Múslímar kljúfa Evrópu

Bretar samþykktu úrsögn úr Evrópusambandinu, Brexit, til að koma í veg fyrir að höfuðstöðvar ESB í Brussel gætu ákveðið hve margir múslímar kæmu til Bretlands. Íslamskir stríðsmenn kenna sig við heilagt stríð og þeim fjölgar í réttu hlutfalli við aukningu múslímskra flóttamanna.

Guy Verhofstadt forseti bandalags frjálslyndra á Evrópuþinginu vill dreifa múslímskum flóttamönnum um alla álfuna. Hann boðar aðgerðir gegn Ungverjum og Pólverjum sem leggjast gegn viðtöku flóttamanna. Forsætisráðherra Póllands segir valdaelítuna í Brussel ,,brjálaða" að hleypa verðandi stríðsmönnum heilags stríðs inn í Evrópu.

Austur-Evrópuþjóðir hýsa fáa múslíma. Í Varsjá og Búdapest eru líka fá, ef nokkur, hryðjuverk framin af íslamistum. Hryðjuverkin er framin þar sem músímar búa; Berlín, París og nú síðast í Manchester. Valdhafar í Póllandi og Ungverjalandi njóta stuðnings almennings að bægja frá landamærum sínum tilvonandi hryðjuverkamönnum.

Menningarstríðið milli frjálslyndra múslímavina í Vestur-Evrópu gegn íhaldsmönnum í Austur-Evrópu leysist ekki í fyrirsjáanlegri framtíð.

Og já, vel að merkja, Verhofstadt og þeir frjálslyndu segja Pútín Rússlandsforseta standa að baki íhaldsöflum í Póllandi og Ungverjalandi. Auðvitað.

 

Fleiri ganga hugsanlega lausir

MR sýnir tapað jafnrétti; gjaldfall menntunar næst?

Stúlkur eru 60 prósent þeirra sem útskrifast með stúdentspróf frá Menntaskólanum í Reykjavík í ár en drengir 40 prósent. MR útskrifar verðandi sérfræðinga, sem í fyllingu tímans taka við mannaforráðum í samfélaginu. Konur verða þar ríkjandi en karlar víkjandi.

Bóknám í framhaldsskóla er undirbúningur undir háskólanám. Þar er útskriftarhlutfall kynjanna orðið 70-30 konum í vil. Háskólamenntaðir karlar eru hverfandi fyrirbæri.

Engin umræða er í samfélaginu um þessar róttæku breytingar. Hvorki er reynt að grafast fyrir um ástæðurnar að baki né að dregnar séu ályktanir um áhrifin.

Ein augljós afleiðing er að jafnrétti kynjanna glatast. Ekki er hægt að tala um jafnrétti þegar annað kynið myndar 70 til 80 prósent af sérfræðistétt landsins (kennarar, lögfræðingar, verkfræðingar, læknar o.s.frv.)

Önnur möguleg afleiðing af kynjaskekkjunni er gjaldfall menntunar. Til skamms tíma var nánast jafnaðarmerki milli aukinnar menntunar og betri tekna. Líkur eru á að þetta samband rofni og sjást þess þegar merki. Háskólamenntun skilar í dag ekki sömu tekjum og áður, miðað við aðrar starfsstéttir.

Öllu verra er að annað kynið, þ.e. karlar, mun í vaxandi mæli líta á menntun sem eitthvað afbrigðilegt - framandi fyrirbæri sem konum er ætlað. Karlar fá annað hlutverk en að standa konum jafnfætis í menntun.

Spurningin er hvaða hlutverk það verður.

 

Dúxaði í MR með 9,87 í einkunn

Vinstrimenn biðja um lögregluríki

Vinstrimenn, sem Times segir almennt veiklundaða, vakna upp við vondan draum. Samfélgið þeirra brotnar undan herskárri hugmyndafræði íslamista er boða karlstýrt samfélag þar sem réttindi kvenna og minnihlutahópa eru fótum troðin.

Vinstrimenn síðustu áratuga eru mótfallnir sterkri lögreglu í lýðsræðisríkjum. Venjan er að úthúða lögreglunni sem varðhundum valdsins.

En vinstrimen virðast ná áttum upp á síðkastið. Lögreglan er forsenda samfélagsfriðar. Dæmi um vinstrimann sem sér ljósið er Paul Mason dálkahöfundur á vinstriútgáfunni Guardian. Mason biður um nýja sérsveit innan bresku lögreglunnar til að berjast gegn herskáum múslímum og tíu þúsund nýja lögreglumenn.

Bragð er að ef sjálfur finnur.

23 þúsund íslamistar í Bretlandi

Frelsi, íhald og markaður

Frelsishugmyndir okkar byggja á rúmlega 200 ára byltingum, þeirri amerísku og frönsku. Þaðan eru komin nútímasjónarmið um að einstaklingurinn eigi náttúrulegan rétt að leita hamingjunnar á eigin forsendum.

Tilraun til að samræma einstaklingsfrelsið ríkisvaldi er sæi um allar þarfir borgaranna, rússneska byltingin 1917 undir formerkjum kommúnisma, mistókst.

