Sjálfstæðismenn leiða prinsippumræðu

Hversu víðtækar heimildir hafa stjórnvöld til að hefta frelsi einstaklingsins, t.d. um frjálsa för, á tímum farsóttar? Og hversu alvarleg ógn er kórónaveiran?

Þetta eru spurningar sem tveir þingmenn Sjálfstæðisflokksins og Arnar Þór Jónsson héraðsdómari vekja máls á.

Til þessa hefur umræðan fremur snúist um félagslega og efnahagslega hagsmuni, s.s. lokun skóla, aflýsingu menningarviðburða og rekstur ferðaþjónustu.

Umræða um meginreglur, prinsipp, er af hinu góða. Veruleikinn hefur tilhneigingu til að reisa meginreglum skorður.

Í grófum dráttum skiptist í tvö horn með veruleika seinni bylgju kórónufarsóttarinnar. Í einn stað að hún sé álíka alvarleg og fyrri bylgjan, og því verði að grípa til víðtækra ráðstafana til að hemja útbreiðslu. Í annan stað að seinni bylgjan sé vægari, valdi færri alvarlegri veikindum.

Tíminn, trúlega næstu 2-4 vikur, leiðir í ljós hvort of mikið hafi verið gert úr seinni bylgju faraldursins.

Önnur meginregla, að þegar líf fólks er í húfi skuli ekki lagt á tæpasta vað, má kalla varfærnisreglu. Hún er ráðandi sjónarmið sóttvarnaryfirvalda. Það er skynsamleg regla. Við búum í samfélagi og samfélög lúta reglum. Annars er ekkert samfélag.

Umræðan færist inn í þingið

Helga Björg er dæmdur árásarmaður, ekki Vigdís

Helga Björg skrifstofustjóri Dags borgarstjóra er dæmd fyrir að lítilsvirða undirmann sinn og haga sér eins og yfirmaður í hringleikahúsi.

Vigdís Hauksdóttir kom hvergi nærri þegar Helga Björg hamaðist þannig á undirmanni sínum að úr varð dómsmál þar sem Helga Björg var dæmd og Reykjavíkurborg greiddi skaðabætur.

Helga Björg er embættismaður sem talar eins og pólitíkus: ,,Það er skaðlegt að kjörnir fulltrúar þurfi ítrekað að verjast árásum borgarfulltrúans á mig og annað starfsfólk borgarinnar í stað þess að geta einbeitt sér að því að vinna að góðum málum í þágu borgarbúa, eins og þau eru kjörin til."

Helga Björg skrifaði færslu fyrr í sumar til að vekja athygli á sjálfri sér líkt og stjórnmálamönnum er tamt.

,,Neyðarviðbragð" Helgu núna sýnir enn og aftur að hvorki eru henni mannleg samskipti ýkja töm og enn síður að hún hafi tileinkað sér siðu og háttu embættismanna.

Helga Björg er á ábyrgð Dags borgarstjóra. 

Færsla Helgu Bjargar „neyðarviðbragð“

RÚV-Helgi, Seðlabankinn og samsærið

Helgi Seljan og Kastljós RÚV vissu sem var að Excel-skjal Verðlagsstofu skiptaverðs með hráum aflatölum var ekki ekki næg heimild fyrir frétt um meint lögbrot Samherja um gjaldeyrisviðskipti. 

Helgi fór fyrst til skattayfirvalda með tölurnar sínar en var vísað frá. Seðlabankinn, sem var nýkominn með heimildir til að rannsaka og útskurða um meðferð gjaldeyris, féll aftur fyrir bragði Helga og Kastljóss.

Mögulega hefur Helgi gefið til kynna að ef Seðlabankinn spilaði ekki með yrði gerð frétt um hve bankinn sinnti gjaldeyriseftirliti slælega.

Þegar Seðlabankinn beit á agnið var gert samkomulag milli Kastljóss og bankans að RÚV fengi að vita hvenær húsleit yrði gerð hjá Samherja. 

Um leið og RÚV hafði myndefnið af húsleitinni gat Kastljós farið með ónýta heimild í lofið og borið sakir á Samherja. Húsleitin skapaði bæði dramatík, gott sjónvarp, en gaf einnig faglega réttlætingu á birtingu efnis sem stóðst ekki skoðun.

Kastljósþátturinn var sendur út að kveldi þess dags þegar húsleitin fór fram.

Helgi flaggaði í sjónvarpinu tölunum og kallaði þær skýrslu en það var uppspuni, lygi. Í málaferlunum, sem risu af húsleitinni, var Samherji sýknaður í Hæstarétti.

Það blasir við að tvær opinberar stofnanir, RÚV og Seðlabanki Íslands, stóðu að samsæri gegn fyrirtæki.

Ef þetta kallar ekki á opinbera rannsókn er réttaröryggi lýðsveldisins stórlega ábótavant.

Landamæri lokuð - ESB gefst upp

Um alla Evrópu er sett á farbann milli þjóðríkja, annað tveggja með ströngum áminningum að ferðast ekki til tiltekinna landa, sbr. Þjóðverjar gagnvart Spáni, og/eða kröfum um sóttkví og skimun.

Evrópusambandið, sem í orði kveðnu tryggir frjálsa för milli aðildarríkja sinna, þegir þunnu hljóði. Frá Brussel heyrist ekkert um samevrópskar sóttvarnir.

ESB er eitt stórt núll í aðalálitamáli samtímans.

