþykkt

80% kennara eru konur, drengir læra ekki að lesa

Konur eru 80 prósent grunnskólakennara. Æ færri drengir læra að lesa, samkvæmt Pisa-rannsókn.

Kvennamenning grunnskólans með ,,yndislestri" virkar ekki fyrir stráka.

Er ekki kominn tími til að tengja?

Staða íslenskra drengja enn verri en áður

RÚV svindlar tvöfalt

RÚV leggur leyndarhjúp yfir umsækjendur um stöðu útvarpsstjóra. Til að auka svigrúm til baktjaldamakks er umsóknarfrestur framlengdur.

Spillingin á RÚV er í skjóli einokunarstöðu. Þessi fjölmiðill er sá eini sem fjármagnaður er beint úr ríkissjóði. Aðrir fjölmiðlar eru við það að deyja drottni sínum en RÚV fær sinn hlut á þurru.

RÚV á vitanlega að leggja niður í núverandi mynd. Þá en ekki fyrr skapast svigrúm fyrir frjálsa fjölmiðlun.

RÚV framlengir umsóknarfrestinn

Skólastarf byggir á trausti

Án trausts á milli kennara og skólastjórnenda annars vegar og hins vegar foreldra og fræðsluyfirvalda verður skólastarf í molum. 

Nú þegar foreldrar, kennarar og skólastjórnendur, og bæjarstjórnarmenn á Seltjarnarnesi hafa viðrað áhyggjur sínar þannig að eftir sé tekið er tvennt í stöðunni. Að halda áfram að eyða trausti á milli aðila með látum og fjölmiðlayfirlýsingum. Eða að slíðra sverðin og einsetja sér að byggja upp traust á ný.

Ef aðilar halda áfram fjölmiðlaglennum verður Grunnskóli Seltjarnarness skólaútgáfa af Reykjalundsmálinu. Varla er það eftirsóknarvert.

(Sá sem hér skrifar er íbúi á Seltjarnarnesi og á tvö börn sem fóru í gegnum grunnskóla sveitarfélagsins.)

Nemendur eiga ekki að vera fórnarlömb togstreitu