Katrín og sérfræðifáviskan

Veðurfar og loftslag eru flókin fyrirbæri. Veðurspár gilda ekki nema 5-7 daga fram í tímann. Ef breytingar á loftslagi væru einfaldar og skiljanlegar væri hægt að gera veðurspár til vikna, mánaða og ára. En það er ekki hægt.

Heiðarlegir loftslagsvísindamenn, t.d. Judith Curry, benda á að veðurkerfi eru ósmættanleg, stærri en summa eininganna sem þau eru gerð úr. Þegar kerfi einkennist af óreiðu er ekki vinnandi vegur að spá fyrir um hegðun þess. Annars væri engin óreiða. Loftslagsglópar reyna að telja okkur trú um að ein eining, koltvísýringur, stjórni ferðinni í loftslagi jarðkringlunnar. Það er trú en ekki vísindi. 

Katrín forsætis segir ,,út­reikn­ing­ar sér­fræðinga" sýna fram á árangur stjórnvalda í loftslagsmálum. Útreikningarnir gætu komið úr hvaða deild Háskóla Íslands sem er, t.d. deild kynjafræði, guðfræði eða raunvísinda, en yrðu alltaf jafn marklausir um áhrif Íslendinga á loftslagsbreytingar.  

Telja sig geta náð settum markmiðum

Athugasemdir

[Benedikt Halldórsson, 23.6.2020 kl. 16:02]

Vel orðað.

[Kolbrún Hilmars, 23.6.2020 kl. 16:09]

Svo er nú hitt, hvað 0.004% mannkyns (íslendingar) hafa á heildaráhrifin, hvort sem eru til mengunar eða loftslagsbreytinga?  

[Benedikt Halldórsson, 23.6.2020 kl. 17:46]

Það er ljóst að það sem áður var vinstri er orðið að frumstæðum træbalisma. Rökhugsun er oftast víðsfjarri. Stuðningur eða andstaða við mál byggir ekki á sjálfstæðri "skoðun" einstaklinga, heldur á sterkum tilfinningum.

Annars vegar er það bullandi vinátta, kærleikur og fullkominn samstaða allra í "hópnum" - að hætti apa. Hins vegar, afar sterkar ógeðstilfinningar í garð andstæðinganna sem ekki er hægt að þýða yfir á mannamál vegna geðshræringar - en akivistar túlka þær.

Hópurinn hatar einkabíla eins og pestina og kallar það einkabílisma ef fólk vogar sér að nálgast miðbæinn á sinni eigin bifreið, sem er tákn hins illa kapítalisma eða eitthvað í þá áttina. 

"Það er ó­þolandi "Trumpismi" að lítill hópur skuli komast upp með gas­pur um að einka­bíllinn eigi for­gang - alls­staðar! Það er árið 2020 núna og mengun einka­bílsins á ekki rétt á sér."

Hópurinn vill Borgarlínu vegna þess að nú er 2020. Það samþykkir "loftslagsvána" svo að hægt sé að koma á Borgarlínu, svo hægt sé að losna við einkabíla annarra úr miðbænum. 

[Benedikt Halldórsson, 23.6.2020 kl. 18:21]

Ef fólk staldrar aðeins viö, sjá allir að það er ekki nein þörf á Borgarlínu.

[Ágúst H Bjarnason, 23.6.2020 kl. 22:12]

Hve mikilli viðbót við heimshlýnun næstu 100 ár veldur öll losun Íslendinga á CO2…?

http://www.agust.net/wordpress/2020/01/01/hve-mikilli-heimshlynun-veldur-oll-losun-islendinga-a-co2/

[Hörður Þormar, 23.6.2020 kl. 23:51]

Hvorki vil ég né get kallað þá "heimskingja" eða "loftslagsglópa" sem draga í efa að hlýnun loftslagsins á jörðinni stafi af mannavöldum, þeir geta haft sín rök.

Eðlisfræðiprófessorinn, Harald Lesch, heldur þó öðru fram. Hann fullyrðir að hlýnunin sé af mannlegum völdum og þar með að vegna gróðurhúsaáhrifa sé  hlýnunin meiri í námunda við skautin heldur en miðbaug og meiri á vetrum heldur en á sumrin. Ýmis fleiri rök dregur hann fram.

Kannski er Harald Lesch einn af þessum títtnefndu "loftslagsglópum", en ef einhver vildi ómaka sig með því að kynna sér þessi viðhorf hans, þá er hér smá sýnishorn af þeim.

Hægt er að setja íslenskan undirtexta við pistilinn:

                  Ist die Sonne schuld am Klimawandel? | Harald Lesch               

[Sigurður Kristján Hjaltested, 26.6.2020 kl. 18:14]

Já merkilegt hve þessir loftlagsglópar eru tilbúnir að tilkynna

heimsendinn. Þegar rauverulegar vísindarannsóknir eru skoðaðar,

sem má bara aldrei tala um, þá hafa jarðvísindamenn sýnt fram

á það, að um aldamótin 1000 var meðalhit hér á landi hátt í 15 gráður.

Hér voru skógar frá fjalli ofan í fjöru og heilmikið til af heimildum um 

það. Þá hlýtur staðreyndinn að vera sú, samkvæmt loftlagsglópalistakenninguni,

að á þeim tíma voru víkingarnir siglandi á dísilknúnum skipum.

Það var meira CO2 í andrúmsloftinu þá sem sannar að þeir notuð

ekki segl,,,;)