Óstofnað félag stærra en Framsókn

Óstofnað stjórnmálafélag Sigmundar Davíðs er orðið stærra en Framsóknarflokkurinn, mælt í áhuga og athygli sem félagið fær. Framsókn undir núverandi forystu er brauðmolaflokkur sem lætur sér nægja að hirða molana af veisluborði stjórnmálanna.

Undir forystu Sigmundar Davíðs var Framsóknarflokkurinn leiðandi afl í stjórnmálum, setti dagskrá umræðunnar og fór með forystu í ríkisstjórn.

Framsóknarmenn geta engum kennt um nema sjálfum sér. Hallarbylting fyrrverandi formanna kortéri fyrir síðustu kosningar leiddi flokkinn út í eyðimörkina.

 

Fyrrverandi formenn stjórna

Fjölmenning elur af sér hryðjuverk

Í skjóli fjölmenningar rækta múslímar um öll vesturlönd menningarkima sem í vaxandi mæli ala af sér hryðjuverkamenn. Vinstriútgáfan Guardian í Bretlandi finnur þennan samnefnara í samantekt um múslímska hryðjuverkamenn síðustu ára.

Niðurstaða Guardian er að hryðjuverkamennirnir eru ekki á mála tiltekinna samtaka öfgamúslíma heldur styðja þeir almennt íslamska hugmyndafræði, en kjarni hennar er að heimurinn skiptist í trúaða og vantrúaða.

Trúarmenning múslíma er samkvæmt greiningu Guardian rót þess vanda sem við er að glíma. Múslímar aðlagast ekki vestrænum siðum og háttum og ala með sér á andstyggð grunngildum vestrænnar menningar. Og það skýtur skökku við, svo ekki sé meira sagt, að vestrænar þjóðir bjóði heim þessum vandræðum.

Bróðir og faðir Abedis handteknir

Svitabolur Benedikts

Svitabolur með evrutákni er stefna fjármálaráðherra í peningamálum þjóðarinnar. Skiljanlega er Benedikt sveittur yfir ástandinu; Viðreisn er fylgislaus, krónan sterkasti gjaldmiðill í heimi og evran í endalausum vandræðum.

Benedikt er þekktur fyrir sérstakan húmor, sem stundum skautar yfir í smekkleysi.

Pólitísk stefna á svitabol er aulabrandari sem hittir höfundinn sjálfan fyrir.

 

 

Var allt í þvotti hjá ráðherra?

Sannfæring og sjálftekt: tveir formenn í vanda

Félagasamtök kjósa sér talsmenn sem búa að sannfæringakrafti, gildir bæði um Öryrkjabandalagið og Neytendasamtökin.

Einstaklingum með sterka sannfæringu hættir til ofmetnaðar, telja sig hafna yfir skráðar og óskráðar reglur.

Skráðar og óskráðar reglur eru límið í samfélaginu. Ef þær eru brotnar af einstaklingum sem sannfærðir eru um að eigið ágæti sé meira en annarra er komið út í ógöngur.

Fyrirframgreiðsla endurgreidd að fullu

Mannkynið varð til í Evrópu

Nýjar rannsóknir færa upphaf mannsins til Evrópu frá Afríku. Til skamms tíma var talið að sameiginlegur forfaðir okkar tegundar, homo sapiens, og núlifandi apa kæmi frá Afríku. Aðskilnaður tegundanna hafi orðið fyrir um 7 milljónum ára.

Tveir steingervingar af formanni, sem fundust í Búlgaríu og Grikklandi, og eru 7,2 milljónir ára staðsetja upphaf tegundarinnar í Suður-Evrópu.

Týndi hlekkurinn er nefndur Graecopithecus freybergi, með viðurnefnið ,,sá gríski". Fái fundurinn staðfestingu í vísindasamfélaginu verður Grikkland bæði fæðingarstaður mannkyns og lýðræðis.

Grikkland í dag er marggjaldþrota land með örlög Evrópusambandsins í hendi sér. Sem minnir okkur á tvenn íslensk spakmæli um að oft velti lítil þúfa þungu hlassi og að allt sé í heiminum hverfult.

Frjálslynd hryðjuverkasamúð

Eiríkur Bergmann á RÚV, auðvitað, túlkar frjálslynda hryðjuverkasamúð. Eiríkur

segir að tilgangur hryðjuverka eins og þess sem framið var á tónleikastað í Manchester í gærkvöld, sé að grafa undan opnu, frjálslyndu samfélagi. Hin mikla athygli sem glæpaverk sem þessi fái, geti ýtt undir þau.

Frjálslynda hryðjuverkasamúðin biður almenning að líta undan þegar saklausum er slátrað í nafni öfgatrúar.

Ef við látum eins og ekkert sé, eru rök Eiríks, munu hryðjuverkamenn hætta óhæfuverkum sínum. Eiríkur gefur sér að hryðjuverkamenn þrífist á athygli, líkt og frjálslyndir vinstrimenn.

