Einræði, fjölræði og stöðugleiki

Einræðisherrar eins og Assad í Sýrlandi, Gadaffi í Líbýu og Hussein í Írak héldu uppi stöðugu stjórnarfari með valdi án lýðræðislegs umboðs. Fyrir frönsku byltinguna réð sambærilegt vald ferðinni í Evrópu.

Fjölræði Evrópu og Ameríku varð til við sérstakar sögulegar kringumstæður. Jafnhliða vexti lýðræðis í Evrópu náðu alræðishugmyndir víða ítökum og héldu lengi, samanber fasisma og kommúnisma.

Mistök vesturlanda í miðausturlöndum eru að trúa því að erlend íhlutun leiði fram stöðugt stjórnarfar sem kenna má við lýðræði. Á vesturlöndum fæddist lýðræði í blóði og þroskaðist með rykkjum og skrykkjum. Nægir þar að nefna tvær heimsstyrjaldir á síðustu öld.

„Ég vanmat óstöðugleikaöflin“

Al Thani-málið fyrra

Hauck & Auf­häuser Pri­vat­bankiers keyptu aldrei hlut í Búnaðarbankanum, líkt og Ólafur Ólafsson og félagar hans vildu vera láta. Aðild Hauck & Auf­häuser var sett á svið til að gera Ólaf og félaga trúverðugri kaupendur árið 2003.

Líkt og Vilhjálmur Bjarnason, þingmaður Sjálfstæðisflokksins, hefur skilmerkilega rakið er margt líkt með þykjustukaupum Hauck & Auf­häuser árið 2003 og kaup hins arabíska Al Thani í Kaupþingi rétt fyrir hrun. Ólafur Ólafsson og æðstu stjórnendur Kaupþings fengu fangelsisdóma vegna þess máls.

Leikritið í kringum kaupin á Búnaðarbankanum árið 2003 sýnir ósvífni kaupsýslumanna. Engar líkur eru að dregið hafi úr þeirri óskammfeilni.

Fjalla áfram um þýska bankann

Flokkur ESB-sinna, Viðreisn, hættir kröfu um ESB-aðild

Viðreisn var hópur ESB-sinna sem klufu sig úr Sjálfstæðisflokknum. Þegar þeir loksins stofna flokkinn, sem hefur verið í burðarliðnum í tvö ár, er ekki orð um að flokkurinn ætli að berjast fyrir aðild Íslands að Evrópusambandinu.

Spor Samfylkingar hræða.

Benedikt formaður Viðreisnar

Kaupmáttur eykst með krónu

Krónan og fullveldið gerðu Íslendingum mögulegt að spyra fótum við botni strax eftir kreppu. Krónan lagaði sig að efnahagslegum aðstæðu okkar, ólíkt það sem evran gerir fyrir smærri þjóðirnar í myntbandalaginu.

Fullveldið nýttum við til að gera samninga við erlenda kröfuhafa í þrotabú bankanna án handleiðslu frá ESB-ríkjum - eftir að hafa hafnað forsjá þeirra í Icesave-málinu.

Krónan spilar saman með fullveldinu og eykur kaupmátt launafólks.

Kaupmáttur aukist um 11,6% á einu ári

Vinstrimenn endurvekja slagorðið ónýta Ísland

,,Ónýta Ísland," var óopinbert slagorð vinstristjórnar Jóhönnu Sig. Slagorðið skilaði Samfylkingu og Vinstri grænum eftirminnilegum ósigri í síðustu þingkosningum.

Björn Valur Gíslason varaformaður Vinstri grænna tekur að sér að endurvekja slagorðið um ónýta Ísland undir eilítið öðrum formerkjum. Nú heitir það að Ísland sé aðhlátursefni um víða veröld.

Meginheimild Björns Vals er Hjörtur Smárason sem titlar sig ,,sérfræðing í ímyndarmálum landa og borga" í aðsendri grein í Fréttablaðinu. Þessi sami Hjörtur fékk uppslátt í Morgunblaðinu fyrir nokkrum árum sem sérfræðingur í gömlum hamborgurum. Hann býr í Danmörku og nýjasta verkefni hans er bjarga Afríku. Í því verkefni segist hann mannfræðingur.

Á fésbókarsíðu sinni skrifar Hjörtur 6. maí: ,,Það er svo súrrealískt að fylgjast með Íslandi. Versti brandari ársins. Ég myndi flytja úr landi ef ég væri ekki þegar búinn að því."

