Endalok stóra stjórnarskrármálsins - byltingin næst á dagskrá

Stóra stjórnarskrármálið var tilbúningur vinstrimanna. Þeir kenndu stjórnarskránni um hrunið og gerðu breytingar á henni að forgangsmáli. Stjórnarskráin er eldri en lýðveldið og aðeins dómgreindarlaust fólk tengir hana við hrunið. Stefið um ónýta Ísland var kyrjað af vinstrimönnum og meðhlaupurum þeirra til að afla málstaðnum fylgis.

Ólögmætar kosningar til stjórnlagaþings kenndi vinstrimönnum ekki neina lexíu. Þeir böðluðust áfram og skipuðu stjórnlagaráð sem hafði ekkert umboð frá þjóðinni.

Fyrir kosningarnar 2013 knúði meirihluti vinstrimanna á alþingi fram löggjöf um afbrigði í stjórnarskrármálinu. Lögin fá lítilfjörlegan dauðdaga, eins og til var stofnað.

Og hvað er að frétta af vinstrimönnum? Jú, þeir ætla að stofna byltingarflokk í nafni sósíalisma á morgun, 1. maí. Vitleysunni verður ekki logið upp á vinstrimenn.

Ákvæðið um þjóðaratkvæði fallið úr gildi

Guð, ofbeldi og samfélag

Guð, þessi kristni, birtist Íslendingum snemma sem ofbeldi. Ólafur Tryggvason Noregskonungur sendi til Íslands Þangbrand prest. ,,Hann var ofstopamaður mikill og vígamaður en klerkur góður og maður vaskur," skrifar Snorri.

Þangbrandur varð þiggja manna bani áður en hann sneri aftur til Ólafs og örvænti um kristnun Íslendinga. Ólafur hótaði að drepa alla Íslendinga í Noregi nema þeir tækju við Hvíta-Kristi.

Hagkvæmni og mögulega ótti við ofbeldi réð því að Íslendingar kristnuðust um sama leyti og Ólafur dó í orustunni við Svoldur. Málamiðlunin á alþingi 999/1000 var í þágu friðar og samfélagssátta. Íslendingar urðu kristnir að nafninu til, fyrsta kastið, en héldu heiðnum siðum. Goðarnir, sem áður voru heiðnir prestar, gerðust kirkjubændur. Allir undu glaðir við sitt.

Ofbeldi kemur við sögu í kristni allar aldir frá Rómverjum, sem gerðu kristni að ríkistrú, og fram á 19. öld. Jafnhliða ofbeldinu vex þeirri trúarsannfæringu ásmegin að Kristur, þessi eini sanni, boðaði ekki ofbeldi heldur trú, von og kærleika. Fái maður löðrung á kinn skal bjóða hinn vangann.

Kristni, síðustu hundrað árin eða svo, er mild útgáfa af hörðum sið. Eftir því sem trúin mildast verður trúræknin minni. Trúarsannfæring er óþörf í samfélagi sátta. Þar liggur munurinn á milli vestrænna þjóða, sem búa að kristni, og þjóða í miðausturlöndum er tilbiðja guð Múhameðs.  

Ekkert ofbeldi í guðs nafni

Töpuð vígstaða Viðreisnar

Viðreisn er stofnuð af óánægjufólki úr Sjálfstæðisflokknum er fylkti sér um ESB-málstaðinn, sem dó með Brexit. Hugmyndin að baki stofnun Viðreisnar var, eins og nafnið bendir til, að byggja brú til Samfylkingar.

Brúarsporður Samfylkingar er rústir einar og engar bjargir þaðan að fá. Eyjan/DV segir af óánægju þingmanna Viðreisnar með hve lítið mark er tekið á flokknum í stjórnarsamstarfi.

Trúverðugleiki stjórnmálaflokka ræðst af stöðu þeirra og framtíðarhorfum. Viðreisn mælist með um 5 prósent fylgi, veika málaefnastöðu og í algjöru sambandsleysi við ráðandi afl á vinstri vængnum, Vg. Af því leiðir er flokkurinn álíka marktækur og Samfylkingin.

Ríkissaksóknari og lessur að eðla sig

Óeðlilegur áhugi ríkissaksóknara á samkynhneigðu fólki leiðir til réttaróvissu um tjáningarfrelsið. Í gær tapaði ríkissaksóknari enn einu málinu fyrir dómi þar sem ákært var fyrir hatursorðræðu.

Í dómi héraðsdóms kemur fram að ákært hafi verið fyrir orðalag eins og ,,lessur að eðla sig." Hvað kemur ríkissaksóknara það við að einhver hafi orð á kynferðisathöfnum fólks?

Embætti ríkissaksóknara á ekki að vera einkaklúbbur fólks með sértækan áhuga á kynlífi og hatri á tjáningarfrelsi.

Dómsmálaráðherra og alþingi verða að grípa inn í málefni embættis ríkissaksóknara áður en frekari skaði hlýst af hatri ríkissaksóknara á frelsi borgaranna að tjá sig í ræðu og riti.

Gunnar Smári; firring, svik og sósíalismi

Ingi Freyr Vilhjálmsson blaðamaður er sá þriðji úr sömu fjölskyldu sem tapar peningum á atvinnurekstri Gunnars Smára nýorðins sósíalista. Ingi Freyr skrifar um Gunnar Smára:

Eiginlega er ótrúlegt að fylgjast með þessu, hvílíkt taktleysi og firring; það er eins og maðurinn kunni ekki að staldra aðeins við og skammast sín og spyrja sjálfan um erindi sitt til að taka þátt í stjórnmálastarfi miðað við skaðann sem síðasta ævintýri hans hefur valdið venjulegu fólki sem hann vill nú vinna fyrir sem stjórnmálamaður.