En óvart eru hryðjuverkamenn ekki eins og athyglissjúkir vinstrimenn á opinberu framfæri. Sú tegund hryðjuverkamanna sem tröllríður húsum á vesturlöndum síðustu ár sækir rök sín í trúarmenningu næst fjölmennustu trúarbragða heims, íslam.

Múslímatrú er herská og drottnandi. Hún skiptir fólki í trúaða og vantrúaða. Frjálslynd hryðjuverkasamúð Eiríks og hans nóta gerir ekki annað en að hvetja öfgamenn til dáða. Samúðin er túlkuð sem undirgefni. Með réttu.

Árásarmaðurinn var 22 ára

Sjálfstæðisþingmenn utan ríkisstjórnar

Ef það er rétt að einhverjir þingmenn Sjálfstæðisflokksins ætla ekki að styðja fjármálaáætlun ríkisstjórnarinnar er ríkisstjórnin fallin.

Ríkisstjórnarþingmenn geta ekki eina stundina stundað meirihlutasamstarf en þá næstu sagt sig frá ríkisstjórnaraðild.

Eftir frétt Morgunblaðsins verða sjálfstæðisþingmenn utan ríkisstjórnar að gefa sig fram. Ef þessir þingmenn eru ekki tækir í ríkisstjórn verður að gera viðeigandi ráðstafanir.

Sjálfstæðismenn samþykkja ekki

Mannfórnir og mannréttindi

Hryðjuverk gegn saklausu fólki í hversdagsönnum valda ótta og tortryggni meðal almennings annars vegar og hins vegar sýna þau vanmátt stjórnvalda að gegna frumskyldu sinni, sem er að tryggja öryggi borgaranna.

Af ótta, tortryggni og vanmætti spretta öfgar. Almenningur og stjórnvöld eru beinlínis knúin til öfga þvert gegn vilja sínum.

Þeir sem standa fyrir hryðjuverkum telja að mannfórnir og öfgarnar sem þeim fylgja þjóni málstað.

Mannfórnir í þágu málstaðar er óhugsandi afstaða á vesturlöndum. Enginn málstaður stendur ofar mannréttindum, en þar er rétturinn til lífs helgastur.

Öryggi um eigið líf er ein af frumhvötum mannsins. Tilviljanakenndar mannfórnir svipta almenningi þessu öryggi.

Í skiptum fyrir aukið öryggi verður almenningur tilbúinn að fórna afleiddum mannréttindum, t.d. til einkalífs. Öryggishagsmunir fá forgang umfram réttinn til að fá að vera í friði fyrir stjórnvöldum með sitt og sína.

Víðtækari vernd og sterkara ríkisvaldi fylgir aðgreining milli þjóðfélagshópa. Ólíkt tilviljanakenndum mannfórnum sýnir óyggjandi reynsla að uppspretta hryðjuverka ræðst ekki af tilviljun.

 

 

Óttast um börn og unglinga

Íhaldið sigrar nýfrjálshyggjuna

Áfengi í matvöruverslanir var kynnt sem stríðsmál frjálslyndra nýfrjálshyggjumanna í Sjáflstæðisflokki, Pírataflokki, Viðreisn og Bjartri framtíð.

Umræðan í þjóðfélginu er nær öll á einn veg: áfengi í matvöruverslanir er mótmælt.

Í stuttu mál gjörsigraði íhaldssemi nýfrjálshyggjuna.

Þeir sem eru læsir á pólitík ættu að draga lærdóm af.

 

 

Sópa sannleikanum undir teppið

Kommúnistaveiðar - Trump skotmark

Kommúnistar voru útilokaðir frá opinberum embættum og áhrifastöðum i Bandaríkjum um miðja síðustu öld. Kalda stríðið var í hámarki og valið stóð á milli kapítalisma og lýðræðis annars vegar og hins vegar kommúnisma og einræðis, að sagt var.

Guardian segir að í mörgum fylkjum Bandaríkjanna séu enn í gildi lög sem þrengja kost kommúnista, þótt hæstiréttur þar í landi hafi úrskurðað að lögin brjóti gegn stjórnarskránni.

Þeir sem fylgjast með gangi heimsmála, en það gera ekki nærri allir Bandaríkjamenn, vita að Sovétríkin liðuðust í sundur fyrir aldarfjórðungi. Kommúnismi sem hugmyndafræði er álíka á dagskrá heimsmála og hugmyndir jesúíta um alræði kaþólsku kirkjunnar.

En lengi lifir í gömlum glæðum. Trump forseti á í vök að verjast vegna þess að hann þykir of vinsamlegur Rússlandi, sem einu sinni var hluti Sovétríkjanna og alheimskommúnisma.

Það má kalla þetta menningarlega mishröðun, orðræðan miðast við kringumstæður sem ekki eru lengur fyrir hendi. En hlutina má líka nefna réttum nöfnum og kalla kommúnistaveiðar samtímans fávitahátt.

Stuðningsmenn stoltir af að verja Trump