Markaðurinn og frjáls verslun varð ráðandi verkfæri til að ákvarða skiptingu efnislegra lífsgæða. Tímabilið eftir seinni heimsstyrjöld var sigurför frjálsa markaðarins. Sovétríkin og bandalag kommúnistaríkja liðaðist í sundur 1989/1991 var sigur vestrænnar markaðshugsunar á alltumlykjandi ríkisvaldi.

En síðasta aldarfjórðunginn lætur markaðurinn á sjá. Vegna markaðarins er vaxandi ójöfnuður á vesturlöndum. Kynslóð vex úr grasi sem sér fram á verri lífskjör en foreldrar sínir. Mótmælin eru þegar hafin. Brexit og Trump eru afleiðing af markaðsbrestum.

Viðspyrna gegn upplausninni er víðtæk leit að fornum gildum, þeim sem gerðu vestrænar þjóðir að traustum og stöndugum samfélögum. Jafnvel Þjóðverjar, sem þora helst ekki að líta um öxl, af ótta við að sjá þar Hitlerinn sinn, stinga sér út í djúpu laugina og ræða þýsk gildi.

Á Íslandi er umræðan með þjóðlegum brag. ESB-umsóknin var spurning hvort við ættum að gefa okkur á vald markaði Evrópusambandsins eða halda í þjóðfrelsið sem Jón Sigurðsson lagði grunninn að um miðja 19. öld. Samhliða þeirri umræðu laskaðist stjórnmálakerfið, m.a. með innkomu Pírata og nú síðast með tilraun til stofnunar sósíalistaflokks.

Ekkert af umræðunni, sem að ofan greinir, verður til á alþingi Íslendinga. Alþingi er endastöð umræðunnar en ekki upphaf. Og einmitt þess vegna er bráðsnjöll hugmynd Sigmundar Davíðs Gunnlaugssonar að stofna Framfarafélagið núna kl. 11 í Rúgbrauðsgerðinni.

Geta lokið störfum samkvæmt áætlun

MS sem elítuskóli og kerfið

Tveir framhaldsskólar, MR og Versló, eru hversdags kallaðir elítuskólar og jafnvel að MH sé í þeim flokki. Í þessa skóla sækja bestu námsmennirnir.

Meðal skólamanna er talað um að MS, Menntaskólinn við Sund, hafi sett sér markmið um að komast í þennan flokk með því að taka aðeins inn úrvalsnemendur. Orð Más rektors um minna brottfall rennir stoðum undir umtalið. Úrvalsnemendur falla síst frá námi.

En kerfið miðast ekki við elítuskólana heldur er eitt fyrirkomulag fyrir alla framhaldsskóla. Skóli sem ákveður að fylla ekki árskvótann, t.d. vegna þess að hann vísar frá nemendum með meðaleinkunn eða lægri, lendir síðar meir í vandræðum vegna þess að skólar frá greitt fyrir nemendur sem stunda þar nám, án tillits til þess hvort þeir séu góðir námsmenn, meðalnámsmenn eða slakir.

Már rektor talar um ,,fáránlegt kerfi". En kerfi sem virkar fyrir nær alla aðra skóla en MS getur varla verið út í hött. Hér er maðkur í MySunni.

„Þetta er fáránlegt kerfi“

Múslímastjórnmál og vestrænt lýðræði

Erdogan Tyrklandsforseti rekur milda útgáfu af múslímskum hreintrúarstjórnmálum; hann rekur mann og annan úr opinberum embættum. Hreinsanir af þessu tagi voru algengar í Austur-Evrópu þegar heimshlutinn var undir alræði kommúnista.

Á Gasa-ströndinni stunda Hamas-samtökin harðari útgáfu af múslímapólitík og taka menn af lífi án dóms og laga.

Í trúarmenningu múslíma er ríkur stuðningur við að gera trúarlöggjöf múslíma, sharía, að landslögum. Vestrænt lýðræði og múslímastjórnmál eru ósamrýmanleg.

Hamas tók þrjá af lífi

Ríki íslams og Nató sem alheimslögga

Ríki íslams er heiti á hryðjuverkasamtökum annars vegar og hins vegar nafn á tilraun til að setja saman trúarríki múslíma á svæði þar sem nú eru Írak og Sýrland.

Sumir, t.d. dálkahöfundurinn Thomas L Friedman, vilja aðgreina baráttuna gegn hryðjuverkasamtökum múslíma á vesturlöndum frá stríðinu í miðausturlöndum.

Nató er ekki með neitt hlutverk sem hernaðarsamtök innan landamæra aðildarríkjanna. Nató er til að verja ytri landamæri aðildarríkja sinna.

Ef Nató fær aukið hlutverk að berjast gegn Ríki íslams verður vettvangurinn miðausturlönd. Nató var hvorki stofnuð sem alheimslögregla né eru samtökin til þess hæf.

Vestræn ríki ættu að hafa sem langtímastefnu að draga sig úr trúarstríði miðausturlanda en ekki að auka á hörmungarnar þar.