Björn Valur hlýtur að elta Hjört til útlanda og gera hróp að Íslandi úr fjarlægð. Eftir næstu þingkosningar.

Bjarni Ben, RÚV og hjónaband í helvíti

RÚV sýndi í gærkvöldi áróðursþátt gegn krónunni. Bjarni Benediktsson fjármálaráðherra setti af því tilefni inn færslu á fésbók sem fylgir hér að neðan.

Áróðurinn gegn krónunni byggir á þeirri forsendu að Íslendingar væru betur settir með evru í stað krónu. Í Bretlandi er umræða um hvort landið skuli halda áfram aðild að Evrópusambandinu. Einn þeirra sem tekur þátt í umræðunni, og vill að Bretar hafni ESB-aðild, er Roger Bootle. Hann vekur athygli á þeirri staðreynd að jafnvel þeir sem vilja Bretland áfram í ESB vilja alls ekki taka upp evruna.

Ástæðan er sú, segir Bootle, er að evran er hjónaband búið til í helvíti. Ábyrgaðlausir embættismenn í Brussel bjuggu til evruna í því skyni að þvinga fram pólitískan samruna Evrópuþjóða. Evran verður aldrei starfhæfur gjaldmiðill nema innan vébanda Stór-Evrópu, þar sem saman fer miðstýring ríkisfjármála og einn gjaldmiðill. Evran mun einfaldlega ekki standast sem gjaldmiðill án Stór-Evrópuríkis. Spurningin er aðeins hvenær og hvernig evran splundrast.

Ísland með sjálfstæðan gjaldmiðil, krónuna, stendur öllum evru-ríkjum framar í ríkisfjármálum af þeirri ástæðu að krónan endurspeglar íslenska hagkerfið; hún hækkar og lækkar í takt við íslenskt atvinnulíf. Krónan er ómissandi til að bregðast við aðstæðum hér á landi. Evran getur aldrei orðið slíkur gjaldmiðill.

Fésbókar færsla Bjarna Ben í tilefni af áróðursþætti RÚV um krónuna:

,,Það er sérstök upplifun að sitja hér á Alþingi í kvöld á sunnudagskvöldi þar sem við tökum stórt skref í átt til losunar hafta. Í matsalnum er hægt að horfa á þátt Ríkisútvarpsins um íslensku krónuna. Svo virðist sem mörg viðtöl í þættinum séu tekin fyrir einhverjum misserum, jafnvel árum, en að uppistöðu til voru viðmælendur með þann boðskap að krónan væri okkar bölvun.

Með öllu skorti á að sýna þann ávinning sem sjálfstæði í gjaldmiðilsmálum hefur fært okkur:

1. Samkeppnisstaða Íslands varð betri eftir hrun með veikari gjaldmiðli. Hinn valkosturinn hefði verið stórkostlegt atvinnuleysi.
2. Neyðarlögin hefðu verið óhugsandi án sjálfstæðis í gjaldmiðilsmálum og afar mikilvægt var að standa utan ESB og evru. Þetta var grundvöllur þess hvernig við tókum á föllnum fjármálafyrirtækjum.
3. Hrein erlend staða þjóðarbúsins hefur ekki verið betri í áratugi.
4. Hér er atvinnuleysi um 3%, hvergi lægra í Evrópu.
5. Við upplifum nú lengsta samfellda hagvaxtarskeið seinni tíma.
6. Skuldir ríkisins fara ört lækkandi.
7. Skuldir heimilanna hafa ekki verið lægri síðan fyrir aldamót.
8. Verðbólga er 1,6%.
9. Hér er umtalsverður viðskiptajöfnuður og gjaldeyrisforði mikill að byggjast upp.
10. Kaupmáttur launa hefur vaxið um 11% síðasta árið.

Ég spyr mig að því hvort hér hafi önnur hlið málsins verið dregin upp á Ríkisútvarpinu og næst komi þátturinn Hin hliðin."

Hvað felst í aflandskrónulögunum?

Mbl: helmingur Austurríkismanna er öfgamenn

Blaðamaður mbl.is segir að helmingur austurrísku þjóðarinnar aðhyllist öfgahægristefnu og hafi andúð á innflytjendum.

Öfgahópar eru samkvæmt skilgreiningu litlir minnihlutahópar á jaðrinum. Þegar frambjóðandi fær 50 prósent atkvæða í forsetakosningum, líkt og Norbert Hofer í Austurríki, ekki hægt að kalla frambjóðandann og kjósendur hans öfgamenn með rökum sem halda vatni.