Á mánudag stofnar Gunnar Smári sósíalistaflokk til að gera byltingu. Hann ætti að byrja á sjálfum sér. Til þess þarf ekki stjórnmálaflokk. 

Samfélagsmiðlar og siðfræði kjarabaráttu

Siðaráð Kennarafélags Íslands beinir tilmælum til kennara að þeir ræði sín á milli stöðu umræðunnar innan stéttarinnar. Í orðsendingu siðaráðsins segir m.a.:

Tilkoma samfélagsmiðla þar sem auðvelt er að koma skoðunum sínum á framfæri hafa til dæmis gert mörk einkalífs og vinnu óljósari sem og skoðanaskipti beinskeyttari.

Þrjár síðustu reglur siðareglna kennara fylgja með en þær lúta að innbyrðis samskiptum kennara.

 

• Vinnur með samstarfsfólki á faglegan hátt.
• Sýnir öðrum fulla virðingu í ræðu, riti og framkomu.
• Gætir heiðurs og hagsmuna stéttar sinnar.

Samfélagsmiðlar auðvelda fólki að hafa skoðun, þar með talið um kjarabaráttu. Samfélagsmiðlar eru opnir allan sólarhringinn alla daga ársins. Þeir sem gefa sig í félagsstörf fá aldrei frí frá umræðunni.

Og umræðan er óvægin, ekki síst hjá kennurum. Eftir því sem magnið eykst myndast hvati til að taka sterkara til orða. Vammir og skammir og samsæriskenningar eru daglegt brauð í umræðuhópum kennara á fésbók.

Þess vegna þarf umræðu um umræðuna.

 

 

 

Sænsk þöggun, dönsk umræða

Varðberg segir frá heykslun dómsmálaráðherra Dana vegna innflytjendavanda í Svíþjóð. Svíar, segir sá danski, beita þöggun til að hylma yfir þá stöðu að sænska réttarríkið virkar ekki í innflytjendahverfum - þar ríkir lögleysa.

Danir tóku til umræðu það sem gerist á bakvið tjöldin í moskum þar í landi. Sjónvarpsþættir TV2 afhjúpuðu að siðferði múslíma samrýmist ekki dönskum gildum. Dagblaðaumræða í kjölfarið dýpkaði skilning manna á þeim vanda sem við er að etja.

Kjarni málsins er að trúarmenning múslíma, siðir þeirra og hættir, samrýmast ekki vestrænum lífsháttum.

Málþóf og öryggisventlar lýðræðisins

Eftir hrun varð málþóf á alþingi birtingarmynd pólitískrar upplausnar. Málþófið var afleiðing, og hún fremur mild, t.d. í samanburði við götuóeirðir.

Tillaga um að stemma stigu við málþófi með ákvæðum um þjóðaratkvæði er hættuleg og myndi fremur auka málþóf en minnka. Í þjóðaratkvæði eru fylkingar og dilkadrátturinn byrjar á alþingi. Ef þjóðaratkvæði yrði innleitt sem reglulegt fyrirbæri er hætt við að málþóf yrði notað til að framkalla þjóðaratkvæðagreiðslu í máli sem með réttu er alþingis að ákveða.

Almennar kosningar er traustur og reyndur öryggisventill lýðræðisins. Sé litið til reynslunnar eftir hrun er ekki hægt að segja annað en að öryggisventillinn virki.

Þjóðaratkvæðagreiðslurnar um Icesave eru afbrigði, sem virkuðu undir sérstökum kringumstæðum. Tilraunir vinstristjórnar Jóhönnu Sig. um þjóðaratkvæði vegna kosninga til stjórnlagaþings annars vegar og hins vegar um stjórnarskrárdrög mistókust.

Breytum ekki fyrirkomulagi sem virkar.

Níu í fullri vinnu við málþóf

Léttvæg vantrú

Vantrúaður lögmaður óttast að gagnrýni sem hann kynni að hafa í frammi gagnvart múslímatrú yrði notuð af fólki með aðrar skoðanir en hann sjálfur. Skilaboð lögmannsins eru að betur heima setið en af stað farið með gagnrýni á trúarbrögð sem hann þó telur að séu ,,þau skaðlegustu á hnettinum."

Rökleg niðurstaða lögmannsins er að gagnrýna skuli fremur þau trúarbrögð sem eru saklaus í samanburði við íslam - til að lenda ekki í félagsskap ósamboðnum vantrúarfólki.

Ef maður er sannfærður um eitthvað, t.d. að trúarbrögð séu blekking, en ákveður jafnframt að láta vera að gagnrýna ekki skaðlegustu blekkinguna er sannfæringin harla lítils virði.

Gagnrýni, hvort heldur í trúmálum, pólitík eða menningunni almennt, er framlag til umræðu. Hvernig umræðan þróast, þ.e. hverjir taka undir eða grípa til andmæla, er aukaatriði ef gagnrýnin er sett fram af heilindum.

 

Costco-áhrifin

Í næsta mánuði opnar í Garðabæ ein stærsta smásöluverslun í heimi. Costco býður einnig eldsneyti. Líklegt er að Hagar telji nauðsynlegt að mæta Costco í sem flestum vöruflokkum og kaupi þess vegna Olís.

Costco eykur samkeppni í smásöluverslun sem er í höndum örfárra aðila sem skipta markaðnum bróðurlega á milli sín.

Aukin samkeppni ætti að leiða til aukinnar hagræðingar og lægra vöruverðs.

Hagar kaupa Olíuverzlun Íslands