NATO í bandalagi gegn Ríki íslams

Verjum tungumálið - lokum Reykjavíkurflugvelli

Tungumálið stendur ofar viðskiptahagsmunum og öllum samgöngumannvirkjum. Flugfélag Íslands er háð tilvist Reykjavíkurflugvallar.

Þegar flugfélagið leggur til atlögu að tungumálinu með nafnbreytingu úr íslensku yfir í orðskrípi er sjálfsagt að grípa til varna.

Lokun Reykjavíkurflugvallar vegna orðskrípis yrði vitanlega róttæk aðgerð. En stundum þarf róttækar aðgerðir til að menn skilji alvöru málsins.

Mímir mótmælir nafninu

Slæm staða flokks án foringja

Tveir flokkar, Sjálfstæðisflokkur og Framsóknarflokkur, voru jafn stórir eftir kosningarnar 2013, hvor með fjórðungsfylgi. Flokkarnir mynduðu ríkisstjórn og endurreistu Ísland; sjálfsvirðingu þjóðarinnar var borgið með afturköllun ESB-umsóknar og hrunið gert upp í sátt við þjóðina.

Margir lögðu hönd á plóginn en forystan var í höndum Sigmundar Davíðs Gunnlaugssonar formanns Framsóknarflokksins og forsætisráðherra. Hann var maðurinn sem leiddi fram þá lausn í gjaldþrotamálum föllnu bankanna er tryggði farsæla niðurstöðu fyrir þjóðina.

Sigmundur Davíð varð fyrir rætnari árásum en dæmi eru um í seinni tíma stjórnmálasögu. Undir forystu RÚV var framleiddur spuni um að Sigmundur Davíð væri spilltur stjórnmálamaður. Hann var knúinn til að segja af sér embætti forsætisráðherra og kosningum var flýtt.

Rétt fyrir kosningarnar gekkst klíka í Framsóknarflokknum fyrir því að fella sigursælasta formann flokksins á þessari öld. Sigurður Ingi Jóhannsson þáði embætti formanns frá klíkunni.

Í kosningunum síðast liðið haust hrundi fylgi Framsóknarflokksins niður í 11,5 prósent á meðan samstarfsflokkurinn í ríkisstjórn, Sjálfstæðisflokkur, jók fylgið í 29 prósent.

Mælingar eftir kosningar sýna Framsókn fastan í tíu prósent fylgi. Flokkurinn, sem er eldri en lýðveldið, er verr staddur en nokkru sinni í 100 ára sögu Framsóknar.

Fyrirsögn viðtengdrar fréttar er ,,Sigmundur fær sömu tækifæri og aðrir" og er höfð eftir Sigurði Inga sitjandi formanni. En Framsóknarflokkurinn er án tækifæra þar sem flokkurinn fórnaði foringja fyrir formann.

 

 

 

Sigmundur fær sömu tækifæri og aðrir

Maðurinn skapaði sjálfan sig

Guð skapaði manninn var viðkvæðið fram á 19. öld. Þróunin skóp manninn, sagði Darwin fyrir hálfri annarri öld og gaf undir fótinn þeirri hugsun að maðurinn sé afleiðing náttúruvals. Maðurinn sé minnst sjálfur aðili að útkomunni.

Á seinni tímum er kominn fram sá skilningur að maðurinn sé meðvituð afleiðing eigin gjörða. Líffræðingurinn Kevin Laland á 30 ár að baki í viðleitni sinni að sýna fram á að menningin mótaði manninn. Menning, vitanlega, kemur hvorki frá guði né náttúrunni heldur manninum sjálfum.

Í nýrri grein teflir Laland menningunni fram sem meginmismun milli manna og dýra. Menning er hér skilin vítt, sem öll hæfni mannsins til að hafa áhrif á umhverfi sitt. Lykillinn að áhrifum á umhverfið, náttúruna og samfélagi manna, er merking. Ekkert verkfæri til merkingarframleiðslu er betra en tungumálið.

Með merkingarbæru tungumáli er hægt að kenna yngri kynslóðum og þar með hleðst upp menningarauður sem er forsenda fyrir undirbúningi, skipulagi og framkvæmd þeirra verka sem gerði manninn, en ekki aðrar dýrategundir, að húsbónda jarðkringlunnar.

Laland segir menningarauðinn allt að 2,5 milljón ára gamlan. Elstu útgáfur af forföður mannsins eru núna sagðar 7,2 milljónir ára. Darwinistar segja sjálfsagt að náttúruval kom við sögu áður en maðurinn fékk vit til að þróa merkingarbært tungumál. Þeir guðhræddu leita trúlega enn lengra aftur og spyrja um upphaf efnisins; getur eitthvað orðið til úr engu? Var ekki skapari á undan miklahvelli?

En þessi hugmynd, að maðurinn skapaði sjálfan sig, er rökrétt niðurstaða í samtímanum. Við höfnuðum guði og trúin að náttúrulögmál útskýri manninn fer minnkandi. Þá er þetta eftir: maðurinn skóp manninn.