Blaðamaðurinn, sem skrifaði fréttina, ætti að koma hreint fram við lesendur og segja: ,,ég er þeirrar skoðunar að sá sem hefur aðra pólitíska skoðun en ég sé öfgamaður." Fréttir sem þessi blaðamaður skrifar ættu að vera sérmerktar: Fréttir fyrir góða fólkið.

Öfgahægrimaður með forskot

Breskar sjávarbyggðir tapa á ESB-aðild

Um aldamótin síðustu voru um 80 til 100 togarar gerðir út frá Appledore og héraðinu þar í kring á suðvesturhluta Englands. Nýverið var síðasti togarinn seldur þaðan. Togarar frá meginlandi Evrópu sópa upp afla í breskri landhelgi.

Evrópusambandið stjórnar fiskimiðum aðildarríkja sinna. Fiskveiðistefna ESB hefur leitt til þess að breskir bátar misstu aðgang að fiskimiðum sínum og útgerðirnar lögðu upp laupana, segja viðmælendur blaðamanns Guardian, sem heimsótti Appledore nýverið.

Bretar greiða í næsta mánuði atkvæði um áframhaldandi aðild að Evrópusambandinu. Íbúar sjávarbyggða eru líklegri en aðrir til að hafna aðild að sambandinu.

Sigmundur Davíð á fullt erindi í íslensk stjórnmál

Sigmundur Davíð Gunnlaugsson var að ósekju hrakinn úr embætti forsætisráðherra. Þar fór saman skipulögð aðför RÚV, með tilheyrandi lygum og siðlausri blaðamennsku, almennt vantraust til stjórnmála og fremur sérkennileg embættisfærsla forseta Íslands.

Sigmundur Davíð gerði ítarlega grein fyrir fjármálum eiginkonu sinnar, sem var tilefni aðfarar RÚV, og hefur greinargerðin ekki verið vefengd.

Sigmundur Davíð reyndist þjóð sinni vel í andófinu gegn Icesave og enn betur þegar erlendum kröfuhöfum var settur stóllinn fyrir dyrnar vegna uppgjörs þrotabúa bankanna. Hann á fullt erindi í íslensk stjórnmál.

Sigmundur ætlar að halda áfram

Guðni Th. í gær og Guðni Th. í dag

Guðni Th. í gær talaði niður fullveldið til að mýkja andstöðuna við ESB-aðild. Hann sagði til dæmis:

Enginn dregur þó í efa að aðild að sambandinu fylgir framsal á fullveldi. Formlegt sjálfstæði minnkar. Er það þess virði? Eykst velmegun í staðinn? Eykst kannski raunverulegt sjálfstæði? Um þetta og margt annað er auðvitað deilt en sjálfstæði er teygjanlegt hugtak og háð aðstæðum á hverjum tíma, hvað sem hver segir.

Í dag sækist Guðni Th. eftir forsetaembætti fullvalda Íslands og talar ekkert um að sjálfstæðið sé ,,teygjanlegt".

Guðni Th. í gær gerði lítið úr baráttu Íslendinga í landhelgisstríði við Bretland og bar út íslenska sjómenn sem fórnuðu lífinu í seinni heimsstyrjöld. Þetta gerði Guðni Th. til að þóknast málflutningi vinstristjórnar Jóhönnu Sig. sem reyndi að gera landið að ESB-ríki undir slagorðinu ,,Ísland er ónýtt".

Í dag sækist Guðni Th. eftir umboði að tala máli þjóðarinnar á erlendum vettvangi og þarf að þykjast stoltur af sögu lands og þjóðar.

Guðni Th. í gær studdi versta alþjóðasamning lýðveldissögunnar, Svavars-samninginn í Icesave-deilunni. Í stað heiðarlegs uppgjörs við dómgreindarleysið býr Guðni Th. til blekkingarvef um að skoðun sín á Svavars-samningnum hafi ekki skipt máli.

Í dag vill Guðni Th. meina að hann sé maður orða sinna og hafi skoðanir sem skipti máli.

Við vitum hvernig Guðni Th. var í gær og hvernig hann er í dag. Byggt á þeirri vitneskju er ekki heppilegt Guðni Th. fái í bráð lyklavöld á Bessastöðum.

 

 

 

„Skemmtilegasti þáttur kosningabaráttunnar“