Keppast um að sleppa við sóttkví

Ferðaþjónustan skaut sig í fótinn í vor

,,Úlfur, úlfur," hrópaði ferðaþjónustan í vetur og vor þegar mildar aðgerðir voru kynntar í farsóttarvörnum. Eftir hávaða ferðaþjónustunnar var skimunargjald á Keflavíkurflugvelli lækkað um tugi prósenta og ferðamenn frá völdum ríkjum undanþegnir.

Ferðaþjónustan gerði lítið úr innlendum ferðamönnum, sagði að þeir fylltu ekki skarð þeirra útlendu. Þegar seinni bylgja farsóttar skall á landinu seint í júlí átti ferðaþjónustan enga góðvild inni, hvorki hjá stjórnvöldum né almenningi.

Tveir kostir voru í stöðunni fyrir stjórnvöld. Að loka menningar- og íþróttalífi og leggja af skólahald en halda ferðalögum til og frá landinu opnum eða þrengja farþegaflutninga milli Íslands og útlanda og sjá fram á að daglegt líf fólks kæmist fyrr í eðlilegt horf.

Niðurstaðan var einboðin. Við rekum ekki samfélag hér á landi í þágu fyrirtækja. Þjóðin fyrst, síðan fyrirtækin.

„Búið að loka íslenskri ferðaþjónustu“

Var Helgi Seljan leiddur í gildru?

Einhver bað um gögn frá Verðlagsstofu skiptaverðs. Sá sem fékk gögnin vildi að þau yrðu túlkuð af dómgreindarlausum og drýldnum fréttamanni. Sá var auðfundinn.

RÚV neitar að láta af hendi gögnin. Þau afhjúpa hve einfalt er að blekkja stjörnublaðamanninn á Hinstaleiti annars vegar og hins vegar hversu ósvífnin var mikil í rangtúlkun fréttamannsins.

Hver skyldi hafa beðið um gögnin?

Trúir ekki öðru en að RÚV afhendi gögnin

Gyðingahatur múslíma

Í hvert skipti sem ögn friðvænlegra horfir i miðausturlöndum rjúka múslímaríki upp til handa og fóta og fordæma hænuskref til friðar. 

Almennt geta múslímaríki ekki hugsað sér tilverurétt Ísraelsríkis.

Ástæðan er sú að Ísrael er eina lýðræðisríkið í þessum heimshluta. Trúarmenning múslíma líður ekki veraldarhyggju lýðræðisins þar sem kóraninn og sharía-lög eru víðs fjarri.

Fordæma samkomulagið og tala um svik

Hliðarveruleiki Stefáns og Helga á RÚV

Vörn RÚV í stóra skýrslufölsunarmálinu er að birting í sjónvarpi á gögnum (skýrslum, minnisblöðum, Excel-skjölum og öðru slíku) jafngildi því að gögnin séu lögð fram.

Svo er ekki. Þegar sýnd er hreyfimynd af pappírum á sjónvarpsskjá í fáeinar sekúndur þá er ekki verið að leggja gögn fram. Það er verið að blekkja fólk og telja því trú um að sjónvarpið, RÚV í þessu tilfelli, hafi lögmætar heimildir.

Stóra skýrslufölsunarmálið er að RÚV falsaði og blekkti; sagði að til væri skýrsla sem ekki var tilfellið.

Hliðarveruleiki Stefáns útvarpsstjóra og Helga Seljan, að hreyfimynd í sjónvarpi sé æðri hlutlægum veruleika, undirstrikar hve Efstaleiti er úr öllum takti við hversdagslegan reynsluheim.

Ekki enn svarað erindi Samherja

Fyrirmynd Íslands: Nýja-Sjáland eða Svíþjóð?

Á Ísland að loka landamærunum eins og Nýja-Sjáland til að verjast farsóttinni eða hafa þau opin eins og Svíþjóð láta lífið ganga sem mest sinn vanagang?

Eftir að smit kom upp í Nýja-Sjálandi voru settar á víðtækar hömlur til að uppræta farsóttina á nýjan leik. Þetta er einn ókostur lokaðra landamæra. Þau eru ekki smitheld.

Svíar fengu skömm í hattinn fyrir að grípa ekki til nógu víðtækra lokana. En núna eru Svíar af sumum, t.d. dálkahöfundi Telegraph, krýndir sigurvegarar kófvitsins.

Engin ein farsóttarvörn er til fyrir heilt samfélag. Kostir og gallar fylgja hvortveggja leið Nýja-Sjálands og Svíaríkis.

Við ríkjandi aðstæður er ágætt að hafa gullvæga reglu í huga.

Meðalhófið.

14 ný smit á Nýja-Sjálandi

Hversu mikið má ljúga í fréttum?

Er í lagi að blaðamenn ljúgi upp heimildum, segist vera með skýrslu en hafa enga? Er í lagi að fréttamenn gangi með gögn á milli ríkisstofnana til að fá þær að rannsaka mál sem ekkert er? Er í lagi að  blaða- og fréttamenn hafi í hótunum að búa til fréttir sem koma fólki og fyrirtæjum illa? Er í lagi að fréttamaður falsi gögn til að koma höggi á saklaust fólk?

Svarið við öllum þessum spurningum er nei, sé tekið mið af siða- og vinnureglum blaðamanna. 

En svarið verður já, sé tekið mið af afstöðu RÚV, Samtaka fréttamanna og Blaðamannafélags Íslands.

 

Skilur ekki ákall Samherja um birtingu gagna